Māa̍ti̍u̍ Sɔ̄ɔ̍ŋ le̍bo̍llo̍ŋ
Sɔ̄ɔ̍ŋ le̍bo̍llo̍ŋ
Yāu̍ Yōōŋgū Kɛ̄ndɛ̍ Mɛ̄lɛ̄ka̍a̍ mɛ̄ɛ̍ Māa̍ti̍u̍ po̍o̍nyi̍a̍a̍ yɛ̍ ō chō māchūāā ko̍na̍a̍ māā Chi̍i̍su̍ cho̍ wāna̍ Mɛ̄lɛ̄ka̍ chu̍a̍ sīndɛ̄ būŋgɛ̄i̍ māā ō chō vīōmɔ̄ɔ̄ le̍ wāŋnda̍ pīŋīo̍o̍ wo̍ ni̍. Ō chō chɔ̄mndo̍ a̍ mɛ̄ɛ̍ Mɛ̄lɛ̄ka̍ tōsa̍ nyɛ̄ o̍ chu̍a̍ būŋgɛ̄i̍ o̍ Yāu̍ Kpe̍ma̍ Pa̍a̍ndōo̍ ni᷄ŋ le̍ wānāā ndūa̍a̍ tōsāllo̍ wo̍ yɛ̍. Mbo̍ chɔ̄m māā o̍ Chi̍i̍sū ni̍ŋ sa̍na̍a̍ Mɛ̄lɛ̄ka̍ pēēlu̍ būŋgɛ̄ī kēŋ ni̍. O̍ ko̍ŋ kɔ̍ɔ̍lī, mi̍ Māa̍ti̍u̍ chɔ᷅m māā Yōōŋgū Kɛ̄ndɛ̍ Mɛ̄lɛ̄ka̍a̍ ho̍ō māā ō cho̍ le̍ Chu̍ūwa̍ su̍e̍e̍ le̍ o̍ cho̍ le̍, māā ō chō le̍ wāŋnda̍ kpo̍u̍ o̍ chi̍e̍ēŋndo̍ ni᷄ŋ.
A̍ pɛ᷄lta̍ŋ nyɛ̄ kɛ̄ndɛ̄ kpɛ̍ kpɛ̍ Māa̍ti̍u̍ po̍o̍nyi̍a̍a̍ yāu̍wo̍ ho̍ō ni̍. A̍ vīōlɔ᷄ŋ Chi̍i̍sōo̍ o̍kɔ̄ɔ̄ fɛ̍lɛ̍ŋ o̍ po̍o̍nyi̍a̍a̍. O̍ ko̍ŋ kɔ̍ɔ̍lī, mbo̍ chɔ̄m a̍ mɛ̄ɛ̍ nda̍ yīŋ Chi̍i̍su̍ yɛ̍. Mbo̍ chɔ̄m a̍ mɛ̄ɛ̍ Māsa̍ Nyi̍nāā Wɔ̄ɔ̍ŋnda̍ tɔ̄ɔ̄nda̍ŋ ndu̍ yɛ̍. Mbo̍ chɔ̄m a̍ wa̍lta̍ Chi̍i̍sū to̍sa̍ o̍ lɛ̄ŋndē Kāli̍līle̍ŋ ni᷄ŋ nda̍ŋ mɛ̄ɛ̍ o̍ di̍mu̍l wāŋnda̍ sūɛ̍i̍ Mɛ̄lɛ̄kɛ̍i̍ yɛ̍, a̍ mɛ̄ɛ̍ o̍ pɛ̍ɛ̍ku̍ nda̍ ndi̍ yɛ̍, o̍ ko̍ŋ kɔ̍ɔ̍lī, a̍ mɛ̄ɛ̍ o̍ si̍ŋgi̍ wānāā lānāāwa̍ yɛ̍. O̍ ko̍ŋ kɔ̍ɔ̍lī vɛ̍lɛ̄, mbo̍ chɔ̄m a̍ mɛ̄ɛ̍ o̍ chɛ̍ŋ Kāli̍lī mbo̍ kūā Chūlu̍sɛ̄lɛ̄m chi̍e̍e̍ yɛ̍, a̍ nyɛ̍ yɔ̍nu̍ŋ a̍ ndu̍ o̍ lɔ̍ɔ̍ mɛ̍ɛ̍lāā kōŋ ni᷄ŋ ndo̍, a̍ mɛ̄ɛ̍ nda̍ ba᷄ŋ ndu̍ o̍ yɔ̄m sīŋgāfīlāa̍ chōo̍ ma̍ dīī ndu̍ yɛ̍, a̍ mīīŋgū o̍ mi̍i̍ŋgu̍ yōōmū wo̍.
Mbo̍ chɔ̄m vɛ̄lɛ̄ a̍ mɛ̄ɛ̍ Chi̍i̍sū cho̍ ti̍chɛ̄i̍nɔ̍ bɛ̍ndu̍ yɛ̍, a̍ mɛ̄ɛ̍ o̍ nɔ̍ kpāāyāa̍ le̍ sāwāla̍ Mɛ̄lɛ̄ka̍la̍ŋ tɛ̄ɛ̄sīa̍a̍ yɛ̍, vɛ̄lɛ̄ a̍ mɛ̄ɛ̍ o̍ pɛ̍ɛ̍ku̍ wāŋnda̍ a̍ Māsāle̍ Mɛ̄lɛ̄ka̍le̍ŋ o̍kɔ̄ɔ̄ yɛ̍.
Būŋgāŋ lēbōllo̍ŋ
A̍ vīōlɔ᷄ŋ Chi̍i̍sōo̍ o̍kɔ̄ɔ̄ ndu̍yɛ̍ a̍ pūlāle̍ o̍ fu̍la̍ chōo̍ le̍ŋ (1:1–2:23)
A̍ wa̍li̍ Mɛ̄lɛ̄ka̍ Chɔ᷄ŋ Wānā Yi̍ŋāa̍ ō wa̍ tōsāa̍ wo̍ o̍kɔ̄ɔ̄ (3:1-12)
A̍ yīŋɔ̄ɔ̄ Chi̍i̍sū sɔ̍la̍ wo̍ o̍kɔ̄ɔ̄ ndu̍yɛ̍ a̍ tɔ̄ɔ̄nda᷄ŋ nyi̍nā wɔ̄ɔ̍ŋndo̍ ō tɔ̄ɔ̄nda̍ŋ ndu̍ wo̍ (3:13–4:11)
A̍ wa̍li̍ Mɛ̄lɛ̄ka̍ Chi̍i̍sū to̍sa̍ Kāli̍lī wo̍ o̍kɔ̄ɔ̄ (4:12–18:35)
Chɔ̍ŋ Kāli̍lī kɔ̍ Chūlu̍sɛ̄lɛ̄m (19:1–20:34)
A̍ lɔ̍ɔ̍ mɛ̍ɛ̍lāa̍ Chūlu̍sɛ̄lɛ̄m o̍kɔ̄ɔ̄ ndu̍yɛ̍ a̍ Chūlu̍sɛ̄lɛ̄m īkɛ̄i̍ (21:1–27:66)
A̍ chɔ̄nɔ᷄ŋ Chi̍i̍sōo̍ o̍ sɛ̄īyo̍ ni᷄ŋ ndu̍yɛ̍ a̍ mɛ̄ɛ̍ o̍ chɔ̍mnu̍ŋ yɛ̍ (28:1-20)
Currently Selected:
Māa̍ti̍u̍ Sɔ̄ɔ̍ŋ le̍bo̍llo̍ŋ: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.