ROMANOS 4

Abraham kasun Diosta

1Ima nisuntajri, aychaman jina tatanchej Abraham, imatataj tarerqa? 2Sichus Abraham ruwasqasninrayku, mana juchayojpaj rejsisqa kanman chayqa, atinman karqa alabakuyta, manataj Diospa ñaupaqempichu. 3Ima nintaj escribisqapi? Abrahamqa Diospi creerqa, chay creesqantaj paypaj yupakorqa, mana juchayoj rikhurinampaj. 4Pichus llank'ajmanqa mana khuyaspachu pagontaqa yupapun, manachayqa manuta jina. 5Pichus mana ruwanchu, creentaj, juchasapata mana juchayojta rikhurichejpi chayqa, chay fenin paypaj yupakun, mana juchayoj rikhurinampaj. 6-7Imaynatachus David parlan, janaj pachapi, runaj sumaj kausayninmanta; chay runaj juchasninmantaqa Dios pampachapun, mana ruwasqasninraykuchu, nispa: Kusikuyniyojmin kanku, sajra ruwasqasninkuta Dios pampachajtin, juchankutapis pichajtin. 8Kusikuyniyojmin runaqa, juchanmanta Señor mana yuyarichejtin.

9Kay kusikoyqa circuncidasqa kajkunallapajchu, chayrí mana circuncidasqa kajkunapajwanchu? Ninchejña Abrahammanqa cheqan kay, fenejta qosqa karqa. 10Imaynatataj payman qosqa karqa, circuncidasqa kashajtinchu, chayrí mana circuncidasqa kashajtinchu? Manaraj circuncidasqa kashajtin feqa qosqa karqa. 11Circuncisiontaqa jap'erqa uj señalta jina, Diospa cheqan kayninta sellota jinalla fenejta, manaraj circuncidasqa kashaspa; mana circuncidasqa creejkunaj tatanku kanampaj, paykunamampis Diospa cheqan kaynin fenejta qosqa kanampaj. 12Chantá, circuncidasqaspa tatanku kanampaj, jinallataj mana circuncidasqaspatapis. Tatanchej Abrahampa feninta qhaterqanku manaraj pay circuncidasqa kashajtin.

Diospa qosaj nisqan fenejta junt'akun

13Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku. 14Leymanta kajkunallachus chayaqeta jap'inkuman chayqa, qhasillaña kanman feqa; Diospa qosaj nisqampis qhasillataj kanman. 15Moisespa leynenqa phiñakuyta apamun; maypichus mana ley kanchu chayqa, manallataj ley p'akiypis kanchu.

16-17Chayrayku, fenejta qhasimanta kanampaj, Diospa qosaj nisqan, mana miraynimpajpis sinch'ita sayanampaj; mana leyta kasojkunallapajchu, manachayqa tatanchej Abrahampa feninmanta kajkunapajpis. Abrahamqa tukuyninchejpa tatanchej, escribisqa kasqanman jina: Diospa ñaupaqempi tukuy runaj tatan kanaykipaj churayki. Pipichus pay creerqa chay Diosqa, wañusqasman kausayta qon; mana kajkunatapis sutinmanta wajyan, kankumampis jina.

18Abrahamtaj mana suyanata jina suyaspa creerqa. Ajinapi ashkha runaj tatan kanampaj, payman nisqa kasqanman jina: Ajina kanqa mirayniykeqa. 19Chaypacha payqa machuña karqa, yaqha pachaj watayoj, wañusqa jinaña. Jinallataj warmimpis manaña wawayoj kanampaj jinachu karqa. Chaywampis fenenqa manapuni pisiyarqachu. 20Manallataj iskayrayarqachu mana feniyojpis kanman jina, creerqapuni Dios qosqayki nisqampi. Astawantaj fepi kallpachakorqa diosta yupaychaspa tukuy sonqo. 21Allinta yachaspa Diosqa atiyniyoj kasqanta, tukuy qosqayki nisqantapis junt'anampaj. 22Chayrayku Diospa cheqan kaynenqa fenejta qosqa karqa.

23Chantá mana Abrahamllapajchu escribisqa karqa, Diospa cheqan kaynin qosqa kananqa. 24Noqanchejpajpis escribisqallataj karqa feninchej yupasqa kanampaj. Noqanchej creenchej Diospi, pichus Señorninchej Jesusta wañusqakunamanta kausarichimorqa, chaypi. 25Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

Currently Selected:

ROMANOS 4: QCHSB

Highlight

Copy

Compare