ECLESIÁSTICO 12
12
1Unanchakuyraj pipajchus allin kajta ruwanaykita. Ajinamanta, ruwasqaykeqa mana qhasichu kanqa.
2Cheqan sonqoyojta yanapay. Paytaj kutichipusonqa. Mana chayrí, Diosninchej.
3Sajrata purejman ama ruwaychu allin kajta. Payqa manapuni runa masinmanta khuyakunchoqa.
4Cheqan sonqoyojta yanapay. Juchasapatarí ama yanapaychu.
5Llamp'u sonqoyojta yanapay. Runa sonqoyojmanrí ama ni imata qoychu. Ama t'antata jaywaychu. Qonki chayqa, qanmanta aswan kallpayoj kanqa. Allin ruwasqasniykimanta payqa sajrata kutichipusonqa iskay kutita.
6Patapi kajpis juchasapasmantaqa millachikun. Rumi sonqoyojkunata castigaykonqa.
7K'acha runaman kollay. Juchasapamanrí, amapuni. Llakisqata sonqochay, wapu runamantaj ama ni imata qoychu.
8Allin risojtin mana atiwajchu yachayta pichus cheqamanta amigoyki. Mana allin risojtintaj, enemigoyki rikhurenqapuni.
9Runaqa kusisqa kajtin, enemigosnin llakikunku. Llakiywan kajtintaj, amigosnimpis paymanta karunchakunku.
10Ama sonqoykita kichariychu enemigoykiman. Sajra kayqa bronce ismusqa jinamin.
11Llamp'u runa jina jamusojtimpis, k'umuykukuspa, ñawisniykita kichariy. Ama sonqoykita payman kichariychu. Imaynatachus espejota khitunki, ajinallatataj paypa ch'ichi kayninta pichaykuy.
12Ama paytaqa qanman k'askachiychu. Pajtataj urmachisunkiman tiyanaykipi tiyakunampaj. Mana chayta ruwanki chayqa, qhepantaraj yachanki nisqasniyta. Sonqoyki nananqa palabrasniymanta yuyarikuspa.
13Mana ni pi khuyakunchu layqamanta katariwan khanichikojmanta. Ajinallataj mana ni pi khuyakunchu sajra animalman chimpajmanta.
14Ajinallataj juchasapawan purejmantapis, juchasapawan khuska juchallikojmantapis.
15Sayashajtiyki paypis ladoykipi kallanqa. Misk'anki chayqa, mana llullakonqañachu.
16Qanta chejnikojqa misk'i similla rikhurenqa. Sonqompitaj yuyashan pujruman urmachisuyta. Qanta chejnikojqa waqaspa qayllaykusonqa. Atispataj, yawarniykimanta mana sajsakonqachu.
17Llakiyniykipi rikhurimusonqa. Yanapasqayki, nispa, misk'achisonqa.
18Asipayakuspa t'ajllakonqa. Thutuspataj waj jinaman tukonqa.
Currently Selected:
ECLESIÁSTICO 12: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.