2 TESALONICENSES 3
3
Diosmanta mañapuwayku
1Kunanrí, hermanos, noqaykupaj mañapuwayku, Señorpa palabran tukuynejpi rejsisqa kanampaj, yupaychasqataj, imaynachus qankuna ukhupi karqa ajinata. 2Diosmanta mañapuwayku, chay sajra runasmanta jark'asqa kanaykupaj, imaraykuchus mana tukuychu feniyoj kanku. 3Cheqamanta Señorqa palabranta junt'ampuni. Pay sayachisonqachej waqaychasonqachejtaj sajramanta. 4Noqaykoqa mayta qankunamanta suyayku Señorpi. Tukuy ima kamachisqaykuta junt'ashankichej; ajinallatataj qhepamampis junt'allankichejtaj. 5Señortaj sonqoykichejta Diospa munakuyninman pusachun, Cristoj jamuyninta pacienciawan suyanaykichejpaj.
Dios kamachin llank'anata
6Kunanqa, hermanos, qankunata kamachiyku Señorninchej Jesucristoj sutimpi, mayqen hermanopis mana allinta purejmanta, kamachisqaykutapis mana jap'ejmanta ima, t'aqakunaykichejta. 7Qankunaqa yachankichej imaynatachus yachaqakunawaykuta; imaraykuchus qankuna ukhupi mana pantasqatachu purerqayku. 8Nitaj pejpa t'antantapis qhasimanta mikhorqaykuchu, astawanqa jump'i suruyta tuta p'unchay llank'arqayku, ama ni mayqenniykichejpaj carga jina kanaykupaj. 9Mana, mana atiyniyoj kasqaykuraykuchu, astawanqa qankunaman uj yachachiyta qonaykurayku, yachaqakunawaykuraykutaj. 10Chayrayku qankunawan kashaspa, kayta kamacherqayku: Pichus mana llank'ayta munanchu chayqa, amallataj mikhuchunchu, nispa. 11Cheqamanta, uyariyku wakinkuna qankuna ukhupi pantasqata purisqankuta, mana imapi llank'aspa, astawanqa tukuy imaman sat'ikuspa. 12Chay jina kajkunataqa kamachiyku, k'amiykutaj Señor Jesucristoj sutimpi, tukuy sonqo llank'aspa t'antankuta mikhunankuta.
13Qankunataj hermanos, ama sayk'uychejchu allin kajta ruwaspa. 14Pichus kay cartapi nisqaykuta mana kasunmanchu chayqa, paymanta allinta qhawakuychej, amataj paywan tantakuychejchu, ajinamanta p'enqakunampaj. 15Chaywampis, paytaqa ama enemigopaj jap'iychejchu, astawanqa hermanota jina k'amiykuychej.
Cartaj tukukuynin
16Kikin sonqo tiyakuypa Señornin, qankunaman samakuyta tukuy imapi qochumpuni. Señortaj tukuy qankunawan kachun. 17Noqa Pablo, kikin makiywampuni escribimuni napaykuspa. Kay jinamanta sapa uj cartay rejsikun. Ajinata escribini. 18Señorninchej Jesucristoj khuyakuynin tukuyniykichejwan kachun. Amén.
Currently Selected:
2 TESALONICENSES 3: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
