SAN MATEO 8
8
Jesús thañichin lepra onqoyniyojta
(Mr 1.40-45; Lc 5.12-16)
1Jesús orqomanta uraykamusqantawan, ashkha runas paywan khuska rerqanku. 2Uj lepra onqoyniyoj runataj, Jesusman qayllaykorqa; ñaupaqenman qonqoriykukuspataj, nerqa: Señor, munanki chayqa, atinki llimphuchawayta.
3Jesustaj makinta aysarispa payta llankhaykorqa, nispa: Arí munani, llimphu kay! Kayta nejtinkamataj lepramanta llimphuchasqa karqa. 4Jesustaj nerqa: Uyariway, amataj ni piman willankichu; rispa sacerdoteman rikuchikamuy. Moisespa kamachisqanman jinataj, ofrendaykita jaywamuy, runas yachanankupaj.
Jesús thañichin capitampa uywasqanta
(Lc 7.1-10)
5-6Jesús Capernaum llajtaman yaykusqantawankama, uj capitán Jesusman qayllaykorqa, mañakorqataj: Señor, uywasqay wasiypi mana kuyurej, suchuyasqa kashan; anchatapuni nanaywan ñak'arishan.
7Jesustaj nerqa: Noqa kikiy rispa, payta thañichimusaj.
8Capitantaj, kutichispa nerqa: Señor, noqaqa mana wasiyman yaykunaykipaj jinachu kani. Uj palabrallata niy, uywasqaytaj thañikaponqa. 9Noqapis kurajkunaj kamachisqallantaj kani. Noqapis soldadosta kamachini. Ujninta kamachini riy nispa, rintaj; ujnintapis nillanitaj, jamuy nispa, jamuntaj. Kamachiypis, imatachus nisqayta ruwan.
10Jesustaj kayta uyarispa, t'ukorqa; paywan rejkunamantaj nerqa: Cheqamanta niykichej, manaraj Israelpipis kay jina feniyoj runataqa tarerqanichu. 11Niykichej ari: Ashkha runakuna jamonqanku inti llojsimuynejmanta, inti yaykuynejmanta ima. Janaj pachapitaj Diospa reinompi mikhonqanku Abrahamwan, Isaacwan. Jacobwan ima. 12Janaj pacha reinoj wawasnintaj jawa laqhaman wijch'usqas kanqanku; chaypitaj jatun waqay, kiru k'arukuytaj kanqa.
13Chaymanta Jesús, capitanman nerqa: Ripuy wasiykiman: creesqaykiman jina ruwasqa kachun, nispa. Uywasqantaj chay kikimpacha thañikaporqa.
Jesús thañichin Pedroj suegranta
(Mr 1.29-31; Lc 4.38-39)
14Jesustaj Pedroj wasinman rerqa; chaypitaj Pedroj suegranta rikorqa k'ajaj onqoywan camapi sirishajta. 15Onqosqaj makinta llankharerqa, k'ajayninmantataj thañikaporqa. Jatarimuspataj payta sirverqa.
Jesús thañichin ashkha onqosqasta
(Mr 1.32-34; Lc 4.40-41)
16Ch'isiyaytataj, Jesusman pusamorqanku ashkha supayniyoj runakunata. Paytaj uj simillawan jawaman supaykunata qharqorqa. Ajinallatataj tukuy onqosqastapis thañicherqa. 17Kaytaj karqa, profeta Isaiaspa willasqan junt'akunampaj. Kay jinata nerqa: Pay kikin aparqa onqoykunasninchejta, jap'erqataj nanaykunasninchejta.
Jesuswan riyta munajkuna
(Lc 9.57-62)
18Jesustaj muyuynimpi ashkha runasta rikuspa, kamacherqa qocha chimpaman rinankuta. 19Leymanta yachachej runataj Jesusman qayllaykuspa nerqa: Maestro, qanwan risaj, maymanchá rinki chayman.
20Jesustaj payman kuticherqa: Atojkunaqa cuevasniyoj kanku, p'isqaspis thapasniyoj. Runaj Churimpatarí, mana maypi umanta churaykunampaj kapunchu.
21Yachachisqasninmanta ujnin kajtaj nerqa: Señor, saqeway tataytaraj ñaupajta p'ampamunayta.
22Jesustaj kuticherqa: Noqata qhatiway; saqey wañusqas wañusqasninkuta p'ampanankuta.
Jesús thañichin wayrata phiña qochatawan
(Mr 4.35-41; Lc 8.22-25)
23Chaymantataj, Jesús boteman yaykuspa yachachisqasninwan khuska rerqa. 24Jinallaman sinch'i wayra oqharikorqa qochapi; yakutaj manchayta oqharikuspa boteta chinkachinayasharqa. Jesustaj puñusharqa. 25Yachachisqasnintaj, qayllaykuytawan rijch'arichispa, nerqanku: Señor, salvawayku, chinkaykushanchejña!
26Jesustaj paykunaman nerqa: Imaraykutaj manchachikunkichej pisi feniyoj runas? Sayariytawantaj, qochata, wayratawan k'amerqa. Wayra thañejtintaj qocha tiyaykorqa. 27Runakunataj, t'ukuspa nerqanku: Pi runataj kayrí, wayrawan, qochawan ima kasuchikojrí?
Gadaramanta iskay runas supayniyoj
(Mr 5.1-20; Lc 8.26-39)
28Jesús, qocha chimpa, Gadarenospa jallp'anman chayarqa; iskay supayniyoj runastaj panteonmanta llojsimuspa payman chimpaykorqanku. Manchay phiñas kasqankuraykutaj, chay ñanta ni pi purejchu. 29Qhaparerqankutaj: Diospa Churin, ima ruwanayki tiyan noqaykuwan? Noqaykuta ñak'arichejchu jamuwayku, manaraj ñak'arinayku kashajtin?
30Paykunamanta karunejpitaj, ashkha khuchis mikhusharqanku. 31Supaykunataj Jesusmanta mañakorqanku: Kay runasmanta qharqowasqayku chayqa, kachawayku jaqay khuchisman.
32Paytaj nerqa: Riychej, nispa. Supaykunataj chay iskay runasmanta llojsispa, khuchisman rerqanku. Tukuynin khuchistaj qaqata urmaykorqanku qochaman, chaypitaj jeq'eqaspa wañurarqanku.
33Khuchista michejkunataj ayqerqanku. Llajtaman chayaspataj, tukuy imata willarqanku, chay supayniyoj runasmanta ima. 34Chay llajtamantataj, tukuy runas llojserqanku Jesusta taripaj. Paywan tinkuspataj, mañakorqanku chay jallp'ankumanta ripunanta.
Currently Selected:
SAN MATEO 8: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 8
8
Jesús thañichin lepra onqoyniyojta
(Mr 1.40-45; Lc 5.12-16)
1Jesús orqomanta uraykamusqantawan, ashkha runas paywan khuska rerqanku. 2Uj lepra onqoyniyoj runataj, Jesusman qayllaykorqa; ñaupaqenman qonqoriykukuspataj, nerqa: Señor, munanki chayqa, atinki llimphuchawayta.
3Jesustaj makinta aysarispa payta llankhaykorqa, nispa: Arí munani, llimphu kay! Kayta nejtinkamataj lepramanta llimphuchasqa karqa. 4Jesustaj nerqa: Uyariway, amataj ni piman willankichu; rispa sacerdoteman rikuchikamuy. Moisespa kamachisqanman jinataj, ofrendaykita jaywamuy, runas yachanankupaj.
Jesús thañichin capitampa uywasqanta
(Lc 7.1-10)
5-6Jesús Capernaum llajtaman yaykusqantawankama, uj capitán Jesusman qayllaykorqa, mañakorqataj: Señor, uywasqay wasiypi mana kuyurej, suchuyasqa kashan; anchatapuni nanaywan ñak'arishan.
7Jesustaj nerqa: Noqa kikiy rispa, payta thañichimusaj.
8Capitantaj, kutichispa nerqa: Señor, noqaqa mana wasiyman yaykunaykipaj jinachu kani. Uj palabrallata niy, uywasqaytaj thañikaponqa. 9Noqapis kurajkunaj kamachisqallantaj kani. Noqapis soldadosta kamachini. Ujninta kamachini riy nispa, rintaj; ujnintapis nillanitaj, jamuy nispa, jamuntaj. Kamachiypis, imatachus nisqayta ruwan.
10Jesustaj kayta uyarispa, t'ukorqa; paywan rejkunamantaj nerqa: Cheqamanta niykichej, manaraj Israelpipis kay jina feniyoj runataqa tarerqanichu. 11Niykichej ari: Ashkha runakuna jamonqanku inti llojsimuynejmanta, inti yaykuynejmanta ima. Janaj pachapitaj Diospa reinompi mikhonqanku Abrahamwan, Isaacwan. Jacobwan ima. 12Janaj pacha reinoj wawasnintaj jawa laqhaman wijch'usqas kanqanku; chaypitaj jatun waqay, kiru k'arukuytaj kanqa.
13Chaymanta Jesús, capitanman nerqa: Ripuy wasiykiman: creesqaykiman jina ruwasqa kachun, nispa. Uywasqantaj chay kikimpacha thañikaporqa.
Jesús thañichin Pedroj suegranta
(Mr 1.29-31; Lc 4.38-39)
14Jesustaj Pedroj wasinman rerqa; chaypitaj Pedroj suegranta rikorqa k'ajaj onqoywan camapi sirishajta. 15Onqosqaj makinta llankharerqa, k'ajayninmantataj thañikaporqa. Jatarimuspataj payta sirverqa.
Jesús thañichin ashkha onqosqasta
(Mr 1.32-34; Lc 4.40-41)
16Ch'isiyaytataj, Jesusman pusamorqanku ashkha supayniyoj runakunata. Paytaj uj simillawan jawaman supaykunata qharqorqa. Ajinallatataj tukuy onqosqastapis thañicherqa. 17Kaytaj karqa, profeta Isaiaspa willasqan junt'akunampaj. Kay jinata nerqa: Pay kikin aparqa onqoykunasninchejta, jap'erqataj nanaykunasninchejta.
Jesuswan riyta munajkuna
(Lc 9.57-62)
18Jesustaj muyuynimpi ashkha runasta rikuspa, kamacherqa qocha chimpaman rinankuta. 19Leymanta yachachej runataj Jesusman qayllaykuspa nerqa: Maestro, qanwan risaj, maymanchá rinki chayman.
20Jesustaj payman kuticherqa: Atojkunaqa cuevasniyoj kanku, p'isqaspis thapasniyoj. Runaj Churimpatarí, mana maypi umanta churaykunampaj kapunchu.
21Yachachisqasninmanta ujnin kajtaj nerqa: Señor, saqeway tataytaraj ñaupajta p'ampamunayta.
22Jesustaj kuticherqa: Noqata qhatiway; saqey wañusqas wañusqasninkuta p'ampanankuta.
Jesús thañichin wayrata phiña qochatawan
(Mr 4.35-41; Lc 8.22-25)
23Chaymantataj, Jesús boteman yaykuspa yachachisqasninwan khuska rerqa. 24Jinallaman sinch'i wayra oqharikorqa qochapi; yakutaj manchayta oqharikuspa boteta chinkachinayasharqa. Jesustaj puñusharqa. 25Yachachisqasnintaj, qayllaykuytawan rijch'arichispa, nerqanku: Señor, salvawayku, chinkaykushanchejña!
26Jesustaj paykunaman nerqa: Imaraykutaj manchachikunkichej pisi feniyoj runas? Sayariytawantaj, qochata, wayratawan k'amerqa. Wayra thañejtintaj qocha tiyaykorqa. 27Runakunataj, t'ukuspa nerqanku: Pi runataj kayrí, wayrawan, qochawan ima kasuchikojrí?
Gadaramanta iskay runas supayniyoj
(Mr 5.1-20; Lc 8.26-39)
28Jesús, qocha chimpa, Gadarenospa jallp'anman chayarqa; iskay supayniyoj runastaj panteonmanta llojsimuspa payman chimpaykorqanku. Manchay phiñas kasqankuraykutaj, chay ñanta ni pi purejchu. 29Qhaparerqankutaj: Diospa Churin, ima ruwanayki tiyan noqaykuwan? Noqaykuta ñak'arichejchu jamuwayku, manaraj ñak'arinayku kashajtin?
30Paykunamanta karunejpitaj, ashkha khuchis mikhusharqanku. 31Supaykunataj Jesusmanta mañakorqanku: Kay runasmanta qharqowasqayku chayqa, kachawayku jaqay khuchisman.
32Paytaj nerqa: Riychej, nispa. Supaykunataj chay iskay runasmanta llojsispa, khuchisman rerqanku. Tukuynin khuchistaj qaqata urmaykorqanku qochaman, chaypitaj jeq'eqaspa wañurarqanku.
33Khuchista michejkunataj ayqerqanku. Llajtaman chayaspataj, tukuy imata willarqanku, chay supayniyoj runasmanta ima. 34Chay llajtamantataj, tukuy runas llojserqanku Jesusta taripaj. Paywan tinkuspataj, mañakorqanku chay jallp'ankumanta ripunanta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.