SAN MARCOS 1
1
Juan Bautista evangeliota willaspa purej
(Mt 3.1-12; Lc 3.1-9, 15-17; Jn 1.19-28)
1Kayqa Diospa Churin Jesucristoj evangeliompa qallariynin.
2Profeta Isaiaspa escribisqanman jina, nin: Willajniyta ñaupaqeykita kachamushani, qampaj ñanta wakichinampaj. 3Ch'impi, uj runaj qhapariynin uyarikun: Señorpaj ñanta pichaychej, cheqanyachiychejtaj purinasninta.
4Juanqa bautizasharqa ch'innejpi, willasharqataj Diosman kutirikuy bautismomanta, runaspa juchasninku pampachasqas kanampaj. 5Juanta uyarej jamorqanku, tukuy Judea jallp'amanta; Jerusalén llajtapi kajkuna ima. Bautizachikorqankutaj paywan Jordán mayupi juchasninkuta willakuspa.
6Juantaj p'achallisqa karqa camelloj millmanmanta ruwasqa p'achawan; chumpikojtaj qara chumpiwan; mikhojtaj langostasta, monte misk'ita ima. 7Runasmantaj willasharqa kay jinata: Uj qhari qhepayta jamushan, noqamanta aswan atiyniyoj; manataj k'umuykuspa ujut'asnimpa watusnillantapis phaskanaypaj jinachu kani. 8Noqaqa, yakuwan bautizaykichej; paytaj Santo Espirituwan bautizasonqachej.
Jesús bautizachikorqa Juanwan
(Mt 3.13-17; Lc 3.21-22)
9Chaypachallataj Jesús jamorqa Galileapi kaj Nazaret llajtamanta, bautizachikorqataj Juanwan Jordán mayupi. 10Jesús yakumanta llojsimushaspa, rikorqa cielo kicharikushajta; Espiritutataj, paloma jina, paypa patanman uraykamushajta. 11Cielomantataj Dios nimorqa: Qanmin munasqa Churiy kanki, qannejta sonqo junt'asqa kani.
Supay tientan Jesusta
(Mt 4.1-11; Lc 4.1-13)
12Chay kikimpachataj, Santo Espíritu Jesusta ch'innejman pusarqa. 13Jesustaj chaypi karqa, tawa chunka p'unchayta; supaytaj probarqa. Chay ch'impi pay karqa, phiña animaleswan khuska. Angelestaj jamuspa mikhunata jaywarqanku.
Jesús Galileapi predicayta qallarin
(Mt 4.12-17; Lc 4.14-15)
14-15Chay qhepata, Juanta carcelman wisq'achisqankumantaña, Jesús rerqa Galileaman, willaspa Diospa evangelionmanta, nispa: Tiempo junt'akapunña, Diospa reinontaj kayllapiña kashan. Juchasniykichejta saqerpayaspa Diosman kutiriychej, evangeliopitaj creeychej.
Jesús wajyan tawa challwirista
(Mt 4.18-22; Lc 5.1-11)
16Chaypacha, Jesusqa Galilea qocha cantonta rishaspa, rikorqa Simonta, wauqen Andrestawan. Paykunaqa qochaman ch'ipata wijch'uykusharqanku challwata jap'inankupaj, imaraykuchus challwiris karqanku. 17Jesustaj paykunaman nerqa: Qhepayta jamuychej, noqataj runa jap'ej challwirista ruwasqaykichej.
18Chay kikimpi challwa jap'inasninkuta saqerparispataj, Jesuspa qhepanta rerqanku.
19Tumpatawan karuncharispataj, Jesús rikullarqataj Zebedeoj churisninta. Bote ukhupi kasharqanku Santiago, wauqen Juan ima. Paykunaqa wakichisharqanku challwa jap'inasninkuta t'irispa. 20Rikuytawankamataj, paykunatapis Jesús wajyallarqataj. Paykunataj tatanku Zebedeota, llank'ajkunatawan botepi saqespa, Jesuspa qhepanta rerqanku.
Supayniyoj runa
(Lc 4.31-37)
21Chaymantá, Capernaum llajtaman chayarqanku; samakuna diapitaj sinagogaman yaykuspa, Jesusqa yachacherqa. 22Runakunataj, yachachisqanta uyarispa t'ukorqanku; imaraykuchus Jesusqa atiyniyoj jina yachachisharqa, mana leymanta yachachejkuna jinachu. 23-24Chay sinagogapitaj, uj runa kasharqa millay supayniyoj, qhaparerqataj, nispa: Nazaretmanta Jesús! Ima nispataj noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Diospa ajllasqan kanki!
25Jesustaj supayta k'amerqa, nispa: Ch'in kay, llojsiy chay runamanta!
26Millay supaytaj, runata sinch'ita thalaspa, jatunta qhaparispataj, chay runamanta llojserqa. 27Runastaj t'ukuspa, purajmanta tapunakusharqanku: Imataj kayri? Ima mosoj yachachiytajri? Kay jina atiyniyojpuni kananri! Millay supaykunasnintinta kamachin, kasunkutaj, nispa.
28Ajinamanta, chay kikimpacha tukuynejpi Jesusmanta yacharqanku, tukuy Galileaj muyuynintimpi.
Jesús thañichin Pedroj suegranta
(Mt 8.14-15; Lc 4.38-39)
29Sinagogamanta llojsispa Jesusqa, Santiagowan Juanwan ima rerqanku Simompa Andrespatawan wasinkuman. 30Simompa suegranqa k'ajaj onqoywan sirisharqa; chaypi kajkunataj warmej onqoykusqanta Jesusman willarqanku. 31Jesustaj payman qayllaykuspa, makinmanta aysarispa jataricherqa. Chay kikimpachataj k'ajaj onqoyninmanta thañikaporqa; paykunamantaj mikhunata jaywarqa.
Jesús thañichin ashkha onqosqasta
(Mt 8.16-17; Lc 4.40-41)
32Inti yaykuyta, ña ch'isiyaykuytaña, Jesusman pusamorqanku tukuy onqosqasta, supayniyoj runastawan. 33Tukuy llajtamanta runastaj, wasi punkuman tantakamorqanku. 34Jesustaj ashkhasta thañicherqa, tukuy laya onqoymanta. Runasmantapis ashkha supaykunata qharqorqa; manataj supaykunata parlajta saqejchu. Paykunaqa Jesusta rejserqanku pichus kasqanta.
Jesús evangeliota willan Galileapi
(Lc 4.42-44)
35Jesusqa tutamanta jatarispa, allin chhajchuta wasimanta llojsispa, ch'innejman rerqa; chaypitaj Diosmanta mañakusharqa. 36Simontaj, paywan kajkuna ima, Jesusta mask'amorqanku. 37Tarispataj nerqanku: Tukuy watukushasunku, nispa.
38Jesustaj paykunaman kuticherqa: Jakuchej wajkunaman; kay qayllaspipis runasman willanallataj tiyan, imaraykuchus chaypajmin noqaqa jamorqani.
39Ajinata Jesús purerqa, tukuy Galileata, sinagogasninkupi evangeliota willaspa; supaykunatapis runasmanta qharqospa.
Jesús thañichin lepra onqoyniyoj runata
(Mt 8.1-4; Lc 5.12-16)
40Uj kuti Jesusman jamorqa uj runa lepra onqoyniyoj. Qonqoriykukuspataj Jesusmanta mañakorqa: Sichus munanki chayqa, thañichiway, nispa.
41Jesustaj payta khuyaspa, makinwan llankhaykorqa, nerqataj: Arí munani, thañikapuy, nispa.
42Jesús chayta nisqantawan, runaqa lepra onqoyninmanta llimphuchasqa karqa. 43-44Chaymantataj kachaporqa mayta kamachispa: Allinta uyariway. Ama pimampis willankichu kay ruwasqayta. Riy cheqanta, sacerdoteman rikuchikamuy; ofrendaykita qomuy Moisespa kamachisqanman jina; chaywantaj runas yachanqanku thañisqaña kasqaykita.
45Runataj riytawan tukuyman willamorqa imaynatachus Jesús chay onqoyninmanta thañichisqanta; chay jawataj Jesusqa pakayllamantaña llajtasmampis yaykoj; ch'inkunallapiñataj kamoj; chaywampis Jesusmanqa tukuynejmanta jamullajpuni kanku.
Currently Selected:
SAN MARCOS 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MARCOS 1
1
Juan Bautista evangeliota willaspa purej
(Mt 3.1-12; Lc 3.1-9, 15-17; Jn 1.19-28)
1Kayqa Diospa Churin Jesucristoj evangeliompa qallariynin.
2Profeta Isaiaspa escribisqanman jina, nin: Willajniyta ñaupaqeykita kachamushani, qampaj ñanta wakichinampaj. 3Ch'impi, uj runaj qhapariynin uyarikun: Señorpaj ñanta pichaychej, cheqanyachiychejtaj purinasninta.
4Juanqa bautizasharqa ch'innejpi, willasharqataj Diosman kutirikuy bautismomanta, runaspa juchasninku pampachasqas kanampaj. 5Juanta uyarej jamorqanku, tukuy Judea jallp'amanta; Jerusalén llajtapi kajkuna ima. Bautizachikorqankutaj paywan Jordán mayupi juchasninkuta willakuspa.
6Juantaj p'achallisqa karqa camelloj millmanmanta ruwasqa p'achawan; chumpikojtaj qara chumpiwan; mikhojtaj langostasta, monte misk'ita ima. 7Runasmantaj willasharqa kay jinata: Uj qhari qhepayta jamushan, noqamanta aswan atiyniyoj; manataj k'umuykuspa ujut'asnimpa watusnillantapis phaskanaypaj jinachu kani. 8Noqaqa, yakuwan bautizaykichej; paytaj Santo Espirituwan bautizasonqachej.
Jesús bautizachikorqa Juanwan
(Mt 3.13-17; Lc 3.21-22)
9Chaypachallataj Jesús jamorqa Galileapi kaj Nazaret llajtamanta, bautizachikorqataj Juanwan Jordán mayupi. 10Jesús yakumanta llojsimushaspa, rikorqa cielo kicharikushajta; Espiritutataj, paloma jina, paypa patanman uraykamushajta. 11Cielomantataj Dios nimorqa: Qanmin munasqa Churiy kanki, qannejta sonqo junt'asqa kani.
Supay tientan Jesusta
(Mt 4.1-11; Lc 4.1-13)
12Chay kikimpachataj, Santo Espíritu Jesusta ch'innejman pusarqa. 13Jesustaj chaypi karqa, tawa chunka p'unchayta; supaytaj probarqa. Chay ch'impi pay karqa, phiña animaleswan khuska. Angelestaj jamuspa mikhunata jaywarqanku.
Jesús Galileapi predicayta qallarin
(Mt 4.12-17; Lc 4.14-15)
14-15Chay qhepata, Juanta carcelman wisq'achisqankumantaña, Jesús rerqa Galileaman, willaspa Diospa evangelionmanta, nispa: Tiempo junt'akapunña, Diospa reinontaj kayllapiña kashan. Juchasniykichejta saqerpayaspa Diosman kutiriychej, evangeliopitaj creeychej.
Jesús wajyan tawa challwirista
(Mt 4.18-22; Lc 5.1-11)
16Chaypacha, Jesusqa Galilea qocha cantonta rishaspa, rikorqa Simonta, wauqen Andrestawan. Paykunaqa qochaman ch'ipata wijch'uykusharqanku challwata jap'inankupaj, imaraykuchus challwiris karqanku. 17Jesustaj paykunaman nerqa: Qhepayta jamuychej, noqataj runa jap'ej challwirista ruwasqaykichej.
18Chay kikimpi challwa jap'inasninkuta saqerparispataj, Jesuspa qhepanta rerqanku.
19Tumpatawan karuncharispataj, Jesús rikullarqataj Zebedeoj churisninta. Bote ukhupi kasharqanku Santiago, wauqen Juan ima. Paykunaqa wakichisharqanku challwa jap'inasninkuta t'irispa. 20Rikuytawankamataj, paykunatapis Jesús wajyallarqataj. Paykunataj tatanku Zebedeota, llank'ajkunatawan botepi saqespa, Jesuspa qhepanta rerqanku.
Supayniyoj runa
(Lc 4.31-37)
21Chaymantá, Capernaum llajtaman chayarqanku; samakuna diapitaj sinagogaman yaykuspa, Jesusqa yachacherqa. 22Runakunataj, yachachisqanta uyarispa t'ukorqanku; imaraykuchus Jesusqa atiyniyoj jina yachachisharqa, mana leymanta yachachejkuna jinachu. 23-24Chay sinagogapitaj, uj runa kasharqa millay supayniyoj, qhaparerqataj, nispa: Nazaretmanta Jesús! Ima nispataj noqaykuwan jap'inakoj jamunkiri? Noqaykuta tukuchejchu jamunki? Noqa yachani pichus kasqaykita. Diospa ajllasqan kanki!
25Jesustaj supayta k'amerqa, nispa: Ch'in kay, llojsiy chay runamanta!
26Millay supaytaj, runata sinch'ita thalaspa, jatunta qhaparispataj, chay runamanta llojserqa. 27Runastaj t'ukuspa, purajmanta tapunakusharqanku: Imataj kayri? Ima mosoj yachachiytajri? Kay jina atiyniyojpuni kananri! Millay supaykunasnintinta kamachin, kasunkutaj, nispa.
28Ajinamanta, chay kikimpacha tukuynejpi Jesusmanta yacharqanku, tukuy Galileaj muyuynintimpi.
Jesús thañichin Pedroj suegranta
(Mt 8.14-15; Lc 4.38-39)
29Sinagogamanta llojsispa Jesusqa, Santiagowan Juanwan ima rerqanku Simompa Andrespatawan wasinkuman. 30Simompa suegranqa k'ajaj onqoywan sirisharqa; chaypi kajkunataj warmej onqoykusqanta Jesusman willarqanku. 31Jesustaj payman qayllaykuspa, makinmanta aysarispa jataricherqa. Chay kikimpachataj k'ajaj onqoyninmanta thañikaporqa; paykunamantaj mikhunata jaywarqa.
Jesús thañichin ashkha onqosqasta
(Mt 8.16-17; Lc 4.40-41)
32Inti yaykuyta, ña ch'isiyaykuytaña, Jesusman pusamorqanku tukuy onqosqasta, supayniyoj runastawan. 33Tukuy llajtamanta runastaj, wasi punkuman tantakamorqanku. 34Jesustaj ashkhasta thañicherqa, tukuy laya onqoymanta. Runasmantapis ashkha supaykunata qharqorqa; manataj supaykunata parlajta saqejchu. Paykunaqa Jesusta rejserqanku pichus kasqanta.
Jesús evangeliota willan Galileapi
(Lc 4.42-44)
35Jesusqa tutamanta jatarispa, allin chhajchuta wasimanta llojsispa, ch'innejman rerqa; chaypitaj Diosmanta mañakusharqa. 36Simontaj, paywan kajkuna ima, Jesusta mask'amorqanku. 37Tarispataj nerqanku: Tukuy watukushasunku, nispa.
38Jesustaj paykunaman kuticherqa: Jakuchej wajkunaman; kay qayllaspipis runasman willanallataj tiyan, imaraykuchus chaypajmin noqaqa jamorqani.
39Ajinata Jesús purerqa, tukuy Galileata, sinagogasninkupi evangeliota willaspa; supaykunatapis runasmanta qharqospa.
Jesús thañichin lepra onqoyniyoj runata
(Mt 8.1-4; Lc 5.12-16)
40Uj kuti Jesusman jamorqa uj runa lepra onqoyniyoj. Qonqoriykukuspataj Jesusmanta mañakorqa: Sichus munanki chayqa, thañichiway, nispa.
41Jesustaj payta khuyaspa, makinwan llankhaykorqa, nerqataj: Arí munani, thañikapuy, nispa.
42Jesús chayta nisqantawan, runaqa lepra onqoyninmanta llimphuchasqa karqa. 43-44Chaymantataj kachaporqa mayta kamachispa: Allinta uyariway. Ama pimampis willankichu kay ruwasqayta. Riy cheqanta, sacerdoteman rikuchikamuy; ofrendaykita qomuy Moisespa kamachisqanman jina; chaywantaj runas yachanqanku thañisqaña kasqaykita.
45Runataj riytawan tukuyman willamorqa imaynatachus Jesús chay onqoyninmanta thañichisqanta; chay jawataj Jesusqa pakayllamantaña llajtasmampis yaykoj; ch'inkunallapiñataj kamoj; chaywampis Jesusmanqa tukuynejmanta jamullajpuni kanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.