ECLESIÁSTICO 29
29
Manukuymanta
1Khuyakoj runaqa, runa masinman mañallan. Pichus runa masinta yanapan, Diospa kamachisqanta junt'ashan.
2Runa masiykita mañay pisichikushajtin. Qanrí, manukusqaykita runa masiykiman kutichipuy.
3Imatachus ruwanaykita nerqanki, ruwaypuni. Ajina, imachus munanki ruwakullanqa.
4Wakinku manukusqankuta jap'ikapullanku. Yanapajtataj llakiynimpi saqellanku.
5Qochikunankupaj qolqeyojpa makinta much'aykunku. K'umuykukunkutaj qhapajpa ñaupaqenman. Paganankupajtaj mana tarichikunkuchu. Tarichikojtinkutaj, mayta llakikuspa pacienciakunanta ninku.
6Phiñakuspapis, chay mañajqa khuskallanta pagachikonqa. Chaytaj suerten kanqa. Manachayqa, qolqen chinkanqaña, qhasimanta enemigoyojtaj rikhurenqa. Chay runaqa paganqa maldicioneswantaj millay palabraswantaj, mana respetaspalla.
7K'acha sonqoyojkunapis mana mañayta munankuchu. Mana sajraschu kanku. Jinapis, mana munankuchoqa mana ni imayoj rikhuriyta.
Limosnamanta
8Wajchasmanta khuyakuypuni. Ama mich'akuychu.
9Diosqa nisunki yanapanaykita wajchasta. Pisichikojtinku, ama wasiykimanta llojsichunkuchu ch'usaj makiyoj.
10Qolqeykimanta qollay hermanoykimantaj amigoykimantaj. Ama qolqeykitaqa waqaychaychu rumi urapi.
11Kapususqanmanta usota ruway Diospa kamachisqanman jina. Chaytaj qampajqa aswan walej qorimantaqa.
12Kachumpuni qolqeyki limosnapaj. Chayqa llakiymanta llojsichisonqa.
13Limosna qosqayki yanapasonqa, chejnisojkuna jamojtinku, jark'anamanta astawan, t'ojsinamanta astawampis.
14Cheqan sonqoyoj runaqa llojsillan runa masinta yanapaj. Mana p'enqakojtaj saqerparillan runa masintaqa.
15Ama qonqapuychu qolqenwan yanapasojmanta. Payqa qanrayku kausayninta churarqa.
16Juchasapaqa manukusqan qolqeta chinkachillan. Mana yuyarikunñachu payta yanapajmanta.
17Ashkha runasqa wajchasman tukunku yanapasqankurayku. Mayuwan apachikusqas jinalla kashanku.
18Ashkha runasqa mana wasiyoj rikhurinku, ripunkutaj karu llajtasman.
19Juchasapaqa ganakunanrayku, mana qolqeyoj kajtimpis, mañallan. Chaywanqa pleitosman yaykun.
20Runa masiykita yanapallay atisqaykiman jina. Chaywampis, qhawallay. Pajtataj qampis urmawaj.
Kusisqa kaymanta
21Runaqa kausakunampajqa kanan tiyan yaku, t'anta, p'acha ima. Chantataj, wasimpis kanan tiyan.
22Aswan walej runapaj kikin wasimpi tiyakuy mana mikhunayoj, ajeno wasipi ashkha mikhunayoj tiyakuymantaqa.
23Qhapajpis wajchapis kaspa, kusisqalla kausaykuy, amataj qhasi oqo nichikuychu.
24Wasimanta wasiman rinayki kajtin, chayqa llakiy. Simiykita ni kichariytapis atinkichu.
25Ajeno wasipi mikhusqaykimanta nichikunki.
26Chantapis, nisonqanku: Mesata churay. Mikhunata jaywaway, nispa.
27Chantapis, nillasonqankutaj: Ripullayña. Hermanoy chayamun. Cuartoykita necesitani, nispa.
28Cheqan sonqoyoj runaqa llakikun: Mana wasiykichu. Maytaj qolqeyki?, nejtinku.
Currently Selected:
ECLESIÁSTICO 29: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.