Aizaia 34
34
Naawuni ni darig’ o dimnim’ tibili
1Zuliya kam ni niriba, kamiyana ti wum!
Daadamnima, Wummiya!
Dunia mini bɛnkam be di ni zaŋ tabili binshɛɣukam zaa,
kamiyana ti wum!
2Yawɛ suhu yiɣisi bahi zuliya kam niriba zuɣu.
O suhu yiɣisi bahi bɛ tɔbbihi zuɣu,
ka zali ni o ni ku ba.
3Bɛ kpiimba ni ti yɛrigi luɣilikam,
ka bɛ nyom yaɣi;
ka bɛ ʒim ti zɔri teeni zoya zuɣu.
4 #
Mat 24.29; Maak 13.25; Luk 21.26; Kah 6.13-14 Wuntaŋ’ mini goli ni saŋmarisi ti ku lan beni,
ka sagbana ti kpabikpabi kaman sɔŋ la;
ka saŋmarisi ti luna
kaman wain tia vari la
bee kaman fiig tia wala ni suuri luri shɛm la.
5Yawɛ yi ti sahi o takɔbi maa naai alizanda ni,
o ni zaŋ li lu Ɛdomnim’
bɛn nyɛ o ni zali ni o ku shɛb’ la zuɣu.
6Bɛ ʒim mini bɛ kpam ni ti ŋam Yawɛ takɔb’ maa
kaman bɛ ni zaŋ piɛ’ shɛb’
mini bu’ shɛb’ mali sara ʒim ni bɛ kpam la.
Dama Yawɛ ni mali sara Bɔzira.
O ni ku niriba pam Ɛdom tiŋgbɔŋ ni.
7Daadamnim’ mini yɔnaɣila’ kara
ni naɣila’ pola zaa ni ti lu n-doya.
Bɛ ʒim ni ti zo n-tiɛli bɛ tiŋgbani,
ka tiŋgbani maa nyu bɛ kpam tiɣi.
8Dama Yawɛ zali biɛri bɔhibu dabisili.
O mi ni bɔhi biɛri maa ti Ziɔn.
9Ka Ɛdom mɔɣa leei kootaali,
ka di tiŋgbani leei chilibi,
ka di tiŋgbani maa taai buɣim di kaman kootaali la.
10 #
Kah 14.11; 19.3 Buɣim ni di li wuntaŋ’ ni mini yuŋ zaa,
ka di nyɔhi kpuɣi du zuɣusaa sahakam.
Ka di tiŋgbani ni leei tiŋgban’ nɛli doya ʒiɛmani kam ni;
ka so ku lan ka di ni na.
11Ka viri mini kahiŋkɔri zaŋ li leei bɛ biɛhigu shee.
Ka Yawɛ chɛ ka di lan leei tiŋgban’ kpiŋ yaha,
kaman di ni daa pun be shɛm.
12Naa ti ku lan beni n-su bɛ tiŋgbɔŋ maa,
ka nabihi zaa ti ku lan beni.
13Gɔhi ni ti zibigi bɛ nam yiya ni
mini goma ni gili bɛ tin’ shɛŋa ni,
ka yɔbahi mini viri ni be nimaani.
14Ka nimaani leei jɛŋgbina mini kunduna gɔbu shee,
ka alizinnim’ be nimaani booni taba;
ka Lilit#34.14 LILIT: O daa nyɛla alizin’ paɣa, ka niriba daa niŋ yɛda ni o bela tiŋgban’ nɛli ni. ni kani nimaani na
ti vuhira.
15Viri ni ti te bɛ tɛri nimaani
n-nye gala wɔɣi,
ka dihiri bɛ bihi maa nimaani.
Juri gba ni ti laɣindi nimaani.
16Vihimi Yawɛ kundi ni n-karim di ni yɛli shɛm.
Biŋkɔbiri ŋɔ zaɣ’ yino ku pooi,
ka bɛ mi zaa so ku kɔŋ bala.
Dama Yawɛ n-zali ni di niŋ lala.
Omaŋmaŋ’ Shia ni laɣim ba na.
17 #
Aiz 63.1-6; Jɛr 49.7-22; Ɛzɛk 25.12-14; 35.1-15; Amɔs 1.11-12; Oba 1-14; Mal 1.2-5 Ŋuna n-yɛn pirigi tiŋgbani maa
n-wuhi di tarisi ni nyɛ shɛm n-zaŋ li tari ba;
ka bɛ kul su li sahakam,
ka be di ni ʒiɛmani kam ni.
Currently Selected:
Aizaia 34: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
