SAN MATEO 26
26
Jesusta wañuchinankupaj wakichikunku
(Mr 14.1-2; Lc 22.1-2; Jn 11.45-53)
1-2Jesusqa kay tukuy imasta yachachiyta tukuytawan, yachachisqasninman nerqa: Qankunaqa yachankichej, iskay diamantawan Pascua kananta; Runaj Churintataj jap'enqanku cruzpi chakatanankupaj.
3Chaymantataj, Caifás sutiyoj jatun sacerdotej patiompi, tantakorqanku kuraj sacerdotes, leymanta yachachejkuna, judiospa kuraj runasninku ima. 4Chaypi yachachinakorqanku, imaynamantapis Jesusta pakayllamanta jap'ispa wañuchinankupaj. 5Chantá, ninakorqanku: Ama Pascuapeqa jap'ichinachu, runas ama ch'ajwanankupaj.
Jesús Betaniapi
(Mr 14.3-9; Jn 12.1-8)
6-7Jesús Betaniapi, lepra onqoyniyoj Simompa wasimpi kashajtintaj uj warmi qayllaykorqa; valorniyoj perfume oqharisqa, rumi yuritupi. Jesuspa umanmantaj jich'aykorqa, mikhunampaj kashajtin. 8Yachachisqasnintaj chayta rikuspa phiñakorqanku, nerqankutaj: Imapajtaj kay jinata usuchinri? 9Kayqa, ashkha qolqepi vendekunman karqa, wajchasman qonapaj.
10Jesustaj chayta yachaspa nerqa paykunaman: Imaraykutaj kay warmipaj rimashankichejri? Payqa allinta noqapaj ruwapuwan. 11Wajchasqa qankunawampuni kanqa, noqarí mana qankunallawampunichu kasaj. 12Payqa, kay perfumewan jawiwaspaqa, p'ampakunaypaj wakichishawan. 13Cheqamanta niykichej, mayllapipis mundontimpi kay evangelio willakojtin, kay warmej ruwasqampis yachakonqa, paymanta yuyarinankupaj.
Judas nin Jesusta jap'ichinanta
(Mr 14.10-11; Lc 22.3-6)
14Chaypacha chunka iskayniyojmanta ujnin, Judas Iscariote sutiyoj, kuraj sacerdotesman rerqa. 15Nerqataj: Jesusta jap'ichiykichejman chayqa, imatataj qowankichej?
Paykunataj, kinsa chunka qolqeta qosqayku, nerqanku. 16Chaymantapacha Judas wateqasharqa, imaynamantachus Jesusta jap'ichinanta.
Pascua
(Mr 14.12-25; Lc 22.7-23; Jn 13.21-30; 1 Cor 11.23-26)
17Pascua, ñaupaj p'unchaypi, mana levadurayoj t'anta mikhuna kashajtin, Jesusman qayllaykuspa yachachisqasnin taporqanku: Maypitaj munanki Pascua mikhuyta wakichinaykuta?
18Paytaj kuticherqa: Riychej llajtaman, uj runaj wasinman, niychejtaj: Maestroqa nichimun: Horay qayllapiña, wasiykipi Pascua mikhuyta yachachisqasniywan mikhusaj.
19Yachachisqastaj Jesuspa kamachisqanman jina, Pascua mikhuyta wakicherqanku.
20Ch'isiyaykuytataj, Jesusqa chunka iskayniyoj yachachisqasninwan, mikhoj tiyaykorqanku. 21Mikhushaspataj yachachisqasninman nerqa: Cheqamanta niykichej, qankunamanta ujniykichej jap'ichiwanqa.
22Paykunataj ancha llakisqas, ujmanta uj, tapuyta qallarerqanku: Noqachu kani, Señor?, nispa.
23Jesustaj paykunaman kuticherqa: Pichus noqawan platoman makinta churashan, chay jap'ichiwanqa. 24Cheqamanta Runaj Churenqa rishan wañuyman, paymanta escribisqaman jina. Ay jaqay runamanta, piraykuchus Runaj Churin jap'ichisqa kanqa! Walej kanman karqa chay runapajqa, ama nacinan.
25Jap'ichej Judastaj Jesusta taporqa: Maestro, noqachu kani?, nispa. Jesustaj kuticherqa: Arí, qan kanki.
26Mikhushajtinkutaj, Jesús, t'antata oqharispa graciasta qorqa, partispataj yachachisqasninman jaywarqa, nispa: Mikhuychej, kaymin cuerpoyqa.
27Copata oqharispataj graciasta qollarqataj; paykunamantaj jaywarqa, nispa: Kaymanta tukuyniykichej ujyaychej. 28Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj. 29Kayta niykichej: Kunanmantaqa manaña ujyasajchu kay uvas sach'aj poqoyninmanta vinota; Tataypa reinompi mosoj vinota qankunawan ujyanaykama.
Jesús willan Pedro qhesachananta
(Mr 14.26-31; Lc 22.31-34; Jn 13.36-38)
30Salmosta takiytawantaj, Olivos orqoman llojserqanku. 31Chaypacha Jesús paykunaman nerqa: Kunan ch'isi noqamanta tukuyniykichej saqerpariwankichej. Escribisqa kashan: Michejta wajtasaj, ovejastaj ch'eqerakonqanku. 32Wañusqamanta kausarimuspataj, ñaupaqeykichejta Galileaman risaj.
33Pedrotaj Jesusman nerqa: Tukuyninku saqesojtinkupis, noqaqa manapuni jayk'ajpis qanta saqesqaykichu.
34Jesustaj payman nerqa: Cheqamanta niyki, kunan ch'isipacha, manaraj gallo waqayta kinsa kutikama mana rejsinichu niwanki.
35Pedro nillarqataj: Qanwan wañunay kashajtimpis, manapuni, mana rejsinichu nisqaykichu. Tukuynin yachachisqaspis kikillantataj nerqanku.
Jesús Getsemanipi
(Mr 14.32-42; Lc 22.39-46)
36Jesús Getsemaní huertaman yachachisqasninwan chayarqa, paykunamantaj nerqa: Kaypi tiyarikushaychej, jaqayman rispa Diosmanta mañakamunaykama.
37Pusarqataj Pedrota, Zebedeoj iskay churisnintawan; llakiywantaj ñak'ariyta qallarerqa. 38Chaypacha paykunaman nerqa: Almayqa may llakisqa kashan wañuykama. Noqawan kaypi qhepakuychej, qhawaychejtaj ama puñuspa.
39Astawan ñaupajman rispa, pampaman k'umuykukuytawan, Diosmanta mañakorqa: Tatáy, atikojtenqa kay ñak'arinay pasachun; chaywampis, ama noqaj munayniychu, qampa munayniyki ruwasqa kachun.
40Chaymantataj, kutimuspa yachachisqasninta puñurashajta tariparqa. Pedromantaj nerqa: Manachu uj horallatapis, mana puñuspa noqawan qhawaspa kayta aterqankichej? 41Ama puñuychejchu, qhawaychej, Diosmantataj mañakuychej, ama juchaman urmanaykichejpaj. Cheqamanta espiritoqa kallpayoj, aychataj mana kallpayojchu.
42Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.
43Kutimuspataj, puñurashajllatataj paykunata tariparqa; ñawisninkoqa puñuywan atisqas karqanku. 44Paykunata saqespa kutillarqataj; kinsa kaj mañakuynimpipis kikillantataj mañakorqa. 45Chaymanta kutimuspataj yachachisqasninman nerqa: Kunanqa puñukapuychej, samarikuychejtaj. Hora qayllamushanña, Runaj Churintaj juchasapaspa makisninman urmanqa. 46Sayariychej, jaku. Noqata jap'ichiwajqa qayllamushanña.
Jesusta presochanku
(Mr 14.43-50; Lc 22.47-53; Jn 18.2-11)
47Jesús parlashajtillanraj, Judas, chunka iskayniyoj yachachisqasninmanta ujnin, chayamorqa. Paywantaj ashkha runas jamorqanku, espadaswan, k'aspiswan ima. Paykunataqa kamacherqanku kuraj sacerdotes, llajtamanta kuraj runas ima. 48Jesusta jap'ichejtaj paykunaman yachacherqa: Pitachus much'aykusaj, chayta jap'inkichej, nispa. 49Chaymantaqa Jesusman qayllaykuspa nerqa: Imaynalla maestro!
Much'aykorqataj. 50Jesustaj payman nerqa: Kausaqe, imamantaj jamunkiri?
Judaswan jamojkunataj chimpaykuspa Jesusta presocharqanku.
51Jesuswan kajkunamanta ujnintaj, espadanta sik'ispa, kuraj sacerdotej kamachimpa ningrinta wajtaspa qholurparerqa. 52Chaypacha Jesús nerqa: Espadaykita waqaychay. Espadata oqharejkunaqa, espadallawantaj wañuchisqas kanqanku. 53Tataymantachus mañakuyman yanapanawanta chayqa, payqa kunampacha chunka iskayniyoj tropa angelesninmanta astawan kachamuwanman. 54Ajina kajtenqa, imaynamantataj chantá Escrituras junt'akunkumanri?
55Chaypacha Jesús nerqa runasman: Suwaman jinachu espadaswan, k'aspiswan ima, jap'ej jamuwarqankichej? Sapa día qankunawan templopi yachachispa kashajtiytaj, mana jap'iwarqankichejchu. 56Kay tukuy imaqa ruwakun profetaspa escribisqan junt'akunampaj.
Chaymantataj tukuynin yachachisqasnin saqerpayaspa ayqerqanku.
Jesús juntaj ñaupaqempi
(Mr 14.53-65; Lc 22.54-55, 63-71; Jn 18.12-14, 19-24)
57Presochaspa Jesusta pusarqanku jatun sacerdotej Caifaspa wasinman, maypichus tantasqas kasharqanku, leymanta yachachejkuna, kuraj runas ima. 58Pedrotaj karu qhepallata qhaterqa, jatun sacerdotej pationkama. Chayman yaykuspataj, kamachiswan tiyaykukorqa, suyaspa imatachus pasananta.
59Chaykamataj, kuraj sacerdotes jatun juntapi kajkuna ima, mask'asharqanku llulla ch'ataykojkunata, Jesusta wañuchinankupaj. 60Ashkha llulla testigos jamorqanku, manataj Jesuspi ima juchatapis tarerqankuchu. Chaywampis, qhepataña, iskay llulla testigos jamullarqankutaj. 61Paykunataj nerqanku: Kay runaqa nerqa: Diospa templonta urmachiyta atini; kinsa diapitaj sayarichiyta.
62Jatun sacerdotetaj, sayarispa Jesusman nerqa: Manachu imata contraykipi rimajkunaman kutichikunki?
63Jesustaj ch'inlla kakorqa. Chaymantataj jatun sacerdoteqa, payman nerqa: Kausashaj Diospa sutimpi niwayku. Qanchu Cristo, Diospa Churin kanki?
64Jesustaj kuticherqa: Qan ninki. Astawanqa niykichej: Kunanmantapacha Runaj Churinta rikunkichej, atiyniyoj Diospa pañampi tiyashajta, cielo phuyuspitaj jamushajta.
65Jatun sacerdotetaj, p'achasninta llik'irakuspa, nerqa: Kay runaqa Diospa contranta riman. Imapajñataj testigosta munanchejri? Kunampacha uyarishankichej, Diospa contrampi rimasqanta. 66Imaynataj qankunaman rijch'asunkichejri? Paykunataj kuticherqanku: Juchayojpuni ari, wañunan tiyan, nispa.
67-68Niytawantaj, uyanman thoqaykorqanku, laq'arqanku; wakintaj sajmarqanku, nispa: Ya Cristo, niwayku pichus sajmasusqanta.
Pedro, Jesusta mana rejsejman tukun
(Mr 14.66-72; Lc 22.56-62; Jn 18.15-18, 25-27)
69Pedro jawa patiopi tiyasharqa; uj sipas kamachitaj payman qayllaykuspa, nerqa: Qampis Galilea llajtayoj Jesuswan purej kanki.
70Payrí, tukuypa ñaupaqempi, nerqa: Mana rejsinichu, nitaj yachanichu imatachus nisqaykita, nispa.
71Punkuta llojsishajtin, waj sipas kamachiñataj rikuspa, chaypi kajkunaman, nerqa: Kaypis, nazareno Jesuswan kasharqa.
72Paytaj ujtawan, mana rejsinichu chay runata, nerqa juramentowan.
73Uj chhikanmantawan, chaypi kashajkunañataj, Pedroman qayllaykuspa nerqanku: Cheqamanta qampis paykunamanta kanki, parlaynillaykipi yachakushan. 74Pedrotaj phiñarikorqa, juraytataj qallarerqa: Manapuni rejsinichu chay runataqa, nispa. Chay kikimpachataj, gallo waqarqa. 75Chantá Pedro yuyarikorqa Jesús nisqanmanta: Manaraj gallo waqayta, kinsa kutita, mana rejsinichu niwanki. Jawaman llojsispataj sonqo nanayta waqarqa.
Currently Selected:
SAN MATEO 26: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 26
26
Jesusta wañuchinankupaj wakichikunku
(Mr 14.1-2; Lc 22.1-2; Jn 11.45-53)
1-2Jesusqa kay tukuy imasta yachachiyta tukuytawan, yachachisqasninman nerqa: Qankunaqa yachankichej, iskay diamantawan Pascua kananta; Runaj Churintataj jap'enqanku cruzpi chakatanankupaj.
3Chaymantataj, Caifás sutiyoj jatun sacerdotej patiompi, tantakorqanku kuraj sacerdotes, leymanta yachachejkuna, judiospa kuraj runasninku ima. 4Chaypi yachachinakorqanku, imaynamantapis Jesusta pakayllamanta jap'ispa wañuchinankupaj. 5Chantá, ninakorqanku: Ama Pascuapeqa jap'ichinachu, runas ama ch'ajwanankupaj.
Jesús Betaniapi
(Mr 14.3-9; Jn 12.1-8)
6-7Jesús Betaniapi, lepra onqoyniyoj Simompa wasimpi kashajtintaj uj warmi qayllaykorqa; valorniyoj perfume oqharisqa, rumi yuritupi. Jesuspa umanmantaj jich'aykorqa, mikhunampaj kashajtin. 8Yachachisqasnintaj chayta rikuspa phiñakorqanku, nerqankutaj: Imapajtaj kay jinata usuchinri? 9Kayqa, ashkha qolqepi vendekunman karqa, wajchasman qonapaj.
10Jesustaj chayta yachaspa nerqa paykunaman: Imaraykutaj kay warmipaj rimashankichejri? Payqa allinta noqapaj ruwapuwan. 11Wajchasqa qankunawampuni kanqa, noqarí mana qankunallawampunichu kasaj. 12Payqa, kay perfumewan jawiwaspaqa, p'ampakunaypaj wakichishawan. 13Cheqamanta niykichej, mayllapipis mundontimpi kay evangelio willakojtin, kay warmej ruwasqampis yachakonqa, paymanta yuyarinankupaj.
Judas nin Jesusta jap'ichinanta
(Mr 14.10-11; Lc 22.3-6)
14Chaypacha chunka iskayniyojmanta ujnin, Judas Iscariote sutiyoj, kuraj sacerdotesman rerqa. 15Nerqataj: Jesusta jap'ichiykichejman chayqa, imatataj qowankichej?
Paykunataj, kinsa chunka qolqeta qosqayku, nerqanku. 16Chaymantapacha Judas wateqasharqa, imaynamantachus Jesusta jap'ichinanta.
Pascua
(Mr 14.12-25; Lc 22.7-23; Jn 13.21-30; 1 Cor 11.23-26)
17Pascua, ñaupaj p'unchaypi, mana levadurayoj t'anta mikhuna kashajtin, Jesusman qayllaykuspa yachachisqasnin taporqanku: Maypitaj munanki Pascua mikhuyta wakichinaykuta?
18Paytaj kuticherqa: Riychej llajtaman, uj runaj wasinman, niychejtaj: Maestroqa nichimun: Horay qayllapiña, wasiykipi Pascua mikhuyta yachachisqasniywan mikhusaj.
19Yachachisqastaj Jesuspa kamachisqanman jina, Pascua mikhuyta wakicherqanku.
20Ch'isiyaykuytataj, Jesusqa chunka iskayniyoj yachachisqasninwan, mikhoj tiyaykorqanku. 21Mikhushaspataj yachachisqasninman nerqa: Cheqamanta niykichej, qankunamanta ujniykichej jap'ichiwanqa.
22Paykunataj ancha llakisqas, ujmanta uj, tapuyta qallarerqanku: Noqachu kani, Señor?, nispa.
23Jesustaj paykunaman kuticherqa: Pichus noqawan platoman makinta churashan, chay jap'ichiwanqa. 24Cheqamanta Runaj Churenqa rishan wañuyman, paymanta escribisqaman jina. Ay jaqay runamanta, piraykuchus Runaj Churin jap'ichisqa kanqa! Walej kanman karqa chay runapajqa, ama nacinan.
25Jap'ichej Judastaj Jesusta taporqa: Maestro, noqachu kani?, nispa. Jesustaj kuticherqa: Arí, qan kanki.
26Mikhushajtinkutaj, Jesús, t'antata oqharispa graciasta qorqa, partispataj yachachisqasninman jaywarqa, nispa: Mikhuychej, kaymin cuerpoyqa.
27Copata oqharispataj graciasta qollarqataj; paykunamantaj jaywarqa, nispa: Kaymanta tukuyniykichej ujyaychej. 28Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj. 29Kayta niykichej: Kunanmantaqa manaña ujyasajchu kay uvas sach'aj poqoyninmanta vinota; Tataypa reinompi mosoj vinota qankunawan ujyanaykama.
Jesús willan Pedro qhesachananta
(Mr 14.26-31; Lc 22.31-34; Jn 13.36-38)
30Salmosta takiytawantaj, Olivos orqoman llojserqanku. 31Chaypacha Jesús paykunaman nerqa: Kunan ch'isi noqamanta tukuyniykichej saqerpariwankichej. Escribisqa kashan: Michejta wajtasaj, ovejastaj ch'eqerakonqanku. 32Wañusqamanta kausarimuspataj, ñaupaqeykichejta Galileaman risaj.
33Pedrotaj Jesusman nerqa: Tukuyninku saqesojtinkupis, noqaqa manapuni jayk'ajpis qanta saqesqaykichu.
34Jesustaj payman nerqa: Cheqamanta niyki, kunan ch'isipacha, manaraj gallo waqayta kinsa kutikama mana rejsinichu niwanki.
35Pedro nillarqataj: Qanwan wañunay kashajtimpis, manapuni, mana rejsinichu nisqaykichu. Tukuynin yachachisqaspis kikillantataj nerqanku.
Jesús Getsemanipi
(Mr 14.32-42; Lc 22.39-46)
36Jesús Getsemaní huertaman yachachisqasninwan chayarqa, paykunamantaj nerqa: Kaypi tiyarikushaychej, jaqayman rispa Diosmanta mañakamunaykama.
37Pusarqataj Pedrota, Zebedeoj iskay churisnintawan; llakiywantaj ñak'ariyta qallarerqa. 38Chaypacha paykunaman nerqa: Almayqa may llakisqa kashan wañuykama. Noqawan kaypi qhepakuychej, qhawaychejtaj ama puñuspa.
39Astawan ñaupajman rispa, pampaman k'umuykukuytawan, Diosmanta mañakorqa: Tatáy, atikojtenqa kay ñak'arinay pasachun; chaywampis, ama noqaj munayniychu, qampa munayniyki ruwasqa kachun.
40Chaymantataj, kutimuspa yachachisqasninta puñurashajta tariparqa. Pedromantaj nerqa: Manachu uj horallatapis, mana puñuspa noqawan qhawaspa kayta aterqankichej? 41Ama puñuychejchu, qhawaychej, Diosmantataj mañakuychej, ama juchaman urmanaykichejpaj. Cheqamanta espiritoqa kallpayoj, aychataj mana kallpayojchu.
42Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.
43Kutimuspataj, puñurashajllatataj paykunata tariparqa; ñawisninkoqa puñuywan atisqas karqanku. 44Paykunata saqespa kutillarqataj; kinsa kaj mañakuynimpipis kikillantataj mañakorqa. 45Chaymanta kutimuspataj yachachisqasninman nerqa: Kunanqa puñukapuychej, samarikuychejtaj. Hora qayllamushanña, Runaj Churintaj juchasapaspa makisninman urmanqa. 46Sayariychej, jaku. Noqata jap'ichiwajqa qayllamushanña.
Jesusta presochanku
(Mr 14.43-50; Lc 22.47-53; Jn 18.2-11)
47Jesús parlashajtillanraj, Judas, chunka iskayniyoj yachachisqasninmanta ujnin, chayamorqa. Paywantaj ashkha runas jamorqanku, espadaswan, k'aspiswan ima. Paykunataqa kamacherqanku kuraj sacerdotes, llajtamanta kuraj runas ima. 48Jesusta jap'ichejtaj paykunaman yachacherqa: Pitachus much'aykusaj, chayta jap'inkichej, nispa. 49Chaymantaqa Jesusman qayllaykuspa nerqa: Imaynalla maestro!
Much'aykorqataj. 50Jesustaj payman nerqa: Kausaqe, imamantaj jamunkiri?
Judaswan jamojkunataj chimpaykuspa Jesusta presocharqanku.
51Jesuswan kajkunamanta ujnintaj, espadanta sik'ispa, kuraj sacerdotej kamachimpa ningrinta wajtaspa qholurparerqa. 52Chaypacha Jesús nerqa: Espadaykita waqaychay. Espadata oqharejkunaqa, espadallawantaj wañuchisqas kanqanku. 53Tataymantachus mañakuyman yanapanawanta chayqa, payqa kunampacha chunka iskayniyoj tropa angelesninmanta astawan kachamuwanman. 54Ajina kajtenqa, imaynamantataj chantá Escrituras junt'akunkumanri?
55Chaypacha Jesús nerqa runasman: Suwaman jinachu espadaswan, k'aspiswan ima, jap'ej jamuwarqankichej? Sapa día qankunawan templopi yachachispa kashajtiytaj, mana jap'iwarqankichejchu. 56Kay tukuy imaqa ruwakun profetaspa escribisqan junt'akunampaj.
Chaymantataj tukuynin yachachisqasnin saqerpayaspa ayqerqanku.
Jesús juntaj ñaupaqempi
(Mr 14.53-65; Lc 22.54-55, 63-71; Jn 18.12-14, 19-24)
57Presochaspa Jesusta pusarqanku jatun sacerdotej Caifaspa wasinman, maypichus tantasqas kasharqanku, leymanta yachachejkuna, kuraj runas ima. 58Pedrotaj karu qhepallata qhaterqa, jatun sacerdotej pationkama. Chayman yaykuspataj, kamachiswan tiyaykukorqa, suyaspa imatachus pasananta.
59Chaykamataj, kuraj sacerdotes jatun juntapi kajkuna ima, mask'asharqanku llulla ch'ataykojkunata, Jesusta wañuchinankupaj. 60Ashkha llulla testigos jamorqanku, manataj Jesuspi ima juchatapis tarerqankuchu. Chaywampis, qhepataña, iskay llulla testigos jamullarqankutaj. 61Paykunataj nerqanku: Kay runaqa nerqa: Diospa templonta urmachiyta atini; kinsa diapitaj sayarichiyta.
62Jatun sacerdotetaj, sayarispa Jesusman nerqa: Manachu imata contraykipi rimajkunaman kutichikunki?
63Jesustaj ch'inlla kakorqa. Chaymantataj jatun sacerdoteqa, payman nerqa: Kausashaj Diospa sutimpi niwayku. Qanchu Cristo, Diospa Churin kanki?
64Jesustaj kuticherqa: Qan ninki. Astawanqa niykichej: Kunanmantapacha Runaj Churinta rikunkichej, atiyniyoj Diospa pañampi tiyashajta, cielo phuyuspitaj jamushajta.
65Jatun sacerdotetaj, p'achasninta llik'irakuspa, nerqa: Kay runaqa Diospa contranta riman. Imapajñataj testigosta munanchejri? Kunampacha uyarishankichej, Diospa contrampi rimasqanta. 66Imaynataj qankunaman rijch'asunkichejri? Paykunataj kuticherqanku: Juchayojpuni ari, wañunan tiyan, nispa.
67-68Niytawantaj, uyanman thoqaykorqanku, laq'arqanku; wakintaj sajmarqanku, nispa: Ya Cristo, niwayku pichus sajmasusqanta.
Pedro, Jesusta mana rejsejman tukun
(Mr 14.66-72; Lc 22.56-62; Jn 18.15-18, 25-27)
69Pedro jawa patiopi tiyasharqa; uj sipas kamachitaj payman qayllaykuspa, nerqa: Qampis Galilea llajtayoj Jesuswan purej kanki.
70Payrí, tukuypa ñaupaqempi, nerqa: Mana rejsinichu, nitaj yachanichu imatachus nisqaykita, nispa.
71Punkuta llojsishajtin, waj sipas kamachiñataj rikuspa, chaypi kajkunaman, nerqa: Kaypis, nazareno Jesuswan kasharqa.
72Paytaj ujtawan, mana rejsinichu chay runata, nerqa juramentowan.
73Uj chhikanmantawan, chaypi kashajkunañataj, Pedroman qayllaykuspa nerqanku: Cheqamanta qampis paykunamanta kanki, parlaynillaykipi yachakushan. 74Pedrotaj phiñarikorqa, juraytataj qallarerqa: Manapuni rejsinichu chay runataqa, nispa. Chay kikimpachataj, gallo waqarqa. 75Chantá Pedro yuyarikorqa Jesús nisqanmanta: Manaraj gallo waqayta, kinsa kutita, mana rejsinichu niwanki. Jawaman llojsispataj sonqo nanayta waqarqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.