Amɔs 3
3
1Izraɛlnima, wummiya Yawɛ ni mali yɛtɔɣ’ shɛli ni o yɛli yinim’ bɛn zaa nyɛ o ni daa yihi shɛb’ Ijipti na la:
2“Zuliya kam bɛn be dunia ŋɔ puuni,
yinim’ ka m pii,
dinzuɣu n ni darigi yi tibili
yi tuumbiɛri zaa zuɣu.”
Anabi tuma
3Niriba ayi noya yi bi pa taba,
bɛ ni tooi laɣim doli?
4Gbuɣinli ni ŋum yɔɣu ni
ka pa ni o nyala binshɛɣu?
Ka gbuɣimbil’ ni ŋum vol’ ni
ka pa ni o gbaala binshɛɣu?
5Nooŋa ni siɣi zana ni
ka bɛ bi bari li?
Ka tɔŋ ni tooi tɔhi
ka pa ni bɛ bari li mi
ka binshɛɣu no li?
6Kika’ biɛɣu ni kum tiŋ’ ni,
ka dabiɛm ku gbahi niriba?
Yɛlibiɛɣu ni niŋ tiŋ’ ni,
ka pa ni Yawɛ n-niŋ li?
7Yɛlimaŋli, ti Duuma NAAWUNI na ʒi n-niŋ shɛli
ka bi kahigi li wuh’ o daba bɛn nyɛ o daanabinima.
8Gbuɣinli yi ŋum,
ŋuni ka dabiɛm lee ku gbaai?
Ti Duuma NAAWUNI yi zaŋ o yɛligu yɛli,
ŋuni n-lee ni tooi zaɣisi
ni o ku zaŋ li tɔɣisi niriba.
9Yɛlim’ ninvuɣ’ shɛb’ bɛn be Ashidɔd nayiya
mini ninvuɣ’ shɛb’ bɛn be Ijipti tiŋgbɔŋ ni nayiya,
“Laɣimmiya Samaria zoya zuɣu nti nya taawaaye niŋbu
mini tuumbiɛ’ shɛŋa din tumdi nimaani.”
10Yawɛ yɛliya, “Bɛ bi mi bɛ ni yɛn niŋ shɛm tum din tuhi.
Bɛ zaŋla bɛ ni ʒe neen’ shɛŋa
mini bɛ ni fa neen’ shɛŋa m-pali bɛ nayiya.”
11Dinzuɣu yi Duuma NAAWUNI yɛliya,
“Yi dimnim’ ni kana nti teei gili yi tiŋgbɔŋ ŋɔ
n-saɣim yi ni zaŋ binshɛŋa taɣi yimaŋa,
ka ʒe yi nayiya nɛma maa.”
12Yawɛ yɛliya, “Piɛgula ni fari biŋgbaya ayi
bee bin’ tibichaɣu gbuɣinli nol’ ni shɛm la,
lala ka n fa Izraɛlnim’ bɛn be Samaria
n-do gar’ suma zuɣu la bahi.”
13Yi Duuma NAAWUNI ŋun nyɛ binnamda zaa Naawuni ŋɔ yɛliya,
“Wummiya, ka kpahi Yaakubu zuliya zuɣu ni yɛli
14 #
2 Nan 23.15
ni n ni ti yɛn darigi Izraɛlnim’ tibili
bɛ tuumbiɛri zuɣu dahin’ shɛli,
n ni ti saɣim Bɛtɛl sara maligu bimbina,
ka ŋme n-kabisi di lɔrisi ni tandaɣa din sansaya la bahi tiŋa.
15N ni saɣim kikaa saha yiya,
ka saɣim woligu saha yiya,
ka chɛ ka bɛ ni zaŋ wɔbinyina mali yiya shɛŋa lu n-dahim,
ka chɛ ka yiya din nyɛ zaɣ’ kara wum.
Man’ Yawɛ n-yɛli lala maa.”
Currently Selected:
Amɔs 3: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
