SAN MATEO 28
28
Jesuspa kausarimuynin
(Mr 16.1-8; Lc 24.1-12; Jn 20.1-10)
1Samakuna p'unchay pasayta, semanaj ñaupaj p'unchaynin sut'iyamuyta, María Magdalena, waj Mariawan rerqanku, sepulturata qhawaj. 2Ujllata ikhakorqa jallp'a, imaraykuchus Señorpa uj angelnin janaj pachamanta uraykamuspa, qayllaykuspataj, rumita tijrarpayarqa, chay patapitaj tiyaykukorqa. 3Rijch'aynenqa lliuj lliujpa k'anchaynin jina karqa, p'achantaj rit'i jina yuraj. 4Soldadostaj chayta rikuspa, manchariywan kharkatiterqanku, wañusqa jinataj wijch'ukorqanku. 5Angeltaj warmisman nerqa: Ama manchachikuychejchu. Noqa yachani Jesusta mask'ashasqaykichejta, pichus chakatasqa karqa, chayta. 6Mana kaypiñachu. Nisqanman jina kausarimunña. Jamuychej, qhawaykuychej maypichus Señor churasqa karqa, chayta. 7Usqhayta rispataj yachachisqasninman willamuychej: Wañusqakunamanta kausarimun. Ñaupaqeykichejtataj Galileaman rishan, chaypi paywan tinkukunkichej. Kaytaqa niykichejña.
8Paykunataj sepulturamanta llojsiytawan, mancha manchalla jatun kusiywantaj, usqhayta rerqanku yachachisqasninman willamoj. 9Jinata rishajtillanku, Jesús paykunaman rikhurerqa, napaykorqataj: Kusikuychej, nispa. Paykunataj qayllaykuytawan chakisninta ojllaykorqanku yupaycharqankutaj. 10Jesustaj paykunaman nerqa: Ama manchachikuychejchu, rispa wauqesniyman willamuychej Galileaman rinankuta. Chaypitaj rikuwanqanku.
Soldadosman lluk'iykunku
11Warmis rinankukamataj, wakin soldados llajtaman rispa, jatun sacerdotesman willamorqanku tukuy imamanta. 12-13Jatun sacerdotestaj, kuraj runaswan tantaykukuspa, yachachinakorqanku. Soldadosmantaj ashkha qolqeta lluk'iykorqanku, nispa: Qankunaqa niychej: Yachachisqasnin tuta jamuspa Jesuspa ayanta suwasqanku puñunaykukama. 14Kamachej kayta yachajtenqa, noqayku paywan parlasqayku, ama imanasunaykichejpaj.
15Soldadostaj qolqeta jap'iytawan kikinta ruwarqanku, yachachisqa kasqankuman jina. Kay ruwasqankutaj kunan p'unchaykama willakun judíos ukhupi.
Jesuspa jatun kamachiynin
(Mr 16.14-18; Lc 24.36-49; Jn 20.19-23)
16Chunka ujniyoj yachachisqastaj Galileaman rerqanku, maymanchus Jesús kamacherqa rinankuta, chay orqoman. 17Jesusta rikuytawantaj yupaycharqanku, wakinrí iskayrayarqanku. 18Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis. 19-20Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.
Currently Selected:
SAN MATEO 28: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 28
28
Jesuspa kausarimuynin
(Mr 16.1-8; Lc 24.1-12; Jn 20.1-10)
1Samakuna p'unchay pasayta, semanaj ñaupaj p'unchaynin sut'iyamuyta, María Magdalena, waj Mariawan rerqanku, sepulturata qhawaj. 2Ujllata ikhakorqa jallp'a, imaraykuchus Señorpa uj angelnin janaj pachamanta uraykamuspa, qayllaykuspataj, rumita tijrarpayarqa, chay patapitaj tiyaykukorqa. 3Rijch'aynenqa lliuj lliujpa k'anchaynin jina karqa, p'achantaj rit'i jina yuraj. 4Soldadostaj chayta rikuspa, manchariywan kharkatiterqanku, wañusqa jinataj wijch'ukorqanku. 5Angeltaj warmisman nerqa: Ama manchachikuychejchu. Noqa yachani Jesusta mask'ashasqaykichejta, pichus chakatasqa karqa, chayta. 6Mana kaypiñachu. Nisqanman jina kausarimunña. Jamuychej, qhawaykuychej maypichus Señor churasqa karqa, chayta. 7Usqhayta rispataj yachachisqasninman willamuychej: Wañusqakunamanta kausarimun. Ñaupaqeykichejtataj Galileaman rishan, chaypi paywan tinkukunkichej. Kaytaqa niykichejña.
8Paykunataj sepulturamanta llojsiytawan, mancha manchalla jatun kusiywantaj, usqhayta rerqanku yachachisqasninman willamoj. 9Jinata rishajtillanku, Jesús paykunaman rikhurerqa, napaykorqataj: Kusikuychej, nispa. Paykunataj qayllaykuytawan chakisninta ojllaykorqanku yupaycharqankutaj. 10Jesustaj paykunaman nerqa: Ama manchachikuychejchu, rispa wauqesniyman willamuychej Galileaman rinankuta. Chaypitaj rikuwanqanku.
Soldadosman lluk'iykunku
11Warmis rinankukamataj, wakin soldados llajtaman rispa, jatun sacerdotesman willamorqanku tukuy imamanta. 12-13Jatun sacerdotestaj, kuraj runaswan tantaykukuspa, yachachinakorqanku. Soldadosmantaj ashkha qolqeta lluk'iykorqanku, nispa: Qankunaqa niychej: Yachachisqasnin tuta jamuspa Jesuspa ayanta suwasqanku puñunaykukama. 14Kamachej kayta yachajtenqa, noqayku paywan parlasqayku, ama imanasunaykichejpaj.
15Soldadostaj qolqeta jap'iytawan kikinta ruwarqanku, yachachisqa kasqankuman jina. Kay ruwasqankutaj kunan p'unchaykama willakun judíos ukhupi.
Jesuspa jatun kamachiynin
(Mr 16.14-18; Lc 24.36-49; Jn 20.19-23)
16Chunka ujniyoj yachachisqastaj Galileaman rerqanku, maymanchus Jesús kamacherqa rinankuta, chay orqoman. 17Jesusta rikuytawantaj yupaycharqanku, wakinrí iskayrayarqanku. 18Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis. 19-20Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.