SAN MARCOS 3
3
Ch'akisqa makiyoj runa
(Mt 12.9-14; Lc 6.6-11)
1Watejmanta Jesús yaykullarqataj sinagogaman, chaypitaj uj runa makin ch'akisqa kasharqa. 2Wakin runas chaypi kajkunamanta, Jesusta wateqasharqanku; rikuyta munaspa samakuna diapi, thañichenqachus manachus nispa; chay jawataj ch'ataykunankupaj. 3Jesustaj makin cha'kisqa runata nerqa: Sayariy, jamuy kay ñaupajman, nispa.
4Chaymanta runasta taporqa: Atikunchu samakuna diapi allin kajta ruway, chayrí sajra kajtachu? Runaj kausayninta salvaychu, chayrí wañupojta saqeychu? Paykunataj ch'inlla karqanku. 5Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita.
Paytaj makinta aysarerqa, thañikaporqataj. 6Chaymantataj fariseosqa llojsispa, herodianoswan tantaykukuspa, yachachinakorqanku Jesusta wañuchinankupaj.
Ashkha runa qocha cantopi
7Ajinamanta, Jesús riporqa yachachisqasninwan Galilea qocha cantoman; chaywampis ashkha runa payta qhatillarqataj, Galileamanta, Judeamantawan. 8Jamullarqankutaj Jerusalenmanta, Idumeamanta, Jordán mayu chimpamanta, Tirompa, Sidompa muyuyninmanta ima. Chay jina ashkha runas jamorqanku Jesusman, jatuchaj ruwasqasninta uyarispa. 9Chay chhika runata rikuspataj, yachachisqasninman nerqa: Boteta wakichipuwaychej, runas k'iskikamuspa ama ñit'imunawankupaj. 10Ashkha runataña Jesús thañicherqa. Chayraykutaj tukuy onqosqas ñit'imusharqanku, Jesusman qayllaykuspa, imaynallamantapis llujchiykunankupaj.
11Millay espiritustaj, Jesusta rikuspa, ñaupaqenman wijch'uykukuspataj qhaparisharqanku: Qanka Diospa Churin kanki, nispa.
12Jesustaj mayta kamacherqa ama sut'inchanankupaj pichus pay kasqanta.
Jesús ajllan chunka iskayniyoj apostolesta.
(Mt 10.1-4; Lc 6.12-16)
13Chaymantá Jesús wicharerqa orqoman; chaymantaj wajyarqa pikunatachá ajllayta munarqa chaykunata; paykunataj Jesusman jamorqanku. 14Jesustaj chunka iskayniyoj runasta ajllarqa, paywan kanankupaj, evangelionmanta willajta kachanampaj. 15Paykunamantaj atiyta qorqa, onqosqasta thañichinankupaj, supaykunatataj qharqonankupaj. 16-19Kaykuna chay chunka iskayniyoj ajllasqasnin kanku: Simón, Pedro nisqa; Zebedeoj churisnin Santiago wauqen Juanwan. Paykunatapis Boanerges nispa sutichallarqataj. Kay niyta munan truenoj churisnin. Chaymanta kanku: Andrés, Felipe, Bartolomé, Mateo, Tomás; Alfeoj churin Santiago, Tadeo, Simón cananeo nisqa; Jesusta jap'ichej Judas Iscariote ima.
Santo Espiritupaj rimajkuna
(Mt 12.22-32; Lc 11.14-23; 12.10)
20Chaymantá runa tantakamullarqataj, chayrayku paykunaqa mana mikhuyllatapis aterqankuchu. 21Chayta yachaspataj, ayllusnin jamorqanku Jesusta pusakapunankupaj; nisharqankutaj: Mana yuyaynimpichu kashan, nispa.
22Leymanta yachachejkuna, Jerusalenmanta jamojkunapis nishallarqankutaj: Kuraj Supay Beelzebú paypi kashan; chayrayku, paypa atiyninwan supaykunata qharqoshan.
23Jesustaj runasta wajyaspa, rijch'anachinaswan nerqa: Imaynatataj Satanás, Satanasllatataj qharqokunmanri? 24Jesús nillarqataj: Sichus uj suyoka iskayman t'aqasqa kanman chayqa, chay suyoqa manaña sayanmanchu. 25Sichus uj wasipi, familiantin t'aqanasqa kankuman chayqa; chay wasipi kajkunaqa, manallataj kayta atinkumanchu. 26Ajinallatataj, Satanaspa reinompis iskayman t'aqasqa kanman chayqa, manallataj sayayta atinmanchu; astawanqa chinkapunman.
27Mana ni pipis kallpasapa runaj wasinman yaykuyta atinchu kapuyninta qhechoj, manachus ñaupajta kallpasapata wataykunmanraj chayqa. Chantaraj wasimpi kajta suwanqa.
28Cheqamanta niykichej: Runaspa tukuy juchan pampachasqa kanqa, jinallataj ima sajrata rimasqampis. 29Santo Espíritoj contranta rimajpatarí, mana jayk'ajpis juchan pampachasqachu kanqa; astawanqa wiñaypaj juchachasqa kanqa.
30Runasqa nisharqanku Jesusqa millay espirituyoj kasqanta.
Jesuspa maman wauqesnin ima
(Mt 12.46-50; Lc 8.19-21)
31Chay qhepata Jesuspa maman, wauqesnin ima chayamorqanku. Jawapi sayaspataj kacharqanku payta wajyajta. 32Jesuspa muyuynimpi tiyashajkunataj, payman nerqanku: Mamayki, wauqesniyki ima jawapi mask'ashasunku.
33Jesustaj paykunaman kuticherqa: Pitaj mamay kasqari? Pikunataj wauqesniy kasqankuri?
34Chaymantataj, muyuynimpi tiyashajkunata qhawarispa nerqa: Qhawariychej, kaykunamá mamay, wauqesniypis kanku. 35Pichus Diospa munayninta ruwan, chaymá wauqeyqa panaypis, mamaypis.
Currently Selected:
SAN MARCOS 3: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MARCOS 3
3
Ch'akisqa makiyoj runa
(Mt 12.9-14; Lc 6.6-11)
1Watejmanta Jesús yaykullarqataj sinagogaman, chaypitaj uj runa makin ch'akisqa kasharqa. 2Wakin runas chaypi kajkunamanta, Jesusta wateqasharqanku; rikuyta munaspa samakuna diapi, thañichenqachus manachus nispa; chay jawataj ch'ataykunankupaj. 3Jesustaj makin cha'kisqa runata nerqa: Sayariy, jamuy kay ñaupajman, nispa.
4Chaymanta runasta taporqa: Atikunchu samakuna diapi allin kajta ruway, chayrí sajra kajtachu? Runaj kausayninta salvaychu, chayrí wañupojta saqeychu? Paykunataj ch'inlla karqanku. 5Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita.
Paytaj makinta aysarerqa, thañikaporqataj. 6Chaymantataj fariseosqa llojsispa, herodianoswan tantaykukuspa, yachachinakorqanku Jesusta wañuchinankupaj.
Ashkha runa qocha cantopi
7Ajinamanta, Jesús riporqa yachachisqasninwan Galilea qocha cantoman; chaywampis ashkha runa payta qhatillarqataj, Galileamanta, Judeamantawan. 8Jamullarqankutaj Jerusalenmanta, Idumeamanta, Jordán mayu chimpamanta, Tirompa, Sidompa muyuyninmanta ima. Chay jina ashkha runas jamorqanku Jesusman, jatuchaj ruwasqasninta uyarispa. 9Chay chhika runata rikuspataj, yachachisqasninman nerqa: Boteta wakichipuwaychej, runas k'iskikamuspa ama ñit'imunawankupaj. 10Ashkha runataña Jesús thañicherqa. Chayraykutaj tukuy onqosqas ñit'imusharqanku, Jesusman qayllaykuspa, imaynallamantapis llujchiykunankupaj.
11Millay espiritustaj, Jesusta rikuspa, ñaupaqenman wijch'uykukuspataj qhaparisharqanku: Qanka Diospa Churin kanki, nispa.
12Jesustaj mayta kamacherqa ama sut'inchanankupaj pichus pay kasqanta.
Jesús ajllan chunka iskayniyoj apostolesta.
(Mt 10.1-4; Lc 6.12-16)
13Chaymantá Jesús wicharerqa orqoman; chaymantaj wajyarqa pikunatachá ajllayta munarqa chaykunata; paykunataj Jesusman jamorqanku. 14Jesustaj chunka iskayniyoj runasta ajllarqa, paywan kanankupaj, evangelionmanta willajta kachanampaj. 15Paykunamantaj atiyta qorqa, onqosqasta thañichinankupaj, supaykunatataj qharqonankupaj. 16-19Kaykuna chay chunka iskayniyoj ajllasqasnin kanku: Simón, Pedro nisqa; Zebedeoj churisnin Santiago wauqen Juanwan. Paykunatapis Boanerges nispa sutichallarqataj. Kay niyta munan truenoj churisnin. Chaymanta kanku: Andrés, Felipe, Bartolomé, Mateo, Tomás; Alfeoj churin Santiago, Tadeo, Simón cananeo nisqa; Jesusta jap'ichej Judas Iscariote ima.
Santo Espiritupaj rimajkuna
(Mt 12.22-32; Lc 11.14-23; 12.10)
20Chaymantá runa tantakamullarqataj, chayrayku paykunaqa mana mikhuyllatapis aterqankuchu. 21Chayta yachaspataj, ayllusnin jamorqanku Jesusta pusakapunankupaj; nisharqankutaj: Mana yuyaynimpichu kashan, nispa.
22Leymanta yachachejkuna, Jerusalenmanta jamojkunapis nishallarqankutaj: Kuraj Supay Beelzebú paypi kashan; chayrayku, paypa atiyninwan supaykunata qharqoshan.
23Jesustaj runasta wajyaspa, rijch'anachinaswan nerqa: Imaynatataj Satanás, Satanasllatataj qharqokunmanri? 24Jesús nillarqataj: Sichus uj suyoka iskayman t'aqasqa kanman chayqa, chay suyoqa manaña sayanmanchu. 25Sichus uj wasipi, familiantin t'aqanasqa kankuman chayqa; chay wasipi kajkunaqa, manallataj kayta atinkumanchu. 26Ajinallatataj, Satanaspa reinompis iskayman t'aqasqa kanman chayqa, manallataj sayayta atinmanchu; astawanqa chinkapunman.
27Mana ni pipis kallpasapa runaj wasinman yaykuyta atinchu kapuyninta qhechoj, manachus ñaupajta kallpasapata wataykunmanraj chayqa. Chantaraj wasimpi kajta suwanqa.
28Cheqamanta niykichej: Runaspa tukuy juchan pampachasqa kanqa, jinallataj ima sajrata rimasqampis. 29Santo Espíritoj contranta rimajpatarí, mana jayk'ajpis juchan pampachasqachu kanqa; astawanqa wiñaypaj juchachasqa kanqa.
30Runasqa nisharqanku Jesusqa millay espirituyoj kasqanta.
Jesuspa maman wauqesnin ima
(Mt 12.46-50; Lc 8.19-21)
31Chay qhepata Jesuspa maman, wauqesnin ima chayamorqanku. Jawapi sayaspataj kacharqanku payta wajyajta. 32Jesuspa muyuynimpi tiyashajkunataj, payman nerqanku: Mamayki, wauqesniyki ima jawapi mask'ashasunku.
33Jesustaj paykunaman kuticherqa: Pitaj mamay kasqari? Pikunataj wauqesniy kasqankuri?
34Chaymantataj, muyuynimpi tiyashajkunata qhawarispa nerqa: Qhawariychej, kaykunamá mamay, wauqesniypis kanku. 35Pichus Diospa munayninta ruwan, chaymá wauqeyqa panaypis, mamaypis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.