1 MACABEOS 2
2
Matatías oqharikun
1Chaypacha rikhurimun Juampa wawan Matatías. Paypa jatun tatan karqa Simón. Matatiasqa sacerdote karqa, Joiaribpa ayllunmanta. Jerusalempi nacekorqa tiyakorqataj Modimpi. 2-5Paypa wawasnin phishqa karqanku: Juan, Gadi nisqa; Simón, Tasi nisqa; Judas, Macabeo nisqa; Eleazar, Abarán nisqa. Chantá, Jonatán, Afús nisqa.
6-7Matatiasqa rikuspa chay ruwasqankuta Diospa contrampi, Judeapipis, Jerusalempipis, kay jinata nerqa: Llakiy kayqa! Kaypajchu nacerqani? Nacerqanichu rikunaypaj aylluyta chinkachinankuta? Nacerqanichu rikunaypaj Diospa ajllasqan llajtata chinkachinankuta? Rikullasajchu mana ni imata ruwaspa Diospa ayllunta enemigospa makisninkuman urmashajta? Rikullasajchu Diospa wasinta wajkunaj makisninkupi? 8Santuarioqa p'enqachisqa runaman rijch'akun. 9Santuarioj imasnin, imawanchus kusikorqanchej chaykuna, waj ladoman apasqas kanku. Wawasqa wañuchisqas kanku llajta callespi. Waynaspis wañuchisqas kanku enemigoj espadanwan. 10Tukuy nacionespuni Israelman qhechunku atiyninta. Tukuyninku kapuyninta apakapunku. 11Jerusalenmanta apakapunku tukuy k'acha imasninta. Ñaupajta libre karqa, kunantaj kamachi. 12Santuarionchej raqayman tukun. Chay k'acha santuarionchej kusikuyninchej karqa. Kunanqa, mana creejkunaj runasqa ch'ichichanku. 13Imapajñataj kausasqayku? 14Chayta niytawanqa, Matatías p'achasninta llik'erqa. Qhashqa p'achatataj churakorqa, waqarqataj. Wawasnimpis jinallatataj ruwarqanku.
15Reypa runasnin Modinman chayarqanku israelitasta jaywachinankupaj rikuchikusta lantisman, judío religionta saqespa. 16Ashkha israelitas paykunata qhaterqanku. Matatiastaj, wawasninwan khuska, mana qhatiyta munarqachu. 17Chayta yachaspa, reypa runasnin Matatiasman nerqanku: Qanqa autoridadniyoj kanki, respetasqa runa, patapi churasqa kay llajtapi. Wawasniykipis wauqesniykipis imatachus ninki ruwallanku. 18Qayllamuy. Qampuni ñaupajta reypa kamachisqanta junt'anayki tiyan. Tukuynejpi runasqa reypa nisqanta junt'arqankuña. Kikillantataj, Judeapipis Jerusalén llajtapipis. Ajinamanta, qampis wawasniykipis reypa amigosnin kankichej. Reyninchej qoritawan qolqetawan qosunkichej, wajkunata ima.
19Matatiastaj qhaparispa kay jinata kuticherqa: Kasuchunkupis tukuy naciones, p'enqakuchunkupis ñaupa tatasninkoj religionninkumanta. 20Noqaqa, jinallataj wawasniypis, hermanosniypis, junt'asqaykupuni ñaupa tatasniyku Dioswan ruwarqanku chay tratota. 21Diosniyku mana munanqachu paypa leyninta saqenaykuta. 22Noqaykoqa mana kasusqaykuchu reyta. Ni imapi karunchakusqaykuchu religionniykumanta.
23Niytawanqa Matatías chay palabrasta, tukuy rikushajtinku, uj judío chimparqa altarman, Modín llajtapi sayacherqanku chayman, rikuchikuta jaywaj, reypa kamachisqanman jina. 24Chayta rikuspa, Matatiasqa anchatapuni phiñakorqa. Rabiawan kharkatitispa, phiñakuywan junt'a, correrqa chay runa kasharqa chayman. Wañucherqataj chay judiota kikin altar patapi. 25Chaymanta, reypa kamachintapis wañuchillarqataj, pichus judiosman ordenta qorqa rikuchikusta jaywanankupaj chay runata. Chantaqa, altarta urmacherqa. 26Matatiaspa sonqonqa Diospa leyninman k'askasqa karqa. Chaypacha, rijch'akorqa Fineesman, pichus oqharikorqa Saloj wawan Zimrej contrampi, chayman. 27Chaymantataj, sinch'ita qhaparispa, llajta masisninman kayta nerqa: Pikunachus Diospa leyninta junt'ayta munanku, Dioswan tratota ruwasqanchejman jina, qhatiwachunku!, nispa.
28Matatiasqa wawasnintin, tukuy imasninkuta saqespa llajtapi, orqosman riporqanku.
29Chay tiempospi, Diospa leyninman jina kausayta munajkunaqa ch'in pampaman ripoj kanku. 30Kachaykukoj kanku wawasnintin, warmisnintin, uywasnintin ima, llakiy anchapuni kasqanrayku. 31Chaypacha willasqanku reypa kamachisninman, Davidpa llajtan Jerusalempi kaj soldadosmampis, chay mana kasukuyta munajkunaqa ch'in pampaman ripusqankuta pakakoj. 32Ashkha soldadostaj chaypachalla rerqanku paykunata mask'aj. Chayaspataj maypichus kasharqanku chayman, wakichikorqanku paykunata jap'inankupaj samakuna p'unchaypi. 33Nerqankutaj: Llojsillaychejña: Reypa nisqanta kasukunkichej chayqa, kausankichej! nispa.
34Paykunataj kuticherqanku: Manapuni llojsisqaykuchu, nitaj reypa kamachisqanta kasusqaykuchu. Manapuni ch'ichichasqaykuchu samakuna p'unchayta.
35Chayta uyariytawanqa, soldados contrankuman llojserqanku. 36Israelitasrí mana kutichikorqankuchu. Mana ni uj rumillatapis paykunaman wijch'orqankuchu. Nitaj sinch'iyacherqankupischu pakakuna wasisninkuta. 37Paykunaqa nerqanku: Tukuyniyku llimphu sonqoyoj wañuyman risqayku. Janaj pachapis kay pachapis yachanku qankuna qhasillamanta wañuchiwashasqaykuta.
38Jinamanta, soldados paykunaj contrampi kachaykukorqanku samakuna diapi. Chaypachapi wañorqanku israelita qharis warmisnintin, wawasnintin, uywasnintin ima. Tukuypi wañusqasqa waranqa runas karqanku.
39Matatiasqa amigosnimpis chayta yachaspa, paykunarayku paran paranta waqarqanku. 40Chaypacha, paykunapura ninakorqanku: Sichus noqanchejpis tukuy israelitaspis ruwasun kay hermanosninchej jina, sichus mana maqanakusunchejchu chayqa mana creejkunawan kausayninchejrayku leyninchejraykutaj, usqhayllata chinkachiwasunchej kay pachamanta. 41Chay kutillapitaj kayta nerqanku: Jamojtinkupis sapa samakuna diapi, noqanchejpis oqharikusun. Ajinamanta, mana tukuyninchejchu wañusunchej, imaynatachus hermanosninchej wañorqanku pakakunasninkupi, ajinata.
42Chaypacha, paykunaman k'askakorqanku hasideos nisqa runas, jatun sonqoyoj, tukuyninku leyman jina kausakuyta munajkuna. 43Chantapis, pikunachus munarqanku ayqeyta chay llakiymanta, paykunawan khuskachakorqanku. 44Tukuy paykunaqa soldadosman tukuspa, phiñakuywan kachaykukoj kanku mana creejkunaj contrankupi, Diosta wasanchaj israelitaspa contrankupi ima. Ayqekuyta atejkunataj karu llajtasman riporqanku salvakuyta munaspa. 45Matatiasqa amigosnimpis llajtamanta llajta purerqanku mana creejkunaj altaresninkuta phirispa. 46Chantapis, mana tapuspalla tata mamasta, circuncidarqanku mana circuncidasqaraj qhari wawasta tukuy Israelpi. 47Wapuchasqa enemigosninkuta qhatiykorqanku. Imallatapis ruwayta munajtinku, ruwallarqanku. 48Chay mana creejkuna, reykuna ima, mana munajtinkupis, Diospa leynenqa sayallarqapuni. Israelitasqa mana atipachikorqankuchu mana creejpa kallpanwanqa.
49Matatías, wañuy patapiña kashaspa, kay jinata nerqa wawasninman:
Tukuynejpi noqanchejmanta asirikunku. Tukuynejpi noqanchejpaj sajrata parlanku, mayllapipis llakiy ñak'ariytaj.
50Qankunarí, wawasníy, amapuni t'aqakuychejchu leymanta. Kausayniykichejta churaychej chay tratorayku, mayqentachus Diosninchej ruwarqa ñaupa tatasninchejwan.
51Qankunaqa yuyarikuychej paykuna ruwasqankumanta kausajtinkuraj. Chayta ruwaspaqa, sutiykichej may jatunyasqa kanqa, runastaj qankunamanta yuyarikonqankupuni.
52Diosninchejqa Abrahamta pruebaman churarqa. Pruebaytawantaj, Diosninchej rikorqa Abrahamqa cheqan sonqoyoj kasqanta. Chayrayku, payta qhawarqa cheqan runata jina.
53Joserí, llakiyniyoj kaspapis Diospa kamachisqanta junt'arqa. Chantaqa, pay Egipto llajtapi jatun kamachejman tukorqa.
54Ñaupa tatanchej Fineestaj, anchatapuni Diospa nisqanta munasqanrayku, Diosmanta uj promesata jap'ikorqa. Diosninchej nerqa paypa wawasnin ukhumanta sacerdotes kanankutapuni.
55Josuepis ruwarqa imatachus ruwanan karqa chayta. Payqa Israelpa kamachejnin karqa.
56Calebpa cheqan kajta parlarqa runaspa ñaupaqenkupi. Payqa jallp'asta jap'erqa Israel ayllupaj.
57Davidqa, Diosman k'askakusqanrayku, mana tukukoj reinota wawasnimpaj jap'ikorqa.
58Eliasqa Diospa kamachisqanta sonqompi waqaycharqa. Payqa janaj pachaman pusasqa karqa.
59Chantapis, Ananiaswan, Azariaswan, Misaelwan, Diospa nisqanta sonqosninkupi jap'erqanku. Paykunaqa ninamanta kacharichisqas karqanku.
60Danielrí cheqan runallataj karqa. Payqa leoneswan mana oqochikorqachu.
61Yuyaychej ari imaynatachus Diospi suyajkunaqa ni jayk'ajllapis urmankuchu.
62Ama manchachikuychejchu mana creej runaj nisqanmanta. Yupaychachikusqanqa q'opaman tukonqa, khuruswan mikhusqa jinalla kanqa.
63Kunan sayashan. Q'ayataj chinkanqapacha. Payqa jallp'aman tukonqa. Unanchakusqanqa wayrawan apachikonqa.
64Chayrayku niykichej: Wawasníy, kallpachakuychej, Diospa kamachisqampi sinch'ita sayaychej. Diospa leynenqa jatun kusikuyniykichej kanqa.
65Simón wauqeykichejta saqepuykichej. Yachani noqaqa umayoj kasqanta. Payta kasuychejpuni. Payqa tataykichej jina kanqa.
66Judas Macabeotaj, kallpayoj runa waputaj wayna kasqanmantapacha, soldadosta kamachenqa. Payqa ayllunrayku llojsenqa maqanakoj.
67Diospa leyninta junt'ayta munajkunata wajyaychej qankunawan khuskachakunankupaj. Ama qhawallaychejchu aylluykichej saruchikushajta.
68Mana creejkunamanqa ruwasqankuman jina kutichipuychej. Leypa kamachisqanta junt'aychejpuni.
69Chayta niytawanqa Matatías wawasninta bendiciykorqa. Chaymantataj, ñaupa tatasnimpaman riporqa. 70Matatías wañorqa pachaj tawa chunka sojtayoj watapi. Payta p'amparqanku Modimpi, tatasnimpa sepulturankupi. Tukuy israelitasqa jik'un jik'unta waqarqanku wañupusqanmanta.
Currently Selected:
1 MACABEOS 2: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
1 MACABEOS 2
2
Matatías oqharikun
1Chaypacha rikhurimun Juampa wawan Matatías. Paypa jatun tatan karqa Simón. Matatiasqa sacerdote karqa, Joiaribpa ayllunmanta. Jerusalempi nacekorqa tiyakorqataj Modimpi. 2-5Paypa wawasnin phishqa karqanku: Juan, Gadi nisqa; Simón, Tasi nisqa; Judas, Macabeo nisqa; Eleazar, Abarán nisqa. Chantá, Jonatán, Afús nisqa.
6-7Matatiasqa rikuspa chay ruwasqankuta Diospa contrampi, Judeapipis, Jerusalempipis, kay jinata nerqa: Llakiy kayqa! Kaypajchu nacerqani? Nacerqanichu rikunaypaj aylluyta chinkachinankuta? Nacerqanichu rikunaypaj Diospa ajllasqan llajtata chinkachinankuta? Rikullasajchu mana ni imata ruwaspa Diospa ayllunta enemigospa makisninkuman urmashajta? Rikullasajchu Diospa wasinta wajkunaj makisninkupi? 8Santuarioqa p'enqachisqa runaman rijch'akun. 9Santuarioj imasnin, imawanchus kusikorqanchej chaykuna, waj ladoman apasqas kanku. Wawasqa wañuchisqas kanku llajta callespi. Waynaspis wañuchisqas kanku enemigoj espadanwan. 10Tukuy nacionespuni Israelman qhechunku atiyninta. Tukuyninku kapuyninta apakapunku. 11Jerusalenmanta apakapunku tukuy k'acha imasninta. Ñaupajta libre karqa, kunantaj kamachi. 12Santuarionchej raqayman tukun. Chay k'acha santuarionchej kusikuyninchej karqa. Kunanqa, mana creejkunaj runasqa ch'ichichanku. 13Imapajñataj kausasqayku? 14Chayta niytawanqa, Matatías p'achasninta llik'erqa. Qhashqa p'achatataj churakorqa, waqarqataj. Wawasnimpis jinallatataj ruwarqanku.
15Reypa runasnin Modinman chayarqanku israelitasta jaywachinankupaj rikuchikusta lantisman, judío religionta saqespa. 16Ashkha israelitas paykunata qhaterqanku. Matatiastaj, wawasninwan khuska, mana qhatiyta munarqachu. 17Chayta yachaspa, reypa runasnin Matatiasman nerqanku: Qanqa autoridadniyoj kanki, respetasqa runa, patapi churasqa kay llajtapi. Wawasniykipis wauqesniykipis imatachus ninki ruwallanku. 18Qayllamuy. Qampuni ñaupajta reypa kamachisqanta junt'anayki tiyan. Tukuynejpi runasqa reypa nisqanta junt'arqankuña. Kikillantataj, Judeapipis Jerusalén llajtapipis. Ajinamanta, qampis wawasniykipis reypa amigosnin kankichej. Reyninchej qoritawan qolqetawan qosunkichej, wajkunata ima.
19Matatiastaj qhaparispa kay jinata kuticherqa: Kasuchunkupis tukuy naciones, p'enqakuchunkupis ñaupa tatasninkoj religionninkumanta. 20Noqaqa, jinallataj wawasniypis, hermanosniypis, junt'asqaykupuni ñaupa tatasniyku Dioswan ruwarqanku chay tratota. 21Diosniyku mana munanqachu paypa leyninta saqenaykuta. 22Noqaykoqa mana kasusqaykuchu reyta. Ni imapi karunchakusqaykuchu religionniykumanta.
23Niytawanqa Matatías chay palabrasta, tukuy rikushajtinku, uj judío chimparqa altarman, Modín llajtapi sayacherqanku chayman, rikuchikuta jaywaj, reypa kamachisqanman jina. 24Chayta rikuspa, Matatiasqa anchatapuni phiñakorqa. Rabiawan kharkatitispa, phiñakuywan junt'a, correrqa chay runa kasharqa chayman. Wañucherqataj chay judiota kikin altar patapi. 25Chaymanta, reypa kamachintapis wañuchillarqataj, pichus judiosman ordenta qorqa rikuchikusta jaywanankupaj chay runata. Chantaqa, altarta urmacherqa. 26Matatiaspa sonqonqa Diospa leyninman k'askasqa karqa. Chaypacha, rijch'akorqa Fineesman, pichus oqharikorqa Saloj wawan Zimrej contrampi, chayman. 27Chaymantataj, sinch'ita qhaparispa, llajta masisninman kayta nerqa: Pikunachus Diospa leyninta junt'ayta munanku, Dioswan tratota ruwasqanchejman jina, qhatiwachunku!, nispa.
28Matatiasqa wawasnintin, tukuy imasninkuta saqespa llajtapi, orqosman riporqanku.
29Chay tiempospi, Diospa leyninman jina kausayta munajkunaqa ch'in pampaman ripoj kanku. 30Kachaykukoj kanku wawasnintin, warmisnintin, uywasnintin ima, llakiy anchapuni kasqanrayku. 31Chaypacha willasqanku reypa kamachisninman, Davidpa llajtan Jerusalempi kaj soldadosmampis, chay mana kasukuyta munajkunaqa ch'in pampaman ripusqankuta pakakoj. 32Ashkha soldadostaj chaypachalla rerqanku paykunata mask'aj. Chayaspataj maypichus kasharqanku chayman, wakichikorqanku paykunata jap'inankupaj samakuna p'unchaypi. 33Nerqankutaj: Llojsillaychejña: Reypa nisqanta kasukunkichej chayqa, kausankichej! nispa.
34Paykunataj kuticherqanku: Manapuni llojsisqaykuchu, nitaj reypa kamachisqanta kasusqaykuchu. Manapuni ch'ichichasqaykuchu samakuna p'unchayta.
35Chayta uyariytawanqa, soldados contrankuman llojserqanku. 36Israelitasrí mana kutichikorqankuchu. Mana ni uj rumillatapis paykunaman wijch'orqankuchu. Nitaj sinch'iyacherqankupischu pakakuna wasisninkuta. 37Paykunaqa nerqanku: Tukuyniyku llimphu sonqoyoj wañuyman risqayku. Janaj pachapis kay pachapis yachanku qankuna qhasillamanta wañuchiwashasqaykuta.
38Jinamanta, soldados paykunaj contrampi kachaykukorqanku samakuna diapi. Chaypachapi wañorqanku israelita qharis warmisnintin, wawasnintin, uywasnintin ima. Tukuypi wañusqasqa waranqa runas karqanku.
39Matatiasqa amigosnimpis chayta yachaspa, paykunarayku paran paranta waqarqanku. 40Chaypacha, paykunapura ninakorqanku: Sichus noqanchejpis tukuy israelitaspis ruwasun kay hermanosninchej jina, sichus mana maqanakusunchejchu chayqa mana creejkunawan kausayninchejrayku leyninchejraykutaj, usqhayllata chinkachiwasunchej kay pachamanta. 41Chay kutillapitaj kayta nerqanku: Jamojtinkupis sapa samakuna diapi, noqanchejpis oqharikusun. Ajinamanta, mana tukuyninchejchu wañusunchej, imaynatachus hermanosninchej wañorqanku pakakunasninkupi, ajinata.
42Chaypacha, paykunaman k'askakorqanku hasideos nisqa runas, jatun sonqoyoj, tukuyninku leyman jina kausakuyta munajkuna. 43Chantapis, pikunachus munarqanku ayqeyta chay llakiymanta, paykunawan khuskachakorqanku. 44Tukuy paykunaqa soldadosman tukuspa, phiñakuywan kachaykukoj kanku mana creejkunaj contrankupi, Diosta wasanchaj israelitaspa contrankupi ima. Ayqekuyta atejkunataj karu llajtasman riporqanku salvakuyta munaspa. 45Matatiasqa amigosnimpis llajtamanta llajta purerqanku mana creejkunaj altaresninkuta phirispa. 46Chantapis, mana tapuspalla tata mamasta, circuncidarqanku mana circuncidasqaraj qhari wawasta tukuy Israelpi. 47Wapuchasqa enemigosninkuta qhatiykorqanku. Imallatapis ruwayta munajtinku, ruwallarqanku. 48Chay mana creejkuna, reykuna ima, mana munajtinkupis, Diospa leynenqa sayallarqapuni. Israelitasqa mana atipachikorqankuchu mana creejpa kallpanwanqa.
49Matatías, wañuy patapiña kashaspa, kay jinata nerqa wawasninman:
Tukuynejpi noqanchejmanta asirikunku. Tukuynejpi noqanchejpaj sajrata parlanku, mayllapipis llakiy ñak'ariytaj.
50Qankunarí, wawasníy, amapuni t'aqakuychejchu leymanta. Kausayniykichejta churaychej chay tratorayku, mayqentachus Diosninchej ruwarqa ñaupa tatasninchejwan.
51Qankunaqa yuyarikuychej paykuna ruwasqankumanta kausajtinkuraj. Chayta ruwaspaqa, sutiykichej may jatunyasqa kanqa, runastaj qankunamanta yuyarikonqankupuni.
52Diosninchejqa Abrahamta pruebaman churarqa. Pruebaytawantaj, Diosninchej rikorqa Abrahamqa cheqan sonqoyoj kasqanta. Chayrayku, payta qhawarqa cheqan runata jina.
53Joserí, llakiyniyoj kaspapis Diospa kamachisqanta junt'arqa. Chantaqa, pay Egipto llajtapi jatun kamachejman tukorqa.
54Ñaupa tatanchej Fineestaj, anchatapuni Diospa nisqanta munasqanrayku, Diosmanta uj promesata jap'ikorqa. Diosninchej nerqa paypa wawasnin ukhumanta sacerdotes kanankutapuni.
55Josuepis ruwarqa imatachus ruwanan karqa chayta. Payqa Israelpa kamachejnin karqa.
56Calebpa cheqan kajta parlarqa runaspa ñaupaqenkupi. Payqa jallp'asta jap'erqa Israel ayllupaj.
57Davidqa, Diosman k'askakusqanrayku, mana tukukoj reinota wawasnimpaj jap'ikorqa.
58Eliasqa Diospa kamachisqanta sonqompi waqaycharqa. Payqa janaj pachaman pusasqa karqa.
59Chantapis, Ananiaswan, Azariaswan, Misaelwan, Diospa nisqanta sonqosninkupi jap'erqanku. Paykunaqa ninamanta kacharichisqas karqanku.
60Danielrí cheqan runallataj karqa. Payqa leoneswan mana oqochikorqachu.
61Yuyaychej ari imaynatachus Diospi suyajkunaqa ni jayk'ajllapis urmankuchu.
62Ama manchachikuychejchu mana creej runaj nisqanmanta. Yupaychachikusqanqa q'opaman tukonqa, khuruswan mikhusqa jinalla kanqa.
63Kunan sayashan. Q'ayataj chinkanqapacha. Payqa jallp'aman tukonqa. Unanchakusqanqa wayrawan apachikonqa.
64Chayrayku niykichej: Wawasníy, kallpachakuychej, Diospa kamachisqampi sinch'ita sayaychej. Diospa leynenqa jatun kusikuyniykichej kanqa.
65Simón wauqeykichejta saqepuykichej. Yachani noqaqa umayoj kasqanta. Payta kasuychejpuni. Payqa tataykichej jina kanqa.
66Judas Macabeotaj, kallpayoj runa waputaj wayna kasqanmantapacha, soldadosta kamachenqa. Payqa ayllunrayku llojsenqa maqanakoj.
67Diospa leyninta junt'ayta munajkunata wajyaychej qankunawan khuskachakunankupaj. Ama qhawallaychejchu aylluykichej saruchikushajta.
68Mana creejkunamanqa ruwasqankuman jina kutichipuychej. Leypa kamachisqanta junt'aychejpuni.
69Chayta niytawanqa Matatías wawasninta bendiciykorqa. Chaymantataj, ñaupa tatasnimpaman riporqa. 70Matatías wañorqa pachaj tawa chunka sojtayoj watapi. Payta p'amparqanku Modimpi, tatasnimpa sepulturankupi. Tukuy israelitasqa jik'un jik'unta waqarqanku wañupusqanmanta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.