ECLESIÁSTICO 35
35
1Diosman ashkha rikuchikusta jaywanki. Kikillantaj kanman sichus Diospa kamachisqasninta junt'awaj. Diosman rikuchikusta jaywanki perdonachikunaykipaj. Kikillantaj kanman sichus nisusqanta ruwawaj.
2Diosman ñut'u jak'uta jaywashanki. Kikillantaj kanman, sichus yanapasojta yanapawaj.
3Diosqa munan sajra kajmanta karunchakunaykita. Cheqan kajllata ruwanki chayqa, Diosqa juchasniykita pampachapusonqa.
4Ama Señorman qayllaychu ch'usaj makiyoj. Tukuy chaytaqa ruwanaykipuni tiyan Diosninchej kamachisqanrayku.
5Cheqan sonqoyoj runajpata jaywasqanwan, altarqa santoyachisqa qhepakapun. Q'apaynintaj patapi kaj Diosman chayan.
6Señorqa jap'ikun cheqan sonqoyojpa jaywasqanta, manataj chaymanta qonqaponqañachu.
7Tukuy sonqoykiwan Señorta munakuy. Mishkha poqoyniykita jaywanayki kajtin, ama mich'akuychu.
8Imallatapis qonayki kajtin, kusisqa uya qayllay. Kapususqanmanta sapa chunkamanta ujta qonayki kajtin, kusikuywan qollay.
9Patapi kaj Diosman qoy, imaynatachus pay qosorqa, ajinata. Tukuy sonqo qollay, atisqaykiman jina.
10Diosqa mana mich'akunchu. Sapa ujmantataj qanchista qopusonqa.
11Ama niychu: Regalosta qosaj munasqayman jina ruwanampaj, nispa. Payqa chayta manapuni jap'ikunchu. Suwakapusqaykimanta qorqanki chayqa, chay qosqayki qhasilla.
12Diosqa cheqampuni. Tukuy runastaqa uj ñawillawan qhawan.
13Payqa mana ni pita yanapanchu wajcha runasta llakichispa. Payqa llakisqa runaj qhaparikusqanta uyarin.
14Payqa wajcha wawaj waqarikusqanta uyarin. Uyarintaj warmi sapaj waqayninta.
15Warmi sapa waqashan. Waqaynin uyanta joq'ochashan. Qhaparikushantaj waqachisqankumanta yuyarikuspa.
16Diospa kamachenqa uyarichikonqapuni. Qhaparikusqan cielokama chayan.
17Wajcha runaj qhapariynin phuyustapis wasarin cielokama. Mana sayk'unchu Diosman chayanankama.
18Mana sayk'unchu Dioswan uyarichikunankama. Paytaj, allinta cheqanyachej kasqanrayku, maychus kajta qopun.
19Diostaj mana suyachikunchu. Sumaj maqanakoj jina, mana qhepakunchu.
20Payqa t'unarparichenqa rumi sonqoyoj runata. Payqa, paymanta karunchakojkunata llakichenqa.
21Payqa, wapu waputa mana kallpayojman tukuchenqa. Sajra runatapis mana atiyniyojman tukuchenqa.
22Sapa ujmantaj qonqa kausakusqanman jina. Sapa runa qochikonqa yuyasqanman jina.
23Diosqa ayllunta allinta cheqanyachenqa. Khuyakuyninwantaj kusirichenqa.
24Imaynachus ch'aki tiempopi paraqa ujta rikhurimullan, ajinallataj llakiypi Diospa khuyakuynin rikhurimullantaj.
Currently Selected:
ECLESIÁSTICO 35: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.