SAN MATEO 7
7
Mana wajkunata juchachanachu
(Lc 6.37-38, 41-42)
1Ama wajkunata juchachaychejchu, qankunapis ama juchachasqas kanaykichejpaj. 2Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej. 3Imaraykutaj wauqeykej ñawimpi q'opitata qhawanki, qampa ñawiykipitaj kurkuta mana rikukunkichu? 4Chayrí, imaynatataj wauqeykita niyta atiwaj: Saqeway ñawiykimanta q'opitata orqhojta, qampa ñawiykipitaj kurku kashajtin? 5Puraj uya! Qampa ñawiykimantaraj kurkuta ñaupajta orqhokuy. Chaymantataj sut'ita rikuspa, wauqeykej ñawinmanta q'opitata orqhonki.
6Ama Diospaj ajllasqa kajta alqosman qoychejchu. Nitaj khuchismampis perla walqasniykichejta wijch'uychejchu; pajtataj chakisninkuwan sarurankuman, kutirimuspataj janch'usunkichejman.
Diosmanta mañakunamanta
(Lc 11.9-13; 6.31)
7Mañakuychej, qosqaykichejtaj; mask'aychej, tarinkichejtaj; punkuta takaychej, kicharisonqachejtaj. 8Mañakojqa jap'in; mask'ajpis tarin; punkuta takajmampis kicharinku.
9Pi runataj qankunamanta kanman, wawan t'antata mañakojtin rumita qojri? 10Challwata mañakojtimpis, kataritachu qonman? 11Sichus qankuna sajra runas kaspa, allin imasta wawasniykichejman qoyta yachankichej chayqa; imaraykutaj mana janaj pachapi kashaj Tataykichej aswan allin imastaraj qonmanchu, paymanta mañakojkunaman?
12Chayrayku, imatachus mañankichej runas qankunapaj ruwanankuta chayqa; ajinallatataj qankunapis paykunapaj ruwaychej; imaraykuchus kayta leyqa kamachin, profetaspis.
Punkusmanta ñankunamantawan
(Lc 13.24)
13K'ullku punkunejta yaykuychej, imaraykuchus anchomin punkoqa, jatuntaj chinkayman pusaj ñampis; chaynejta yaykojkunarí ashkhas kanku. 14Punkoqa k'ullkumin; k'ullkullataj kausayman pusaj ñampis. Pisistaj kanku chayta tarejkunaqa.
Sach'ataqa poqoyninnejta rejsinchej
(Lc 6.43-44)
15Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku. 16Ruwasqasninkunejta paykunata rejsinkichej. Khishkasmantachu uvasta pallanku; chayrí khishka qhorasmantachu higostapis pallanku? 17Ajinata, allin sach'aqa, sumaj poqoykunata qon; mana walej sach'arí, manallataj allin poqoykunatachu qon. 18Sumaj sach'aqa, mana atinchu apayta mana walej poqoykunataqa, nillataj mana allin sach'apis, allin poqoykunata apayta atinchu. 19Ima sach'allapis, mana walejta poqojtenqa k'utusqa, ninamantaj kanasqa. 20Ajinata, ruwasqasninkunejta paykunata rejsinkichej.
Mana tukuychu Diospa reinonman yaykonqanku
(Lc 13.25-27)
21Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku. 22Chay p'unchaypeqa, ashkhas niwanqanku: Señor, Señor! Manachu sutiykipi profetizarqayku, sutiykipitaj supaykunata qharqorqayku; sutillaykipitaj ashkha milagrostapis ruwarqayku? 23Chaypachataj paykunaman nisaj: Ni jayk'aj qankunata rejserqaykichejchu; t'aqakuychej noqamanta sajrata ruwajkuna.
Iskay laya wasis
(Lc 6.47-49; Mr 1.22)
24Pillapis kay nisqasniyta uyarispa ruwan chayqa; sumaj yuyayniyoj, chhanka patapi wasichakoj runaman rijch'akun. 25Para jich'akamorqa, mayustaj chayamorqanku, wayrastaj sinch'ita wayramuspa chay wasiman wajtakamorqanku. Chay wasitaj, mana urmarqachu chhanka patapi ruwasqa kasqanrayku. 26Pichá kay nisqasniyta uyarin, manataj kasunchu chayqa, mana yuyayniyoj, t'iyu patapi wasichakoj runaman rijch'akun. 27Para jich'akamojtintaj, mayus chayamorqanku; wayrastaj sinch'ita wayramuspa wasiman wajtakamorqanku, t'iyu patapi ruwasqa kasqanraykutaj waseqa urmarqa, thuñikuynintaj manchay karqa.
28Kaykunata Jesús parlayta tukusqanmantataj, runasqa yachachiyninmanta mayta t'ukorqanku. 29Atiyniyoj jinapuni yachachisharqa; manataj leymanta yachachejkuna jinachu.
Currently Selected:
SAN MATEO 7: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 7
7
Mana wajkunata juchachanachu
(Lc 6.37-38, 41-42)
1Ama wajkunata juchachaychejchu, qankunapis ama juchachasqas kanaykichejpaj. 2Ima juchawanchá wajkunata juchachankichej, chayllawantaj qankunapis juchachasqas kankichej. Ima tupuwanchá wajkunata tupunkichej, chayllawantaj tupusqas kankichej. 3Imaraykutaj wauqeykej ñawimpi q'opitata qhawanki, qampa ñawiykipitaj kurkuta mana rikukunkichu? 4Chayrí, imaynatataj wauqeykita niyta atiwaj: Saqeway ñawiykimanta q'opitata orqhojta, qampa ñawiykipitaj kurku kashajtin? 5Puraj uya! Qampa ñawiykimantaraj kurkuta ñaupajta orqhokuy. Chaymantataj sut'ita rikuspa, wauqeykej ñawinmanta q'opitata orqhonki.
6Ama Diospaj ajllasqa kajta alqosman qoychejchu. Nitaj khuchismampis perla walqasniykichejta wijch'uychejchu; pajtataj chakisninkuwan sarurankuman, kutirimuspataj janch'usunkichejman.
Diosmanta mañakunamanta
(Lc 11.9-13; 6.31)
7Mañakuychej, qosqaykichejtaj; mask'aychej, tarinkichejtaj; punkuta takaychej, kicharisonqachejtaj. 8Mañakojqa jap'in; mask'ajpis tarin; punkuta takajmampis kicharinku.
9Pi runataj qankunamanta kanman, wawan t'antata mañakojtin rumita qojri? 10Challwata mañakojtimpis, kataritachu qonman? 11Sichus qankuna sajra runas kaspa, allin imasta wawasniykichejman qoyta yachankichej chayqa; imaraykutaj mana janaj pachapi kashaj Tataykichej aswan allin imastaraj qonmanchu, paymanta mañakojkunaman?
12Chayrayku, imatachus mañankichej runas qankunapaj ruwanankuta chayqa; ajinallatataj qankunapis paykunapaj ruwaychej; imaraykuchus kayta leyqa kamachin, profetaspis.
Punkusmanta ñankunamantawan
(Lc 13.24)
13K'ullku punkunejta yaykuychej, imaraykuchus anchomin punkoqa, jatuntaj chinkayman pusaj ñampis; chaynejta yaykojkunarí ashkhas kanku. 14Punkoqa k'ullkumin; k'ullkullataj kausayman pusaj ñampis. Pisistaj kanku chayta tarejkunaqa.
Sach'ataqa poqoyninnejta rejsinchej
(Lc 6.43-44)
15Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku. 16Ruwasqasninkunejta paykunata rejsinkichej. Khishkasmantachu uvasta pallanku; chayrí khishka qhorasmantachu higostapis pallanku? 17Ajinata, allin sach'aqa, sumaj poqoykunata qon; mana walej sach'arí, manallataj allin poqoykunatachu qon. 18Sumaj sach'aqa, mana atinchu apayta mana walej poqoykunataqa, nillataj mana allin sach'apis, allin poqoykunata apayta atinchu. 19Ima sach'allapis, mana walejta poqojtenqa k'utusqa, ninamantaj kanasqa. 20Ajinata, ruwasqasninkunejta paykunata rejsinkichej.
Mana tukuychu Diospa reinonman yaykonqanku
(Lc 13.25-27)
21Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku. 22Chay p'unchaypeqa, ashkhas niwanqanku: Señor, Señor! Manachu sutiykipi profetizarqayku, sutiykipitaj supaykunata qharqorqayku; sutillaykipitaj ashkha milagrostapis ruwarqayku? 23Chaypachataj paykunaman nisaj: Ni jayk'aj qankunata rejserqaykichejchu; t'aqakuychej noqamanta sajrata ruwajkuna.
Iskay laya wasis
(Lc 6.47-49; Mr 1.22)
24Pillapis kay nisqasniyta uyarispa ruwan chayqa; sumaj yuyayniyoj, chhanka patapi wasichakoj runaman rijch'akun. 25Para jich'akamorqa, mayustaj chayamorqanku, wayrastaj sinch'ita wayramuspa chay wasiman wajtakamorqanku. Chay wasitaj, mana urmarqachu chhanka patapi ruwasqa kasqanrayku. 26Pichá kay nisqasniyta uyarin, manataj kasunchu chayqa, mana yuyayniyoj, t'iyu patapi wasichakoj runaman rijch'akun. 27Para jich'akamojtintaj, mayus chayamorqanku; wayrastaj sinch'ita wayramuspa wasiman wajtakamorqanku, t'iyu patapi ruwasqa kasqanraykutaj waseqa urmarqa, thuñikuynintaj manchay karqa.
28Kaykunata Jesús parlayta tukusqanmantataj, runasqa yachachiyninmanta mayta t'ukorqanku. 29Atiyniyoj jinapuni yachachisharqa; manataj leymanta yachachejkuna jinachu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.