HECHOS 26
26
Pablo kutichikun rey Agripaman
1-2Agripataj nerqa: Atinki qan kikiyki uyarichikuyta.
Pablotaj makinta oqharispa, kay jinata kutichikorqa: Rey Agripa, kunan allin kusisqa kani, ñaupaqeykipi kutichikuspa tukuy imasta judíos tumpawasqankumanta. 3Astawanqa kusikuni qan allinta rejsisqaykirayku judiospa ususninta. Chayrayku mañakuyki ama sayk'uspa uyarinawaykita.
Pabloj ñaupaj kausaynin
4Tukuy judíos yachanku imaynatachus juch'uy kasqaymantapacha kausasqayta llajta masisniywan, jinallatataj Jerusalempipis. 5Paykunaqa rejsiwarqanku ñaupajmantapacha. Munaspaqa parlachunku imaynatachus cheqan religionniykuman jina fariseo kasqayta. 6Kunanqa juchachasqa kani, ñaupa tatasninchejman, Dios imatachus qosqaykichej nisqampi suyasqayrayku. 7Israelpa chunka iskayniyoj ayllusnimpis, Dios qosqaykichej nisqan junt'akunanta suyashallankutaj, tuta p'unchay Diosta yupaychaspa. Chayta suyasqayrayku, rey Agripa, noqatapis juchachashawanku judiosqa. 8Imaraykutaj qankuna mana creenkichejchuri Diosqa wañusqasta kausarichimunanta?
Pablo nin creejkunata ñak'arichisqanta
9Cheqamanta noqa yuyarqani nazareno Jesuspa contranta, tukuy ima sajrata ruwanay kasqanta. 10Ajinata ruwarqani Jerusalempi. Kuraj sacerdotesmanta atiyta qochikuspataj, creejkunata carcelman wisq'acherqani. Paykunata wañuchishajtinkupis noqaqa kusikorqani. 11Ashkha kutista paykunata sinagogaspi jasut'ichispa, Jesuspa contranta parlachiyta munaj kani. Chay jinatapuni phiñakuspa paykunata qhatiykacharqani karu llajtasnintimpi.
Pablo willan Diosman kutirisqanta
[Hch 9.1-19; 22.6-16]
12Chayrayku Damasco llajtaman risharqani, kuraj sacerdotesmanta ordenta orqhospa. 13Ñanta rishajtiytaj, Reyníy, chaupi p'unchaynejta rikorqani cielomanta k'anchay muyuykuwajta, noqawan rejkunatawan. Chay k'anchayqa intimantapis astawan k'ancharerqa. 14Tukuyniykutaj pampaman urmarqayku. Uj parlamuwajtataj uyarerqani, hebreo parlaypi: Saulo, Saulo, imaraykutaj qhatiykachashawanki? Mana walejchu aguijompa puntanta jayt'anaykeqa, nispa. 15Noqataj nerqani: Pitaj kanki, wiraqochi? Paytaj kutichiwarqa: Noqa Jesús kani, pitachus qhatiykachashanki chay. 16Kunantaj jatarikuspa sayaykuy, imaraykuchus chaypaj qanman rikhuriyki, kamachiy kanaykipaj. Kunan p'unchay imatachus rikusqaykita wajkunaman willamunaykipaj. Imastawanchus qhepaman rikuchisqayki chaykunatawan.
17-18Llajtaykej atiyninmanta jark'asqayki, ajinallatataj gentilespamantapis; pikunamanchus kunan kachasqayki, ñawisninkuta kicharinaykipaj, laqhamanta sut'iman llojsimunankupaj, Supaypa atiyninmantataj Diosman kutirinankupaj. Noqapi creesqankurayku juchasninku pampachasqa kanqa, Diospa ajllasqasninwan khuska chayaqenkuta jap'inankupaj.
Pablo kasun mosqoypi jina kamachisqata
19Kayrayku, reyníy Agripa, janaj pachamanta Jesús rikhurimuwaspa kamachiwasqanta kasushani. 20Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta. 21Chayrayku judiosqa presochawarqanku templopi kashajtiy, wañuchiwayta munaspa. 22-23Diospa yanapayninwan kunankama kashani willaspa wajchakunaman, ajinallatataj atiyniyojkunamampis; mana yapaspa, nitaj qhechuspa profetaspa nisqanta; nillataj Moisespata, imachus kasqanta willasqankuta; imaynatachus Cristo ñak'arinanta, paytaj wañusqasmanta ñaupajta kausarimunanta; salvación k'anchay willakunampaj Judiosman, ajinallatataj karu llajtasmampis.
Pablo evangeliomanta willan rey Agripaman
24Ajinata Pablo kutichikushajtintaj, Festo jatunmanta nerqa: T'ojpikushanki, Pablo! Ancha yachayniykiwan locoyasqa kashanki.
25Pablotaj kutichikorqa: Mana locoyashanichu, ancha respetasqa Festo. Tukuy parlasqayqa cheqapuni, yuyayniypitaj kani. 26Kay tukuy imasmanta rey Agripaqa yachan. Chayrayku paypa ñaupaqempi parlashani tukuy sonqo; imaraykuchus mana yuyanichu kay tukuy imas pakaypi ruwakusqanta. 27Rey Agripa, creenkichu profetaspa nisqankuta? Noqa yachani creesqaykita.
28Agripataj Pabloman nerqa: Yaqhapuni cristianoman tukuchiwanki.
29Pablotaj kuticherqa: Pisitawan, chayrí astawampuni Dios munachun, mana qanllachu, manachayrí tukuy uyariwajkuna ima, kunan p'unchay noqa jina creejkuna kanaykichejta, astawanqa mana cadenasllawan.
30Ajinata Pablo nisqantawantaj, sayarerqanku rey Agripa, kamachej Festo, Berenice, tukuy paykunawan kajkunapis. 31Jawaman llojsispataj ninakorqanku: Kay runajtaqa mana ima juchampis kanchu wañuchinapaj jina, nitaj presochanapajpis.
32Agripataj nerqa Festoman: Kacharipusunmanña karqa, manachus jatun kamachejwan juzgachikuyta munanman karqa chayqa.
Currently Selected:
HECHOS 26: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
HECHOS 26
26
Pablo kutichikun rey Agripaman
1-2Agripataj nerqa: Atinki qan kikiyki uyarichikuyta.
Pablotaj makinta oqharispa, kay jinata kutichikorqa: Rey Agripa, kunan allin kusisqa kani, ñaupaqeykipi kutichikuspa tukuy imasta judíos tumpawasqankumanta. 3Astawanqa kusikuni qan allinta rejsisqaykirayku judiospa ususninta. Chayrayku mañakuyki ama sayk'uspa uyarinawaykita.
Pabloj ñaupaj kausaynin
4Tukuy judíos yachanku imaynatachus juch'uy kasqaymantapacha kausasqayta llajta masisniywan, jinallatataj Jerusalempipis. 5Paykunaqa rejsiwarqanku ñaupajmantapacha. Munaspaqa parlachunku imaynatachus cheqan religionniykuman jina fariseo kasqayta. 6Kunanqa juchachasqa kani, ñaupa tatasninchejman, Dios imatachus qosqaykichej nisqampi suyasqayrayku. 7Israelpa chunka iskayniyoj ayllusnimpis, Dios qosqaykichej nisqan junt'akunanta suyashallankutaj, tuta p'unchay Diosta yupaychaspa. Chayta suyasqayrayku, rey Agripa, noqatapis juchachashawanku judiosqa. 8Imaraykutaj qankuna mana creenkichejchuri Diosqa wañusqasta kausarichimunanta?
Pablo nin creejkunata ñak'arichisqanta
9Cheqamanta noqa yuyarqani nazareno Jesuspa contranta, tukuy ima sajrata ruwanay kasqanta. 10Ajinata ruwarqani Jerusalempi. Kuraj sacerdotesmanta atiyta qochikuspataj, creejkunata carcelman wisq'acherqani. Paykunata wañuchishajtinkupis noqaqa kusikorqani. 11Ashkha kutista paykunata sinagogaspi jasut'ichispa, Jesuspa contranta parlachiyta munaj kani. Chay jinatapuni phiñakuspa paykunata qhatiykacharqani karu llajtasnintimpi.
Pablo willan Diosman kutirisqanta
[Hch 9.1-19; 22.6-16]
12Chayrayku Damasco llajtaman risharqani, kuraj sacerdotesmanta ordenta orqhospa. 13Ñanta rishajtiytaj, Reyníy, chaupi p'unchaynejta rikorqani cielomanta k'anchay muyuykuwajta, noqawan rejkunatawan. Chay k'anchayqa intimantapis astawan k'ancharerqa. 14Tukuyniykutaj pampaman urmarqayku. Uj parlamuwajtataj uyarerqani, hebreo parlaypi: Saulo, Saulo, imaraykutaj qhatiykachashawanki? Mana walejchu aguijompa puntanta jayt'anaykeqa, nispa. 15Noqataj nerqani: Pitaj kanki, wiraqochi? Paytaj kutichiwarqa: Noqa Jesús kani, pitachus qhatiykachashanki chay. 16Kunantaj jatarikuspa sayaykuy, imaraykuchus chaypaj qanman rikhuriyki, kamachiy kanaykipaj. Kunan p'unchay imatachus rikusqaykita wajkunaman willamunaykipaj. Imastawanchus qhepaman rikuchisqayki chaykunatawan.
17-18Llajtaykej atiyninmanta jark'asqayki, ajinallatataj gentilespamantapis; pikunamanchus kunan kachasqayki, ñawisninkuta kicharinaykipaj, laqhamanta sut'iman llojsimunankupaj, Supaypa atiyninmantataj Diosman kutirinankupaj. Noqapi creesqankurayku juchasninku pampachasqa kanqa, Diospa ajllasqasninwan khuska chayaqenkuta jap'inankupaj.
Pablo kasun mosqoypi jina kamachisqata
19Kayrayku, reyníy Agripa, janaj pachamanta Jesús rikhurimuwaspa kamachiwasqanta kasushani. 20Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta. 21Chayrayku judiosqa presochawarqanku templopi kashajtiy, wañuchiwayta munaspa. 22-23Diospa yanapayninwan kunankama kashani willaspa wajchakunaman, ajinallatataj atiyniyojkunamampis; mana yapaspa, nitaj qhechuspa profetaspa nisqanta; nillataj Moisespata, imachus kasqanta willasqankuta; imaynatachus Cristo ñak'arinanta, paytaj wañusqasmanta ñaupajta kausarimunanta; salvación k'anchay willakunampaj Judiosman, ajinallatataj karu llajtasmampis.
Pablo evangeliomanta willan rey Agripaman
24Ajinata Pablo kutichikushajtintaj, Festo jatunmanta nerqa: T'ojpikushanki, Pablo! Ancha yachayniykiwan locoyasqa kashanki.
25Pablotaj kutichikorqa: Mana locoyashanichu, ancha respetasqa Festo. Tukuy parlasqayqa cheqapuni, yuyayniypitaj kani. 26Kay tukuy imasmanta rey Agripaqa yachan. Chayrayku paypa ñaupaqempi parlashani tukuy sonqo; imaraykuchus mana yuyanichu kay tukuy imas pakaypi ruwakusqanta. 27Rey Agripa, creenkichu profetaspa nisqankuta? Noqa yachani creesqaykita.
28Agripataj Pabloman nerqa: Yaqhapuni cristianoman tukuchiwanki.
29Pablotaj kuticherqa: Pisitawan, chayrí astawampuni Dios munachun, mana qanllachu, manachayrí tukuy uyariwajkuna ima, kunan p'unchay noqa jina creejkuna kanaykichejta, astawanqa mana cadenasllawan.
30Ajinata Pablo nisqantawantaj, sayarerqanku rey Agripa, kamachej Festo, Berenice, tukuy paykunawan kajkunapis. 31Jawaman llojsispataj ninakorqanku: Kay runajtaqa mana ima juchampis kanchu wañuchinapaj jina, nitaj presochanapajpis.
32Agripataj nerqa Festoman: Kacharipusunmanña karqa, manachus jatun kamachejwan juzgachikuyta munanman karqa chayqa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.