SAN MATEO 24
24
Templo urmananmanta
(Mr 13.1-2; Lc 21.5-6)
1Jesús templomanta llojsispa purisharqa; yachachisqasnintaj qayllaykuspa temploj imaynachus ruwasqa kasqanta rikucherqanku. 2Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.
Ñak'ariykuna kanqa
(Mr 13.3-23; Lc 21.7-24; 17.22-24)
3Olivos orqopi Jesús tiyakushajtin, yachachisqasnin qayllaykuspa, sapallampi taporqanku, nispa: Niwayku, mayk'ajtaj kay imas kanqa? Ima señaltataj rikuchiwasqayku kutimunaykimanta, kay mundoj tukukuyninmantawan?
4Jesustaj paykunaman kuticherqa: Allinta qhawakuychej, pajtataj pipis ch'aukiyasunkichejman. 5Kayta niykichej, imaraykuchus ashkhas sutiypi jamonqanku, nispa: Noqa Cristo kani. Ashkhastataj pantachenqanku. 6Uyarinkichejtaj guerrasta, guerrasmanta parlaykunata. Chaymantaqa ama mancharinkichejchu imaraykuchus ajinapuni kanan tiyan. Chaywampis manaraj tukukuychu kanqa. 7Uj nación waj naciompa contranta oqharikonqa; uj reinopis waj reinoj contranta; jinallataj kanqa yarqhaykuna, onqoykuna, jallp'a kuyuykuna ima; kaynejpi, chaynejpi. 8Chay tukuy imastaj, nanaykunaj qallariynillanraj kanqa.
9Chaymantataj ñak'arichisonqachej, wakintataj wañuchisonqachej. Ajinata tukuy runaj chejnisqan kankichej, noqaj sutiyrayku. 10Chaypacha ashkhas misk'anqanku, wakinkuna purajmanta ch'atanakonqanku, chejninakonqankutaj. 11Ashkha llulla profetas rikhurimonqanku, ashkhastataj pantachenqanku. 12Ajinata jucha yapakojtin, ashkhaspa munakuynin chiriyaponqa. 13Pichus tukukuykama sinch'ita sayanqa, chaymá salvasqa kanqa. 14Janaj pacha reinomanta evangelio tukuynejpi willasqa kanqa, tukuy laya runaspaj testigo kanampaj; chaypachamá tukukoyqa jamonqa.
15Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun. 16Chaypacha, Judeapi kashajkuna ayqechunku orqosman. 17Chay p'unchaypi pillapis alto patapi kashajqa, ama uraykamuchunchu wasinmanta imallatapis orqhoj. 18Chajrapi kashajpis, ama kutichunchu wasinman p'achanta orqhoj. 19Way, chay p'unchaypi wijsayoj warmismanta, ñuñoj wawayojkunamanta ima! 20Diosmanta mañakuychej ari, ama chiri tiempopi ayqenaykichej kanampaj, nitaj samakuna p'unchaypipis. 21Chaypacha manchay ñak'ariy kanqa; chaytaj mundo qallarikusqanmantapacha, manaraj chay jina karqachu, nitaj jayk'ajpis kanqachu. 22Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.
23Chantá pillapis nisojtiykichej, kaypi Cristo kashan, chayrí jaqaypi kashan, ama paykunata creenkichejchu. 24Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta. 25Chaytaqa ñaupajmantaña nerqaykichej. 26Chayrayku, Cristo ch'innejpi kashan nisojtiykichejqa, ama rinkichejchu; chayrí, wasi ukhupi kashan nisojtiykichejpis amallataj creenkichejchu. 27Imaynatachus lliuj lliujqa, inti llojsimuymanta inti yaykuykama lliphipirispa rikuchikun, ajinallataj kanqa, Runaj Churimpa jamuynenqa. 28Maypichá wañusqa kashan, chayman q'arqañas tantakonqanku.
Runaj Churimpa kutimuynin
(Mr 13.24-37; Lc 21.25-33; 17.26-30, 34-36)
29Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku. 30Chaypachataj Runaj Churimpa señalnin janaj pachapi rikhurenqa; tukuy kay pachapi ayllustaj waqanqanku. Runaj Churintataj cielo phuyus patapi jamushajta rikonqanku; tukuy atiyninwan, lliphipiyninwan ima. 31Angelesnintataj kachamonqa, cornetata sinch'ita waqachispa, tukuy ajllasqasninta tantanankupaj, mundoj tawantin cheqamanta, uj cantonmanta, ujnin cantonkama.
32Higo sach'amanta rijch'anachinata yachakuychej: Ramasnin q'omeryaspa laqhesnin q'erqeshajtin, yachankichej q'oñi tiempoña kasqanta. 33Ajinallatataj qankunapis, kay tukuy imata rikuspa, yachankichej ñapis Cristo qayllapiña kasqanta. 34Cheqamanta niykichej: Kunan tiempo runasqa manaraj wañonqankuchu, kay tukuy ima junt'akunankama. 35Cielo, kay mundopis tukukaponqanku, palabrasniytaj mana jayk'ajpis tukukonqankuchu.
36Mayk'ajchus, ima diachus, ima horachus kananta mana pipis yachanchu; ni janaj pachapi angelespis, nitaj Churipis yachanchu; Tatallay chaytaqa yachan.
37Imaynachus, Noejpa tiempompi karqa, ajinallataj Runaj Churimpa jamuynin kanqa. 38Chay tiempopi, manaraj jatun para chayamushajtin, runasqa mikhusharqanku, ujyasharqanku, casarasharqanku, ususisninkutapis casarachisharqanku, arcaman Noé yaykunankama. 39Paykunaqa mana unancharqankuchu, jatun para jamunankama, tukuyninkutataj chinkacherqa. Ajinallataj kanqa Runaj Churimpa jamuynimpis. 40Chaypachaqa iskay runas chajrapi kashanqanku. Ujnin oqharisqa kanqa, ujnintaj saqerparisqa. 41Jinallataj iskay warmispis molinopi jak'uchishanqanku, ujnin oqharisqa kanqa, ujnintaj saqerparisqa.
42Chayrayku, ama puñuspa suyaychej; imaraykuchus mana yachankichejchu ima diachus Señorniykichej jamunanta. 43Kayta yachaychej, sichus wasiyoj tuta ima horatachus suwa jamunanta yachanman chayqa, mana puñuspa suyaykunman, nitaj wasinta jusk'ojta saqenmanchu. 44Chayrayku qankunapis wakichisqas kaychej; imaraykuchus mana yuyasqaykichej horapi Runaj Churenqa jamonqa.
Iskay laya kamachis
(Lc 12.41-48)
45Pitaj chay allin kamachi, yuyayniyojtaj kanman, mayqentachus patronnin churanman kamachi masisninman horampi mikhunata qonampaj? 46Kusisqa kanqa chay kamacheqa, mayqentachus patronnin chayamuspa ajinata ruwashajta taripajtenqa. 47Cheqamanta niykichej: Ajinata ruwajtenqa, mayordomota churanqa, kamachinampaj tukuy kapuynin pataman. 48Chantá, chay kamachichus sajra kanman, sonqompitaj ninman chayqa: Manaraj sina patronniy chayamonqachu, nispa. 49Wakin kamachi masisnintataj maqayta qallarinman, machajkunawantaj mikhunman, ujyanmantaj. 50Ajina kashajtintaj patrón kutimunman, mana suyasqan diapi, mana yachasqan horapitaj. 51Chaypacha, mana ñak'ariy atinata jasut'ispa, churanqa puraj uyastawan khuska. Chaypitaj waqay, kiru k'arukuytaj kanqa.
Currently Selected:
SAN MATEO 24: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 24
24
Templo urmananmanta
(Mr 13.1-2; Lc 21.5-6)
1Jesús templomanta llojsispa purisharqa; yachachisqasnintaj qayllaykuspa temploj imaynachus ruwasqa kasqanta rikucherqanku. 2Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.
Ñak'ariykuna kanqa
(Mr 13.3-23; Lc 21.7-24; 17.22-24)
3Olivos orqopi Jesús tiyakushajtin, yachachisqasnin qayllaykuspa, sapallampi taporqanku, nispa: Niwayku, mayk'ajtaj kay imas kanqa? Ima señaltataj rikuchiwasqayku kutimunaykimanta, kay mundoj tukukuyninmantawan?
4Jesustaj paykunaman kuticherqa: Allinta qhawakuychej, pajtataj pipis ch'aukiyasunkichejman. 5Kayta niykichej, imaraykuchus ashkhas sutiypi jamonqanku, nispa: Noqa Cristo kani. Ashkhastataj pantachenqanku. 6Uyarinkichejtaj guerrasta, guerrasmanta parlaykunata. Chaymantaqa ama mancharinkichejchu imaraykuchus ajinapuni kanan tiyan. Chaywampis manaraj tukukuychu kanqa. 7Uj nación waj naciompa contranta oqharikonqa; uj reinopis waj reinoj contranta; jinallataj kanqa yarqhaykuna, onqoykuna, jallp'a kuyuykuna ima; kaynejpi, chaynejpi. 8Chay tukuy imastaj, nanaykunaj qallariynillanraj kanqa.
9Chaymantataj ñak'arichisonqachej, wakintataj wañuchisonqachej. Ajinata tukuy runaj chejnisqan kankichej, noqaj sutiyrayku. 10Chaypacha ashkhas misk'anqanku, wakinkuna purajmanta ch'atanakonqanku, chejninakonqankutaj. 11Ashkha llulla profetas rikhurimonqanku, ashkhastataj pantachenqanku. 12Ajinata jucha yapakojtin, ashkhaspa munakuynin chiriyaponqa. 13Pichus tukukuykama sinch'ita sayanqa, chaymá salvasqa kanqa. 14Janaj pacha reinomanta evangelio tukuynejpi willasqa kanqa, tukuy laya runaspaj testigo kanampaj; chaypachamá tukukoyqa jamonqa.
15Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun. 16Chaypacha, Judeapi kashajkuna ayqechunku orqosman. 17Chay p'unchaypi pillapis alto patapi kashajqa, ama uraykamuchunchu wasinmanta imallatapis orqhoj. 18Chajrapi kashajpis, ama kutichunchu wasinman p'achanta orqhoj. 19Way, chay p'unchaypi wijsayoj warmismanta, ñuñoj wawayojkunamanta ima! 20Diosmanta mañakuychej ari, ama chiri tiempopi ayqenaykichej kanampaj, nitaj samakuna p'unchaypipis. 21Chaypacha manchay ñak'ariy kanqa; chaytaj mundo qallarikusqanmantapacha, manaraj chay jina karqachu, nitaj jayk'ajpis kanqachu. 22Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.
23Chantá pillapis nisojtiykichej, kaypi Cristo kashan, chayrí jaqaypi kashan, ama paykunata creenkichejchu. 24Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta. 25Chaytaqa ñaupajmantaña nerqaykichej. 26Chayrayku, Cristo ch'innejpi kashan nisojtiykichejqa, ama rinkichejchu; chayrí, wasi ukhupi kashan nisojtiykichejpis amallataj creenkichejchu. 27Imaynatachus lliuj lliujqa, inti llojsimuymanta inti yaykuykama lliphipirispa rikuchikun, ajinallataj kanqa, Runaj Churimpa jamuynenqa. 28Maypichá wañusqa kashan, chayman q'arqañas tantakonqanku.
Runaj Churimpa kutimuynin
(Mr 13.24-37; Lc 21.25-33; 17.26-30, 34-36)
29Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku. 30Chaypachataj Runaj Churimpa señalnin janaj pachapi rikhurenqa; tukuy kay pachapi ayllustaj waqanqanku. Runaj Churintataj cielo phuyus patapi jamushajta rikonqanku; tukuy atiyninwan, lliphipiyninwan ima. 31Angelesnintataj kachamonqa, cornetata sinch'ita waqachispa, tukuy ajllasqasninta tantanankupaj, mundoj tawantin cheqamanta, uj cantonmanta, ujnin cantonkama.
32Higo sach'amanta rijch'anachinata yachakuychej: Ramasnin q'omeryaspa laqhesnin q'erqeshajtin, yachankichej q'oñi tiempoña kasqanta. 33Ajinallatataj qankunapis, kay tukuy imata rikuspa, yachankichej ñapis Cristo qayllapiña kasqanta. 34Cheqamanta niykichej: Kunan tiempo runasqa manaraj wañonqankuchu, kay tukuy ima junt'akunankama. 35Cielo, kay mundopis tukukaponqanku, palabrasniytaj mana jayk'ajpis tukukonqankuchu.
36Mayk'ajchus, ima diachus, ima horachus kananta mana pipis yachanchu; ni janaj pachapi angelespis, nitaj Churipis yachanchu; Tatallay chaytaqa yachan.
37Imaynachus, Noejpa tiempompi karqa, ajinallataj Runaj Churimpa jamuynin kanqa. 38Chay tiempopi, manaraj jatun para chayamushajtin, runasqa mikhusharqanku, ujyasharqanku, casarasharqanku, ususisninkutapis casarachisharqanku, arcaman Noé yaykunankama. 39Paykunaqa mana unancharqankuchu, jatun para jamunankama, tukuyninkutataj chinkacherqa. Ajinallataj kanqa Runaj Churimpa jamuynimpis. 40Chaypachaqa iskay runas chajrapi kashanqanku. Ujnin oqharisqa kanqa, ujnintaj saqerparisqa. 41Jinallataj iskay warmispis molinopi jak'uchishanqanku, ujnin oqharisqa kanqa, ujnintaj saqerparisqa.
42Chayrayku, ama puñuspa suyaychej; imaraykuchus mana yachankichejchu ima diachus Señorniykichej jamunanta. 43Kayta yachaychej, sichus wasiyoj tuta ima horatachus suwa jamunanta yachanman chayqa, mana puñuspa suyaykunman, nitaj wasinta jusk'ojta saqenmanchu. 44Chayrayku qankunapis wakichisqas kaychej; imaraykuchus mana yuyasqaykichej horapi Runaj Churenqa jamonqa.
Iskay laya kamachis
(Lc 12.41-48)
45Pitaj chay allin kamachi, yuyayniyojtaj kanman, mayqentachus patronnin churanman kamachi masisninman horampi mikhunata qonampaj? 46Kusisqa kanqa chay kamacheqa, mayqentachus patronnin chayamuspa ajinata ruwashajta taripajtenqa. 47Cheqamanta niykichej: Ajinata ruwajtenqa, mayordomota churanqa, kamachinampaj tukuy kapuynin pataman. 48Chantá, chay kamachichus sajra kanman, sonqompitaj ninman chayqa: Manaraj sina patronniy chayamonqachu, nispa. 49Wakin kamachi masisnintataj maqayta qallarinman, machajkunawantaj mikhunman, ujyanmantaj. 50Ajina kashajtintaj patrón kutimunman, mana suyasqan diapi, mana yachasqan horapitaj. 51Chaypacha, mana ñak'ariy atinata jasut'ispa, churanqa puraj uyastawan khuska. Chaypitaj waqay, kiru k'arukuytaj kanqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.