Ɛ̍sɔ̍dɔ̍ɔ̄ 29
29
Sāwāla̍ŋ a̍ mɛ̄ɛ̍ E̍lɔ̄ŋ nda̍ pūa̍a̍ ndūa̍a̍ ā nɔ̄ mā wa̍ ā hɛ̄līāā le̍ wa̍li̍ Mɛ̄lɛ̄ka̍a̍ yɛ̍ o̍kɔ̄ɔ̄
(Lɛ̄vi̍ti̍kɔ̍ɔ̄ 8:1-36)
1Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ āā, “Tē ā wa̍ E̍lɔ̄ŋ nda̍ pūa̍a̍ ndūa̍a̍ mālɔ̄ɔ̍ ya̍ Mɛ̄lɛ̄ka̍ o̍ bā le̍ wa̍llo̍ tōsāa̍ māā wānāā nīāā so̍līāā lāsa̍lā pɛ̍, nyɛ̄ ŋ̄ nɔ̄ mā to̍sa̍ wo̍ ndu̍ cho̍ ho̍ō ni̍. Lā nɔ̄ mī lā bīī nāū tōōyē fɔ̍ŋndɔ̍ɔ̍, a̍ sāa̍ ko̍ndu̍a̍a̍ ā ŋīɔ̍ɔ̍ŋ, a̍ nɔ̍ sɔ᷅ŋ o̍ sɔ̄ŋ te̍ wa̍. 2Mā chu̍a̍ kōlō kɛ̍ndɛ̄ kɛ̍ndɛ̄ ŋ̄wi̍tīi̍ nda̍ lūām bēe̍dīi̍yo̍ wo̍, ō nda̍ do̍ū yi̍i̍sīi̍ le̍ wo̍, mā to̍o̍si̍a̍a̍ bēe̍dīi̍yo̍, mā chu̍a̍ vɛ̄lɛ̄ ō ti᷄ŋ, mā mu̍u̍li̍āŋ ndu̍ a̍ chūɛ̄īmā ɔ̄li̍fīi̍ya̍ŋ, mā to̍o̍si̍a̍a̍ ke̍kīi̍yo̍. O̍ ko̍ŋ kɔ̍ɔ̍lī, mā tōōsi̍a̍a̍ vɛ̄lɛ̄ ke̍kīi̍ fɛ̍ɛ̍dɛ̄ɛ̄ fɛ̄ɛ̄dɛ̄ɛ̄ chēle̍ŋ a̍ ō ti᷄ŋ, mā su̍u̍ chūɛ̄īmā ɔ̄li̍fīi̍ya̍ŋ lēchōo̍. 3Tē lā chīi̍ bēe̍dīi̍yo̍ ho̍ō a̍ ke̍kīi̍la̍ŋ nda᷅ŋ tōōsīāā pɛ̍, lā dɔ̄ū ndu̍ o̍ kāmbɛ̍i̍yo̍ ni᷄ŋ, lā hīŋ a̍ ndu̍, lā hu᷄ŋ so̍lī ndu̍ sa̍lāa̍ o̍ ya̍ Mɛ̄lɛ̄ka̍ lo̍, lātūlu̍ a̍ nāū tōōyōo̍, a̍ sāā ko̍ndu̍a̍a̍ ŋi̍ɔ̍ɔ̍ŋnda̍.
4“O̍ ko̍ŋ, mī lā hīŋ a̍ E̍lɔ̄ŋ nda̍ pūa̍a̍ ndūa̍a̍ o̍ tɛ̍ndīi̍ chɔ᷅m māā Mɛ̍lɛ̄ka̍ chō a̍ nya̍ lātūlu̍ wo̍ dīō, mī lā hu᷄ŋ pu̍lū nda̍ lo̍ŋ. 5O̍ ko̍ŋ kɔ̍ɔ̍lī, mī lā wōu̍ E̍lɔ̄ŋ dōmāla̍ wānāā sōlīāā lāsa̍lāa̍ ā nɔ̄ mā wōūnu̍ŋ nda̍ŋ, dōmā le̍bɛ̍ŋgo̍o̍ ni̍, a̍ dōmā vi̍lɛ̄i̍ nɔ̍ mbō wa᷄ o̍ dōmā ko̍ŋ chōo̍ wo̍, a̍ dōmā bi̍ŋgīo̍o̍, a̍ nyɛ᷄ nɔ̍ mbō wa᷄ o̍ tākpāa̍ o̍ dōmā ko̍ŋ chōo̍ le̍ ya̍ Mɛ̍lɛ̄ka̍ dīōmndo̍ nyūnāa̍ wo̍, a̍ kōlā i̍pɛ̍ŋgɔ̍ɔ̍ le̍ kānda᷄ŋndo̍ o̍ dōmā bi̍ŋgīo̍o̍ chōo̍. 6Ndu̍yɛ̍ mī lā wōu̍ ndu̍ mɔ̍si̍l vi̍lɛ̄īyo̍, o̍ ko̍ŋ kɔ̍ɔ̍lī, mī lā yīi̍ ndu̍ nyɛ̄ fɛ̄ɛ̄dɛ̄ɛ̍ nɔ̍ mbō wa̍ ō yīyāā o̍ mɔ̍si̍l vi̍lɛ̄ī kōŋ lāchī mi̍ pōōnyīa̍a̍ wā lēchōo̍ āā, ‘Wāna̍ cho̍ ō yɔ̄ŋga᷄ŋ le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍.’ 7O̍ ko̍ŋ, mī lā chūa̍ chūɛ̄īmā cho̍ le̍ hɛ̄līo̍o̍ wa̍ŋ, mī lā tāla̍ ndu̍ ma̍ŋ o̍ lēbōl, le̍ ndu̍ hɛ̄līo̍o̍.
8“O̍ ko̍ŋ kɔ̍ɔ̍lī, pūa̍a̍ ndūa̍a̍ bɛ̍ɛ̍, mī lā hīŋ a̍ nda̍ mī lā hu᷄ŋ wōu̍ nda̍ dōmāla̍ ndāla̍ wānāā sōlīāā lāsa̍lāa̍ ā wōūnūŋ nda̍ŋ. 9Ndu̍yɛ̍, mī lā yi̍i̍ nda̍ kōlāla̍ i̍pɛ̍ŋgɛ̍la̍ŋ o̍ lāchāŋ. Ō ko̍ŋ kɔ̍ɔ̍lī, mī lā wōu̍ nda̍ mɔ̍si̍lta̍ ndāla̍ŋ. Mɛ̄ɛ̍ nu̍a̍ā nya̍ nɔ̄ ni̍ mī lā tōsa̍ mī E̍lɔ̄ŋ nda̍ pūa̍a̍ ndūa̍a̍ mā wa᷄ ā yɔ̄ŋa᷄ŋ le̍ wa̍li̍ Mɛ̄lɛ̄ka̍a̍. Nda̍ ya̍ I̍ hɛ̍li̍ ni̍ le̍ wāa̍ wānāā nīāā so̍līāā lāsa̍lā. Ndu̍yɛ̍, le̍ fɛ̍ɛ̍ŋ a̍ fɛ̍ɛ̍ŋ o̍ yu̍ŋgu̍ ndāa̍ chōo̍ wānāā nīāā sōlīāā lāsa̍lāa̍ ā fūlā ni̍ŋ ni̍.
10“O̍ ko̍ŋ kɔ̍ɔ̍lī, mī lā hīŋ a̍ nāū tōōyē nya̍ bīī ko̍ŋ le̍ sa̍lāa̍ sōlīo̍o̍ wo̍ o̍ tɛ̍ndīi̍ chɔ᷅m māā Mɛ̍lɛ̄ka̍ chō a̍ wāŋnda̍ lātūlu̍ wo̍ dīō. Mī lā dīmu̍l E̍lɔ̄ŋ nda̍ pūa̍a̍ ndūa̍a̍ mā hāndu̍ nāū kōŋ bāla̍ŋ o̍ lēbōl. 11O̍ ko̍ŋ kɔ̍ɔ̍lī, mī lā dīī nāū kōŋ o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ dīō, ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. 12Ndu̍yɛ̍, tē lā dīī nāūwo̍ ho̍ō pɛ̍, lā chūa̍ kōo̍ma̍ ndūa̍ŋ mā ti᷄ŋ lā sūu̍ ma̍ŋ o̍ nyɛ̄la̍ cho̍ la̍ŋ o̍ sɔ̍ŋgi̍la̍ ma̍āŋndo̍ māā lālēē la̍ŋ a̍ īsū. Kōo̍ma̍ tɔ᷅ma̍ cho̍ lō wa̍ŋ, lā tāla̍ ma̍ŋ lɛ̄ŋ o̍ ma̍āŋndo̍ bɛ̄ŋgu̍. 13O̍ ko̍ŋ kɔ̍ɔ̍lī, mī lā sōli̍ chūɛ̄īma̍ cho̍ chɔ̄lōo̍ ho̍ō ni᷄ŋ nda̍ŋ, a̍ ye᷄mnde̍ ī kɛ̄ndɛ̄ kɛ̍ndɛ̄i̍ ī ti᷄ŋ, a̍ bɔ̄ŋgu̍ŋ mūu̍ŋ ndo̍ŋ, ndu̍yɛ̍, a̍ chūɛ̄īma̍ ba̍lu̍ bɔ̄ŋgu̍ŋ mu̍ŋ nda̍ŋ, mī lā chūa̍ nyɛ̄m mu᷅ŋ mī lā lōm mu̍ŋ sa̍lāa̍ o̍ ma̍āŋndo̍ chōo̍. 14Kɛ̍ nāū kōŋ vīsīŋ ndɔ̄ɔ̍ŋ, lātūlu̍ a̍ yāu̍ ndɔ̄ɔ̍, ndu̍yɛ̍ a̍ pūlu̍ŋ ndɔ̄ɔ̍ŋ, lā nɔ̄ mī lā chu̍a̍ mu̍ŋ, mī lā sōli̍ mu̍ŋ o̍ dɔ̍ɔ̍ŋgɔ̍ɔ̍ ni᷄ŋ, mī lā kɔ̍ lo᷅m mu̍ŋ sa̍lāa̍. Sa̍lāa̍ ho̍ō, ndu̍ cho̍ le̍ yɔ̄ŋndā wɔ̄ɔ̍ŋnda̍ wānāā sōlīāā lāsa̍lāa̍ a̍ tōsā la̍ŋ fāŋāa̍ ni̍.
15“O̍ ko̍ŋ kɔ̍ɔ̍lī, mī lā bīī sāā ko̍ndu̍a̍a̍ nya̍ hīŋ ka̍ŋ le̍ sa̍lāa̍ sōlīo̍o̍ wa̍ ō pīlɛ̍, mī lā dīmu̍l E̍lɔ̄ŋ nda̍ pūa̍a̍ ndūa̍a̍ mā hāndu̍ ndu̍ bāla̍ŋ o̍ lēbōl. 16Ndu̍yɛ̍, mī lā dīī ndu̍. Tē lā dīī ndu̍ pɛ̍, lā chūa̍ kōo̍ma̍ ndūa̍ŋ lā fāsa̍ŋi̍a̍a̍ ma̍ŋ o̍ ma̍āŋndo̍ kpēŋgu᷄ŋ ndɔ̄ɔ̄ŋ sa̍lā hi̍ɔ̍ɔ̍lo̍ŋ. 17Ndu̍yɛ̍, mī lā sɛ̄ŋ sāa̍ ho̍ō mī lā ki̍li̍ ndu̍ būŋga᷄ŋ. Tē lā sɛ̄ŋ ndu̍ pɛ̍, lā tɔ̄ɔ̄ pūlu̍ŋ ndɔ̄ɔ̍ŋ a̍ lɔ̄lūlā ndɔ̄la̍ŋ. Lā chūa̍ pūlu̍ŋ mu̍ŋ a̍ lɔ̄lūlā la̍ŋ, a̍ bōlle̍ŋ, lā hāndu̍ o̍ vīsīŋ tɔ᷄ŋ chōo̍. 18O̍ ko̍ŋ, mī lā chūa̍ vīsīŋ sāā ko̍ŋ le̍nde̍ kpo̍u̍, mī lā kɔ̍ lo᷅m mu̍ŋ sa̍lā lūāmāa̍ o̍ ma̍āŋndo̍ chōo̍. Sa̍lāa̍ ho̍ō, tē chūŋ ndɔ̄ɔ̍ kōma̍l la̍ pɛ̍, ya̍ Mɛ̄lɛ̄ka̍ Ya̍a̍wɛ̄ɛ̄, I̍ hi̍ni̍ kɔ̄l nyɛ̄ kɛ̄ndɛ̄ kɛ̍ndɛ̄.
19“O̍ ko̍ŋ kɔ̍ɔ̍lī, mī lā bīī vɛ̄lɛ̄ sāa̍ ō pīlɔ̄ɔ̍, mī lā dīmu̍l E̍lɔ̄ŋ nda̍ pūa̍a̍ ndūa̍a̍ mā hāndu̍ ndu̍ bāla̍ŋ o̍ lēbōl. 20O̍ ko̍ŋ, mī lā dīī ndu̍. Tē lā dīī ndu̍ pɛ̍, lā chūa̍ kōo̍ma̍ ndūa̍ŋ lā sūu̍ E̍lɔ̄ŋ nda̍ pūa̍a̍ ndūa̍a̍ o̍ nīlā ndāla̍ bā kɛ̄ndɛ̄la̍ŋ tūmnda̍ŋ. Ndu̍yɛ̍, mī lā sūu̍ ma̍ŋ o̍ sōōŋ nda̍ŋ bɛ̍ndūŋ bā kɛ̄ndɔ᷄ŋ, a̍ sōōŋ ndāŋ bɛ̍ndūŋ pēlūŋ bā kɛ̄ndɔ᷄ŋ. Kōo̍ma̍ tɔ᷅ma̍ cho̍ lō wa̍ŋ, lā fāsa̍ŋi̍a̍a̍ ma̍ŋ o̍ ma̍āŋndo̍ kpēŋgu᷄ŋ ndɔ̄ɔ̄ŋ sa̍lā hi̍ɔ̍ɔ̍lo̍ŋ. 21O̍ ko̍ŋ kɔ̍ɔ̍lī, mī lā chu̍a̍ kōo̍ma̍ cho̍ o̍ ma̍āŋndo̍ chōo̍ wa̍ŋ mā ti᷄ŋ, mī lā mūūli̍āŋ ma̍ŋ a̍ chūɛ̄īma̍ cho̍ le̍ hɛ̄līo̍o̍ wa̍ŋ, mī lā fāsa̍ŋi̍a̍a̍ E̍lɔ̄ŋ a̍ nyɛ̄lā ndɔ̄la̍ so̍līāā lāsa̍lā la̍ŋ, ndu̍yɛ̍ mī lā fāsa̍ŋi̍a̍a̍ vɛ̄lɛ̄ pūa̍a̍ ndūa̍a̍ a̍ nyɛ̄lā ndāla̍ so̍līāā lāsa̍lā la̍ŋ. Mɛ̄ɛ̍ o̍ nɛ̄īyo̍ ho̍ō ni᷄ŋ, E̍lɔ̄ŋ ni̍, pūa̍a̍ ndūa̍a̍ ni̍, ā sīmnu̍ŋ wa̍nāā kāsī ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l, lātūlu̍ a̍ nyɛ̄la̍ ndāla̍ so̍līāā lāsa̍lāla̍ŋ.
22“Sāa̍ ho̍ō tē lā sɛ̄ŋ ndu̍ pɛ̍, nyɛ̄m nya̍ nɔ̄ mī lā so̍li̍ wo̍ŋ mu̍ŋ cho̍ mu᷅ŋ ni̍. Chūɛ̄īma̍ cho̍ ndu̍ o̍ vīsīo̍ŋ nda̍ŋ, a̍ lōmndē tūmnde̍ŋ nāa̍ chūɛ̄īya̍ŋ mā chō wa̍, a̍ chūɛ̄īma̍ cho̍ ndu̍ ni᷄ŋ nda̍ŋ, a̍ ye᷄mnde̍ ī kɛ̍ndɛ̄ kɛ̍ndɛ̄i̍ ī ti᷄ŋ, a̍ bɔ̄ŋgu̍ŋ ndɔ̄ɔ̄ŋ mūu̍ŋ ndo̍ŋ lātūlu̍ a̍ chūɛ̄īma̍ cho̍ o̍ bɔ̄ŋgu̍ŋ mu̍ŋ nda̍ŋ, a̍ lɔ̄lū ndɔ̍ bā kɛ̄ndɔ̄ɔ̍. (Sāa̍ ho̍ō, ndu̍ cho̍ le̍ sa̍lāa̍ sōlīo̍o̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līo̍o̍ le̍ kpe̍ku̍ Mɛ̄lɛ̄ka̍a̍ ni̍.) 23O̍ ko̍ŋ kɔ̍ɔ̍lī, mā chu̍a̍ bēe̍ndīi̍ nya̍ tōōsi̍a̍a̍ mbo̍ wā o̍ kāmbɛ̍i̍yo̍ ni᷄ŋ ya̍ Mɛ̍lɛ̄ka̍ lāchī wo̍ kpūŋgbɛ̄i̍ ī pīlɛ̍, a̍ ke̍kīi̍ cho̍ o̍ kāmbɛ̍i̍ ko̍ŋ ni᷄ŋ ō tōōsīāā a̍ chūɛ̄īmā ɔ̄li̍fīi̍ya̍ŋ ndo̍ vɛ̄lɛ̄ kpūŋgbɛ̄i̍ ī pīlɛ̍, a̍ ke̍kīi̍ nya̍ sūū chu̍ɛ̍īya̍ŋ ndo̍ kpūŋgbɛ̄i̍ ī pīlɛ̍. 24Nyɛ̄ dīāā kōŋ kpo̍u̍, mā dɔ̄ū E̍lɔ̄ŋ nda̍ pūa̍a̍ ndūa̍a̍ o̍ lābā, mā hēēlu̍ ndu̍ o̍ bāla̍ŋ chōo̍ sa̍lā te̍ŋge̍le̍ŋndo̍ŋ ya̍ Mɛ̍lɛ̄ka̍ lāchī. 25Tē ā yɔ̄ŋgu̍ nyɛ̄ dīa̍a̍ ho̍ō o̍ ya̍ Mɛ̄lɛ̄ka̍ lo̍ pɛ̍, ā bīī nda̍ ndu̍ o̍ bā, a̍ ha̍ndu̍ ndu̍ o̍ ma̍āŋndo̍ chōo̍ o̍ sa̍lā tāse̍ nya̍ lōm ndo̍ chōo̍, ā lōm ndu̍ vɛ̄lɛ̄ sa̍lā lūāmāa̍. Sa̍lā nda̍ lūām o̍ ya̍ Mɛ̍lɛ̄ka̍ lo̍ wo̍ cho̍ ko̍ŋ ni̍. Sa̍lāa̍ ho̍ō, tē chūŋ ndɔ̄ɔ̍ ō kōma̍l la̍ pɛ̍, ya̍ Mɛ̄lɛ̄ka̍ Ya̍a̍wɛ̄ɛ̄, I̍ hi̍ni̍ kɔ̄l nyɛ̄ kɛ̄ndɛ̄ kɛ̍ndɛ̄.
26“Ndu̍yɛ̍ sāa̍ cho̍ le̍ E̍lɔ̄ŋ hɛ̄līo̍o̍ le̍ kpe̍ku̍ Mɛ̄lɛ̄ka̍a̍ wo̍, vīsīŋ ndɔ̄ɔ̍ŋ tākpa᷄ŋ, ā nɔ̄ mā chu̍a̍ mu̍ŋ, mā he̍e̍lu̍ mu̍ŋ chōo̍ cho̍o̍ o̍ bāla̍ŋ chōo̍ sa̍lā te̍ŋge̍le̍ŋndo̍ o̍ ya̍ Mɛ̄lɛ̄ka̍ Ya̍a̍wɛ̄ɛ̄ lo̍. Tē a̍ chi̍i̍ pɛ̍, a̍ chu̍a̍ mu̍ŋ, nu᷄m nɔ̍ mu̍ŋ ni̍.
27“Sāa̍ nya̍ chō dīyɔ̄ɔ̄ le̍ E̍lɔ̄ŋ nda̍ pūa̍a̍ ndūa̍a̍ dīndīo̍o̍ wo̍, vīsīŋ ndɔ̄ɔ̍ŋ tākpa᷄ŋ nya̍ chō hēēlū chōo̍ cho̍o̍ o̍ bāla̍ŋ chōo̍ sa̍lāa̍, lātūlu̍ a̍ lɔ̄lū ndɔ̄ɔ̍ wo̍, lā chūa̍ mī lā ke̍ E̍lɔ̄ŋ nda̍ pūa̍a̍ ndūa̍a̍, nda̍ nɔ̍ mu̍ŋ ni̍. 28Ndu̍yɛ̍ he̍ī nɔ̄ mī ī wa᷄ sāwāa̍ le̍ fɛ̍ɛ̍ŋ a̍ fɛ̍ɛ̍ŋ. Le̍ te̍le̍ŋ o̍ te̍le̍ŋ tē wānāā nīa̍a̍ ā hīŋ sa̍lā kɔ̄l nyūlōo̍ sōlīo̍o̍ pɛ̍, mā dīī chɔ̄lōo̍ le̍ sa̍lā ko̍ŋ, vīsīŋ nya̍ nɔ̄ mī lā sōli̍ le̍ ya̍ Mɛ̄lɛ̄ka̍ wo̍ŋ, mu̍ŋ yɔ̍nūŋ ni̍, vīsīŋ tākpāŋ chɔ̄lū kōŋ, a̍ lɔ̄lū ndɔ̄ɔ̍, wānāā sōlīāā lāsa̍lāa̍, nda̍ nɔ̍ mu᷅ŋ ni̍. Vīsīŋ wāŋnda̍ nɔ̄ mā ke̍ ya̍ Mɛ̄lɛ̄ka̍ Ya̍a̍wɛ̄ɛ̄ māā sa̍lā wo̍, mu̍ŋ cho̍ mu̍ŋ ni̍.
29“Ndu̍yɛ̍ tē E̍lɔ̄ŋ o̍ vi᷅ pɛ̍, nyɛ̄lā sōlīāā lāsa̍lālā o̍ wo̍u̍nūŋ nda̍ŋ, lā nɔ̄ mī lā wa᷄ le̍ pūa̍a̍ ndūa̍a̍, wāna̍ mi̍i̍ŋgū o̍ fōōfo̍ ndɔ̄ɔ̍ wo̍. Ndu̍yɛ̍ wānā ko̍ŋ, ō nɔ̄ mbō wōūnu̍ŋ nyɛ᷅la̍ŋ nda᷅ŋ, mā tāla̍ ndu̍ chūɛ̄īya̍ŋ o̍ lēbōl le̍ ndu̍ hɛ̄līo̍o̍ māā wānā so̍līāā lāsa̍lā. 30Po̍ ndɔ̍ cho̍ ko̍ŋ mi̍i̍ŋgū o̍ fōōfo̍ ndɔ̄ɔ̍ māā wānā so̍līāā lāsa̍lā, le̍ mbō wa᷄ lūɛ̄īyɔ̄ɔ̍ o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ ni᷄ŋ, le̍ wa̍llo̍ o̍ fo̍ndāŋ kāsīo̍o̍ wo̍, ō nɔ̄ mbō wōōnu̍ŋ nyɛ᷅la̍ŋ nda᷅ŋ le̍ pālɛ̍i̍ ī ŋɔ᷄mmɛ̍ū.
31“Sāa̍ ŋ̄ nɔ̄ mā dīī le̍ sa̍lāla̍ŋ sōlīo̍o̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līāā le̍ wa̍li̍ Mɛ̄lɛ̄ka̍a̍ wo̍, vīsīŋ sāā ko̍ŋ, ā nɔ̄ mā ya̍u̍ mu̍ŋ o̍ fo̍ndāŋ kāsīo̍o̍. 32Tē a̍ ya̍u̍ vīsīo̍ŋ mu᷅ŋ pɛ̍, E̍lɔ̄ŋ nda̍ pūa̍a̍ ndūa̍a̍, ā nɔ̄ mā dē mu̍ŋ lātūlu̍ a̍ bēe̍dīi̍ cho̍ o̍ kāmbɛ̍i̍yo̍ ni᷄ŋ ndo̍, o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ dīō. 33Nyɛ̄ dīa̍a̍ ho̍ō, ndu̍ cho̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līo̍o̍ ndu̍yɛ̍ mā sɔ̄la̍ dīndīo̍o̍ ni̍. E̍lɔ̄ŋ nda̍ pūa̍a̍ ndūa̍a̍ ko̍ni̍ nɔ̍ ni̍ mā dē nyɛ̄ dīa̍a̍ ho̍ō. Wānā o̍ wānā che᷅le̍ŋ nɔ̍ mbō dē ndu̍ le̍, kāni̍ fo̍ndōle̍, nyɛ̄ dīāā kāsīo̍o̍ o̍ cho̍ ni̍. 34Ndu̍yɛ̍, bēe̍dīi̍yo̍ ni̍, vīsīo̍ŋ ni̍, ō kɛ᷅ kɛ᷅ lɔ̍l ku̍ya̍ pɛ̍, lā nɔ̄ mī lā lōm ndu̍ īdīi̍yo̍, lā nɔ̍ mī lā dē ndu̍ le̍, kāni̍ fo̍ndōle̍, nyɛ̄ kāsīo̍o̍ o̍ cho̍ ni̍.
35“Nyɛ̄ o̍ nyɛ̄ ya̍ I̍ di̍mu̍l nu̍m le̍ tōsāa̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līo̍o̍ māā wānāā sōlīāā lāsa̍lā, ā nɔ̄ mā tōsa̍ ndu̍ mɛ̄ɛ̍ ya̍ I̍ di̍mu̍l nu̍m yɛ̍. Le̍ pālɛ̍i̍ ī ŋɔ᷄mmɛ̍ū, lā nɔ̄ mī la̍ wa̍ he̍ī tōsāa̍ lēpāa̍ o̍ lēpāa̍. 36Pālɛ̍i̍ ŋɔ᷄mmɛ̍ūve̍ he̍ī, lēpāa̍ o̍ lēpāa̍, ā nɔ̄ mā so̍li̍ nāū tōōyōo̍ sa̍lāa̍ le̍ mī ma̍l nda̍ le̍ yɔ̄ŋndā ndāla̍ wɔ̍ɔ̍ŋnda̍ŋ. Ko̍ŋ to̍sā ni̍ mī ma̍āŋndo̍ ho̍ō ō sīmnu᷄ŋ ma̍āŋ kāsī. Ndu̍yɛ̍ lā nɔ̄ mī lā tāla̍ chūɛ̄īmā ɔ̄li̍fīi̍ya̍ŋ o̍ ma̍āŋndo̍ ho̍ō chōo̍, le̍ mbō wa᷄ ō hɛ̄līa̍ŋ. 37Le̍ pālɛ̍i̍ ī ŋɔ᷄mmɛ̍ū, lā nɔ̄ mī lā wa᷄ sa̍lāla̍ŋ sōlīo̍o̍ le̍ ma̍āŋndo̍ ho̍ō, ndu̍yɛ̍ mī lā dīndi̍ ndu̍ mbō sīmnu᷄ŋ ma̍āŋ kāsī bɛ̄ndū. Ndu̍yɛ̍ nyɛ̄ o̍ nyɛ̍ pi̍la̍ŋ ma̍āŋndo̍ ho̍ō pɛ̍, nyɛ̄ kōŋ bɛ̍ɛ̍ ō sīmnu᷄ŋ nyɛ᷅ kāsī.”
A̍ sa̍lāla̍ nɔ̍ le̍ sōli᷄ŋndo̍ lēpāa̍ o̍ lēpāa̍ la̍ŋ o̍kɔ̄ɔ̄
(Nɔ̍mbāā 28:1-8)
38Mi̍ Mɛ̄lɛ̄ka̍ hīāū lāchī a̍ sūɛ̍i̍ āā, “Lēpāa̍ o̍ lēpāa̍ lā nɔ̄ mī lā sōli̍ sa̍lāa̍ o̍ ma̍āŋndo̍ ho̍ō chōo̍ a̍ sāā ko̍ndu̍a̍a̍ chi̍i̍ wɔ̄sīo̍o̍ ō pīlɛ̍ wa̍ ā ŋīɔ̍ɔ̍ŋ. 39Lā nɔ̄ mī lā sōli̍ ō pīlɛ̍ sa̍lāa̍ īdīi̍, mī lā sōli̍ vɛ̄lɛ̄ ō pīlɛ̍ sa̍lāa̍ a̍ fīti̍līo̍o̍. 40Sāā ŋi̍ɔ̍ɔ̍ŋnda̍ ha̍ā, ō tāso̍o̍, tē lā wa̍ ndu̍ sa̍lāa̍ sōlīo̍o̍ pɛ̍, lā nɔ̄ mī lā chu̍a̍ kōlō lu̍a̍māā bēe̍dīi̍yo̍ ō kɛ̍ndɛ̄ kɛ̍ndɔ̄ɔ̍ pa᷅ŋnda̍ŋ lā tīɔ̍ɔ̍ŋ, mī lā mūūli̍āŋ ndu̍ a̍ chūɛ̄īmā ɔ̄li̍fīi̍mā kɛ̄ndɛ̄ kɛ̍ndīa̍ŋ tɔ̍tɔ̄ŋnda̍ŋ lā ŋūɛ̍ɛ̍nu̍, mī lā sōli̍ ndu̍ sa̍lāa̍ lātūlu̍ a̍ sāā ko̍ŋ. Ndu̍yɛ̍, mī lā tāla̍ vɛ̄lɛ̄ mūɛ̄īmā mākīle̍pīi̍ya̍ŋ tɔ̍tɔ̄ŋnda̍ŋ lā ŋūɛ̍ɛ̍nu̍ māā sa̍lā. 41Sāā ko̍ndo̍ di̍i̍ŋ ndɔ̄ɔ̍, lā nɔ̄ mī sōli̍ ndu̍ sa̍lāa̍ a̍ fīti̍līo̍o̍. Ndu̍yɛ̍ tē lā wa᷄ ndu̍ sa̍lāa̍ sōlīo̍o̍ pɛ̍, ndu̍ bɛ̍ɛ̍ lā nɔ̄ mī lā sōli̍ ndu̍ sa̍lāa̍ lātūlu̍ a̍ kōlō to̍o̍sīāā bēe̍dīi̍yo̍, a̍ chūɛ̄īmā ɔ̄li̍fīi̍ya̍ŋ, a̍ mūɛ̄īmā mākīle̍pīi̍ya̍ŋ, mɛ̄ɛ̍ nya̍ tūu̍ o̍ tāso̍o̍ yɛ̍ ko̍ni̍. Sa̍lāa̍ ho̍ō, tē chūŋ ndɔ̄ɔ̍ kōma̍l la̍ pɛ̍, ya̍ Mɛ̄lɛ̄ka̍ Ya̍a̍wɛ̄ɛ̄, I̍ hi̍ni̍ kɔ̄l nyɛ̄ kɛ̄ndɛ̄ kɛ̍ndɛ̄. 42Chɔ̍ŋ a̍ te̍le̍ŋndo̍ ho̍ō mbō kūɛ̄ a̍ yu̍ŋgu̍la̍ nyāla̍ŋ lāchī kɛ᷅, sa̍lā lūāmāa̍ ho̍ō, lā nɔ̄ mī lā wa̍ ndu̍ sōlīo̍o̍ lēpāa̍ lēpāa̍. Ndu̍yɛ̍ sa̍lāa̍ ho̍ō, o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ sōndōo̍, nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ I̍ nɔ̍ mī I̍ ko̍ma̍l nya̍ mī I̍ so̍ō nāa̍ nya̍ chu̍a̍ wa̍, lo̍ŋ nya̍ nɔ̄ ni̍ mī lā wa᷄ ndu̍ sōlīo̍o̍. 43O̍ fo̍ndāŋ ko̍ŋ, ya̍ Mɛ̄lɛ̄ka̍ wā ni̍ŋ bɔ̄ŋa᷅ŋndo̍ a̍ wāŋnda̍ I̍sɔ̄lūɛ̄ī ni̍. Ndu̍yɛ̍, pa̍ŋgēle̍ chɔ᷅m na̍ŋɔ̄ɔ̄ nī bɛ̍ndōo̍ wo̍, ō chō tōlɔ̄ɔ̄ o̍ fo̍ndāa̍ ho̍ō le̍ tōsāa̍ mī fo̍ndāa̍ ho̍ō ō sīmnu̍ŋ fo̍ndāŋ kāsī. 44Le̍ he̍ī, I̍ cho̍ tōsā mī tɛ̍ndīi̍yo̍ ho̍ō, a̍ ma̍āŋndo̍ ho̍ō, mī ŋ̄ sīmnu᷄ŋ nyɛ᷅m kāsī. Ndu̍yɛ̍, mī I̍ to̍sa̍ mī E̍lɔ̄ŋ nda̍ pūa̍a̍ ndūa̍a̍ ā wa᷄ ā hɛ̄līāā le̍ wa̍llo̍ tōsāa̍ le̍ ya̍ māā wānāā nīāā so̍līāā lāsa̍lā. 45I̍ cho̍ wā wāŋnda̍ I̍sɔ̄lūɛ̄ī tɛ̍ɛ̄ŋ ndu̍yɛ̍, mī wa̍ Mɛ̄lɛ̄ka̍ nda̍. 46Wāŋnda̍ I̍sɔ̄lūɛ̄ī a̍ cho̍ hūnɔ̄ɔ̄ sīnā māā ya̍ Mɛ̄lɛ̄ka̍ Ya̍a̍wɛ̄ɛ̄, ya̍ cho̍ Mɛ̄lɛ̄ka̍ ndāa̍ ni̍, Mɛ̄lɛ̄ka̍ so̍li̍ nda̍ o̍ chɛ̄le̍ŋ ni᷄ŋ I̍chi̍pī wo̍. O̍ ko̍ŋ, mī I̍ hu̍ŋ cha᷅l nda̍ tɛ̄ɛ̄ŋ. Ya̍ cho̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ ndāa̍ ni̍.”
Currently Selected:
Ɛ̍sɔ̍dɔ̍ɔ̄ 29: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 29
29
Sāwāla̍ŋ a̍ mɛ̄ɛ̍ E̍lɔ̄ŋ nda̍ pūa̍a̍ ndūa̍a̍ ā nɔ̄ mā wa̍ ā hɛ̄līāā le̍ wa̍li̍ Mɛ̄lɛ̄ka̍a̍ yɛ̍ o̍kɔ̄ɔ̄
(Lɛ̄vi̍ti̍kɔ̍ɔ̄ 8:1-36)
1Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ āā, “Tē ā wa̍ E̍lɔ̄ŋ nda̍ pūa̍a̍ ndūa̍a̍ mālɔ̄ɔ̍ ya̍ Mɛ̄lɛ̄ka̍ o̍ bā le̍ wa̍llo̍ tōsāa̍ māā wānāā nīāā so̍līāā lāsa̍lā pɛ̍, nyɛ̄ ŋ̄ nɔ̄ mā to̍sa̍ wo̍ ndu̍ cho̍ ho̍ō ni̍. Lā nɔ̄ mī lā bīī nāū tōōyē fɔ̍ŋndɔ̍ɔ̍, a̍ sāa̍ ko̍ndu̍a̍a̍ ā ŋīɔ̍ɔ̍ŋ, a̍ nɔ̍ sɔ᷅ŋ o̍ sɔ̄ŋ te̍ wa̍. 2Mā chu̍a̍ kōlō kɛ̍ndɛ̄ kɛ̍ndɛ̄ ŋ̄wi̍tīi̍ nda̍ lūām bēe̍dīi̍yo̍ wo̍, ō nda̍ do̍ū yi̍i̍sīi̍ le̍ wo̍, mā to̍o̍si̍a̍a̍ bēe̍dīi̍yo̍, mā chu̍a̍ vɛ̄lɛ̄ ō ti᷄ŋ, mā mu̍u̍li̍āŋ ndu̍ a̍ chūɛ̄īmā ɔ̄li̍fīi̍ya̍ŋ, mā to̍o̍si̍a̍a̍ ke̍kīi̍yo̍. O̍ ko̍ŋ kɔ̍ɔ̍lī, mā tōōsi̍a̍a̍ vɛ̄lɛ̄ ke̍kīi̍ fɛ̍ɛ̍dɛ̄ɛ̄ fɛ̄ɛ̄dɛ̄ɛ̄ chēle̍ŋ a̍ ō ti᷄ŋ, mā su̍u̍ chūɛ̄īmā ɔ̄li̍fīi̍ya̍ŋ lēchōo̍. 3Tē lā chīi̍ bēe̍dīi̍yo̍ ho̍ō a̍ ke̍kīi̍la̍ŋ nda᷅ŋ tōōsīāā pɛ̍, lā dɔ̄ū ndu̍ o̍ kāmbɛ̍i̍yo̍ ni᷄ŋ, lā hīŋ a̍ ndu̍, lā hu᷄ŋ so̍lī ndu̍ sa̍lāa̍ o̍ ya̍ Mɛ̄lɛ̄ka̍ lo̍, lātūlu̍ a̍ nāū tōōyōo̍, a̍ sāā ko̍ndu̍a̍a̍ ŋi̍ɔ̍ɔ̍ŋnda̍.
4“O̍ ko̍ŋ, mī lā hīŋ a̍ E̍lɔ̄ŋ nda̍ pūa̍a̍ ndūa̍a̍ o̍ tɛ̍ndīi̍ chɔ᷅m māā Mɛ̍lɛ̄ka̍ chō a̍ nya̍ lātūlu̍ wo̍ dīō, mī lā hu᷄ŋ pu̍lū nda̍ lo̍ŋ. 5O̍ ko̍ŋ kɔ̍ɔ̍lī, mī lā wōu̍ E̍lɔ̄ŋ dōmāla̍ wānāā sōlīāā lāsa̍lāa̍ ā nɔ̄ mā wōūnu̍ŋ nda̍ŋ, dōmā le̍bɛ̍ŋgo̍o̍ ni̍, a̍ dōmā vi̍lɛ̄i̍ nɔ̍ mbō wa᷄ o̍ dōmā ko̍ŋ chōo̍ wo̍, a̍ dōmā bi̍ŋgīo̍o̍, a̍ nyɛ᷄ nɔ̍ mbō wa᷄ o̍ tākpāa̍ o̍ dōmā ko̍ŋ chōo̍ le̍ ya̍ Mɛ̍lɛ̄ka̍ dīōmndo̍ nyūnāa̍ wo̍, a̍ kōlā i̍pɛ̍ŋgɔ̍ɔ̍ le̍ kānda᷄ŋndo̍ o̍ dōmā bi̍ŋgīo̍o̍ chōo̍. 6Ndu̍yɛ̍ mī lā wōu̍ ndu̍ mɔ̍si̍l vi̍lɛ̄īyo̍, o̍ ko̍ŋ kɔ̍ɔ̍lī, mī lā yīi̍ ndu̍ nyɛ̄ fɛ̄ɛ̄dɛ̄ɛ̍ nɔ̍ mbō wa̍ ō yīyāā o̍ mɔ̍si̍l vi̍lɛ̄ī kōŋ lāchī mi̍ pōōnyīa̍a̍ wā lēchōo̍ āā, ‘Wāna̍ cho̍ ō yɔ̄ŋga᷄ŋ le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍.’ 7O̍ ko̍ŋ, mī lā chūa̍ chūɛ̄īmā cho̍ le̍ hɛ̄līo̍o̍ wa̍ŋ, mī lā tāla̍ ndu̍ ma̍ŋ o̍ lēbōl, le̍ ndu̍ hɛ̄līo̍o̍.
8“O̍ ko̍ŋ kɔ̍ɔ̍lī, pūa̍a̍ ndūa̍a̍ bɛ̍ɛ̍, mī lā hīŋ a̍ nda̍ mī lā hu᷄ŋ wōu̍ nda̍ dōmāla̍ ndāla̍ wānāā sōlīāā lāsa̍lāa̍ ā wōūnūŋ nda̍ŋ. 9Ndu̍yɛ̍, mī lā yi̍i̍ nda̍ kōlāla̍ i̍pɛ̍ŋgɛ̍la̍ŋ o̍ lāchāŋ. Ō ko̍ŋ kɔ̍ɔ̍lī, mī lā wōu̍ nda̍ mɔ̍si̍lta̍ ndāla̍ŋ. Mɛ̄ɛ̍ nu̍a̍ā nya̍ nɔ̄ ni̍ mī lā tōsa̍ mī E̍lɔ̄ŋ nda̍ pūa̍a̍ ndūa̍a̍ mā wa᷄ ā yɔ̄ŋa᷄ŋ le̍ wa̍li̍ Mɛ̄lɛ̄ka̍a̍. Nda̍ ya̍ I̍ hɛ̍li̍ ni̍ le̍ wāa̍ wānāā nīāā so̍līāā lāsa̍lā. Ndu̍yɛ̍, le̍ fɛ̍ɛ̍ŋ a̍ fɛ̍ɛ̍ŋ o̍ yu̍ŋgu̍ ndāa̍ chōo̍ wānāā nīāā sōlīāā lāsa̍lāa̍ ā fūlā ni̍ŋ ni̍.
10“O̍ ko̍ŋ kɔ̍ɔ̍lī, mī lā hīŋ a̍ nāū tōōyē nya̍ bīī ko̍ŋ le̍ sa̍lāa̍ sōlīo̍o̍ wo̍ o̍ tɛ̍ndīi̍ chɔ᷅m māā Mɛ̍lɛ̄ka̍ chō a̍ wāŋnda̍ lātūlu̍ wo̍ dīō. Mī lā dīmu̍l E̍lɔ̄ŋ nda̍ pūa̍a̍ ndūa̍a̍ mā hāndu̍ nāū kōŋ bāla̍ŋ o̍ lēbōl. 11O̍ ko̍ŋ kɔ̍ɔ̍lī, mī lā dīī nāū kōŋ o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ dīō, ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. 12Ndu̍yɛ̍, tē lā dīī nāūwo̍ ho̍ō pɛ̍, lā chūa̍ kōo̍ma̍ ndūa̍ŋ mā ti᷄ŋ lā sūu̍ ma̍ŋ o̍ nyɛ̄la̍ cho̍ la̍ŋ o̍ sɔ̍ŋgi̍la̍ ma̍āŋndo̍ māā lālēē la̍ŋ a̍ īsū. Kōo̍ma̍ tɔ᷅ma̍ cho̍ lō wa̍ŋ, lā tāla̍ ma̍ŋ lɛ̄ŋ o̍ ma̍āŋndo̍ bɛ̄ŋgu̍. 13O̍ ko̍ŋ kɔ̍ɔ̍lī, mī lā sōli̍ chūɛ̄īma̍ cho̍ chɔ̄lōo̍ ho̍ō ni᷄ŋ nda̍ŋ, a̍ ye᷄mnde̍ ī kɛ̄ndɛ̄ kɛ̍ndɛ̄i̍ ī ti᷄ŋ, a̍ bɔ̄ŋgu̍ŋ mūu̍ŋ ndo̍ŋ, ndu̍yɛ̍, a̍ chūɛ̄īma̍ ba̍lu̍ bɔ̄ŋgu̍ŋ mu̍ŋ nda̍ŋ, mī lā chūa̍ nyɛ̄m mu᷅ŋ mī lā lōm mu̍ŋ sa̍lāa̍ o̍ ma̍āŋndo̍ chōo̍. 14Kɛ̍ nāū kōŋ vīsīŋ ndɔ̄ɔ̍ŋ, lātūlu̍ a̍ yāu̍ ndɔ̄ɔ̍, ndu̍yɛ̍ a̍ pūlu̍ŋ ndɔ̄ɔ̍ŋ, lā nɔ̄ mī lā chu̍a̍ mu̍ŋ, mī lā sōli̍ mu̍ŋ o̍ dɔ̍ɔ̍ŋgɔ̍ɔ̍ ni᷄ŋ, mī lā kɔ̍ lo᷅m mu̍ŋ sa̍lāa̍. Sa̍lāa̍ ho̍ō, ndu̍ cho̍ le̍ yɔ̄ŋndā wɔ̄ɔ̍ŋnda̍ wānāā sōlīāā lāsa̍lāa̍ a̍ tōsā la̍ŋ fāŋāa̍ ni̍.
15“O̍ ko̍ŋ kɔ̍ɔ̍lī, mī lā bīī sāā ko̍ndu̍a̍a̍ nya̍ hīŋ ka̍ŋ le̍ sa̍lāa̍ sōlīo̍o̍ wa̍ ō pīlɛ̍, mī lā dīmu̍l E̍lɔ̄ŋ nda̍ pūa̍a̍ ndūa̍a̍ mā hāndu̍ ndu̍ bāla̍ŋ o̍ lēbōl. 16Ndu̍yɛ̍, mī lā dīī ndu̍. Tē lā dīī ndu̍ pɛ̍, lā chūa̍ kōo̍ma̍ ndūa̍ŋ lā fāsa̍ŋi̍a̍a̍ ma̍ŋ o̍ ma̍āŋndo̍ kpēŋgu᷄ŋ ndɔ̄ɔ̄ŋ sa̍lā hi̍ɔ̍ɔ̍lo̍ŋ. 17Ndu̍yɛ̍, mī lā sɛ̄ŋ sāa̍ ho̍ō mī lā ki̍li̍ ndu̍ būŋga᷄ŋ. Tē lā sɛ̄ŋ ndu̍ pɛ̍, lā tɔ̄ɔ̄ pūlu̍ŋ ndɔ̄ɔ̍ŋ a̍ lɔ̄lūlā ndɔ̄la̍ŋ. Lā chūa̍ pūlu̍ŋ mu̍ŋ a̍ lɔ̄lūlā la̍ŋ, a̍ bōlle̍ŋ, lā hāndu̍ o̍ vīsīŋ tɔ᷄ŋ chōo̍. 18O̍ ko̍ŋ, mī lā chūa̍ vīsīŋ sāā ko̍ŋ le̍nde̍ kpo̍u̍, mī lā kɔ̍ lo᷅m mu̍ŋ sa̍lā lūāmāa̍ o̍ ma̍āŋndo̍ chōo̍. Sa̍lāa̍ ho̍ō, tē chūŋ ndɔ̄ɔ̍ kōma̍l la̍ pɛ̍, ya̍ Mɛ̄lɛ̄ka̍ Ya̍a̍wɛ̄ɛ̄, I̍ hi̍ni̍ kɔ̄l nyɛ̄ kɛ̄ndɛ̄ kɛ̍ndɛ̄.
19“O̍ ko̍ŋ kɔ̍ɔ̍lī, mī lā bīī vɛ̄lɛ̄ sāa̍ ō pīlɔ̄ɔ̍, mī lā dīmu̍l E̍lɔ̄ŋ nda̍ pūa̍a̍ ndūa̍a̍ mā hāndu̍ ndu̍ bāla̍ŋ o̍ lēbōl. 20O̍ ko̍ŋ, mī lā dīī ndu̍. Tē lā dīī ndu̍ pɛ̍, lā chūa̍ kōo̍ma̍ ndūa̍ŋ lā sūu̍ E̍lɔ̄ŋ nda̍ pūa̍a̍ ndūa̍a̍ o̍ nīlā ndāla̍ bā kɛ̄ndɛ̄la̍ŋ tūmnda̍ŋ. Ndu̍yɛ̍, mī lā sūu̍ ma̍ŋ o̍ sōōŋ nda̍ŋ bɛ̍ndūŋ bā kɛ̄ndɔ᷄ŋ, a̍ sōōŋ ndāŋ bɛ̍ndūŋ pēlūŋ bā kɛ̄ndɔ᷄ŋ. Kōo̍ma̍ tɔ᷅ma̍ cho̍ lō wa̍ŋ, lā fāsa̍ŋi̍a̍a̍ ma̍ŋ o̍ ma̍āŋndo̍ kpēŋgu᷄ŋ ndɔ̄ɔ̄ŋ sa̍lā hi̍ɔ̍ɔ̍lo̍ŋ. 21O̍ ko̍ŋ kɔ̍ɔ̍lī, mī lā chu̍a̍ kōo̍ma̍ cho̍ o̍ ma̍āŋndo̍ chōo̍ wa̍ŋ mā ti᷄ŋ, mī lā mūūli̍āŋ ma̍ŋ a̍ chūɛ̄īma̍ cho̍ le̍ hɛ̄līo̍o̍ wa̍ŋ, mī lā fāsa̍ŋi̍a̍a̍ E̍lɔ̄ŋ a̍ nyɛ̄lā ndɔ̄la̍ so̍līāā lāsa̍lā la̍ŋ, ndu̍yɛ̍ mī lā fāsa̍ŋi̍a̍a̍ vɛ̄lɛ̄ pūa̍a̍ ndūa̍a̍ a̍ nyɛ̄lā ndāla̍ so̍līāā lāsa̍lā la̍ŋ. Mɛ̄ɛ̍ o̍ nɛ̄īyo̍ ho̍ō ni᷄ŋ, E̍lɔ̄ŋ ni̍, pūa̍a̍ ndūa̍a̍ ni̍, ā sīmnu̍ŋ wa̍nāā kāsī ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l, lātūlu̍ a̍ nyɛ̄la̍ ndāla̍ so̍līāā lāsa̍lāla̍ŋ.
22“Sāa̍ ho̍ō tē lā sɛ̄ŋ ndu̍ pɛ̍, nyɛ̄m nya̍ nɔ̄ mī lā so̍li̍ wo̍ŋ mu̍ŋ cho̍ mu᷅ŋ ni̍. Chūɛ̄īma̍ cho̍ ndu̍ o̍ vīsīo̍ŋ nda̍ŋ, a̍ lōmndē tūmnde̍ŋ nāa̍ chūɛ̄īya̍ŋ mā chō wa̍, a̍ chūɛ̄īma̍ cho̍ ndu̍ ni᷄ŋ nda̍ŋ, a̍ ye᷄mnde̍ ī kɛ̍ndɛ̄ kɛ̍ndɛ̄i̍ ī ti᷄ŋ, a̍ bɔ̄ŋgu̍ŋ ndɔ̄ɔ̄ŋ mūu̍ŋ ndo̍ŋ lātūlu̍ a̍ chūɛ̄īma̍ cho̍ o̍ bɔ̄ŋgu̍ŋ mu̍ŋ nda̍ŋ, a̍ lɔ̄lū ndɔ̍ bā kɛ̄ndɔ̄ɔ̍. (Sāa̍ ho̍ō, ndu̍ cho̍ le̍ sa̍lāa̍ sōlīo̍o̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līo̍o̍ le̍ kpe̍ku̍ Mɛ̄lɛ̄ka̍a̍ ni̍.) 23O̍ ko̍ŋ kɔ̍ɔ̍lī, mā chu̍a̍ bēe̍ndīi̍ nya̍ tōōsi̍a̍a̍ mbo̍ wā o̍ kāmbɛ̍i̍yo̍ ni᷄ŋ ya̍ Mɛ̍lɛ̄ka̍ lāchī wo̍ kpūŋgbɛ̄i̍ ī pīlɛ̍, a̍ ke̍kīi̍ cho̍ o̍ kāmbɛ̍i̍ ko̍ŋ ni᷄ŋ ō tōōsīāā a̍ chūɛ̄īmā ɔ̄li̍fīi̍ya̍ŋ ndo̍ vɛ̄lɛ̄ kpūŋgbɛ̄i̍ ī pīlɛ̍, a̍ ke̍kīi̍ nya̍ sūū chu̍ɛ̍īya̍ŋ ndo̍ kpūŋgbɛ̄i̍ ī pīlɛ̍. 24Nyɛ̄ dīāā kōŋ kpo̍u̍, mā dɔ̄ū E̍lɔ̄ŋ nda̍ pūa̍a̍ ndūa̍a̍ o̍ lābā, mā hēēlu̍ ndu̍ o̍ bāla̍ŋ chōo̍ sa̍lā te̍ŋge̍le̍ŋndo̍ŋ ya̍ Mɛ̍lɛ̄ka̍ lāchī. 25Tē ā yɔ̄ŋgu̍ nyɛ̄ dīa̍a̍ ho̍ō o̍ ya̍ Mɛ̄lɛ̄ka̍ lo̍ pɛ̍, ā bīī nda̍ ndu̍ o̍ bā, a̍ ha̍ndu̍ ndu̍ o̍ ma̍āŋndo̍ chōo̍ o̍ sa̍lā tāse̍ nya̍ lōm ndo̍ chōo̍, ā lōm ndu̍ vɛ̄lɛ̄ sa̍lā lūāmāa̍. Sa̍lā nda̍ lūām o̍ ya̍ Mɛ̍lɛ̄ka̍ lo̍ wo̍ cho̍ ko̍ŋ ni̍. Sa̍lāa̍ ho̍ō, tē chūŋ ndɔ̄ɔ̍ ō kōma̍l la̍ pɛ̍, ya̍ Mɛ̄lɛ̄ka̍ Ya̍a̍wɛ̄ɛ̄, I̍ hi̍ni̍ kɔ̄l nyɛ̄ kɛ̄ndɛ̄ kɛ̍ndɛ̄.
26“Ndu̍yɛ̍ sāa̍ cho̍ le̍ E̍lɔ̄ŋ hɛ̄līo̍o̍ le̍ kpe̍ku̍ Mɛ̄lɛ̄ka̍a̍ wo̍, vīsīŋ ndɔ̄ɔ̍ŋ tākpa᷄ŋ, ā nɔ̄ mā chu̍a̍ mu̍ŋ, mā he̍e̍lu̍ mu̍ŋ chōo̍ cho̍o̍ o̍ bāla̍ŋ chōo̍ sa̍lā te̍ŋge̍le̍ŋndo̍ o̍ ya̍ Mɛ̄lɛ̄ka̍ Ya̍a̍wɛ̄ɛ̄ lo̍. Tē a̍ chi̍i̍ pɛ̍, a̍ chu̍a̍ mu̍ŋ, nu᷄m nɔ̍ mu̍ŋ ni̍.
27“Sāa̍ nya̍ chō dīyɔ̄ɔ̄ le̍ E̍lɔ̄ŋ nda̍ pūa̍a̍ ndūa̍a̍ dīndīo̍o̍ wo̍, vīsīŋ ndɔ̄ɔ̍ŋ tākpa᷄ŋ nya̍ chō hēēlū chōo̍ cho̍o̍ o̍ bāla̍ŋ chōo̍ sa̍lāa̍, lātūlu̍ a̍ lɔ̄lū ndɔ̄ɔ̍ wo̍, lā chūa̍ mī lā ke̍ E̍lɔ̄ŋ nda̍ pūa̍a̍ ndūa̍a̍, nda̍ nɔ̍ mu̍ŋ ni̍. 28Ndu̍yɛ̍ he̍ī nɔ̄ mī ī wa᷄ sāwāa̍ le̍ fɛ̍ɛ̍ŋ a̍ fɛ̍ɛ̍ŋ. Le̍ te̍le̍ŋ o̍ te̍le̍ŋ tē wānāā nīa̍a̍ ā hīŋ sa̍lā kɔ̄l nyūlōo̍ sōlīo̍o̍ pɛ̍, mā dīī chɔ̄lōo̍ le̍ sa̍lā ko̍ŋ, vīsīŋ nya̍ nɔ̄ mī lā sōli̍ le̍ ya̍ Mɛ̄lɛ̄ka̍ wo̍ŋ, mu̍ŋ yɔ̍nūŋ ni̍, vīsīŋ tākpāŋ chɔ̄lū kōŋ, a̍ lɔ̄lū ndɔ̄ɔ̍, wānāā sōlīāā lāsa̍lāa̍, nda̍ nɔ̍ mu᷅ŋ ni̍. Vīsīŋ wāŋnda̍ nɔ̄ mā ke̍ ya̍ Mɛ̄lɛ̄ka̍ Ya̍a̍wɛ̄ɛ̄ māā sa̍lā wo̍, mu̍ŋ cho̍ mu̍ŋ ni̍.
29“Ndu̍yɛ̍ tē E̍lɔ̄ŋ o̍ vi᷅ pɛ̍, nyɛ̄lā sōlīāā lāsa̍lālā o̍ wo̍u̍nūŋ nda̍ŋ, lā nɔ̄ mī lā wa᷄ le̍ pūa̍a̍ ndūa̍a̍, wāna̍ mi̍i̍ŋgū o̍ fōōfo̍ ndɔ̄ɔ̍ wo̍. Ndu̍yɛ̍ wānā ko̍ŋ, ō nɔ̄ mbō wōūnu̍ŋ nyɛ᷅la̍ŋ nda᷅ŋ, mā tāla̍ ndu̍ chūɛ̄īya̍ŋ o̍ lēbōl le̍ ndu̍ hɛ̄līo̍o̍ māā wānā so̍līāā lāsa̍lā. 30Po̍ ndɔ̍ cho̍ ko̍ŋ mi̍i̍ŋgū o̍ fōōfo̍ ndɔ̄ɔ̍ māā wānā so̍līāā lāsa̍lā, le̍ mbō wa᷄ lūɛ̄īyɔ̄ɔ̍ o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ ni᷄ŋ, le̍ wa̍llo̍ o̍ fo̍ndāŋ kāsīo̍o̍ wo̍, ō nɔ̄ mbō wōōnu̍ŋ nyɛ᷅la̍ŋ nda᷅ŋ le̍ pālɛ̍i̍ ī ŋɔ᷄mmɛ̍ū.
31“Sāa̍ ŋ̄ nɔ̄ mā dīī le̍ sa̍lāla̍ŋ sōlīo̍o̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līāā le̍ wa̍li̍ Mɛ̄lɛ̄ka̍a̍ wo̍, vīsīŋ sāā ko̍ŋ, ā nɔ̄ mā ya̍u̍ mu̍ŋ o̍ fo̍ndāŋ kāsīo̍o̍. 32Tē a̍ ya̍u̍ vīsīo̍ŋ mu᷅ŋ pɛ̍, E̍lɔ̄ŋ nda̍ pūa̍a̍ ndūa̍a̍, ā nɔ̄ mā dē mu̍ŋ lātūlu̍ a̍ bēe̍dīi̍ cho̍ o̍ kāmbɛ̍i̍yo̍ ni᷄ŋ ndo̍, o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ dīō. 33Nyɛ̄ dīa̍a̍ ho̍ō, ndu̍ cho̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līo̍o̍ ndu̍yɛ̍ mā sɔ̄la̍ dīndīo̍o̍ ni̍. E̍lɔ̄ŋ nda̍ pūa̍a̍ ndūa̍a̍ ko̍ni̍ nɔ̍ ni̍ mā dē nyɛ̄ dīa̍a̍ ho̍ō. Wānā o̍ wānā che᷅le̍ŋ nɔ̍ mbō dē ndu̍ le̍, kāni̍ fo̍ndōle̍, nyɛ̄ dīāā kāsīo̍o̍ o̍ cho̍ ni̍. 34Ndu̍yɛ̍, bēe̍dīi̍yo̍ ni̍, vīsīo̍ŋ ni̍, ō kɛ᷅ kɛ᷅ lɔ̍l ku̍ya̍ pɛ̍, lā nɔ̄ mī lā lōm ndu̍ īdīi̍yo̍, lā nɔ̍ mī lā dē ndu̍ le̍, kāni̍ fo̍ndōle̍, nyɛ̄ kāsīo̍o̍ o̍ cho̍ ni̍.
35“Nyɛ̄ o̍ nyɛ̄ ya̍ I̍ di̍mu̍l nu̍m le̍ tōsāa̍ le̍ E̍lɔ̄ŋ nda̍ pūa̍a̍ ndūa̍a̍ hɛ̄līo̍o̍ māā wānāā sōlīāā lāsa̍lā, ā nɔ̄ mā tōsa̍ ndu̍ mɛ̄ɛ̍ ya̍ I̍ di̍mu̍l nu̍m yɛ̍. Le̍ pālɛ̍i̍ ī ŋɔ᷄mmɛ̍ū, lā nɔ̄ mī la̍ wa̍ he̍ī tōsāa̍ lēpāa̍ o̍ lēpāa̍. 36Pālɛ̍i̍ ŋɔ᷄mmɛ̍ūve̍ he̍ī, lēpāa̍ o̍ lēpāa̍, ā nɔ̄ mā so̍li̍ nāū tōōyōo̍ sa̍lāa̍ le̍ mī ma̍l nda̍ le̍ yɔ̄ŋndā ndāla̍ wɔ̍ɔ̍ŋnda̍ŋ. Ko̍ŋ to̍sā ni̍ mī ma̍āŋndo̍ ho̍ō ō sīmnu᷄ŋ ma̍āŋ kāsī. Ndu̍yɛ̍ lā nɔ̄ mī lā tāla̍ chūɛ̄īmā ɔ̄li̍fīi̍ya̍ŋ o̍ ma̍āŋndo̍ ho̍ō chōo̍, le̍ mbō wa᷄ ō hɛ̄līa̍ŋ. 37Le̍ pālɛ̍i̍ ī ŋɔ᷄mmɛ̍ū, lā nɔ̄ mī lā wa᷄ sa̍lāla̍ŋ sōlīo̍o̍ le̍ ma̍āŋndo̍ ho̍ō, ndu̍yɛ̍ mī lā dīndi̍ ndu̍ mbō sīmnu᷄ŋ ma̍āŋ kāsī bɛ̄ndū. Ndu̍yɛ̍ nyɛ̄ o̍ nyɛ̍ pi̍la̍ŋ ma̍āŋndo̍ ho̍ō pɛ̍, nyɛ̄ kōŋ bɛ̍ɛ̍ ō sīmnu᷄ŋ nyɛ᷅ kāsī.”
A̍ sa̍lāla̍ nɔ̍ le̍ sōli᷄ŋndo̍ lēpāa̍ o̍ lēpāa̍ la̍ŋ o̍kɔ̄ɔ̄
(Nɔ̍mbāā 28:1-8)
38Mi̍ Mɛ̄lɛ̄ka̍ hīāū lāchī a̍ sūɛ̍i̍ āā, “Lēpāa̍ o̍ lēpāa̍ lā nɔ̄ mī lā sōli̍ sa̍lāa̍ o̍ ma̍āŋndo̍ ho̍ō chōo̍ a̍ sāā ko̍ndu̍a̍a̍ chi̍i̍ wɔ̄sīo̍o̍ ō pīlɛ̍ wa̍ ā ŋīɔ̍ɔ̍ŋ. 39Lā nɔ̄ mī lā sōli̍ ō pīlɛ̍ sa̍lāa̍ īdīi̍, mī lā sōli̍ vɛ̄lɛ̄ ō pīlɛ̍ sa̍lāa̍ a̍ fīti̍līo̍o̍. 40Sāā ŋi̍ɔ̍ɔ̍ŋnda̍ ha̍ā, ō tāso̍o̍, tē lā wa̍ ndu̍ sa̍lāa̍ sōlīo̍o̍ pɛ̍, lā nɔ̄ mī lā chu̍a̍ kōlō lu̍a̍māā bēe̍dīi̍yo̍ ō kɛ̍ndɛ̄ kɛ̍ndɔ̄ɔ̍ pa᷅ŋnda̍ŋ lā tīɔ̍ɔ̍ŋ, mī lā mūūli̍āŋ ndu̍ a̍ chūɛ̄īmā ɔ̄li̍fīi̍mā kɛ̄ndɛ̄ kɛ̍ndīa̍ŋ tɔ̍tɔ̄ŋnda̍ŋ lā ŋūɛ̍ɛ̍nu̍, mī lā sōli̍ ndu̍ sa̍lāa̍ lātūlu̍ a̍ sāā ko̍ŋ. Ndu̍yɛ̍, mī lā tāla̍ vɛ̄lɛ̄ mūɛ̄īmā mākīle̍pīi̍ya̍ŋ tɔ̍tɔ̄ŋnda̍ŋ lā ŋūɛ̍ɛ̍nu̍ māā sa̍lā. 41Sāā ko̍ndo̍ di̍i̍ŋ ndɔ̄ɔ̍, lā nɔ̄ mī sōli̍ ndu̍ sa̍lāa̍ a̍ fīti̍līo̍o̍. Ndu̍yɛ̍ tē lā wa᷄ ndu̍ sa̍lāa̍ sōlīo̍o̍ pɛ̍, ndu̍ bɛ̍ɛ̍ lā nɔ̄ mī lā sōli̍ ndu̍ sa̍lāa̍ lātūlu̍ a̍ kōlō to̍o̍sīāā bēe̍dīi̍yo̍, a̍ chūɛ̄īmā ɔ̄li̍fīi̍ya̍ŋ, a̍ mūɛ̄īmā mākīle̍pīi̍ya̍ŋ, mɛ̄ɛ̍ nya̍ tūu̍ o̍ tāso̍o̍ yɛ̍ ko̍ni̍. Sa̍lāa̍ ho̍ō, tē chūŋ ndɔ̄ɔ̍ kōma̍l la̍ pɛ̍, ya̍ Mɛ̄lɛ̄ka̍ Ya̍a̍wɛ̄ɛ̄, I̍ hi̍ni̍ kɔ̄l nyɛ̄ kɛ̄ndɛ̄ kɛ̍ndɛ̄. 42Chɔ̍ŋ a̍ te̍le̍ŋndo̍ ho̍ō mbō kūɛ̄ a̍ yu̍ŋgu̍la̍ nyāla̍ŋ lāchī kɛ᷅, sa̍lā lūāmāa̍ ho̍ō, lā nɔ̄ mī lā wa̍ ndu̍ sōlīo̍o̍ lēpāa̍ lēpāa̍. Ndu̍yɛ̍ sa̍lāa̍ ho̍ō, o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ sōndōo̍, nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ I̍ nɔ̍ mī I̍ ko̍ma̍l nya̍ mī I̍ so̍ō nāa̍ nya̍ chu̍a̍ wa̍, lo̍ŋ nya̍ nɔ̄ ni̍ mī lā wa᷄ ndu̍ sōlīo̍o̍. 43O̍ fo̍ndāŋ ko̍ŋ, ya̍ Mɛ̄lɛ̄ka̍ wā ni̍ŋ bɔ̄ŋa᷅ŋndo̍ a̍ wāŋnda̍ I̍sɔ̄lūɛ̄ī ni̍. Ndu̍yɛ̍, pa̍ŋgēle̍ chɔ᷅m na̍ŋɔ̄ɔ̄ nī bɛ̍ndōo̍ wo̍, ō chō tōlɔ̄ɔ̄ o̍ fo̍ndāa̍ ho̍ō le̍ tōsāa̍ mī fo̍ndāa̍ ho̍ō ō sīmnu̍ŋ fo̍ndāŋ kāsī. 44Le̍ he̍ī, I̍ cho̍ tōsā mī tɛ̍ndīi̍yo̍ ho̍ō, a̍ ma̍āŋndo̍ ho̍ō, mī ŋ̄ sīmnu᷄ŋ nyɛ᷅m kāsī. Ndu̍yɛ̍, mī I̍ to̍sa̍ mī E̍lɔ̄ŋ nda̍ pūa̍a̍ ndūa̍a̍ ā wa᷄ ā hɛ̄līāā le̍ wa̍llo̍ tōsāa̍ le̍ ya̍ māā wānāā nīāā so̍līāā lāsa̍lā. 45I̍ cho̍ wā wāŋnda̍ I̍sɔ̄lūɛ̄ī tɛ̍ɛ̄ŋ ndu̍yɛ̍, mī wa̍ Mɛ̄lɛ̄ka̍ nda̍. 46Wāŋnda̍ I̍sɔ̄lūɛ̄ī a̍ cho̍ hūnɔ̄ɔ̄ sīnā māā ya̍ Mɛ̄lɛ̄ka̍ Ya̍a̍wɛ̄ɛ̄, ya̍ cho̍ Mɛ̄lɛ̄ka̍ ndāa̍ ni̍, Mɛ̄lɛ̄ka̍ so̍li̍ nda̍ o̍ chɛ̄le̍ŋ ni᷄ŋ I̍chi̍pī wo̍. O̍ ko̍ŋ, mī I̍ hu̍ŋ cha᷅l nda̍ tɛ̄ɛ̄ŋ. Ya̍ cho̍ Mɛ̄lɛ̄ka̍ Ya̍a̍wɛ̄ɛ̄, Mɛ̄lɛ̄ka̍ ndāa̍ ni̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.