Hozia 13
13
Izraɛlnim’ saria karibu din bahindi nyaaŋa
1Ifriimnim’ daa yi tɔɣisi yɛtɔɣa, niriba niŋgbuna sɔhirimi,
bɛ daa tibigi ba pam Izraɛl tiŋgbɔŋ ni.
Amaa ka bɛ daa ti jɛmdi Baal,
ka di zuɣu chɛ ka bɛ tum alahichi ka kpi.
2Ka pumpɔŋɔ bɛ na kul tumdila alahichi pahira.
Bɛ zaŋ kuriti mali binnana,
ka baŋsimnim’ dooi anzinfa mali buɣa,
ka di zaa nyɛ machɛl’ ni mali shɛli,
ka bɛ yɛri niriba, “Malimiya buɣa ŋɔ.”
Ka ninsalinim’ jɛmdi naɣibihi.
3Dinzuɣu bɛ ni ti ŋmanila asiba paɣili
bee maligim din kpahi lu bi to la
bee bɛ ni yɛli kabɔɣili ni wurigu shɛli bahi la
bee nyɔhi din yiri takɔro ni la.
4Mani n-nyɛ Yawɛ ŋun nyɛ yi Naawuni
ŋun daa yihi ya Ijipti tiŋgbɔŋ ni na la.
Yi daa bi mi Naawuni so, naɣila mani.
Ka tiligira so kani pahi n zuɣu.
5Mani n-daa guli ya mɔɣu ni tiŋgban’ kuŋ ni.
6 #
Zal 8.11-17
Amaa bɛ ni daa ti di n-tiɣi,
ka di wuhi ni bɛ tiɣiya
ka bɛ daa zaŋ karimbaani kpɛhi bɛ suhuri ni,
dinzuɣu ka bɛ tam n yɛla.
7Dinzuɣu n ni liri ba kaman gbuɣinli ni liriti binyara shɛm la,
n ni dɔni sol’ naŋgban’ kpaŋ’ gu ba
kaman jɛŋgbini ni doya gu binyara shɛm la.
8Kaman bɛ ni gbahi jɛŋgbini bihi ka o suhu yiɣisi shɛm la,
lala ka n suhu ni yiɣisi bahi bɛ zuɣu.
N ni dari tɔhi ba,
ka ŋub’ ba kaman gbuɣinli la,
kaman mɔɣu ni biŋkɔbiri ŋ-ŋub’ ba la.
9Yinim’ Izraɛlnima, n ni kun ya,
ka ŋuni n-lee ni tooi sɔŋ ya?
10 #
1 Sam 8.5-6
Yi daa yɛliya, “Tim’ ti naa mini kpambaliba.”
Yi naa maa lee be ya pumpɔŋɔ n-ni tooi tiligi ya?
Yi kpambaliba maa lee be ya
n-ni tooi zabi yi zuɣu?
11 #
1 Sam 10.17-24; 15.26 N daa je suli n-tin ya nanima,
ka n suhu ti yiɣisi,
ka n lan deei ba ka chɛn ya.
12N sabi Ifriimnim’ tuumbiɛri sɔŋ,
n zaŋ bɛ daalahichi maa niŋ sɔɣisili shee.
13Biɛrim shɛli din mali ba ŋmanila paɣ’ ni yɛn dɔɣi
ka biɛrim shɛli mal’ o la.
Bɛ ŋmanila bi’ jɛrigu
ŋun bi bɔri ni o yi o ma pul’ ni na.
14 #
1 Kɔr 15.55
N tiligim’ ba kpiimba biɛhigu shee chandi?
N tiligim’ ba kum ni?
Nyin’ kum, a daalɔbɔnim’ la lee be ya?
Nyin’ kpiimba biɛhigu shee,
a bahiyol’ la lee be ya?
N nini bi lan zɔri nambɔɣu.
15Hal bɛ yi ti zoori kaman momaha la,
Yawɛ pɔhim ni yi wulimpuhili polo mɔɣu ni na
nti ʒe nyuui bɛ kɔbilnina,
ka bɛ kɔzɔrima nyuui.
Ka di ʒe bɛ tiŋgbani maa ni daazichi zaa chaŋ.
16Samarianim’ ni ti ʒi bɛ tuumbiɛri zambu,
dama bɛ zaɣisi bɛ Naawuni.
Bɛ ni ti zaŋ takɔbi ku ba,
ka zaŋ bɛ biliɛri fiɛbi tiŋ’ chɛrisichɛrisi,
ka karigi bɛ paɣipuhinim’ puya.
Currently Selected:
Hozia 13: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
