ECLESIÁSTICO 46
46
Josuemantawan Calebmantawan
1Numpa wawan Josué may wapu runa karqa. Payqa yanaparqa Moisesta Diospa sutimpi ruwasqasnimpi. Kikin sutimpuni willashan pay churasqa kasqanta Diospa ajllasqasninta salvachinampaj. Churasqallataj karqa Diosta chejnikojkunata castiganampaj. Chantaqa, israelitasman qopunampaj chayaqenkuta.
2Runasqa t'ukoj kanku payta espadayojta rikuspa, rikuspataj makin oqharisqa kachaykukojta llajtasman.
3Señorpa sutimpi rishajtin maqanakoj, mana ni pi aterqachu paypa ñaupaqempi sayariyta.
4Paynejta intipis sayarqa. Chantapis, uj kuti, uj p'unchayqa iskayman tukorqa.
5Josueqa, contrasnin tukuynejmanta payman jamushajtinku, Diosmanta mañakojpuni. Diostaj uyarikoj kachamuspa contrasman chijchita, rumita jina.
6Bet-horón lomaspi chijcheqa uraykamorqa contraspa patankuman. Chaypachallapitaj t'unarasqas karqanku. Ajinamanta, chay runasqa, yacharqankuña Señorqa ayllunta yanapasqanta maqanakuspi.
7Josueqa tukuy sonqo Señorpa qhepampi purejpuni. Moisés kausakushajtin, cheqan ñanmanta mana karunchakorqachu. Josuewan, Jefnej wawan Calebwan sinch'ita sayarqanku runas Diospa contrampi oqharikushajtinku. Iskayninku runasta karuncharqanku Diospa phiñakuyninmanta. Ch'inyacherqankutaj Diospaj rimajkunata.
8Chayrayku, paykunalla sojta pachaj waranqa israelitas ukhupi kausallarqanku yaykuyta atinankupaj chay jallp'aman, maypichus lechetaj misk'itaj yaku jina p'utumushan chayman.
9Señorqa Calebman kallpata qorqa machuña kanankama. Ajinamanta, jap'ikapuyta aterqa pata cheqasta. Wawasnimpis chay chayaqeta jap'ikapullarqanku.
10Ajinamanta, tukuy israelitas yacharqanku sumajpuni kasqanta Diospa qhepampi puriy.
Samuelmanta
11Juecesmantapis yuyarikullasajtaj. Paykunaqa tukuy sonqo munakullarqankupuni Diosninchejta. Mana paymanta karunchakorqankuchu. Chay runasmantaqa yuyarikunapuni.
12Tullusnin sepulturasninkumanta llojsimuchunku kausarimuspa. Sutisninkutaj munakuywan apasqapuni kachunku wawasninku ukhupi.
13Samuelqa jueztaj sacerdotetaj karqa. Paytaqa runas munakoj kanku. Diospis payta munakullarqataj. Samueltaqa Dios ajllakorqa mana nacekushajtinraj. Diosmanta ajllasqa karqa Diospa sutimpi runasman parlanampaj. Dios payman parlasqanrayku uj reyta qorqa Israel aylluman. Paypuni jawej israelitasta kamachejkunata.
14Dios nisqanrayku, paypis runasta kamacherqa. Jacobpa jarakusqasnintapis Diospa sutimpi qhawarqa.
15Diospa sutimpi cheqan kajta parlasqanrayku, runasqa payta tapukoj kanku. Simenqa cheqan kajllata parlaj.
16Samuelqa Diosmanta mañakullajpuni, paypa contrasnin tukuynejmanta contrampi kachaykukushajtinku. Samuelqa Diosman jaywarqa uj cordero uñata.
17Señortaj janaj pachamanta uj qhon qhonta uyaricherqa. Sonasqanta may sinch'i karqa.
18Samuelqa atiparqa contrampi sayarej kamachejkunata. Filisteo kamachejkunatapis chinkacherqa.
19Samuelqa, wañuy patapiña kashajtin, kayta nerqa Diospa ñaupaqempi. Diospa ajllakusqan reypa ñaupaqempipis: Noqaqa mana ni piwan lluk'ichikojchu kani. Ni juk'utasllatapis qochikojchu kani. Tukuy runastaj ajnatapuni kasqanta nerqanku. Umayoj runapuni karqa wañupunankama, Señorpa ñaupaqempi runaspa ñaupaqenkupipis.
20Wañusqaña kashajtimpis, payta tapukorqanku. Reyman willakusqaqa imatachus payman pasananta. Sepulturamantapacha Diospa sutimpi parlarqa.
Currently Selected:
ECLESIÁSTICO 46: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
ECLESIÁSTICO 46
46
Josuemantawan Calebmantawan
1Numpa wawan Josué may wapu runa karqa. Payqa yanaparqa Moisesta Diospa sutimpi ruwasqasnimpi. Kikin sutimpuni willashan pay churasqa kasqanta Diospa ajllasqasninta salvachinampaj. Churasqallataj karqa Diosta chejnikojkunata castiganampaj. Chantaqa, israelitasman qopunampaj chayaqenkuta.
2Runasqa t'ukoj kanku payta espadayojta rikuspa, rikuspataj makin oqharisqa kachaykukojta llajtasman.
3Señorpa sutimpi rishajtin maqanakoj, mana ni pi aterqachu paypa ñaupaqempi sayariyta.
4Paynejta intipis sayarqa. Chantapis, uj kuti, uj p'unchayqa iskayman tukorqa.
5Josueqa, contrasnin tukuynejmanta payman jamushajtinku, Diosmanta mañakojpuni. Diostaj uyarikoj kachamuspa contrasman chijchita, rumita jina.
6Bet-horón lomaspi chijcheqa uraykamorqa contraspa patankuman. Chaypachallapitaj t'unarasqas karqanku. Ajinamanta, chay runasqa, yacharqankuña Señorqa ayllunta yanapasqanta maqanakuspi.
7Josueqa tukuy sonqo Señorpa qhepampi purejpuni. Moisés kausakushajtin, cheqan ñanmanta mana karunchakorqachu. Josuewan, Jefnej wawan Calebwan sinch'ita sayarqanku runas Diospa contrampi oqharikushajtinku. Iskayninku runasta karuncharqanku Diospa phiñakuyninmanta. Ch'inyacherqankutaj Diospaj rimajkunata.
8Chayrayku, paykunalla sojta pachaj waranqa israelitas ukhupi kausallarqanku yaykuyta atinankupaj chay jallp'aman, maypichus lechetaj misk'itaj yaku jina p'utumushan chayman.
9Señorqa Calebman kallpata qorqa machuña kanankama. Ajinamanta, jap'ikapuyta aterqa pata cheqasta. Wawasnimpis chay chayaqeta jap'ikapullarqanku.
10Ajinamanta, tukuy israelitas yacharqanku sumajpuni kasqanta Diospa qhepampi puriy.
Samuelmanta
11Juecesmantapis yuyarikullasajtaj. Paykunaqa tukuy sonqo munakullarqankupuni Diosninchejta. Mana paymanta karunchakorqankuchu. Chay runasmantaqa yuyarikunapuni.
12Tullusnin sepulturasninkumanta llojsimuchunku kausarimuspa. Sutisninkutaj munakuywan apasqapuni kachunku wawasninku ukhupi.
13Samuelqa jueztaj sacerdotetaj karqa. Paytaqa runas munakoj kanku. Diospis payta munakullarqataj. Samueltaqa Dios ajllakorqa mana nacekushajtinraj. Diosmanta ajllasqa karqa Diospa sutimpi runasman parlanampaj. Dios payman parlasqanrayku uj reyta qorqa Israel aylluman. Paypuni jawej israelitasta kamachejkunata.
14Dios nisqanrayku, paypis runasta kamacherqa. Jacobpa jarakusqasnintapis Diospa sutimpi qhawarqa.
15Diospa sutimpi cheqan kajta parlasqanrayku, runasqa payta tapukoj kanku. Simenqa cheqan kajllata parlaj.
16Samuelqa Diosmanta mañakullajpuni, paypa contrasnin tukuynejmanta contrampi kachaykukushajtinku. Samuelqa Diosman jaywarqa uj cordero uñata.
17Señortaj janaj pachamanta uj qhon qhonta uyaricherqa. Sonasqanta may sinch'i karqa.
18Samuelqa atiparqa contrampi sayarej kamachejkunata. Filisteo kamachejkunatapis chinkacherqa.
19Samuelqa, wañuy patapiña kashajtin, kayta nerqa Diospa ñaupaqempi. Diospa ajllakusqan reypa ñaupaqempipis: Noqaqa mana ni piwan lluk'ichikojchu kani. Ni juk'utasllatapis qochikojchu kani. Tukuy runastaj ajnatapuni kasqanta nerqanku. Umayoj runapuni karqa wañupunankama, Señorpa ñaupaqempi runaspa ñaupaqenkupipis.
20Wañusqaña kashajtimpis, payta tapukorqanku. Reyman willakusqaqa imatachus payman pasananta. Sepulturamantapacha Diospa sutimpi parlarqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.