2 TESALONICENSES 1
1
Pabloj napaykuynin
1Pablo, Silvanowan, Timoteowan ima, Tesalónica llajtayojkunaj iglesianman kay cartata escribimuyku, pikunachus Dios Tatawan, Señor Jesucristowan ima ujchasqas kashanku chaykunaman. 2Sonqo tiyasqa kausakuy, khuyakuytaj qankunawan kachun, Dios Tatanchejmanta, Señorninchej Jesucristomantawan.
Señorpa kutimuynin
3Qankunamanta hermanos, Diosman graciasta qonaykupuni tiyan, maychus cheqan kasqanman jina; imaraykuchus feniykichej ashkhata wiñashan, jinallatataj sapa ujniykichejpa munakuyniykichejpis, qankuna ukhupi mayta yapakushan, jinallatataj wajkuna ukhupipis. 4Chayrayku noqaykoqa Diospa iglesiasnimpi may kusisqa parlayku qankunamanta; imaraykuchus pacienciakorqankichej qhatiykachasqas, llakisqas kashaspapis. 5Kay imasqa Diospa cheqan juicionta rikuchishanku; qankunarí, chay Diospa kamachiynimpaj ajllasqas kankichej. Chayrayku kay jinata ñak'arishankichej.
6Cheqantaj Diospajqa, qankunata llakichisojkunaman, llakiyllawantaj kutichinanqa. 7Qankunamantaj, pikunachus llakisqas kashankichej chaykunaman, noqaykumanwan khuska samarikuyta qosonqachej; janaj pachamanta Señor Jesús atiynimpi, angelesninwan rikhurimojtin. 8Payqa nina larwaywan rikhurimuspa, juchachanqa Diosta mana rejsejkunata, Señorninchej Jesucristoj evangeliontapis mana kasojkunata. 9Chaykunaqa wiñaypay ñak'arenqanku, Señorpa ñaupaqenmanta qharqosqas, atiynimpa k'anchayninmantawan. 10Maypachachus Señor jamonqa ajllasqasninwan yupaychachikoj chaypacha, tukuy creejkuna mayta t'ukonqanku. Qankunataj jaqay p'unchaymanta willasqaykuta cheqamanta creerqankichej.
11Chayrayku, mañakuykupuni Diosninchej allimpaj jap'isunaykichejta, wajyayninman jina; junt'anantataj tukuy k'acha munayninta, creespa ruwasqaykichejtapis paypa atiyninwan. 12Ajinamanta, Señorninchej Jesucristoj sutin qankunapi yupaychasqa kachun, qankunataj paypi, Diosninchejpata Señorninchej Jesucristojtawan khuyakuyninrayku.
Currently Selected:
2 TESALONICENSES 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.