SAN MATEO 9
9
Jesús puririchin tunuyasqa runata
(Mr 2.1-12; Lc 5.17-26)
1Jesús boteman yaykuspa rerqa qocha chimpaman, llajtanmantaj chayarqa. 2Chaymantaj apamorqanku uj tunuyasqa runata, phullupi wantumuspa. Jesustaj feninkuta rikuspa onqosqaman nerqa: Sonqochakuy wawáy! Juchasniykeqa pampachasqasña kanku.
3Wakin leymanta yachachejkunataj sonqonku ukhupi nisharqanku: Kay runa Diospis kanman jina parlashan. 4Jesustaj imatachus yuyasqankuta yachaspa, nerqa: Imaraykutaj sonqoykichejpi sajra imasta yuyashankichej? 5Ima niytaj aswan allin kanman: Juchasniyki pampachasqaña; chayrí, sayariy, puririy, niychu? 6Chayrayku yachanaykichejpaj Runaj Churenqa atiyniyoj, kay mundopi juchasta pampachanampaj.
Tunuyasqa runamantaj nerqa: Sayariy, phulluykita oqharikapuspa wasiykiman ripuy.
7Paytaj jatariytawan wasinman riporqa. 8Runastaj chayta rikuspa mancharikorqanku, Diostataj jatuncharqanku, chay jina atiyta runasman qosqanmanta.
Jesús wajyan Mateota
(Mr 2.13-17; Lc 5.27-32)
9Chaymanta rishaspa, Jesús rikorqa Mateo sutiyoj runata, impuesto jap'inampi tiyashajta, nerqataj: Noqawan jaku.
Paytaj sayariytawan Jesuswan rerqa.
10Jesús, Mateoj wasimpi mikhunampaj kashajtin, ashkha impuesteros, juchasapaswan jamorqanku mikhoj, maypichus Jesús yachachisqasninwan kasharqa chayman. 11Fariseostaj kayta rikuspa Jesuspa yachachisqasninta taporqanku: Imaraykutaj maestroykichej impuesteroswan, juchasapaswan ima mikhunri?
12Jesustaj chayta uyarispa nerqa: Walej kajkunaqa mana jampejta mask'ankuchu, manachayqa onqosqas kajkunalla. 13Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.
Ayunomanta tapukunku
(Mr 2.18-22; Lc 5.33-39)
14Chaypacha, Juan Bautistaj yachachisqasnin Jesusman qayllaykorqanku, nispa: Imaraykutaj, noqayku, fariseospis, sapa kuti ayunayku; yachachisqasniykitaj mana ayunankuchu?
15Jesustaj paykunaman nerqa: Atinkumanchu casamientoman wajyasqas llakisqas kayta, casarakoj runa paykunawan kashajtin? Uj p'unchay jamonqa, maypachachus casarakoj runa, paykunamanta qhechusqa kanqa, chaypachamá ayunanqanku.
16Mana pipis t'irinmanchu mauk'a p'achaman mosoj trapotaqa. Mosoj trapoqa q'entispa aswan jatunta llik'irparinman mauk'a p'achataqa. 17Manallataj pipis mosoj vinota jich'anmanchu mauk'a qara botasman. Mosoj vinoqa, poqoykuspa qara botasta phatachinman; jinapitaj vinoqa jich'akunman, qara botaspis usunkuman. Chayrayku, mosoj vinotaqa mosoj qara botasmampuni jich'anku; ajinamanta iskayninku waqaychasqas kanku.
Jairoj wawan kausarin, onqosqa warmitaj thañin
(Mr 5.21-43; Lc 8.40-56)
18Jesús kay imasta parlashajtintaj, uj kamachej runa payman qayllaykorqa, ñaupaqenman qonqoriykukuspataj nerqa: Ususiy kunallan wañupun; jamuy ari, makiykita payman churanki, kausarenqataj.
19Jesustaj sayarispa paywan khuska rerqa, yachachisqasninwan ima. 20Chaypachataj uj warmi karqa, chunka iskayniyoj watataña yawar apaywan onqosqa; paytaj Jesuspa qhepanmanta qayllaykuspa, p'achampa cantonta llankhaykorqa. 21Payqa sonqompi nerqa: P'achallantapis llankharisaj chayqa, thañikapusaj. 22Jesustaj kutirikuspa payta qhawarerqa, nerqataj: Sonqochakuy wawáy; feniykirayku thañisqa kanki.
Chaymantapachataj warmeqa thañikaporqa.
23Jesustaj, kamachej runaj wasinman yaykuspa, rikorqa qena tocajkunata, ashkha runastataj ch'ajwajta. 24Nerqataj: Ithiriychej, sipasqa mana wañusqachu, payqa puñushallan. Runastaj Jesusta asipayarqanku. 25Runasta jawaman llojsichispa, wasi ukhuman yaykorqa. Sipasta makinmanta aysarispataj sayaricherqa. 26Kay ruwasqantaj tukuy chay jallp'api yachakorqa.
Jesús iskay ciegosta qhawarichin
27Jesús chaymanta ripushajtintaj, iskay ciegos qhepanta rerqanku qhaparispa: Davidpa Churin, khuyariwayku!, nispa. 28Jesús wasiman chayasqantawantaj, chay ciegosqa payman qayllaykorqanku. Jesustaj paykunata taporqa: Creenkichejchu atiyniyoj kasqayta, kayta ruwanaypaj? Paykunataj kuticherqanku: Arí Señor, nispa.
29Chantá ñawisninkuta llankhaykuspa nerqa: Creesqaykichejman jina ruwasqa kachun.
30Ñawisninkutaj rikorqanku. Jesustaj allinta paykunaman kamacherqa: Ama ni piman kayta willankichejchu, nispa.
31Paykunataj llojsiytawankama, tukuy jaqay jallp'api willararqanku Jesusmanta.
Jesús parlarichin opata
32Chaymanta llojsejtinkukamataj, Jesusman pusamorqanku uj opa runata. 33Jesús supayta qharqojtintaj, opaqa parlarerqa. Runastaj t'ukusharqanku: Mana jayk'ajpis Israelpi rikukorqachu kay jinaqa, nispa.
34Fariseostaj nisharqanku: Kamachej supaypa atiyninwan, payqa qharqon supaykunata.
Jesús khuyan runasta
35Ajinata Jesusqa muyuynin llajtasta, ranchosta ima purerqa, yachachispa sinagogasninkupi, predicaspataj reinoj evangelionta; tukuy onqoykunamanta nanaykunamantawan thañichispa. 36Ashkha runasta rikuspataj sonqonta nanachikorqa, imaraykuchus paykunaqa saqerpayasqas, ch'eqerasqastaj kasharqanku, mana michejniyoj ovejas jina. 37Chaymantataj yachachisqasninman nerqa: Cheqamanta cosechaqa ashkha, llank'ajkunataj pisis kanku. 38Mañakuychej ari Señormanta, astawan llank'ajkunata cosechanman kachamunampaj.
Currently Selected:
SAN MATEO 9: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 9
9
Jesús puririchin tunuyasqa runata
(Mr 2.1-12; Lc 5.17-26)
1Jesús boteman yaykuspa rerqa qocha chimpaman, llajtanmantaj chayarqa. 2Chaymantaj apamorqanku uj tunuyasqa runata, phullupi wantumuspa. Jesustaj feninkuta rikuspa onqosqaman nerqa: Sonqochakuy wawáy! Juchasniykeqa pampachasqasña kanku.
3Wakin leymanta yachachejkunataj sonqonku ukhupi nisharqanku: Kay runa Diospis kanman jina parlashan. 4Jesustaj imatachus yuyasqankuta yachaspa, nerqa: Imaraykutaj sonqoykichejpi sajra imasta yuyashankichej? 5Ima niytaj aswan allin kanman: Juchasniyki pampachasqaña; chayrí, sayariy, puririy, niychu? 6Chayrayku yachanaykichejpaj Runaj Churenqa atiyniyoj, kay mundopi juchasta pampachanampaj.
Tunuyasqa runamantaj nerqa: Sayariy, phulluykita oqharikapuspa wasiykiman ripuy.
7Paytaj jatariytawan wasinman riporqa. 8Runastaj chayta rikuspa mancharikorqanku, Diostataj jatuncharqanku, chay jina atiyta runasman qosqanmanta.
Jesús wajyan Mateota
(Mr 2.13-17; Lc 5.27-32)
9Chaymanta rishaspa, Jesús rikorqa Mateo sutiyoj runata, impuesto jap'inampi tiyashajta, nerqataj: Noqawan jaku.
Paytaj sayariytawan Jesuswan rerqa.
10Jesús, Mateoj wasimpi mikhunampaj kashajtin, ashkha impuesteros, juchasapaswan jamorqanku mikhoj, maypichus Jesús yachachisqasninwan kasharqa chayman. 11Fariseostaj kayta rikuspa Jesuspa yachachisqasninta taporqanku: Imaraykutaj maestroykichej impuesteroswan, juchasapaswan ima mikhunri?
12Jesustaj chayta uyarispa nerqa: Walej kajkunaqa mana jampejta mask'ankuchu, manachayqa onqosqas kajkunalla. 13Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.
Ayunomanta tapukunku
(Mr 2.18-22; Lc 5.33-39)
14Chaypacha, Juan Bautistaj yachachisqasnin Jesusman qayllaykorqanku, nispa: Imaraykutaj, noqayku, fariseospis, sapa kuti ayunayku; yachachisqasniykitaj mana ayunankuchu?
15Jesustaj paykunaman nerqa: Atinkumanchu casamientoman wajyasqas llakisqas kayta, casarakoj runa paykunawan kashajtin? Uj p'unchay jamonqa, maypachachus casarakoj runa, paykunamanta qhechusqa kanqa, chaypachamá ayunanqanku.
16Mana pipis t'irinmanchu mauk'a p'achaman mosoj trapotaqa. Mosoj trapoqa q'entispa aswan jatunta llik'irparinman mauk'a p'achataqa. 17Manallataj pipis mosoj vinota jich'anmanchu mauk'a qara botasman. Mosoj vinoqa, poqoykuspa qara botasta phatachinman; jinapitaj vinoqa jich'akunman, qara botaspis usunkuman. Chayrayku, mosoj vinotaqa mosoj qara botasmampuni jich'anku; ajinamanta iskayninku waqaychasqas kanku.
Jairoj wawan kausarin, onqosqa warmitaj thañin
(Mr 5.21-43; Lc 8.40-56)
18Jesús kay imasta parlashajtintaj, uj kamachej runa payman qayllaykorqa, ñaupaqenman qonqoriykukuspataj nerqa: Ususiy kunallan wañupun; jamuy ari, makiykita payman churanki, kausarenqataj.
19Jesustaj sayarispa paywan khuska rerqa, yachachisqasninwan ima. 20Chaypachataj uj warmi karqa, chunka iskayniyoj watataña yawar apaywan onqosqa; paytaj Jesuspa qhepanmanta qayllaykuspa, p'achampa cantonta llankhaykorqa. 21Payqa sonqompi nerqa: P'achallantapis llankharisaj chayqa, thañikapusaj. 22Jesustaj kutirikuspa payta qhawarerqa, nerqataj: Sonqochakuy wawáy; feniykirayku thañisqa kanki.
Chaymantapachataj warmeqa thañikaporqa.
23Jesustaj, kamachej runaj wasinman yaykuspa, rikorqa qena tocajkunata, ashkha runastataj ch'ajwajta. 24Nerqataj: Ithiriychej, sipasqa mana wañusqachu, payqa puñushallan. Runastaj Jesusta asipayarqanku. 25Runasta jawaman llojsichispa, wasi ukhuman yaykorqa. Sipasta makinmanta aysarispataj sayaricherqa. 26Kay ruwasqantaj tukuy chay jallp'api yachakorqa.
Jesús iskay ciegosta qhawarichin
27Jesús chaymanta ripushajtintaj, iskay ciegos qhepanta rerqanku qhaparispa: Davidpa Churin, khuyariwayku!, nispa. 28Jesús wasiman chayasqantawantaj, chay ciegosqa payman qayllaykorqanku. Jesustaj paykunata taporqa: Creenkichejchu atiyniyoj kasqayta, kayta ruwanaypaj? Paykunataj kuticherqanku: Arí Señor, nispa.
29Chantá ñawisninkuta llankhaykuspa nerqa: Creesqaykichejman jina ruwasqa kachun.
30Ñawisninkutaj rikorqanku. Jesustaj allinta paykunaman kamacherqa: Ama ni piman kayta willankichejchu, nispa.
31Paykunataj llojsiytawankama, tukuy jaqay jallp'api willararqanku Jesusmanta.
Jesús parlarichin opata
32Chaymanta llojsejtinkukamataj, Jesusman pusamorqanku uj opa runata. 33Jesús supayta qharqojtintaj, opaqa parlarerqa. Runastaj t'ukusharqanku: Mana jayk'ajpis Israelpi rikukorqachu kay jinaqa, nispa.
34Fariseostaj nisharqanku: Kamachej supaypa atiyninwan, payqa qharqon supaykunata.
Jesús khuyan runasta
35Ajinata Jesusqa muyuynin llajtasta, ranchosta ima purerqa, yachachispa sinagogasninkupi, predicaspataj reinoj evangelionta; tukuy onqoykunamanta nanaykunamantawan thañichispa. 36Ashkha runasta rikuspataj sonqonta nanachikorqa, imaraykuchus paykunaqa saqerpayasqas, ch'eqerasqastaj kasharqanku, mana michejniyoj ovejas jina. 37Chaymantataj yachachisqasninman nerqa: Cheqamanta cosechaqa ashkha, llank'ajkunataj pisis kanku. 38Mañakuychej ari Señormanta, astawan llank'ajkunata cosechanman kachamunampaj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.