HECHOS 27
27
Pablota Romaman apachinku
1Maypachachus Italiaman barcopi rinayku yachakorqa, chaypacha Pablota, waj presostawan khuska Julio sutiyoj capitanman jap'icherqanku. Julioqa capitán karqa Augusto nisqa romano soldadospapi. 2Adramicio puertomanta barcoman wicharerqayku Asia puertosman rinaykupaj. Noqaykuwan rillarqataj Tesalonicapi Macedoniamanta Aristarco. 3Q'ayantintaj Sidón llajtaman chayarqayku. Capitán Juliotaj k'acha runa kasqanrayku, Pablota saqerqa rejsisqasta watukojta, imallapipis yanaparinanku paj. 4Chaymantataj riporqayku Chipre churu wasanta, imaraykuchus wayra anchatapuni ñaupaqeykumanta wayramusharqa. 5Mar qochallantapuni rispa, Ciciliaj cantonta, Panfiliajtawan; chayarqayku Liciapi kaj Mira llajtaman.
6Capitantaj chaypi tarerqa Alejandriamanta barcota, Italiaman llojsishajta. Chay barcomantaj wicharichiwarqayku. 7Ancha allinmanta barcopi rispa, ashkha p'unchaykunapi Gnido llajtaman ñak'ayta qayllarqayku. Wayra contraykupi kajtintaj Salmompa chimpanta rerqayku, Creta churuta muyuykuspa. 8Jallp'a qayllantapuni rispa, ñak'aymanta chayarqayku sumaj Puertos nisqaman. Lasea llajtataj chay qayllapi karqa.
9-10Mana usqhayta risqaykuraykutaj, anchata qheparikorqayku; barcopi rinapajtaj mana walejñachu karqa; ayuno tiempopis pasaporqaña. Chayta yachaspataj Pabloqa ñaupajmanta paykunaman unanchacherqa, nispa: Reparani kaymanta ñaupajman ñak'ariykuna jamunanta. Cargata chinkachisun, barcotapis; noqanchejpajpis mana walejchu kanqa.
11Capitantaj mana kasorqachu Pabloj nisqanta. Payqa kasorqa barcoj dueñonta, barco purichej runatawan. 12Mana allin puertochu karqa, chiri tiempopi kanapaj; chayrayku tukuyninku munarqanku chaymanta ripuyta, atispaqa Fenicekama. Chaypitaj munarqanku chiri killaspi kakuyta. Fenicetaj Cretapi karqa, inti yaykuy qhawarisqa.
Sinch'i wayra marpi
13Uranejmanta wayra pisita wayramorqa; paykunaqa nerqanku allin wayralla kasqanta barcopi rinapaj. Chayrayku barcoj sayachinan anclasta, yakumanta aysamuytawankama purirerqanku Creta churu qayllanta. 14Manaraj karuta rishajtiykutaj, Euroclidón nisqa sinch'i wayra, manchay atiywan wayramuspa barcota mana rejta saqerqachu. 15Ñaupaqeykumanta wayra wayramuspa, kayman jaqayman barcota apaykachasharqa; mana imaynamanta barcota cheqanchayta atispataj wayrawan apachikorqayku. 16Uj pisitataj wayramanta jark'ariwarqayku Cauda nisqa juch'uy churu, chay qayllanta rejtiyku. Chaypitaj ñak'ayllata balsata wicharichimorqayku, barco aysamusharqa chayta. 17Balsata oqhariytawan, barcotañataj waskaswan mat'ita watarqanku. Chaymantá manchachikuspa, Sirte nisqa t'iyusman barco sat'iykukunanta yuyaspa, barcoj toldosninta uraykucherqanku, ajinamanta wayrallawanña apacherqanku. 18Q'ayantintaj, wayra manapuni thañejtin, yakuman cargasta wijch'uykuyta qallarerqanku. 19Minchhantintaj, makisniykuwan barcoj imasninta yakuman wijch'uykullarqaykutaj. 20Ashkha p'unchaykunataña karqayku mana intita rikuspa, nitaj qoyllurkunatapis; sinch'itataj paramusharqa, wayramusharqataj. Noqaykutaj yuyarqayku manaña kausayta.
21Unaytaña mana mikhusqas kasqaykurayku taj, Pabloqa chaupinkupi sayaykuspa nerqa: Tatakuna kasullawankichejman karqa Cretapi qhepakunanchejta, mana kay jinata ñak'arishasunmanchu karqa, nitaj imasninchejtapis wijch'uykusunmanchu karqa. 22Kunantaj sonqochakuychej. Mana mayqenninchejpis wañusunchu, barcollata chinkachisun. 23Tuta rikhuriwarqa Diospa angelnin. Chay Diospata kani, paytataj yupaychashani. 24Chay angelqa niwarqa: Ama manchachikuychu, Pablo. Jatun kamachejpa ñaupaqempi rikhurinayki tiyan. Diostaj qanrayku wañuymanta jark'anqa tukuyta, barcopi qanwan rejkunata. 25Chayrayku, wiraqochis, sonqochakuychej. Noqa creeni Diospa niwasqan junt'akunanta. 26Chaywampis allin kanman, wayra uj churuman wijch'urparinawanchej.
27Ajinata chunka tawayoj tutataña karqayku, wayrataj wayramuspa apaykachawarqayku Adriático nisqa mar qochapi. Uj ch'isi chaupi tutanejta, barcopi llank'ajkuna yuyarqanku jallp'a qayllapiña kasqaykuta. 28May jina ukhuchus yaku kasqanta yachanankupajtaj, waskata kachaykorqayku, yacharqaykutaj iskay chunka brazadas kasqanta. Astawan ñaupajman chayaspa, kikillantataj waskata kachaykuspa, yacharqayku chunka phishqayoj brazadas kasqanta. 29Barco qaqaman tinkunanta manchachikuspa, barcoj qhepanmanta kachaykorqayku tawa anclasta. Suyarqaykutaj usqhayta sut'iyamunanta. 30Chaykamataj barcopi llank'ajkunaqa ayqeyta munasharqanku; chaypajtaj barcoj ñaupaqenmanta balsata uraykucherqanku, anclasta kachaykoj jinalla. 31Pablotaj nerqa capitanman, soldadosman ima: Kay barcota purichejkunachus barcopi mana qhepakonqanku chayqa, mana qankunapis salvakuyta atinkichejchu.
32Soldadostaj balsaj waskasninta khuchurparispa yakuman wijch'uykorqanku.
33Sut'iyamushajtintaj Pablo tukuyninkuta kamacherqa mikhunankuta, nispa: Ñapis chunka tawayoj diastaña mana mikhuspa kankichej, nitaj puñuspa. 34Ama jinachu kaychej. Imallatapis mikhurikuychej kausayta munaspaqa, mana uj chujchallapis umaykichejmanta chinkanqachu.
35Chayta niytawantaj Pabloqa t'antata oqharispa, tukuypa rikunanta Diosman graciasta qorqa, partispataj mikhuyta qallarerqa. 36Tukuyninku sonqochakuspa, mikhullarqankutaj. 37Tukuyniykupitaj karqayku iskay pachaj qanchis chunka sojtayoj runas. 38Sajsakuspataj barcota chhallayachinankupaj, trigota wijch'uykorqayku yakuman.
Barco t'iyuman chinkaykapun
39Sut'iyamojtin taj mana yachakorqankuchu maypichus kasqankuta. Qhawaykachashaspataj uj t'iyu pampata rikorqanku, munarqankutaj atikojtenqa chaykama barcota chayachiyta. 40Anclaj cadenasninta k'uturparispa, yakupi saqerparerqanku; chaymantataj ñaupajman richej remosta phaskararqanku; wayrataj wayramuspa, barcota playaman qayllacherqa. 41Barcorí ujllata yaykuykorqa iskay qochas yaku tinkuyman, yakutaj barcoj ñaupajninta t'iyuman sat'iykorqa mana kuyuriyniyojta; qhepanmantataj yaku wajtakamuspa t'unaykusharqa barcota.
42Soldadostaj munarqanku tukuynin presosta wañurachiyta, ama mayqenninku wayt'aspa llojsiytawan ayqerikapunankupaj. 43Soldadospa capitannintaj, Pablo mana wañunanta munaspa, jark'akorqa; kamacherqataj tukuy wayt'ayta yachajkuna, wayt'aspa ñaupajta jallp'aman llojsinankuta. 44Mana wayt'ayta yachajkunatataj nerqa, chay ñaupajta rejkunata qhatinankuta, tablasman mak'alliykuspa; chayrí barcomanta ima p'akisqallapipis. Chay jinamanta, tukuyninku mana imanasqas ch'aki jallp'aman chayarqanku.
Currently Selected:
HECHOS 27: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
HECHOS 27
27
Pablota Romaman apachinku
1Maypachachus Italiaman barcopi rinayku yachakorqa, chaypacha Pablota, waj presostawan khuska Julio sutiyoj capitanman jap'icherqanku. Julioqa capitán karqa Augusto nisqa romano soldadospapi. 2Adramicio puertomanta barcoman wicharerqayku Asia puertosman rinaykupaj. Noqaykuwan rillarqataj Tesalonicapi Macedoniamanta Aristarco. 3Q'ayantintaj Sidón llajtaman chayarqayku. Capitán Juliotaj k'acha runa kasqanrayku, Pablota saqerqa rejsisqasta watukojta, imallapipis yanaparinanku paj. 4Chaymantataj riporqayku Chipre churu wasanta, imaraykuchus wayra anchatapuni ñaupaqeykumanta wayramusharqa. 5Mar qochallantapuni rispa, Ciciliaj cantonta, Panfiliajtawan; chayarqayku Liciapi kaj Mira llajtaman.
6Capitantaj chaypi tarerqa Alejandriamanta barcota, Italiaman llojsishajta. Chay barcomantaj wicharichiwarqayku. 7Ancha allinmanta barcopi rispa, ashkha p'unchaykunapi Gnido llajtaman ñak'ayta qayllarqayku. Wayra contraykupi kajtintaj Salmompa chimpanta rerqayku, Creta churuta muyuykuspa. 8Jallp'a qayllantapuni rispa, ñak'aymanta chayarqayku sumaj Puertos nisqaman. Lasea llajtataj chay qayllapi karqa.
9-10Mana usqhayta risqaykuraykutaj, anchata qheparikorqayku; barcopi rinapajtaj mana walejñachu karqa; ayuno tiempopis pasaporqaña. Chayta yachaspataj Pabloqa ñaupajmanta paykunaman unanchacherqa, nispa: Reparani kaymanta ñaupajman ñak'ariykuna jamunanta. Cargata chinkachisun, barcotapis; noqanchejpajpis mana walejchu kanqa.
11Capitantaj mana kasorqachu Pabloj nisqanta. Payqa kasorqa barcoj dueñonta, barco purichej runatawan. 12Mana allin puertochu karqa, chiri tiempopi kanapaj; chayrayku tukuyninku munarqanku chaymanta ripuyta, atispaqa Fenicekama. Chaypitaj munarqanku chiri killaspi kakuyta. Fenicetaj Cretapi karqa, inti yaykuy qhawarisqa.
Sinch'i wayra marpi
13Uranejmanta wayra pisita wayramorqa; paykunaqa nerqanku allin wayralla kasqanta barcopi rinapaj. Chayrayku barcoj sayachinan anclasta, yakumanta aysamuytawankama purirerqanku Creta churu qayllanta. 14Manaraj karuta rishajtiykutaj, Euroclidón nisqa sinch'i wayra, manchay atiywan wayramuspa barcota mana rejta saqerqachu. 15Ñaupaqeykumanta wayra wayramuspa, kayman jaqayman barcota apaykachasharqa; mana imaynamanta barcota cheqanchayta atispataj wayrawan apachikorqayku. 16Uj pisitataj wayramanta jark'ariwarqayku Cauda nisqa juch'uy churu, chay qayllanta rejtiyku. Chaypitaj ñak'ayllata balsata wicharichimorqayku, barco aysamusharqa chayta. 17Balsata oqhariytawan, barcotañataj waskaswan mat'ita watarqanku. Chaymantá manchachikuspa, Sirte nisqa t'iyusman barco sat'iykukunanta yuyaspa, barcoj toldosninta uraykucherqanku, ajinamanta wayrallawanña apacherqanku. 18Q'ayantintaj, wayra manapuni thañejtin, yakuman cargasta wijch'uykuyta qallarerqanku. 19Minchhantintaj, makisniykuwan barcoj imasninta yakuman wijch'uykullarqaykutaj. 20Ashkha p'unchaykunataña karqayku mana intita rikuspa, nitaj qoyllurkunatapis; sinch'itataj paramusharqa, wayramusharqataj. Noqaykutaj yuyarqayku manaña kausayta.
21Unaytaña mana mikhusqas kasqaykurayku taj, Pabloqa chaupinkupi sayaykuspa nerqa: Tatakuna kasullawankichejman karqa Cretapi qhepakunanchejta, mana kay jinata ñak'arishasunmanchu karqa, nitaj imasninchejtapis wijch'uykusunmanchu karqa. 22Kunantaj sonqochakuychej. Mana mayqenninchejpis wañusunchu, barcollata chinkachisun. 23Tuta rikhuriwarqa Diospa angelnin. Chay Diospata kani, paytataj yupaychashani. 24Chay angelqa niwarqa: Ama manchachikuychu, Pablo. Jatun kamachejpa ñaupaqempi rikhurinayki tiyan. Diostaj qanrayku wañuymanta jark'anqa tukuyta, barcopi qanwan rejkunata. 25Chayrayku, wiraqochis, sonqochakuychej. Noqa creeni Diospa niwasqan junt'akunanta. 26Chaywampis allin kanman, wayra uj churuman wijch'urparinawanchej.
27Ajinata chunka tawayoj tutataña karqayku, wayrataj wayramuspa apaykachawarqayku Adriático nisqa mar qochapi. Uj ch'isi chaupi tutanejta, barcopi llank'ajkuna yuyarqanku jallp'a qayllapiña kasqaykuta. 28May jina ukhuchus yaku kasqanta yachanankupajtaj, waskata kachaykorqayku, yacharqaykutaj iskay chunka brazadas kasqanta. Astawan ñaupajman chayaspa, kikillantataj waskata kachaykuspa, yacharqayku chunka phishqayoj brazadas kasqanta. 29Barco qaqaman tinkunanta manchachikuspa, barcoj qhepanmanta kachaykorqayku tawa anclasta. Suyarqaykutaj usqhayta sut'iyamunanta. 30Chaykamataj barcopi llank'ajkunaqa ayqeyta munasharqanku; chaypajtaj barcoj ñaupaqenmanta balsata uraykucherqanku, anclasta kachaykoj jinalla. 31Pablotaj nerqa capitanman, soldadosman ima: Kay barcota purichejkunachus barcopi mana qhepakonqanku chayqa, mana qankunapis salvakuyta atinkichejchu.
32Soldadostaj balsaj waskasninta khuchurparispa yakuman wijch'uykorqanku.
33Sut'iyamushajtintaj Pablo tukuyninkuta kamacherqa mikhunankuta, nispa: Ñapis chunka tawayoj diastaña mana mikhuspa kankichej, nitaj puñuspa. 34Ama jinachu kaychej. Imallatapis mikhurikuychej kausayta munaspaqa, mana uj chujchallapis umaykichejmanta chinkanqachu.
35Chayta niytawantaj Pabloqa t'antata oqharispa, tukuypa rikunanta Diosman graciasta qorqa, partispataj mikhuyta qallarerqa. 36Tukuyninku sonqochakuspa, mikhullarqankutaj. 37Tukuyniykupitaj karqayku iskay pachaj qanchis chunka sojtayoj runas. 38Sajsakuspataj barcota chhallayachinankupaj, trigota wijch'uykorqayku yakuman.
Barco t'iyuman chinkaykapun
39Sut'iyamojtin taj mana yachakorqankuchu maypichus kasqankuta. Qhawaykachashaspataj uj t'iyu pampata rikorqanku, munarqankutaj atikojtenqa chaykama barcota chayachiyta. 40Anclaj cadenasninta k'uturparispa, yakupi saqerparerqanku; chaymantataj ñaupajman richej remosta phaskararqanku; wayrataj wayramuspa, barcota playaman qayllacherqa. 41Barcorí ujllata yaykuykorqa iskay qochas yaku tinkuyman, yakutaj barcoj ñaupajninta t'iyuman sat'iykorqa mana kuyuriyniyojta; qhepanmantataj yaku wajtakamuspa t'unaykusharqa barcota.
42Soldadostaj munarqanku tukuynin presosta wañurachiyta, ama mayqenninku wayt'aspa llojsiytawan ayqerikapunankupaj. 43Soldadospa capitannintaj, Pablo mana wañunanta munaspa, jark'akorqa; kamacherqataj tukuy wayt'ayta yachajkuna, wayt'aspa ñaupajta jallp'aman llojsinankuta. 44Mana wayt'ayta yachajkunatataj nerqa, chay ñaupajta rejkunata qhatinankuta, tablasman mak'alliykuspa; chayrí barcomanta ima p'akisqallapipis. Chay jinamanta, tukuyninku mana imanasqas ch'aki jallp'aman chayarqanku.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.