Aizaia 35
35
Soli din be kasi
1Tiŋgban’ nɛli ni ti mali suhupiɛlli,
ka tiŋgban’ kuŋ gba ti mali suhupiɛlli
ka bimpuma ti yirigi di ni m-be kaman taaŋkɔro la.
2Tiŋgban’ nɛli maa ni ti mali bimpuma pam, ka yili yila ni suhupiɛlli.
Di viɛlim ni ti be kaman Lɛbanɔn zoya zuɣu viɛlim ni be shɛm la,
ka di tiŋgbani vuhiri kaman Kamɛl Zoli
mini Sharɔn vinvamli la.
Ka sokam nya Yawɛ jilima
ni ti Naawuni maa ni galisi shɛm.
3 #
Hib 12.12
Kpaŋsimiya bɛn nuhi gbarigi la
mini bɛn duna gbarigi la.
4Yɛlim’ bɛnkam suhuri zɔhiri la,
“Maliya kpiɔŋ ka di zɔriya dabiɛm!
Yi Naawuni maa yɛn kamina
ti bɔhi yi dimnim’ biɛri tin ya,
ka tiligi ya.”
5Di saha zoomba nina ni ti neei,
ka tikpiranim’ wum.
6 #
Mat 11.5; Luk 7.22 Gbariti ni ti yiɣi jɛm
kaman waliga la,
ka biriti ti yili yila ni suhupiɛlli.
Kom ni ti zɔri yiri tiŋgbani
din nyɛ zaɣ’ nɛl’ la ni na.
Ka mɔɣa ti dɔni di ni.
7Ka mɔɣili dɔni bihigu
tiŋgban’ tulli shee;
ka tiŋgban’ kuŋ shee leei kɔbil’ nina.
Ka mɔri zooi lim kunduna
ni daa yi be luɣ’ shɛli.
8Solɔɣu ni ti be nimaani
ka di yuli booni “Soli din be kasi.”
Ninvuɣ’ shɛb’ bɛn be daɣiri ni
ti ku doli soli maa;
ka sochanda ŋun nyɛ jɛrigu gba
ti ku yirigi soli maa zuɣu.
9Gbuɣima ti ku be nimaani,
biŋkɔb’ biɛɣu mi
ti ku doli soli maa.
Ninvuɣ’ shɛb’ bɛn tiligi
kɔŋko nti yɛn dol’ li.
10Yawɛ niriba bɛn tiligi ni
ti yili yila kpe Jɛrusalɛm.
Bɛ suhugarigu mini bɛ
nandahima ni ti naai,
ka bɛ leei bɛn mali suhupiɛlli sahakam.
Currently Selected:
Aizaia 35: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
