SAN MATEO 19
19
Mana t'aqanakunamanta
(Mr 10.1-12; Lc 16.18)
1Jesusqa, kay tukuy imasta niytawan Galileaman riporqa, Judea jallp'aman, Jordán mayoj chimpanman. 2Ashkha runataj Jesuspa qhepanta rerqa; chaypitaj pay onqosqasta thañicherqa.
3Wakin fariseostaj Jesusman qayllaykorqanku pantachiyta munaspa, taporqankutaj: Qhareqa atillanchu warminmanta t'aqakuyta mana imallamanta?
4Paytaj kuticherqa: Manachu Diospa palabrampi leerqankichej, pichus kay pachata ruwajqa qallariypi qharita warmitawan ruwasqanta? 5Chayrayku qhareqa, tatanta, mamanta saqespa warminwan kausakaponqa. Iskayninkutaj uj aychallaña kanqanku. 6Ajinapeqa manaña iskaychu, ujllaña kanku. Chayrayku, Diospa tantasqanta ama runaqa t'aqachunchu.
7Fariseostaj ujtawan tapullarqankutaj: Imaraykutaj chantá Moisés kamacherqa, uj t'aqanaku papelta jaywaspa warmita saqerparinata?
8Jesustaj paykunaman nerqa: Qankunaj rumi sonqoykichejraykulla Moisesqa saqesorqachej warmiykichejmanta t'aqakunaykichejta. Qallariypeqa mana jinachu karqa. 9Chayrayku niykichej: Pillapis warminta wijch'un mana pay qhenchachakojtillan, waj warmiwantaj casaran chayqa, qhenchachakun. [Jinallataj wijch'usqa warmiwan casarajpis qhenchachakullantaj.]
10Yachachisqasnintaj nerqanku: Sichus ajinata qhari kausanan tiyan chayqa, mana allinchu casarakunaqa.
11Paytaj kuticherqa: Mana tukuychu umankupi jap'inku kay yachachiytaqa; pikunamanchá kay yachay qosqa kashan, chaykunalla yachanku. 12Wakin qharisqa nacisqankumantapacha eunucos kanku; wakintatajrí runas eunucosman tukuchinku; wakintaj paykunaj munayninkumanta, janaj pacha reinorayku eunucosman tukunku. Pichus kayta umampi jap'iyta atinman chayqá, jap'ichun.
Jesús wawaspaj mañapun
(Mr 10.13-16; Lc 18.15-17)
13Chantá, wawasta pusamorqanku Jesusman, paykunaj patankuman makisninta churaykuspa Diosmanta mañanampaj. Yachachisqasnintaj chay pusamojkunata k'amerqanku. 14Jesustaj paykunaman nerqa: Saqeychej wawasta noqaman jamunankuta, ama jark'aychejchu. Janaj pacha reinoqa paykuna jina kajkunapaj.
15Wawaspa patanman makisninta churaykuspataj, chaynejmanta riporqa.
Qhapaj runamanta
(Mr 10.17-31; Lc 18.18-30)
16Chaypacha, Jesusman uj runa qayllaykuspa nerqa: [K'acha] Maestro, ima sumaj kajtataj ruwasaj wiñay kausayniyoj kanaypajri?
17Paytaj kuticherqa: Imaraykutaj sumaj kajmanta tapuwankiri? Mana waj sumaj kanchu, Dioslla sumajqa. Wiñay kausayniyoj kaytachus munanki chayqa, kamachisqasniyta junt'ay.
18Paytaj nerqa: Mayqenkunataj chay kamachisqasri?
Jesustaj kuticherqa: Ama wañuchinkichu, ama qhenchachakunkichu, ama suwankichu, amataj llulla testigomantapis sayankichu. 19Tataykita, mamaykitapis respetay, runa masiykitapis munakunki qan kikiykita jina.
20Waynataj nerqa: Kay tukuyta junt'aniña. Imatawanraj ruwanay tiyanri?
21Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.
22Waynataj chay nisqanta uyarispa, llakisqa riporqa, imaraykuchus, payqa ashkha jallp'asniyoj karqa.
23Chantataj Jesusqa yachachisqasninman nerqa: Cheqamanta niykichej, qhapaj runaqa ñak'ayllata janaj pacha reinoman yaykonqa. 24Ujtawan niykichej: Uj camelloraj yarwej ningrinta yaykuyta atinman, uj qhapaj runa Diospa reinonman yaykunanmantaqa.
25Kayta uyarispa yachachisqasnenqa maytapuni t'ukorqanku, nispa: Pitaj chantá salvasqa kanmanri?
26Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.
27Pedrotaj Jesusman kuticherqa: Noqaykupis tukuy imaykuta saqerparispa qanwan purishayku. Imataj noqaykupaj kanqari?
28Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj. 29Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa. 30Ñaupajpi kajkunataj qhepapi rikhurenqanku; qhepapi kajkunataj ñaupajpi kanqanku.
Currently Selected:
SAN MATEO 19: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
SAN MATEO 19
19
Mana t'aqanakunamanta
(Mr 10.1-12; Lc 16.18)
1Jesusqa, kay tukuy imasta niytawan Galileaman riporqa, Judea jallp'aman, Jordán mayoj chimpanman. 2Ashkha runataj Jesuspa qhepanta rerqa; chaypitaj pay onqosqasta thañicherqa.
3Wakin fariseostaj Jesusman qayllaykorqanku pantachiyta munaspa, taporqankutaj: Qhareqa atillanchu warminmanta t'aqakuyta mana imallamanta?
4Paytaj kuticherqa: Manachu Diospa palabrampi leerqankichej, pichus kay pachata ruwajqa qallariypi qharita warmitawan ruwasqanta? 5Chayrayku qhareqa, tatanta, mamanta saqespa warminwan kausakaponqa. Iskayninkutaj uj aychallaña kanqanku. 6Ajinapeqa manaña iskaychu, ujllaña kanku. Chayrayku, Diospa tantasqanta ama runaqa t'aqachunchu.
7Fariseostaj ujtawan tapullarqankutaj: Imaraykutaj chantá Moisés kamacherqa, uj t'aqanaku papelta jaywaspa warmita saqerparinata?
8Jesustaj paykunaman nerqa: Qankunaj rumi sonqoykichejraykulla Moisesqa saqesorqachej warmiykichejmanta t'aqakunaykichejta. Qallariypeqa mana jinachu karqa. 9Chayrayku niykichej: Pillapis warminta wijch'un mana pay qhenchachakojtillan, waj warmiwantaj casaran chayqa, qhenchachakun. [Jinallataj wijch'usqa warmiwan casarajpis qhenchachakullantaj.]
10Yachachisqasnintaj nerqanku: Sichus ajinata qhari kausanan tiyan chayqa, mana allinchu casarakunaqa.
11Paytaj kuticherqa: Mana tukuychu umankupi jap'inku kay yachachiytaqa; pikunamanchá kay yachay qosqa kashan, chaykunalla yachanku. 12Wakin qharisqa nacisqankumantapacha eunucos kanku; wakintatajrí runas eunucosman tukuchinku; wakintaj paykunaj munayninkumanta, janaj pacha reinorayku eunucosman tukunku. Pichus kayta umampi jap'iyta atinman chayqá, jap'ichun.
Jesús wawaspaj mañapun
(Mr 10.13-16; Lc 18.15-17)
13Chantá, wawasta pusamorqanku Jesusman, paykunaj patankuman makisninta churaykuspa Diosmanta mañanampaj. Yachachisqasnintaj chay pusamojkunata k'amerqanku. 14Jesustaj paykunaman nerqa: Saqeychej wawasta noqaman jamunankuta, ama jark'aychejchu. Janaj pacha reinoqa paykuna jina kajkunapaj.
15Wawaspa patanman makisninta churaykuspataj, chaynejmanta riporqa.
Qhapaj runamanta
(Mr 10.17-31; Lc 18.18-30)
16Chaypacha, Jesusman uj runa qayllaykuspa nerqa: [K'acha] Maestro, ima sumaj kajtataj ruwasaj wiñay kausayniyoj kanaypajri?
17Paytaj kuticherqa: Imaraykutaj sumaj kajmanta tapuwankiri? Mana waj sumaj kanchu, Dioslla sumajqa. Wiñay kausayniyoj kaytachus munanki chayqa, kamachisqasniyta junt'ay.
18Paytaj nerqa: Mayqenkunataj chay kamachisqasri?
Jesustaj kuticherqa: Ama wañuchinkichu, ama qhenchachakunkichu, ama suwankichu, amataj llulla testigomantapis sayankichu. 19Tataykita, mamaykitapis respetay, runa masiykitapis munakunki qan kikiykita jina.
20Waynataj nerqa: Kay tukuyta junt'aniña. Imatawanraj ruwanay tiyanri?
21Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.
22Waynataj chay nisqanta uyarispa, llakisqa riporqa, imaraykuchus, payqa ashkha jallp'asniyoj karqa.
23Chantataj Jesusqa yachachisqasninman nerqa: Cheqamanta niykichej, qhapaj runaqa ñak'ayllata janaj pacha reinoman yaykonqa. 24Ujtawan niykichej: Uj camelloraj yarwej ningrinta yaykuyta atinman, uj qhapaj runa Diospa reinonman yaykunanmantaqa.
25Kayta uyarispa yachachisqasnenqa maytapuni t'ukorqanku, nispa: Pitaj chantá salvasqa kanmanri?
26Jesustaj paykunata qhawarispa, nerqa: Runaspajqa mana kayqa atikunchu, Diospajrí tukuy ima atikun.
27Pedrotaj Jesusman kuticherqa: Noqaykupis tukuy imaykuta saqerparispa qanwan purishayku. Imataj noqaykupaj kanqari?
28Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj. 29Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa. 30Ñaupajpi kajkunataj qhepapi rikhurenqanku; qhepapi kajkunataj ñaupajpi kanqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.