Amɔs 2
2
Mɔabnima
1Yawɛ yɛliya,
“Mɔabnim’ tuumbiɛri buta
ni bunahi zuɣu n ku chɛ bɛ tibili darigibu;
bɛ ni daa zaŋ Ɛdom naa kɔba
nyo buɣim la zuɣu.
2Dinzuɣu n ni chɛ ka buɣim di Ɛdomnim’ tiŋa
n-saɣim bɛ ni me goma gili luɣ’ shɛŋa Kɛriɔt la.
Ka Mɔabnim’ ni kpi tɔbu tuhibu vuri
mini tɔbbihi tahigu ni kikahi kumsi zuɣu.
3 #
Aiz 15.1—16.14; 25.10-12; Jɛr 48.1-47; Ɛzɛk 25.8-11; Zɛf 2.8-11 N ni ku bɛ naa,
ka ku bɛ nabihi zaa pah’ o zuɣu.”
Man’ Yawɛ n-yɛli lala maa.
Judanima
4Yawɛ yɛliya,
“Judanim’ tuumbiɛri buta ni bunahi zuɣu,
n ku chɛ bɛ tibili darigibu.
Dama bɛ zaɣisi Yawɛ zalikpana la,
ka bi dol’ o zaligu shɛŋa din pahi la,
amaa ka bɛ ʒiri ŋmabu chɛ ka bɛ birigi
n-doli bɛ yaannim’ ni daa doli so’ shɛŋa la.
5Dinzuɣu n ni chɛ ka buɣim di Judanima
n-saɣim bɛ ni me goma gili luɣ’ shɛŋa Jɛrusalɛm la.”
Naawuni darigi Izraɛlnim’ tibili
6Yawɛ yɛliya, “Izraɛlnim’ tuumbiɛri buta ni bunahi zuɣu,
n ku chɛ bɛ tibili darigibu,
dama bɛ zaŋ wuntizɔriba
n-kɔhi deei anzinfa laɣibaligu,
ka zaŋ nandaamba n-taɣi namda.
7Bɛ no n-taai nandaamba niŋ taŋkpaɣu ni,
ka daai bɛn diri wahala bahi,
ka doo min’ o ba laɣindi mali dabipaɣ’ yino.
Lala ka bɛ niŋ saɣim n yuli din be kasi la.
8Bɛ yɛri binyɛri’ shɛŋa bɛ ni zaŋ pa talima
n-dooni bimbini kam gbini,
ka nyuri wain shɛli bɛ ni deei
bɛ sandiriba sani bɛ Naawuni jɛmbu duu.
9 #
Zal 3.8-11
“Amaa yi zuɣu ka n daa ku Amɔrinima
daa wɔɣawɔɣa kaman sida tihi,
ka mali yaa kaman oki tihi la.
N daa ku bɛ mini bɛ bihi zaa.
10N daa lan yihi ya Ijipti tiŋgbɔŋ ni na
m mali ya be mɔɣu ni yuun’ pihinahi
ni yi deei Amɔrinim’ tiŋgbɔŋ su.
11 #
Kal 6.1-8
Ka n daa pii yi bi’ shɛba n-leeg’ anabinima,
ka pii yi nachimba shɛba n-leei Nazarinima.#2.11 NAZARINIMA: Bɛ daa nyɛla ninvuɣ’ shɛb’ bɛn zaŋ bɛmaŋ’ ti Naawuni, ka pɔ pɔri di zuɣu ni bɛ ku nyu wain bee n-shihi kpima. (Lihimi Kal 6.1-8 puuni).
Izraɛlnima, bee pa lala n-nyɛ li?
Man’ Yawɛ n-yɛli lala maa.
12Amaa ka yi chɛ ka Nazarinim’ maa nyuri wain,
ka yɛri anabinima ni bɛ miri ka bɛ tɔɣisiri Naawuni yɛtɔɣa.
13Nyama, n ni dihi ya sɔŋ tiŋa yi biɛhigu shee
kaman bɛ ni vari kabɔba
m-marigiri taba tɔroko lɔɣu ni shɛm la.
14Tizɔra ti ku tooi zo n-tiligi,
ka yaalana ti kɔŋ kpiɔŋ,
ka kpiɔŋlana ti ku tooi tilig’ omaŋa.
15Ninvuɣ’ so ŋun gbibi tɔbu ti ku tooi zani,
ka ŋun tooi zɔri pam ti ku tooi tilig’ omaŋa,
ka wɔribara gba ti ku tooi tilig’ omaŋa.
16Dindali maa tɔbbihi bɛn mali suhukpeeni
ni ti zaŋ bɛ bidibbina bahi ka zo ni nuzaŋa.
Man’ Yawɛ n-yɛli lala maa.”
Currently Selected:
Amɔs 2: RLDB
Highlight
Share
Copy
Want to have your highlights saved across all your devices? Sign up or sign in
Red Letter Dagbani Bible © Bible Society of Ghana, 2011
