2 PEDRO 3

Señorpa jamuynin

1Munasqa hermanosníy, kaywanqa iskay cartataña qankunaman apachimuykichej; iskaynin cartapitaj k'amiykuspa, llimphu yuyayniykichejta rijch'arichiyta munani. 2Yuyariykichej ñaupajta ajllasqa profetaspa nisqankuta, Salvaj Señorpa kamachiyninta ima. Chay kamachiyta apóstoles yachachisorqachej.

3Ñaupajta kayta yachachiychej, qhepa p'unchaykunapi kay imasta asipayajkuna jamonqanku, aychankoj munayninman jina purispa. 4Nenqankutaj: Mayta Cristoj jamusaj nisqanri? Tatas wañusqankumantapacha kunankamaqa, tukuy ima qallariypi jina, imaynachus karqa, kikimpacha kakushan. 5Paykunaqa mana yachajman tukunku. Qallariypi janaj pachapis, kay pachapis Diospa palabranwan ruwasqas karqanku. Kay pachataj yakumanta karqa, yakullapitaj kakushan. 6Chayrayku ñaupa mundopi runasqa, yakupi chinkasqas wañorqanku. 7Kunanqa janaj pacha, kay pacha imaqa, ninapaj waqaychasqas kashanku, Diospa palabranman jina, juicio p'unchaykama. Chaypachataj Diosta mana yupaychajkuna, ñak'ariyman wijch'usqas kanqanku.

8Munakusqasníy, ama qonqaychejchu kayta: Señorpajqa uj p'unchay waranqa watawan ninakun, waranqa watataj uj p'unchaywan ninakun. 9Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.

10Señorpa p'unchaynenqa chayamonqa uj suwa jina. Chaypachataj, janaj pachakuna manchay jatun thuñikuywan tukuchisqas kanqanku, tukuy ima kajtaj larwaspa chinkarenqa; chaypacha tukuy ima ruwasqasninwan q'olasqa kanqa.

11-12Ajinata, tukuy ima nina larwaypi tukukunanta yachaspa, astawan Diosta yupaychaspa kaychej, allin kausaypitaj puriychej. Diospa p'unchayninta suyaspa. Usqhayta jamunanta munaspataj kausaychej. Chay p'unchaypeqa janaj pachakuna nina larwaypi tukukonqanku, tukuy imastaj chay nina larwaypi unuyanqanku. 13Noqanchejqa suyashanchej mosoj janaj pachakunata, mosoj jallp'atawan, Diospa promesanman jina. Chaykunapitaj cheqan kausay tiyan.

14Chayrayku munasqa hermanosníy, chay imasta suyaspaqa, k'uchi k'uchilla mask'aychej Diospa ñaupaqempi tarisqa kayta mana juchayoj, sonqo tiyakuyniyojtaj. 15Chantá yachaychej, Señorpa paciencianqa salvanapaj kasqanta, imaynatachus munasqa hermanonchej Pablopis escribimusorqachej, Dios payman yachayta qosqanman jina. 16Yaqha tukuy cartasnimpi chay imasmanta parlan. Chay escribisqasnimpitaj wakenqa mana unanchana jina kanku. Chaykunataqa mana yuyayniyojkuna, mana allinta kausajkuna ima q'ewinku, jinallatataj waj escribisqastapis, paykuna kikin chinkanankupaj q'ewillankutaj.

17Chayrayku munasqa, hermanosníy, chay imasta ñaupajmanta yachaspaña, allinta qhawakuychej. Pajtá ch'aukiyajkunawan pantayman apachikuwajchej, ajinamantataj sinch'i kayniykichejmanta urmawajchej. 18Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

Currently Selected:

2 PEDRO 3: QCHSB

Highlight

Copy

Compare