2 TIMOTEO 2

Jesucristoj sumaj soldadon

1Qanqa, wawáy, kallpachakuy, Cristo Jesuspi kashan chay khuyakuywan. 2Imatachus ashkha runa rikushajtin nerqayki, chayta allin ruwajkunaman yachachiy, paykunapis wakichisqa kaspa yachachinankupaj.

3Qampis noqawan khuska llakiykunata aguantallaytaj ari, Jesucristoj sumaj soldadon jina. 4Pillapis kay jina maqanakupi sayaykojqa, mana kay pacha ruwanasman sat'ikunchu, imaraykuchus allimpi qhawachinan tiyan Cristota, pichus ajllakorqa soldadompaj. 5Manallataj pujllaypi tinkojpis pilluchisqachu kanqa, manachus kamachisqaman jina tinkonqa chayqa. 6Llank'aj runaqa poqoykunata oqharinampaj, ñaupajta llank'ananraj tiyan. 7Kay nisqayta uyariy, Señortaj qosonqa yuyayta tukuy imata yachanaykipaj.

8Jesucristomanta yuyarikuy. Payqa Davidpa mirayninmanta karqa; kausarimorqataj wañusqakunamanta, evangeliota willasqayman jina. 9Chay evangeliorayku ñak'arini wisq'asqa kanaykama, uj sajra ruwaj jina. Diospa palabranrí mana wisq'asqachu kashan. 10Chayrayku, tukuy imata aguantani Diospa ajllasqasninta munakusqayrayku, paykunapis salvacionta kusiywan wiñaypaj tarinankupaj Cristo Jesuspi. 11Kay palabraqa cheqapuni: Payman khuskachus wañunchej chayqa, paywan khuskallataj kausasunchej. 12Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj. 13Sichus manaña paypi creesunmanchu chayqa, Diosqa kikillampuni sayan, qosqaykichej nisqanta junt'anampaj, imaraykuchus pay kikinta mana qhesachakuyta atinchu.

Llank'aj runaqa allimpaj rejsisqa

14Kay imasta yuyarichiy Señorpa ñaupaqempi k'amispa, ama ima palabra jawapis churanakunankuta. Chayqa mana imapaj walejchu, uyarejkunata astawan pantachispa karunchachin. 15K'uchi kaywan Diospaj allimpaj qhawasqa kayta munay, uj llank'aj runa jina, mana imamanta p'enqakuspa; cheqa kaj palabratataj allinta willaspa. 16Qhasi mana kaj palabrasta saqey, imaraykuchus chaykunaqa astawan astawan Diosta qhesachachinku. 17Palabrankoqa wajkunaman sarna jina chimpan; chaykunamanta kanku Himeneo, Filetowan. 18Paykunaqa cheqa kajmanta t'aqakuspa, yachachinku kausarimoyqa ña ruwasqaña kasqanta. Ajinapi wakinkunaj creesqankuta pantachinku. 19Diospa cimiento churasqanqa sumajta sayan, kay jina selloyoj: Señorqa paypata kajkunata rejsin. Juchamanta t'aqakuchun pichus Señorpa sutinta oqharejqa.

20Uj jatun wasipeqa vasos tiyan mana qorillamantachu, nitaj qolqellamantachu; manachayqa tiyallantaj k'ullumanta, t'urumantapis. Wakintaqa allin imaspaj waqaychanchej, wakintataj mana allin imaspaj. 21Ajinaqa, pikunachus kay imasmanta llimphuchakun chayqa, uj sumaj vaso jina allin qhawasqa, ajllasqa Señorpaj, allin imasta ruwanampaj, tukuy imata allinta ruwanampajtaj wakichisqa.

22Ajinallatataj, waynaspa sajra munapayayninkumantapis ayqey. Cheqa kajtapuni ruway fewan, munakuywan, sonqo tiyakuywan, pikunachus llimphu sonqowan Señorpa sutinta wajyakunku chaykunawan. 23Qhasi mana kaj wampu palabrasta qhesachay, yachaspa chaykunamanta churanakuykuna jamusqankuta. 24Señorpa kamachenqa mana churanakojchu kanan tiyan; manachayqa tukuypaj k'acha, yachachinapaj wakichisqa, pacienciayoj. 25Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj. 26Ajinapi supaypa lazo churasqanmanta kacharichikunankupaj, mayqempichus watasqas karqanku munayninman jina.

Currently Selected:

2 TIMOTEO 2: QCHSB

Highlight

Copy

Compare