1 MACABEOS 1
1
Rey Alejandromanta, paypa qhepampi jamojkunamantawan
1Filipoj wawan Macedonia llajtayoj Alejandro, Quitim llajtamanta llojsispa, uj maqanakupi atipasqa Dariota, persaspatawan mediospatawan reyninta, cuentanmantataj reyman tukusqa. Ñaupajta Greciamanta rey kasqa. 2Alejandroqa ashkha ch'ajwaspi atipasqa. Tukuynejpi jap'ikapusqa perqachasqa llajtasta. Ashkha reykunatapis wañuchisqa. 3-4Karu llajtasmampuni yaykusqa. Anchata qhapajchakusqa, ashkha llajtasmanta jap'ikapusqanwan. Chaymanta, pay kamachishajtin mana ni pi oqharikusqañachu. Alejandroj soldadosnin may yupa kasqanku, tukuyninku maqanakupaj wapu wapus. Alejandroj sonqontaj maytapuni jatunyasqa. Kayman jaqayman kachaykukuspa, jap'iykusqa provinciasta, nacionesta ima, reykunasnintinta. Chay reykunataj runasninman tukusqanku. 5Chaymantataj onqoykusqa. Onqoytawantaj, yachasqa wañuy patapiña kasqanta. 6Chantaqa, wajyachisqa paywan purej kamachejkunasninta, pikunachus wawas kasqankumantapacha, paywampuni kakoj kasqanku, chaykunata. Manaraj wañupushajtin, Alejandroqa paykunaman reinonta qopusqa. 7Alejandroqa chunka iskayniyoj watata kamachisqa. Chaymanta wañupusqa. 8Chantá, kamachejkunasnin kamachiyta qallarisqanku, reykunaman tukuspa, sapa uj jallp'ampi. 9Alejandro wañupusqanmanta, tukuyninku reykuna kasqanku. Qhepankupitaj, paykunaj wawasninku kamachillasqankutaj. Tukuy paykunaqa ashkha watasta kamachejkuna kasqanku. Tukuynejpitaj llakiy anchatapuni mirasqa.
Antíoco IV Epífanes
[2 Mac. 4a.7-17]
10Paykuna ukhupi rikhurimusqa rey Antíocoj wawan, Antíoco Epífanes sutiyoj, chay sajra saphi, pichus unayta presochasqa kasqanmanta Roma llajtapi, kamachiyta qallarisqa pachaj kinsa chunka qanchisniyoj kaj watapi, griegos yupasqankuman jina.
11Chay diaspi wakin sajra sonqoyoj israelitas, runa masisninkuman parlaj kasqanku kay jinata: Uj tratota ruwana muyuyninchejpi kaj nacioneswan. Paykunamanta karunchakusqanchejmantapachaqa, tukuy ima llakiy jamuwarqanchej, nispa. 12Paykunamanqa allin rijch'asqa chay nisqankoqa. 13Wakinkutaj qhajpacha risqanku reywan tinkukoj. Reyrí licenciata qosqa griegospa costumbresninkuman jina kausanankupaj. 14Chantaqa, Jerusalén llajtapi pujllana kanchasta ruwasqanku, imaynatachus griegospata tiyapunku ajinata. 15Paykunaqa qonqapusqanku circuncidasqas kasqankumanta. Ajinamanta, Dioswan tratota ruwasqankuta p'akisqanku. Muyuyninkupi kaj nacioneswantaj ujchakusqanku, sajra kajtataj ruwayta qallarisqanku.
Antiocoqa Jerusalén temploj imasninta apakapun
[2 Mac. 5.11-20]
16Reinompi allinta sayaspaña, Antiocoqa unanchakusqa imaynamantataj atinman Egiptopipis rey kayta, iskaynin nacionespi kamachinampaj. 17Ajinaqa, Egiptoman yaykusqa ashkha soldadoswan, maqanakupaj allinchasqa carroswan, elefanteswan, caballoswan, ashkha barcoswan ima. 18Egiptomanta rey Tolomeowan guerrata ruwayta munashajtin, rey Tolomeo paywan maqanakuymanta manchachikushajtintaj, ayqekapusqa. Ashkhastaj kasqanku wañusqaspis. 19Chantaqa, Antíoco jap'iykusqa Egiptopi perqachasqa llajtasta. Tukuynejpi imatachus tarisqanta apakapullasqataj.
20Egiptota t'unarparichisqanmantapacha, Antiocoqa kutimpusqa pachaj tawa chunka kinsayoj watapi, Israelmantaj kachaykukusqa. Ashkha soldadoswan Jerusalén llajtaman yaykusqa. 21-23Wapuykachaspataj santuarioman yaykusqa. Apakapusqataj qori altarta, candelabrotawan lamparasnintinta. Chaymantataj, tukuy laya cucharasta, t'antasta jaywanapaj mesasta, bateasta, copasta, qori q'osñichinasta, cortinata, pillusta ima. Chantapis, templo punkupi kaj qori warawasta ima. Q'alitutataj phiriykuchisqa. Ajinallatataj, tarisqan qolqetawan qoritawan apakapusqa. Chantaqa, valorniyoj, tarisqan qolqetawan qoritwan apakapusqa. Chantaqa, valorniyoj vasostapis, pakasqa waqaychanastapis. 24Tukuyta suwakapuspa, llajtanman kutiripusqa. Ashkha runasta wañuchisqa. Tukuy nisqampitaj wapuchasqa sonqonta rikhurichisqa.
25Tukuy Israelpi llakiy junt'a kasqa.
26Kamachejkunapis kurajkunapis paran paranta waqaj kasqanku. Sipaskunapis waynaspis mana kallpayoj qhepakusqanku. Warmistaj mana k'achasñachu kasqanku.
27Noviostaj manchayta waqaj kasqanku, noviasninkutaj puñunasninkupi tiyarikusqas, jik'un jik'unta qhaparikoj kasqanku.
28Jallp'aqa ikhakusqa, runasta khuyakuspa. Jacobpa miraynin p'enqaymanta p'achallikusqa.
Jerusalén llajta raqayman tukun
[2 Mac. 5.21-26]
29Iskay watamantawan, rey kachamusqa Judá llajtasman ejercitompa kuraj kamachejninta, pichus Jerusalenman chayamusqa ashkha soldadoswan impuestosta cobraj. 30Chay puraj uyaqa misk'ita parlaykusqa, runastaj nisqanta creesqanku. 31-32Chantaqa, chay runaqa ujta kachaykukusqa runaspa contrankupi, wañurachispa. Chay kutipi ashkha runas wañusqanku Israel ukhupi. Sinch'i kallpawantaj Jerusalén llajtamwan yaykumusqa. Llajtata ruphaykuchisqa. Wasista t'unarasqa, urmaykuchisqataj muyuynintimpi kaj perqasta. Warmista wawasnintinta presochasqasta apakapusqanku. Jinallatataj uywastapis suwakapusqanku. 33David llajtataqa watejmanta muyuykuchisqanku jatuchej perqaswan. Alto torrestapis ruwasqanku. Chay llajtata maqanakupaj wakichisqa llajtaman tukuchisqanku. 34Chayman pusasqanku mana judíos kajkunata. Chaymantataj, mana judioschu kayku nejkuna judiostapis. Tukuy chaykunaqa chay ukhupi pakakusqanku. 35Maqanakuna imasta mikhunasta ima chaypi waqaychasqanku. Chaypitaj jallch'asqanku imatachus Jerusalenmanta apakapusqanku chaykunata. Ajinamanta wateqaj kasqanku.
36Santo wasita urmachiyta yuyasqanku. Israel ayllutataj chinkachiyta munallasqankutaj.
37Santo wasinejta mana juchayojpa yawarninta jich'asqanku. Santo wasitataj ch'ichichasqanku.
38Paykunamanta manchachikuspa. Jerusalén llajtapi tiyakojkuna ayqesqanku. Karu llajtayojkunalla Jerusalempi qhepakusqanku. Kikin Jerusalempi nacekojkuna, forasteros jina kasqanku. Chayrayku ripusqanku.
39Santo waseqa raqayman tukusqa. Ch'impacha karqa. Kusirikuna p'unchaykuna llakiyman rukusqanku. Samakuna p'unchaykuna p'enqayman tukusqanku. Llajtaj jatun sutintaj p'enqay sutiman tukusqa.
40Jerusalempa sutenqa patapi karqa. Kunanqa urapi kashan. Jatun kaynin llakiyman tukun.
Lantista yupaychachinku
[2 Mac. 6.1-11]
41Chaypacha rey tukuy reinompi willacherqa paypa kamachisqanta: Tukuy runas uj ayllullaman tukuchunku, nispa. 42Sapa uj costumbresninta saqechun, nispa. Tukuy nacionesqa reypa kamachisqanta kasorqanku. 43Ashkha israelitaspis reypa religionninta jap'erqanku, lantismantaj rikuchikusta jaywarqanku. Chantaqa, samakuna diata mana respetarqankuchu. 44Rey kachasninta kachasqa Jerusalenman, tukuy Judea llajtasmampis, tukuyman willanankupaj kamachisqa kasqanta tukuyninku costumbresninkuta saqespa, reypa costumbresninman jina kausanankuta. 45Nerqankutaj manaña atikusqanta Santo wasipi Diosman jaywanasta rikuchikustataj jaywayqa, nitaj uywakunatapis ñak'ayqa. Chantaqa, samakuna días, fiestaspis mana karqañachu. 46Santo wasipis, tukuy ima santo kajpis, mana respetasqañachu karqa. 47Nerqanku ruwanankuta altarkunata, templosta, yupaychana wasistawan, chaypi lantis yupaychasqa kanankupaj. Chantapis, nerqankutaj khuchistawan waj ch'ichi animalkunatawan ñak'anankuta. 48Nerqankutaj amaña wawasninkuta circuncidanakuta. Chaymanta ch'ichichakunankutapis mana llimphu imaswan, mana santo imaswan ima. 49Ajinamanta, nerqanku Diospa leyninmanta qonqapunankuta. Diospa kamachisqampa cuentanmantataj waj kamachiykunata churarqanku. 50Chaymantataj nerqanku pichus mana munanchu reypa nisqanta kasukuyta wañuchisqa kananta.
51Kay ordenqa tukuy reinoman apachimusqa karqa. Chantaqa, rey tukuynejpi qhawajkunata churarqa. Nerqataj ñak'asqa animalkunata jaywanankuta tukuy Judea llajtaspi. 52Ashkha judíos, Diospa leyninta wasanchaspa, reypa nisqanta kasorqanku. 53Sajra ruwasqasninkuwan cheqamanta kaj israelitasta pakanasman ayqecherqanku.
54Quisleu killapi, chunka phishqayoj kaj diapi, pachaj tawa chunka tawayoj watapi, rey jatun juchata tarerqa ruwachisqanrayku lantista yupaychanapaj altarta, maypichus ñaupajta karqa rikuchikusta jaywana altar chaypi. Jinallataj, waj Judea llajtaspipis altaresta ruwacherqa. 55Wasi punkuspi callespipis runasqa inciensota q'osñichej kanku. 56Diospa leyninmanta qelqasqa librosta ruphaykucherqanku. 57Pillatapis tarejtinku Diospa tratonmanta librosniyojta wañuchej kanku, reypa kamachisqanman jina. Ajinallataj, Diospa leyninta respetajkunatapis. 58Ajinamanta, killamanta killa chay runasqa kallpankuta rikuchispa, israelitasta ñak'arichej kanku tukuy llajtasninkupi.
59Iskay chunka phishqayoj diapi sapa killamanta lantisman rikuchikusta jaywaj kanku chay altarpi, Diosman rikuchikusta jaywana altar patapi. 60Chay ordenman jina wañucherqanku warmista, wawasninkuta circuncidacherqanku chaykunata. 61Paykunata wañucherqanku wawasnin q'epirisqasta. Familiasninkutapis wañucherqanku, circuncisionta ruwajkunatawan. 62Chaywampis, ashkha israelitasqa manapuni munarqankuchu ch'ichi mikhunasta mikhuyta. 63Chayta ruwaymantaqa astawan wañuyta munarqanku. Manapuni munarqankuchu ch'ichichakuyta chay mikhunasta mikhuspa, Dioswan tratota ruwasqankuta p'akispataj. Chayrayku, wañuchisqas karqanku. 64Chay p'unchaykunapeqa sinch'i llakiy karqa israelitaspaj.
Currently Selected:
1 MACABEOS 1: QCHSB
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.
1 MACABEOS 1
1
Rey Alejandromanta, paypa qhepampi jamojkunamantawan
1Filipoj wawan Macedonia llajtayoj Alejandro, Quitim llajtamanta llojsispa, uj maqanakupi atipasqa Dariota, persaspatawan mediospatawan reyninta, cuentanmantataj reyman tukusqa. Ñaupajta Greciamanta rey kasqa. 2Alejandroqa ashkha ch'ajwaspi atipasqa. Tukuynejpi jap'ikapusqa perqachasqa llajtasta. Ashkha reykunatapis wañuchisqa. 3-4Karu llajtasmampuni yaykusqa. Anchata qhapajchakusqa, ashkha llajtasmanta jap'ikapusqanwan. Chaymanta, pay kamachishajtin mana ni pi oqharikusqañachu. Alejandroj soldadosnin may yupa kasqanku, tukuyninku maqanakupaj wapu wapus. Alejandroj sonqontaj maytapuni jatunyasqa. Kayman jaqayman kachaykukuspa, jap'iykusqa provinciasta, nacionesta ima, reykunasnintinta. Chay reykunataj runasninman tukusqanku. 5Chaymantataj onqoykusqa. Onqoytawantaj, yachasqa wañuy patapiña kasqanta. 6Chantaqa, wajyachisqa paywan purej kamachejkunasninta, pikunachus wawas kasqankumantapacha, paywampuni kakoj kasqanku, chaykunata. Manaraj wañupushajtin, Alejandroqa paykunaman reinonta qopusqa. 7Alejandroqa chunka iskayniyoj watata kamachisqa. Chaymanta wañupusqa. 8Chantá, kamachejkunasnin kamachiyta qallarisqanku, reykunaman tukuspa, sapa uj jallp'ampi. 9Alejandro wañupusqanmanta, tukuyninku reykuna kasqanku. Qhepankupitaj, paykunaj wawasninku kamachillasqankutaj. Tukuy paykunaqa ashkha watasta kamachejkuna kasqanku. Tukuynejpitaj llakiy anchatapuni mirasqa.
Antíoco IV Epífanes
[2 Mac. 4a.7-17]
10Paykuna ukhupi rikhurimusqa rey Antíocoj wawan, Antíoco Epífanes sutiyoj, chay sajra saphi, pichus unayta presochasqa kasqanmanta Roma llajtapi, kamachiyta qallarisqa pachaj kinsa chunka qanchisniyoj kaj watapi, griegos yupasqankuman jina.
11Chay diaspi wakin sajra sonqoyoj israelitas, runa masisninkuman parlaj kasqanku kay jinata: Uj tratota ruwana muyuyninchejpi kaj nacioneswan. Paykunamanta karunchakusqanchejmantapachaqa, tukuy ima llakiy jamuwarqanchej, nispa. 12Paykunamanqa allin rijch'asqa chay nisqankoqa. 13Wakinkutaj qhajpacha risqanku reywan tinkukoj. Reyrí licenciata qosqa griegospa costumbresninkuman jina kausanankupaj. 14Chantaqa, Jerusalén llajtapi pujllana kanchasta ruwasqanku, imaynatachus griegospata tiyapunku ajinata. 15Paykunaqa qonqapusqanku circuncidasqas kasqankumanta. Ajinamanta, Dioswan tratota ruwasqankuta p'akisqanku. Muyuyninkupi kaj nacioneswantaj ujchakusqanku, sajra kajtataj ruwayta qallarisqanku.
Antiocoqa Jerusalén temploj imasninta apakapun
[2 Mac. 5.11-20]
16Reinompi allinta sayaspaña, Antiocoqa unanchakusqa imaynamantataj atinman Egiptopipis rey kayta, iskaynin nacionespi kamachinampaj. 17Ajinaqa, Egiptoman yaykusqa ashkha soldadoswan, maqanakupaj allinchasqa carroswan, elefanteswan, caballoswan, ashkha barcoswan ima. 18Egiptomanta rey Tolomeowan guerrata ruwayta munashajtin, rey Tolomeo paywan maqanakuymanta manchachikushajtintaj, ayqekapusqa. Ashkhastaj kasqanku wañusqaspis. 19Chantaqa, Antíoco jap'iykusqa Egiptopi perqachasqa llajtasta. Tukuynejpi imatachus tarisqanta apakapullasqataj.
20Egiptota t'unarparichisqanmantapacha, Antiocoqa kutimpusqa pachaj tawa chunka kinsayoj watapi, Israelmantaj kachaykukusqa. Ashkha soldadoswan Jerusalén llajtaman yaykusqa. 21-23Wapuykachaspataj santuarioman yaykusqa. Apakapusqataj qori altarta, candelabrotawan lamparasnintinta. Chaymantataj, tukuy laya cucharasta, t'antasta jaywanapaj mesasta, bateasta, copasta, qori q'osñichinasta, cortinata, pillusta ima. Chantapis, templo punkupi kaj qori warawasta ima. Q'alitutataj phiriykuchisqa. Ajinallatataj, tarisqan qolqetawan qoritawan apakapusqa. Chantaqa, valorniyoj, tarisqan qolqetawan qoritwan apakapusqa. Chantaqa, valorniyoj vasostapis, pakasqa waqaychanastapis. 24Tukuyta suwakapuspa, llajtanman kutiripusqa. Ashkha runasta wañuchisqa. Tukuy nisqampitaj wapuchasqa sonqonta rikhurichisqa.
25Tukuy Israelpi llakiy junt'a kasqa.
26Kamachejkunapis kurajkunapis paran paranta waqaj kasqanku. Sipaskunapis waynaspis mana kallpayoj qhepakusqanku. Warmistaj mana k'achasñachu kasqanku.
27Noviostaj manchayta waqaj kasqanku, noviasninkutaj puñunasninkupi tiyarikusqas, jik'un jik'unta qhaparikoj kasqanku.
28Jallp'aqa ikhakusqa, runasta khuyakuspa. Jacobpa miraynin p'enqaymanta p'achallikusqa.
Jerusalén llajta raqayman tukun
[2 Mac. 5.21-26]
29Iskay watamantawan, rey kachamusqa Judá llajtasman ejercitompa kuraj kamachejninta, pichus Jerusalenman chayamusqa ashkha soldadoswan impuestosta cobraj. 30Chay puraj uyaqa misk'ita parlaykusqa, runastaj nisqanta creesqanku. 31-32Chantaqa, chay runaqa ujta kachaykukusqa runaspa contrankupi, wañurachispa. Chay kutipi ashkha runas wañusqanku Israel ukhupi. Sinch'i kallpawantaj Jerusalén llajtamwan yaykumusqa. Llajtata ruphaykuchisqa. Wasista t'unarasqa, urmaykuchisqataj muyuynintimpi kaj perqasta. Warmista wawasnintinta presochasqasta apakapusqanku. Jinallatataj uywastapis suwakapusqanku. 33David llajtataqa watejmanta muyuykuchisqanku jatuchej perqaswan. Alto torrestapis ruwasqanku. Chay llajtata maqanakupaj wakichisqa llajtaman tukuchisqanku. 34Chayman pusasqanku mana judíos kajkunata. Chaymantataj, mana judioschu kayku nejkuna judiostapis. Tukuy chaykunaqa chay ukhupi pakakusqanku. 35Maqanakuna imasta mikhunasta ima chaypi waqaychasqanku. Chaypitaj jallch'asqanku imatachus Jerusalenmanta apakapusqanku chaykunata. Ajinamanta wateqaj kasqanku.
36Santo wasita urmachiyta yuyasqanku. Israel ayllutataj chinkachiyta munallasqankutaj.
37Santo wasinejta mana juchayojpa yawarninta jich'asqanku. Santo wasitataj ch'ichichasqanku.
38Paykunamanta manchachikuspa. Jerusalén llajtapi tiyakojkuna ayqesqanku. Karu llajtayojkunalla Jerusalempi qhepakusqanku. Kikin Jerusalempi nacekojkuna, forasteros jina kasqanku. Chayrayku ripusqanku.
39Santo waseqa raqayman tukusqa. Ch'impacha karqa. Kusirikuna p'unchaykuna llakiyman rukusqanku. Samakuna p'unchaykuna p'enqayman tukusqanku. Llajtaj jatun sutintaj p'enqay sutiman tukusqa.
40Jerusalempa sutenqa patapi karqa. Kunanqa urapi kashan. Jatun kaynin llakiyman tukun.
Lantista yupaychachinku
[2 Mac. 6.1-11]
41Chaypacha rey tukuy reinompi willacherqa paypa kamachisqanta: Tukuy runas uj ayllullaman tukuchunku, nispa. 42Sapa uj costumbresninta saqechun, nispa. Tukuy nacionesqa reypa kamachisqanta kasorqanku. 43Ashkha israelitaspis reypa religionninta jap'erqanku, lantismantaj rikuchikusta jaywarqanku. Chantaqa, samakuna diata mana respetarqankuchu. 44Rey kachasninta kachasqa Jerusalenman, tukuy Judea llajtasmampis, tukuyman willanankupaj kamachisqa kasqanta tukuyninku costumbresninkuta saqespa, reypa costumbresninman jina kausanankuta. 45Nerqankutaj manaña atikusqanta Santo wasipi Diosman jaywanasta rikuchikustataj jaywayqa, nitaj uywakunatapis ñak'ayqa. Chantaqa, samakuna días, fiestaspis mana karqañachu. 46Santo wasipis, tukuy ima santo kajpis, mana respetasqañachu karqa. 47Nerqanku ruwanankuta altarkunata, templosta, yupaychana wasistawan, chaypi lantis yupaychasqa kanankupaj. Chantapis, nerqankutaj khuchistawan waj ch'ichi animalkunatawan ñak'anankuta. 48Nerqankutaj amaña wawasninkuta circuncidanakuta. Chaymanta ch'ichichakunankutapis mana llimphu imaswan, mana santo imaswan ima. 49Ajinamanta, nerqanku Diospa leyninmanta qonqapunankuta. Diospa kamachisqampa cuentanmantataj waj kamachiykunata churarqanku. 50Chaymantataj nerqanku pichus mana munanchu reypa nisqanta kasukuyta wañuchisqa kananta.
51Kay ordenqa tukuy reinoman apachimusqa karqa. Chantaqa, rey tukuynejpi qhawajkunata churarqa. Nerqataj ñak'asqa animalkunata jaywanankuta tukuy Judea llajtaspi. 52Ashkha judíos, Diospa leyninta wasanchaspa, reypa nisqanta kasorqanku. 53Sajra ruwasqasninkuwan cheqamanta kaj israelitasta pakanasman ayqecherqanku.
54Quisleu killapi, chunka phishqayoj kaj diapi, pachaj tawa chunka tawayoj watapi, rey jatun juchata tarerqa ruwachisqanrayku lantista yupaychanapaj altarta, maypichus ñaupajta karqa rikuchikusta jaywana altar chaypi. Jinallataj, waj Judea llajtaspipis altaresta ruwacherqa. 55Wasi punkuspi callespipis runasqa inciensota q'osñichej kanku. 56Diospa leyninmanta qelqasqa librosta ruphaykucherqanku. 57Pillatapis tarejtinku Diospa tratonmanta librosniyojta wañuchej kanku, reypa kamachisqanman jina. Ajinallataj, Diospa leyninta respetajkunatapis. 58Ajinamanta, killamanta killa chay runasqa kallpankuta rikuchispa, israelitasta ñak'arichej kanku tukuy llajtasninkupi.
59Iskay chunka phishqayoj diapi sapa killamanta lantisman rikuchikusta jaywaj kanku chay altarpi, Diosman rikuchikusta jaywana altar patapi. 60Chay ordenman jina wañucherqanku warmista, wawasninkuta circuncidacherqanku chaykunata. 61Paykunata wañucherqanku wawasnin q'epirisqasta. Familiasninkutapis wañucherqanku, circuncisionta ruwajkunatawan. 62Chaywampis, ashkha israelitasqa manapuni munarqankuchu ch'ichi mikhunasta mikhuyta. 63Chayta ruwaymantaqa astawan wañuyta munarqanku. Manapuni munarqankuchu ch'ichichakuyta chay mikhunasta mikhuspa, Dioswan tratota ruwasqankuta p'akispataj. Chayrayku, wañuchisqas karqanku. 64Chay p'unchaykunapeqa sinch'i llakiy karqa israelitaspaj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Qheshwa Biblia DC © Sociedades Bíblicas Unidas, 1986.