SAN MATEO 25
25
Chunka sipaskunamanta rijch'anachina
1Chantá, janaj pacha reinoqa rijch'akun chunka sipaskunaman; paykunaqa k'anchanasninkuta oqharikuspa casarakojta taripaj rerqanku. 2Phishqa sipaskuna wampus karqanku, phishqataj yuyayniyoj. 3Chay wampu sipaskunaqa k'anchanasninkuta oqharispa, mana aceiteta apakorqankuchu. 4Yuyayniyojkunarí, yurusninkupi k'anchanasninkupi ima, aceiteta apakorqanku. 5Casarakoj mana usqhayta chayamojtintaj, tukuyninku puñuywan atichikuspa puñurparerqanku. 6Chaupi tutatataj uj qhapariy uyarikorqa: Casarakoj runa chayamushanña; taripamuychej ari! 7Tukuynin sipaskunataj, jatariytawan, k'anchanasninkuta wakicherqanku. 8Wampustaj nerqanku yuyayniyojkunaman: Qoriwayku uj chhika aceiteta, imaraykuchus k'anchanasniyku wañupushankuña. 9Paykunataj nerqanku: Mana qoriykumanchu imaraykuchus noqaykupaj, qankunapajpis pisinman. Astawanqa, rispa qhatojkunamanta rantikamuychej. 10Paykuna aceiteta rantej rinankukamataj, casarakoj runa chayamorqa, wakichikoj sipaskunataj, paywan khuska casamiento wasiman yaykorqanku, punkutaj wisq'akaporqa. 11Qhepata chayamoj sipaskunataj wajyakorqanku: Wiraqochi, wiraqochi, kicharimuwayku!, nispa. 12Paytaj nimorqa: Cheqamanta niykichej, qankunataqa mana rejsiykichejchu.
13Allinta qhawakuychej. Mana yachankichejchu ari ima diatachus, chayrí ima horatachus Runaj Churin jamunanta.
Qolqe talentosmanta
14Janaj pacha reinoqa rijch'akun uj runa karuman puririshaspa, kamachisninman kapuyninta saqejman. 15Ujman phishqa talento qolqeta qorqa, ujmantaj iskayta, ujninmantaj uj talentollata. Ajinata sapa ujman qorqa atisqankuman jina. Chay kikimpachataj karuman ch'usarqa. 16Phishqa talentosta jap'ej kamacheqa chay qolqeta, uj jinatawan miracherqa. 17Jinallatataj iskay talentosta jap'ejpis, iskaytawan miracherqa. 18Uj talentota jap'ejrí, rispa, pampata jusk'uspa chayman pakaykorqa patronnimpa qolqenta.
19Kamachispa patronnintaj, unaymanta kutimuspa, paykunamanta cuentata mañarqa. 20Phishqa talentosta jap'ej kamachitaj, chimpaykuspa jaywarqa uj phishqatawan, nispa: Wiraqochi, phishqa talentosta qowasqaykiwan, kay phishqatawan miracherqani. 21Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy. 22Chaymantaqa iskay talentosta jap'ejñataj chimparqa, nispa: Wiraqochi, kay iskay talentosta qowarqanki, chaywantaj kay iskaytawan miracherqani. 23Patronnintaj payman nerqa: Walejpacha junt'aj kamachi, pisipi allinta junt'arqanki, kunanqa astawan ashkhata qosqayki; patronniykej kusikuyninmantaj yaykuy.
24Uj talentota jap'ejtaj chimpaykuspa nerqa: Wiraqochi, rejserqayki phiña runa kasqaykita, mana tarpuspalla cosechasqaykita, jinallataj mana t'akaspalla oqharisqaykita. 25Chayrayku, manchachikuspa jallp'aman p'ampaykamorqani qolqeykita. Kayqa, jap'ikapuy qolqeykita. 26Patronnintaj payman nerqa: Sajra, qhella kamachi, yacharqankichu mana tarpuspalla cosechasqayta jinallataj mana t'akaspalla oqharisqayta? 27Jina kajteyqa, bancoman churanayki karqa, kutimuspataj qolqeyta miraynintawan orqhokapunaypaj. 28Qhechuychej chay qolqe talentota, chunka talentosniyojmantaj qoychej. 29Kapuyniyojmanqa qosqa kanqa, astawan kapuyniyoj kanampaj; pisi kapuyniyojmantataj, pisi kapusqampis qhechusqa kanqa. 30Chay qhella kamachitaqa, jawa laqhaman wijch'uychej; chaypitaj waqay, kiru k'arukuytaj kanqa.
Qhepa kaj juiciomanta
31Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa. 32Tukuynejmantataj tukuy laya runas ñaupaqenman tantakamonqanku. Paytaj ujkunata ujkunamanta t'aqanqa; imaynatachus michejpis, ovejasta cabrasmanta wajman t'aqan, ajinata. 33Ovejasta pañanman churanqa, cabrastataj lloq'enman. 34Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota. 35Yarqhasqa kashajtiy, mikhuchiwarqankichej; ch'akiyniyoj, ujyachiwarqankichej; forastero kashajtiy, wajyariwarqankichej. 36P'achamanta usushajtiy, p'achallichiwarqankichej; onqosqa kashajtiy, watukuwarqankichej; carcelpi kashajtiypis, jamuwarqankichej. 37Cheqa kajta ruwajkunataj nenqanku: Señor, mayk'ajtaj yarqhasqata rikususpa mikhuchisorqayku; chayrí ch'akiyniyoj kashajtiyki ujyachisorqayku? 38Mayk'ajtaj, forasterota rikuspa wajyarerqayku; chayrí p'achamanta usushajtiyki p'achallicherqayku? 39Mayk'ajtaj onqosqata, chayrí carcelpi kashajtiykipis watukorqayku? 40Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.
41Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima. 42Yarqhasqa kashajtiy, mana mikhunata qoriwarqankichejchu; ch'akichikojtiytaj, yakuta mana jaywariwarqankichejchu. 43Forastero kashajtiy, mana wajyariwarqankichejchu; p'achamanta usushajtiy, mana p'achata qowarqankichejchu; onqosqa, carcelpitaj kashajtiypis, mana watukuwarqankichejchu. 44Paykunapis nillanqankutaj: Señor, mayk'ajtaj rikusorqayku yarqhasqata, ch'akichikojta, forasterota, p'achamanta pisichikojta, onqosqata, carcelpi wisq'asqata ima, manataj yanapasorqaykuchu? 45Señortaj paykunaman nenqa: Cheqamanta niykichej, kay juch'uy ujnin kaj wauqeypaj, mana imata ruwaporqankichejchu chayqa; nillataj noqapajpis ruwapuwarqankichejchu. 46Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.
Currently Selected:
SAN MATEO 25: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 25
25
Chunka sipaskunamanta rijch'anachina
1Chantá, janaj pacha reinoqa rijch'akun chunka sipaskunaman; paykunaqa k'anchanasninkuta oqharikuspa casarakojta taripaj rerqanku. 2Phishqa sipaskuna wampus karqanku, phishqataj yuyayniyoj. 3Chay wampu sipaskunaqa k'anchanasninkuta oqharispa, mana aceiteta apakorqankuchu. 4Yuyayniyojkunarí, yurusninkupi k'anchanasninkupi ima, aceiteta apakorqanku. 5Casarakoj mana usqhayta chayamojtintaj, tukuyninku puñuywan atichikuspa puñurparerqanku. 6Chaupi tutatataj uj qhapariy uyarikorqa: Casarakoj runa chayamushanña; taripamuychej ari! 7Tukuynin sipaskunataj, jatariytawan, k'anchanasninkuta wakicherqanku. 8Wampustaj nerqanku yuyayniyojkunaman: Qoriwayku uj chhika aceiteta, imaraykuchus k'anchanasniyku wañupushankuña. 9Paykunataj nerqanku: Mana qoriykumanchu imaraykuchus noqaykupaj, qankunapajpis pisinman. Astawanqa, rispa qhatojkunamanta rantikamuychej. 10Paykuna aceiteta rantej rinankukamataj, casarakoj runa chayamorqa, wakichikoj sipaskunataj, paywan khuska casamiento wasiman yaykorqanku, punkutaj wisq'akaporqa. 11Qhepata chayamoj sipaskunataj wajyakorqanku: Wiraqochi, wiraqochi, kicharimuwayku!, nispa. 12Paytaj nimorqa: Cheqamanta niykichej, qankunataqa mana rejsiykichejchu.
13Allinta qhawakuychej. Mana yachankichejchu ari ima diatachus, chayrí ima horatachus Runaj Churin jamunanta.
Qolqe talentosmanta
14Janaj pacha reinoqa rijch'akun uj runa karuman puririshaspa, kamachisninman kapuyninta saqejman. 15Ujman phishqa talento qolqeta qorqa, ujmantaj iskayta, ujninmantaj uj talentollata. Ajinata sapa ujman qorqa atisqankuman jina. Chay kikimpachataj karuman ch'usarqa. 16Phishqa talentosta jap'ej kamacheqa chay qolqeta, uj jinatawan miracherqa. 17Jinallatataj iskay talentosta jap'ejpis, iskaytawan miracherqa. 18Uj talentota jap'ejrí, rispa, pampata jusk'uspa chayman pakaykorqa patronnimpa qolqenta.
19Kamachispa patronnintaj, unaymanta kutimuspa, paykunamanta cuentata mañarqa. 20Phishqa talentosta jap'ej kamachitaj, chimpaykuspa jaywarqa uj phishqatawan, nispa: Wiraqochi, phishqa talentosta qowasqaykiwan, kay phishqatawan miracherqani. 21Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy. 22Chaymantaqa iskay talentosta jap'ejñataj chimparqa, nispa: Wiraqochi, kay iskay talentosta qowarqanki, chaywantaj kay iskaytawan miracherqani. 23Patronnintaj payman nerqa: Walejpacha junt'aj kamachi, pisipi allinta junt'arqanki, kunanqa astawan ashkhata qosqayki; patronniykej kusikuyninmantaj yaykuy.
24Uj talentota jap'ejtaj chimpaykuspa nerqa: Wiraqochi, rejserqayki phiña runa kasqaykita, mana tarpuspalla cosechasqaykita, jinallataj mana t'akaspalla oqharisqaykita. 25Chayrayku, manchachikuspa jallp'aman p'ampaykamorqani qolqeykita. Kayqa, jap'ikapuy qolqeykita. 26Patronnintaj payman nerqa: Sajra, qhella kamachi, yacharqankichu mana tarpuspalla cosechasqayta jinallataj mana t'akaspalla oqharisqayta? 27Jina kajteyqa, bancoman churanayki karqa, kutimuspataj qolqeyta miraynintawan orqhokapunaypaj. 28Qhechuychej chay qolqe talentota, chunka talentosniyojmantaj qoychej. 29Kapuyniyojmanqa qosqa kanqa, astawan kapuyniyoj kanampaj; pisi kapuyniyojmantataj, pisi kapusqampis qhechusqa kanqa. 30Chay qhella kamachitaqa, jawa laqhaman wijch'uychej; chaypitaj waqay, kiru k'arukuytaj kanqa.
Qhepa kaj juiciomanta
31Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa. 32Tukuynejmantataj tukuy laya runas ñaupaqenman tantakamonqanku. Paytaj ujkunata ujkunamanta t'aqanqa; imaynatachus michejpis, ovejasta cabrasmanta wajman t'aqan, ajinata. 33Ovejasta pañanman churanqa, cabrastataj lloq'enman. 34Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota. 35Yarqhasqa kashajtiy, mikhuchiwarqankichej; ch'akiyniyoj, ujyachiwarqankichej; forastero kashajtiy, wajyariwarqankichej. 36P'achamanta usushajtiy, p'achallichiwarqankichej; onqosqa kashajtiy, watukuwarqankichej; carcelpi kashajtiypis, jamuwarqankichej. 37Cheqa kajta ruwajkunataj nenqanku: Señor, mayk'ajtaj yarqhasqata rikususpa mikhuchisorqayku; chayrí ch'akiyniyoj kashajtiyki ujyachisorqayku? 38Mayk'ajtaj, forasterota rikuspa wajyarerqayku; chayrí p'achamanta usushajtiyki p'achallicherqayku? 39Mayk'ajtaj onqosqata, chayrí carcelpi kashajtiykipis watukorqayku? 40Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.
41Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima. 42Yarqhasqa kashajtiy, mana mikhunata qoriwarqankichejchu; ch'akichikojtiytaj, yakuta mana jaywariwarqankichejchu. 43Forastero kashajtiy, mana wajyariwarqankichejchu; p'achamanta usushajtiy, mana p'achata qowarqankichejchu; onqosqa, carcelpitaj kashajtiypis, mana watukuwarqankichejchu. 44Paykunapis nillanqankutaj: Señor, mayk'ajtaj rikusorqayku yarqhasqata, ch'akichikojta, forasterota, p'achamanta pisichikojta, onqosqata, carcelpi wisq'asqata ima, manataj yanapasorqaykuchu? 45Señortaj paykunaman nenqa: Cheqamanta niykichej, kay juch'uy ujnin kaj wauqeypaj, mana imata ruwaporqankichejchu chayqa; nillataj noqapajpis ruwapuwarqankichejchu. 46Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.