2 CORINTIOS 5

1Yachanchej kay jallp'api wasinchejqa, kay cuerponchej. Chaychus thuñikunman chayqa, tiyapuwanchej uj wasi Diospa ruwasqan janaj pachapi wiñaypaj, mana runaj makimpa ruwasqanchu. 2Chayrayku kay jallp'api kashaspa mayta llakikunchej, p'achallisqa kayta munaspa janaj pacha wasinchejwan. 3Ajinapeqa p'achallisqas kasunchej, manataj q'arasllachu. 4Kay wasipi kausajtinchej, chayrí kay cuerponchejpi mayta llakikunchej jatun llakiywan. Manataj munanchejchu p'achanchejta lluch'uchikuyta, astawanqa munanchej sumaj p'achallisqa kayta, wañuy atipasqa kanampaj mosoj kausaynejta. 5Kay imaspajpuni Dios wakichiwarqanchej. Paytaj qowanchej Santo Espirituta uj señata jina.

6-7Ajinapi kausanchej tukuy sonqo; yachanchejtaj cuerponchejpiraj kashaspaqa Señormanta ch'usasqas purishasqanchejta, imaraykuchus feninchejrayku purinchej, mana rikusqaraykuchu. 8Chaywampis, astawan kallpachakunchej. Astawanqa munasunman kay cuerpomanta t'aqakuyta, Señorwantaj kausamuyta. 9Chayrayku astawanqa munanchej cuerpomanta ch'usasqaspis, chayrí khuskapis Señorman allinta rijch'ayta. 10Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

Sonqo tiyaykuymanta

11Chayrayku noqayku Señorta rejsiyku manchachikuna kasqanta, runasmantaj Willayku unanchachiyta munaspa. Chaywampis, Dios yachan pichus kasqaykuta. Jinallataj suyani qankunapis yachanaykichejta concienciaykichejman jina. 12Manataj ujtawan allin kasqaykumanta parlayta munashaykuchu, astawanqa suyashayku qankuna sonqo junt'asqas kanaykichejta noqaykumanta, kutichinaykichejpaj pikunachus wapus kasqankuta yuyakunku, mana sonqonkuman jinachu, chaykunaman. 13Locoyayku chaypis Diospaj locoyayku. Allin yuyayniyoj kayku chaypis, qankunapaj yuyayniyoj kayku. 14Cristoj munakuynenqa kamachiwayku, kaypi yuyaspataj niykuman: Uj wañorqa tukuyrayku, jinallatataj tukuy wañorqanku. 15Señorqa tukuypaj wañorqa, kunan kausajkuna manaña paykunapajchu kausanankupaj, astawanqa kausanankupaj, jaqay pichus wañorqa kausarimorqataj paykunanejta chaypaj. 16Kunanmanta ñaupajmanqa manaña pitapis rejsiykuchu aychaman jina. Arí, Cristotapis aychaman jina rejserqayku, kunanrí manaña ajinatachu rejsiyku. 17Chayrayku pipis Cristopi kashan chayqa, mosoj runa; mauk'a imasqa tukukapunña, tukuy imastaj mosojyapun.

18Kay tukuy ima Diosmanta jamun, payllataj allinyachawarqayku Cristonejta; kamachiwarqaykutaj runasta paywan allinyachinaykuta. 19Dios cheqamanta Cristonejta, kay mundota pay kikinwan allinyacherqa, runaspa juchasninmanta mana yuyarikuspa. Noqaykumantaj kamachiwarqayku allinyakuymanta willanaykupaj. 20Ajina chayqa, Cristoj sutimpi willajkuna kachamusqas kayku, Diospis noqaykunejta nishasunkichejman jina. Chayrayku, mañakuyku qankunata Cristoj sutimpi; Dioswan allinyakuychej, nispa. 21Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Currently Selected:

2 CORINTIOS 5: QCHSB

Highlight

Copy

Compare