Hozia 14
14
1Yinim’ Izraɛlnima, labimiya Yawɛ ŋun nyɛ yi Naawuni ŋɔ sani,
dama yi tuumbiɛri zuɣu ka yi daa tuui lu.
2Zaŋmiya yi ni yɛn yɛli yɛtɔɣ’ shɛŋa labi Yawɛ sani ti yɛl’ o,
“Kpihimmi ti daalahichi zaa,
ka deei ti tuun’ shɛŋa din viɛla,
ka ti paɣir’ a kaman di ni simdi ni ti paɣir’ a shɛm.
3Asirianim’ ku tooi tiligi ti,
ti ku lan ba yuri yaha,
ti mi ku lan boli ti ni zaŋ
ti nuhi mali binshɛŋa la ti Naawuni.
Yɛlimaŋli, kpibiga nya nambɔzɔbo.”
Naawuni lo alikauli ni o ti Izraɛlnim’ nyɛvili palli
4N ni lan kpaŋsi bɛ ʒiɛyimtali n sani.
N ni yuri ba ni n suhu zaa,
dama n suhuyiɣisili
zaŋ chaŋ bɛ sani maaya.
5N ni be Izraɛlnim’ sani kaman maligim la.
Bɛ ni ti pum puma kaman
paɣiviɛligakushihikom la.
Bɛ ni ti ba nyaɣa kaman nyoo la.
6Bɛ ni teei wula,
ka bɛ viɛlim ti ŋman’
olivi tihi viɛlim.
Ka bɛ nyom ti viɛl’
kaman Lɛbanɔn nyom la.
7Bɛ ni ti labina ti ʒini m mahim.
Bɛ ni ti yirigi puma
kaman sambani puu la.
Bɛ ni ti wali wala
kaman wain tia la,
ka bɛ nyom viɛlim ni ti ŋmanila
Lɛbanɔn wain nyom viɛlim.
8Ifriimnima, buɣa bukaata
lee nyɛ bɔ yi sani?
Mani n-nyɛ ŋun wumdi yi suhigu,
ka lihiri ya.
N ŋmanila sipirɛs tia din vari
kul mahi ʒiɛya sahakam la.
Yi bidɔɣiligu yirila
n kɔbili ni na.
Din bahindi nyaaŋa
9Ŋun mali yɛm, ŋun baŋmi dimbɔŋɔ gbinni.
Ŋun nyɛ baŋda, ŋun baŋmi li.
Dama Yawɛ soya nyɛla yɛlimaŋli soya,
ka wuntizɔriba dol’ li,
amaa alahichinim’ bɛn’ tuuri la di zuɣu.
Currently Selected:
Hozia 14: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
