SAN MARCOS 2
2
Jesús puriricherqa uj suchu runata
(Mt 9.1-8; Lc 5.17-26)
1Ujtawan, pisi p'unchaykuna qhepata, Jesús kutiporqa Capernaumman; yachakorqataj wasinman chayampusqan. 2Chay kikimpacha, ashkha runas tantakamorqanku, manaña punkullamampis chimpaykuna jinachu karqa. Chaypitaj Jesusqa evangeliomanta willasharqa. 3Ajinallamantaj waj runas jamorqanku, uj tunuyasqa runata apamuspa. Paykunaqa chay runata tawamanta wantumorqanku. 4Chaypi, runa k'iskilla kajtintaj, mana ni imaynamanta aterqankuchu Jesusman qayllaykuchiyta. Chayrayku wasej patanta jusk'orqanku, maypichus Jesús kasharqa chaynejman. Chay jusk'u ruwasqankunejtataj, runata uraykucherqanku phullumpi sirisqata. 5Chay runaspa feninkuta rikuspataj, tunuyasqa runaman Jesús nerqa: Wawáy, juchasniykeqa pampachasqaña.
6-7Chaypi tiyasharqanku wakin leymanta yachachejkuna. Paykunaqa sonqkonku ukhupi yuyasharqanku kay jinata: Imaraykutaj kay runa, chay jinata parlanri? Diospaj sajrata rimashan. Ni pi atinmanchu juchasta pampachaytaqa. Dioslla juchastaqa pampachayta atin. 8Chay kikimpachataj, espiritumpi Jesús yacharqa imatachus sonqonkupi yuyasqankuta. Chayrayku paykunaman nerqa: Imaraykutaj chay jinata sonqoykichejpi yuyankichejri? 9Ima ninaytaj aswan allin kanman onqosqaman; juchasniyki pampachasqasña ninaychu; chayrí, jatariy, phulluykita oqharispa ripuy ninaychu? 10-11Yachanaykichejpaj, Runaj Churenqa kay mundopi atiyniyoj, juchasta pampachanampaj; tunuyasqa runamantaj nerqa: Qanta niyki, sayariy, phulluykita oqharispa ripuy wasiykiman.
12Tukuy qhawashajtinkutaj, onqosqa runaqa ujllata jatarerqa, phullunta oqharispataj riporqa. Chayta rikuspataj tukuy runas manchayta t'ukorqanku, Diosta yupaychaspataj nisharqanku: Mana jayk'ajpis jinataqa rikojchu kanchej, nispa.
Jesús wajyan Levita
(Mt 9.9-13; Lc 5.27-32)
13Jesusqa ujtawan kuterqa Galilea qocha cantoman. Ashkha runastaj Jesusman jamorqanku, paykunamantaj yachachiyta qallarerqa. 14Jesús chaynejta rishaspa, rikorqa Alfeoj wawanta, Leví sutiyojta, tiyashajta impuesto cobrana wasipi. Jesustaj payman nerqa: Jamuy, noqata qhatiway, nispa.
Levitaj sayarispa Jesuswan rerqa.
15Qhepanejtataj, Jesús mikhusharqa Levejpa wasimpi. Chaypi kashallarqankutaj ashkha runas impuestota cobrajkuna, juchasapaswan. Jesustaj yachachisqasninwan khuska mikhusharqa. Jesustaqa ashkha runas qhaterqanku. 16Wakin leymanta yachachejkuna, fariseos ima, Jesusta chay juchasapaswan, impuestota cobrajkunawan ima, mikhushajta rikuspa, yachachisqasninman nerqanku: Imataj kayri? Maestroykichejqa impuestota cobrajkunawan, juchasapaswan khuska mikhushan, [ujyashantaj.]
17Jesustaj, chayta uyarispa, nerqa: Walej kajkunaqa mana jampejta mask'ankuchu; manachayqa onqosqas kajkunalla. Mana cheqan runastachu wajyaj jamuni, astawanqa juchasapasllata.
Ayunomanta tapukunku
(Mt 9.14-17; Lc 5.33-39)
18Uj kuti, Juan Bautistaj yachachisqasnin, fariseospa yachachisqasnin ima ayunasharqanku; Jesusman jamuspataj taporqanku: Imaraykutaj Juampa yachachisqasnin, fariseospa yachachisqasnin ima ayunanku, qampa yachachisqasniykitaj mana ayunankuchu?
19Jesustaj paykunaman kuticherqa: Yuyankichejchu casarakuman wajyasqas, chaypi casarakoj kashajtin ayunanankuta? Casarakojwan kashaspaqa, mana ayunankumanchu. 20Uj p'unchay jamonqa, maypachachus casarakoj paykunamanta qhechusqa kanqa, chaypacharajmá ayunanqanku.
21Jesús nillarqataj: Mana pipis t'irinmanchu mauk'a p'achaman mosoj trapotaqa, imaraykuchus mosoj trapoqa q'entispa aswan jatunta llik'irparinman mauk'a p'achataqa. 22Manallataj pipis mosoj vinota jich'anmanchu mauk'a qara botasman. Mosoj vinoqa, poqoykuspa qara botasta phatachinman; jinapitaj vinoqa jich'akunman, qara botaspis usunkuman. Chayrayku, mosoj vinotaqa, mosoj qara botasmampuni jich'ana tiyan.
Yachachisqas trigo umasta pallanku
(Mt 12.1-8; Lc 6.1-5)
23Uj samakuna diapi, Jesús risharqa trigo chajraspa chaupinta; yachachisqasnintaj paywan khuska rishaspa, qallarerqanku trigo umasta p'itirayta. 24Chayta rikuspa fariseosqa Jesusman nerqanku: Qhaway, imaraykutaj yachachisqasniyki samakuna diapi mana ruwanata ruwanku?
25Jesustaj paykunaman nerqa: Manachu jayk'ajpis leerqankichej, David, paywan kajkunawan yarqhachikuspa imatachus ruwasqanta? 26Chaypacha, David yaykorqa Diospa wasinman, Abiatar jatun sacerdote kashajtin. Chaypi, Diosman qosqa t'antasta mikhorqa; paywan kajkunamampis mikhuchillarqataj. Chay t'antasmantaqa mana pipis mikhuyta atejchu, manachayqa sacerdoteslla mikhoj kanku.
27Jesús nillarqataj: Samakuna diaqa, runarayku ruwasqa karqa; manataj runaqa samakuna diaraykuchu. 28Chayrayku Runaj Churenqa, samakuna diajtapis Señornin.
Currently Selected:
SAN MARCOS 2: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MARCOS 2
2
Jesús puriricherqa uj suchu runata
(Mt 9.1-8; Lc 5.17-26)
1Ujtawan, pisi p'unchaykuna qhepata, Jesús kutiporqa Capernaumman; yachakorqataj wasinman chayampusqan. 2Chay kikimpacha, ashkha runas tantakamorqanku, manaña punkullamampis chimpaykuna jinachu karqa. Chaypitaj Jesusqa evangeliomanta willasharqa. 3Ajinallamantaj waj runas jamorqanku, uj tunuyasqa runata apamuspa. Paykunaqa chay runata tawamanta wantumorqanku. 4Chaypi, runa k'iskilla kajtintaj, mana ni imaynamanta aterqankuchu Jesusman qayllaykuchiyta. Chayrayku wasej patanta jusk'orqanku, maypichus Jesús kasharqa chaynejman. Chay jusk'u ruwasqankunejtataj, runata uraykucherqanku phullumpi sirisqata. 5Chay runaspa feninkuta rikuspataj, tunuyasqa runaman Jesús nerqa: Wawáy, juchasniykeqa pampachasqaña.
6-7Chaypi tiyasharqanku wakin leymanta yachachejkuna. Paykunaqa sonqkonku ukhupi yuyasharqanku kay jinata: Imaraykutaj kay runa, chay jinata parlanri? Diospaj sajrata rimashan. Ni pi atinmanchu juchasta pampachaytaqa. Dioslla juchastaqa pampachayta atin. 8Chay kikimpachataj, espiritumpi Jesús yacharqa imatachus sonqonkupi yuyasqankuta. Chayrayku paykunaman nerqa: Imaraykutaj chay jinata sonqoykichejpi yuyankichejri? 9Ima ninaytaj aswan allin kanman onqosqaman; juchasniyki pampachasqasña ninaychu; chayrí, jatariy, phulluykita oqharispa ripuy ninaychu? 10-11Yachanaykichejpaj, Runaj Churenqa kay mundopi atiyniyoj, juchasta pampachanampaj; tunuyasqa runamantaj nerqa: Qanta niyki, sayariy, phulluykita oqharispa ripuy wasiykiman.
12Tukuy qhawashajtinkutaj, onqosqa runaqa ujllata jatarerqa, phullunta oqharispataj riporqa. Chayta rikuspataj tukuy runas manchayta t'ukorqanku, Diosta yupaychaspataj nisharqanku: Mana jayk'ajpis jinataqa rikojchu kanchej, nispa.
Jesús wajyan Levita
(Mt 9.9-13; Lc 5.27-32)
13Jesusqa ujtawan kuterqa Galilea qocha cantoman. Ashkha runastaj Jesusman jamorqanku, paykunamantaj yachachiyta qallarerqa. 14Jesús chaynejta rishaspa, rikorqa Alfeoj wawanta, Leví sutiyojta, tiyashajta impuesto cobrana wasipi. Jesustaj payman nerqa: Jamuy, noqata qhatiway, nispa.
Levitaj sayarispa Jesuswan rerqa.
15Qhepanejtataj, Jesús mikhusharqa Levejpa wasimpi. Chaypi kashallarqankutaj ashkha runas impuestota cobrajkuna, juchasapaswan. Jesustaj yachachisqasninwan khuska mikhusharqa. Jesustaqa ashkha runas qhaterqanku. 16Wakin leymanta yachachejkuna, fariseos ima, Jesusta chay juchasapaswan, impuestota cobrajkunawan ima, mikhushajta rikuspa, yachachisqasninman nerqanku: Imataj kayri? Maestroykichejqa impuestota cobrajkunawan, juchasapaswan khuska mikhushan, [ujyashantaj.]
17Jesustaj, chayta uyarispa, nerqa: Walej kajkunaqa mana jampejta mask'ankuchu; manachayqa onqosqas kajkunalla. Mana cheqan runastachu wajyaj jamuni, astawanqa juchasapasllata.
Ayunomanta tapukunku
(Mt 9.14-17; Lc 5.33-39)
18Uj kuti, Juan Bautistaj yachachisqasnin, fariseospa yachachisqasnin ima ayunasharqanku; Jesusman jamuspataj taporqanku: Imaraykutaj Juampa yachachisqasnin, fariseospa yachachisqasnin ima ayunanku, qampa yachachisqasniykitaj mana ayunankuchu?
19Jesustaj paykunaman kuticherqa: Yuyankichejchu casarakuman wajyasqas, chaypi casarakoj kashajtin ayunanankuta? Casarakojwan kashaspaqa, mana ayunankumanchu. 20Uj p'unchay jamonqa, maypachachus casarakoj paykunamanta qhechusqa kanqa, chaypacharajmá ayunanqanku.
21Jesús nillarqataj: Mana pipis t'irinmanchu mauk'a p'achaman mosoj trapotaqa, imaraykuchus mosoj trapoqa q'entispa aswan jatunta llik'irparinman mauk'a p'achataqa. 22Manallataj pipis mosoj vinota jich'anmanchu mauk'a qara botasman. Mosoj vinoqa, poqoykuspa qara botasta phatachinman; jinapitaj vinoqa jich'akunman, qara botaspis usunkuman. Chayrayku, mosoj vinotaqa, mosoj qara botasmampuni jich'ana tiyan.
Yachachisqas trigo umasta pallanku
(Mt 12.1-8; Lc 6.1-5)
23Uj samakuna diapi, Jesús risharqa trigo chajraspa chaupinta; yachachisqasnintaj paywan khuska rishaspa, qallarerqanku trigo umasta p'itirayta. 24Chayta rikuspa fariseosqa Jesusman nerqanku: Qhaway, imaraykutaj yachachisqasniyki samakuna diapi mana ruwanata ruwanku?
25Jesustaj paykunaman nerqa: Manachu jayk'ajpis leerqankichej, David, paywan kajkunawan yarqhachikuspa imatachus ruwasqanta? 26Chaypacha, David yaykorqa Diospa wasinman, Abiatar jatun sacerdote kashajtin. Chaypi, Diosman qosqa t'antasta mikhorqa; paywan kajkunamampis mikhuchillarqataj. Chay t'antasmantaqa mana pipis mikhuyta atejchu, manachayqa sacerdoteslla mikhoj kanku.
27Jesús nillarqataj: Samakuna diaqa, runarayku ruwasqa karqa; manataj runaqa samakuna diaraykuchu. 28Chayrayku Runaj Churenqa, samakuna diajtapis Señornin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.