ECLESIÁSTICO 45
45
Moisesmanta
1Israel ayllu ukhupi karqa uj runa Moisés sutiyoj. Paytaqa tukuy runas munakoj kanku. Paymin Diosmantapis runasmantapis munakusqa karqa. Paymin Moisés, pimantachus tukuy runas munakuywan yuyarikunku.
2Señorqa payta pataman churarqa, imaynatachus santoswan ruwan, ajinata. Señorqa runas ukhupipis payta aswan atiyniyojta rikhuricherqa.
3Moisés mañakushajtin, Señorqa t'ukunasta ruwarqa reykunaj ñaupaqenkupi. Diosninchej payta ajllakorqa paypa ayllunta kamachinampaj. Diosninchej paymanqa lliphipej atiyninta rikucherqa.
4Moisesqa Diosman k'askasqapuni karqa, llamp'u sonqoyojtaj karqa. Chayrayku, Diosninchej tukuy runasmantaqa paytapuni ajllakorqa.
5Diosninchej uyarichikorqa Moiseswan. Diosninchej Moisesta yaykucherqa phatu phuyu ukhuman. Paymantaj willaykorqa runasman kamachikusqasninta, kausayniyoj kanapaj leyta, yachayniyoj kanapaj leytapis. Chaytaqa Moisesman willarqa, israelitasman yachachinampaj, Jacobpa ayllunman. Israelitasman Moisés yachacherqa Diospa kamachisqasninta, yachachisqasninta, munayninta ima.
Aaronmanta
6Diosqa ajllakullarqataj Moisespa wauqen Aaronta, Leví ayllumanta kajta.
7Diosqa Aaronwan ruwarqa uj mana tukukoj tratota. Diosqa Aaronta ajllakorqa sacerdote kanampaj, ajinamanta israelitasta yanapanampaj. Diosqa Aarompa umanman churarqa waka wajrasta yachakunampaj atiyniyoj kasqanta, kusicherqataj k'acha p'achaswan p'achallichispa.
8K'acha p'achaswan payta p'achallicherqa: Ukhu p'achawan, jawa p'achawan, efod nisqa p'achawantaj.
9P'achallicherqataj uj campanillasniyoj chumpita. Aarón purikusajtin, chay campanillasqa sonaj kanku. Chaytaj, templopi uyarikorqa. Ajinamanta, runasqa yachaj kanku chaypi Aarón purikusqanta.
10Sacerdotej p'achasnin qori warawasniyoj karqa, kulli colorniyoj, puka colorniyojtaj, k'achata ruwasqas. Chantaqa, cheqanyachinampaj unkun, efod nisqa p'achapis, chumpimpis puka q'aytuwan awasqa karqa.
11Walqanqa k'acha rumisniyoj karqa. Sapa rumipi qelqasqa karqa chunka iskayniyoj ayllusmanta sutis, sapa rumipi uj suti, sacerdote yuyarikunampaj Israel ayllusmanta.
12Ch'ulun patapi uj k'acha rumi kallarqataj. Chaypitaj qelqasqa karqa kay jina; Diospa ajllasqan. Chayqa rikhurichin sacerdoteqa may patapi churasqa kasqanta. Chay rumeqa may k'acha, qhawanapaj jinapuni.
13Ñaupajtaqa mana ni ima karqachu jina k'achitu. Ni mayqen runallapis chay jinata p'achallikorqachoqa! Aarompa wawasnillan ajinata p'achallikuyta atinku, paykunamanta jamojkuna runaspis.
14Mikhuna jaywasqankuta tukuyta ruphaykuchinku, iskay kutita sapa día. Chaytaj ruwakunan tiyan wiñayta.
15Moisesqa Aaronta bendiciykorqa payta jawispa santo aceitewan. Chay kutimantapacha ajllasqas kanku, paypis wawasnimpis wiñaypaj. Paykunaqa Señorman k'umuykukunanku tiyan sacerdotes kaspa, bendicinankutaj tiyan runasta Diospa sutimpi.
16Paytaqa Dios ajllakorqa tukuy runasmanta ñaupajta, Diosman jaywanampaj rikuchikustawan wiratawan, inciensota q'osñichinampaj, q'apaykuchinampajtaj. Ajinamanta, Diosmanta mañakunampaj perdonta Israel ayllupaj.
17Diosqa Aaronman willaykorqa kamachikusqasninta, paytataj churarqa leykunata ruwanampaj, cheqanyachinampajtaj. Chantaqa, nerqa runasman Diospa leyninta yachachinanta tukuy Diospa nisqasnintawan.
18Waj ayllusmanta kajkunaqa Aarompaj phiñakorqanku. Paywan churanakorqanku envidiakuspa ch'in pampapi. Datanwantaj, Abirawantaj, Corewantaj purejkunaqa anchata phiñakorqanku.
19Chayta rikuspaqa, Señor mayta phiñakorqa. Phiñakuspataj, paykunata chinkacherqa. Milagrota ruwaspa wañucherqa ninawan ruphaykuchispa.
20Chaymantataj, Aarompa sutin aswan pataman churasqa karqa. Diosqa payman uj chayaqeta qorqa. Chayaqenqa kay jina karqa: Aaronqa aterqa jap'ikapuyta mikhunasta Diosman jaywasqa kajman chaykunamanta.
21Chantaqa, Diosqa nerqa jap'ikunanta rikuchikusmanta, Diosman qonku ruphachisqa kananta chaykunamanta. Paypaj, wawasnimpajpis qollasqataj karqa, Señorman qonku chay t'antastapis.
22Diosqa mana qorqachu payman uj jallp'ata, imaynatachus wajkunaman qorqa ajinata. Chayaqenku, israelitas ukhupi, imachus Diosman jaywasqa kashan chaylla.
Fineesmanta
23Chaykunaj qhepankupi, kinsa kajqa chayamun Finees, Eleazarpa wawan. Payqa tukuy sonqo munarqa Señor munakusqa kananta. Payqa Diosmanta tukuy sonqo mañakorqa israelita runaspaj. Ajinamanta, payrayku Diosqa israelitasta perdonarqa.
24Chayrayku Diosqa paywampis ruwallarqataj uj munanakuy tratota. Chayraykullataj Diosqa nerqa templopi Diosta sirvinanta. Ajinamanta, paypis, wawasnimpis kuraj sacerdotes kanku wiñaypaj.
25Diosqa ruwallarqataj uj tratota Isaéj wawan Davidwan, pichus Judá ayllumanta karqa. Reymanqa tukunan tiyan kikin reypa wawampuni. Aarompa chayaqentaj tukuy paymanta jamojkunaman chayamun.
26Diospa sutinta yupaychaychej, sumaj kasqanrayku. Payqa pataman churasorqachej, yachaytataj qosorqachej, Diospa ayllunta sumajta cheqanyachiyta atinaykichejpaj. Ajinamanta, kusisqapuni kausasqaykichejtaj mana tukukonqachu ni jayk'aj.
Currently Selected:
ECLESIÁSTICO 45: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 45
45
Moisesmanta
1Israel ayllu ukhupi karqa uj runa Moisés sutiyoj. Paytaqa tukuy runas munakoj kanku. Paymin Diosmantapis runasmantapis munakusqa karqa. Paymin Moisés, pimantachus tukuy runas munakuywan yuyarikunku.
2Señorqa payta pataman churarqa, imaynatachus santoswan ruwan, ajinata. Señorqa runas ukhupipis payta aswan atiyniyojta rikhuricherqa.
3Moisés mañakushajtin, Señorqa t'ukunasta ruwarqa reykunaj ñaupaqenkupi. Diosninchej payta ajllakorqa paypa ayllunta kamachinampaj. Diosninchej paymanqa lliphipej atiyninta rikucherqa.
4Moisesqa Diosman k'askasqapuni karqa, llamp'u sonqoyojtaj karqa. Chayrayku, Diosninchej tukuy runasmantaqa paytapuni ajllakorqa.
5Diosninchej uyarichikorqa Moiseswan. Diosninchej Moisesta yaykucherqa phatu phuyu ukhuman. Paymantaj willaykorqa runasman kamachikusqasninta, kausayniyoj kanapaj leyta, yachayniyoj kanapaj leytapis. Chaytaqa Moisesman willarqa, israelitasman yachachinampaj, Jacobpa ayllunman. Israelitasman Moisés yachacherqa Diospa kamachisqasninta, yachachisqasninta, munayninta ima.
Aaronmanta
6Diosqa ajllakullarqataj Moisespa wauqen Aaronta, Leví ayllumanta kajta.
7Diosqa Aaronwan ruwarqa uj mana tukukoj tratota. Diosqa Aaronta ajllakorqa sacerdote kanampaj, ajinamanta israelitasta yanapanampaj. Diosqa Aarompa umanman churarqa waka wajrasta yachakunampaj atiyniyoj kasqanta, kusicherqataj k'acha p'achaswan p'achallichispa.
8K'acha p'achaswan payta p'achallicherqa: Ukhu p'achawan, jawa p'achawan, efod nisqa p'achawantaj.
9P'achallicherqataj uj campanillasniyoj chumpita. Aarón purikusajtin, chay campanillasqa sonaj kanku. Chaytaj, templopi uyarikorqa. Ajinamanta, runasqa yachaj kanku chaypi Aarón purikusqanta.
10Sacerdotej p'achasnin qori warawasniyoj karqa, kulli colorniyoj, puka colorniyojtaj, k'achata ruwasqas. Chantaqa, cheqanyachinampaj unkun, efod nisqa p'achapis, chumpimpis puka q'aytuwan awasqa karqa.
11Walqanqa k'acha rumisniyoj karqa. Sapa rumipi qelqasqa karqa chunka iskayniyoj ayllusmanta sutis, sapa rumipi uj suti, sacerdote yuyarikunampaj Israel ayllusmanta.
12Ch'ulun patapi uj k'acha rumi kallarqataj. Chaypitaj qelqasqa karqa kay jina; Diospa ajllasqan. Chayqa rikhurichin sacerdoteqa may patapi churasqa kasqanta. Chay rumeqa may k'acha, qhawanapaj jinapuni.
13Ñaupajtaqa mana ni ima karqachu jina k'achitu. Ni mayqen runallapis chay jinata p'achallikorqachoqa! Aarompa wawasnillan ajinata p'achallikuyta atinku, paykunamanta jamojkuna runaspis.
14Mikhuna jaywasqankuta tukuyta ruphaykuchinku, iskay kutita sapa día. Chaytaj ruwakunan tiyan wiñayta.
15Moisesqa Aaronta bendiciykorqa payta jawispa santo aceitewan. Chay kutimantapacha ajllasqas kanku, paypis wawasnimpis wiñaypaj. Paykunaqa Señorman k'umuykukunanku tiyan sacerdotes kaspa, bendicinankutaj tiyan runasta Diospa sutimpi.
16Paytaqa Dios ajllakorqa tukuy runasmanta ñaupajta, Diosman jaywanampaj rikuchikustawan wiratawan, inciensota q'osñichinampaj, q'apaykuchinampajtaj. Ajinamanta, Diosmanta mañakunampaj perdonta Israel ayllupaj.
17Diosqa Aaronman willaykorqa kamachikusqasninta, paytataj churarqa leykunata ruwanampaj, cheqanyachinampajtaj. Chantaqa, nerqa runasman Diospa leyninta yachachinanta tukuy Diospa nisqasnintawan.
18Waj ayllusmanta kajkunaqa Aarompaj phiñakorqanku. Paywan churanakorqanku envidiakuspa ch'in pampapi. Datanwantaj, Abirawantaj, Corewantaj purejkunaqa anchata phiñakorqanku.
19Chayta rikuspaqa, Señor mayta phiñakorqa. Phiñakuspataj, paykunata chinkacherqa. Milagrota ruwaspa wañucherqa ninawan ruphaykuchispa.
20Chaymantataj, Aarompa sutin aswan pataman churasqa karqa. Diosqa payman uj chayaqeta qorqa. Chayaqenqa kay jina karqa: Aaronqa aterqa jap'ikapuyta mikhunasta Diosman jaywasqa kajman chaykunamanta.
21Chantaqa, Diosqa nerqa jap'ikunanta rikuchikusmanta, Diosman qonku ruphachisqa kananta chaykunamanta. Paypaj, wawasnimpajpis qollasqataj karqa, Señorman qonku chay t'antastapis.
22Diosqa mana qorqachu payman uj jallp'ata, imaynatachus wajkunaman qorqa ajinata. Chayaqenku, israelitas ukhupi, imachus Diosman jaywasqa kashan chaylla.
Fineesmanta
23Chaykunaj qhepankupi, kinsa kajqa chayamun Finees, Eleazarpa wawan. Payqa tukuy sonqo munarqa Señor munakusqa kananta. Payqa Diosmanta tukuy sonqo mañakorqa israelita runaspaj. Ajinamanta, payrayku Diosqa israelitasta perdonarqa.
24Chayrayku Diosqa paywampis ruwallarqataj uj munanakuy tratota. Chayraykullataj Diosqa nerqa templopi Diosta sirvinanta. Ajinamanta, paypis, wawasnimpis kuraj sacerdotes kanku wiñaypaj.
25Diosqa ruwallarqataj uj tratota Isaéj wawan Davidwan, pichus Judá ayllumanta karqa. Reymanqa tukunan tiyan kikin reypa wawampuni. Aarompa chayaqentaj tukuy paymanta jamojkunaman chayamun.
26Diospa sutinta yupaychaychej, sumaj kasqanrayku. Payqa pataman churasorqachej, yachaytataj qosorqachej, Diospa ayllunta sumajta cheqanyachiyta atinaykichejpaj. Ajinamanta, kusisqapuni kausasqaykichejtaj mana tukukonqachu ni jayk'aj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.