Ɛ̍sɔ̍dɔ̍ɔ̄ 28
28
A̍ mɛ̄ɛ̍ nda̍ nɔ̄ mā tōōsi̍a̍a̍ dōmāla̍ wānā so̍līāā lāsa̍lāa̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 39:1-7)
1Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍, mbo̍ dīmūl ndu̍ āā, “Di̍mu̍l E̍lɔ̄ŋ bɛ̍ nūm mbō hīŋ lātūlu̍ nda̍ pūa̍a̍ ndūa̍a̍ nda̍ yɔ̍nūŋ ni̍ māā Na̍da̍bī, a̍ Ābi̍hū, a̍ Ɛ̄li̍a̍a̍sā, a̍ I̍ta̍māā. Wāŋnda̍ I̍sɔ̄lūɛ̄ī tɛ̍ɛ̄ŋ kpo̍u̍, nda̍ nɔ̍ ni̍ mā wa᷄ ā hɛ̄līāā le̍ mā sāāŋgi̍a̍l la̍ māā wānāā nīāā so̍līāā lāsa̍lā. 2Ndu̍yɛ̍ mā to̍o̍si̍a̍a̍ dōmāla̍ kāsīla̍ŋ, dōmāla̍ wānāā sōlīāā lāsa̍lāa̍ ā wōōnūŋ nda̍ŋ, le̍ E̍lɔ̄ŋ bɛ̍ nūm, le̍ mbō sɔ̄la̍ bɛ̄ɛ̄le̍ŋ ta̍u̍ ta̍u̍, a̍ hɔ̍ɔ̍ya̍le̍ŋ. 3Di̍mu̍l wa̍nāa̍ cha̍ā nyɔ̍ɔ̍ tōōsīāā bɛ̄ndōo̍ a̍ lā bā wa̍, ā ya̍ ke̍ tāāsi̍o̍o̍ le̍ wa̍lta̍ wa̍ā le̍nde̍ la̍ŋ tōsāa̍ wa̍ mā tōōsi̍a̍l E̍lɔ̄ŋ dōmāla̍ŋ nda᷅ŋ. Dōmāla̍ŋ nda᷅ŋ, la̍ŋ E̍lɔ̄ŋ nɔ̍ ni̍ mbō wa̍ wōūnɔ᷄ŋndo̍, mbo̍ wa̍ ō hɛ̄līāā māā wāna̍ ni̍ so̍līāā lāsa̍lā. 4Dōmāla̍ŋ nda᷅ŋ, mɛ̄ɛ̍ la̍ nɔ̍ mī lā wa̍ lā tōōsīāā yɛ̍ cho̍ ho̍ō ni̍. Ā nɔ̄ mā tōōsi̍a̍a̍ nyɛ̍ nɔ̍ mbō wa̍ o̍ dōma̍ wāna̍ so̍lī sa̍lāa̍ tākpāa̍ le̍ Mɛ̄lɛ̄ka̍ dīōmndo̍ nyūnāa̍ wo̍, a̍ dōmā bi̍ŋgī wānā so̍līāā lāsa̍lāa̍, a̍ dōmā vi̍lɛ̄īyo̍, a̍ dōmā kɛ̍ndɛ̄ kɛ̍ndɛ̄ nɔ̍ nyɛ̄m kɛ̄ndɛ̄ kɛ̍ndɔ᷄ŋ ŋ̄ hūāūwāā lēchōo̍ a̍ fūŋi̍i̍ yɛ̍ yɛ̍i̍ yo̍, a̍ mɔ̍si̍l vi̍lɛ̄īyo̍, a̍ kōlā i̍pɛ̍ŋgɔ̍ɔ̍ le̍ kānda᷄ŋndo̍ o̍ chāŋ. E̍lɔ̄ŋ bɛ̍ nūm ni̍, pūa̍a̍ ndūa̍a̍ ni̍, la̍ŋ nda̍ chō wā wōūnɔ᷄ŋndo̍ ni̍, le̍ wa̍li̍ nu̍u̍ tōsāa̍ māā wānāā nīāā so̍līāā lāsa̍lā. 5Ndu̍yɛ̍ nyɛ̄la̍ŋ nda᷅ŋ, wānāa̍ cha̍ā nyɛ̍ a̍ lābā ma̍ nɔ̄ tāāsi̍o̍o̍ wa̍, ā nɔ̄ mā tōōsi̍a̍a̍ la̍ŋ a̍ kōlāla̍ kɛ̍ndɛ̄ kɛ̍ndɛ̄la̍ cho̍ lā tōōsīāā a̍ fūŋi̍i̍ kpe̍e̍ndɛ̄i̍ la̍ŋ, mā kēēku̍ fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ ko̍o̍līi̍ye̍, a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍.
6“Mɛ̄ɛ̍ nda̍ nɔ̄ mā tōōsi̍a̍a̍ dōmā bi̍ŋgī wānā sōlīāā lāsa̍lāa̍ yɛ̍ cho̍ ho̍ō ni̍. Dōmāa̍ ho̍ō, ō nɔ̄ mbō wa̍ ō tōōsīāā a̍ kōlā kɛ̍ndɛ̄ kɛ̍ndɛ̍ cho̍ ō tōōsīāā a̍ fūŋi̍i̍ kpe̍e̍ndɛ̄i̍ yo̍, ndu̍yɛ̍ mā kēēku̍ fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, a̍ fūŋi̍i̍ ko̍o̍līi̍ye̍. Ndu̍yɛ̍ dōmāa̍ ho̍ō nyɛ̄m kɛ̄ndɛ̄ kɛ̄ndɔ᷄ŋ ŋ̄ nɔ̄ mī ŋ̄ wa᷄ ŋ̄ hūāūwāā lēchōo̍. 7O̍ ko̍ŋ kɔ̍ɔ̍lī, dōmāa̍ ho̍ō, ō nɔ̄ mbō nɔ̄ yūe̍i̍ i̍ ŋīi̍ŋ ŋi̍i̍ŋ o̍ chōŋgu̍la̍ŋ vēllāa̍ vēllē, le̍ ndu̍ yīīyo̍ o̍ chōŋgu̍la̍ŋ. 8Ndu̍yɛ̍, ā nɔ̄ mā tōōsi̍a̍a̍ kōlā i̍pɛ̍ŋgɔ̍ɔ̍ a̍ kōla̍ nda̍ chō ko̍ŋ to̍o̍sīāā a̍ fūŋi̍i̍ yɛ̍ yɛ̍i̍ mā tōōsi̍a̍a̍ dōmāa̍ ho̍ō a̍ ndu̍ wo̍, mā bāa̍ o̍ dōmāa̍ ho̍ō kpēŋgo᷄ŋ vēllāa̍ vēllē le̍ kānda᷄ŋndo̍ o̍ dōmāa̍ ho̍ō chōo̍. 9O̍ ko̍ŋ kɔ̄ɔ̄lī, ā nɔ̄ mā bɛ̄ɛ̄ndi̍a̍a̍ pōūtā ɔ̍nɛ̍sī la̍ŋ lā tīɔ̍ɔ̍ŋ. Pōūta̍ŋ nda᷅ŋ ā nɔ̄ mā tūūli̍a̍a̍ dīōlā pūa̍a̍ tɔ̍ a̍ ā ŋīɔ̍ɔ̍ŋnda̍ I̍sɔ̄lūɛ̄ī le̍cho̍o̍. 10Pōūta̍ŋ nda᷅ŋ, pōū o̍ pōū dīōla̍ŋ lā nɔ̄ mī lā wa᷄ lā tūūlīāā lēchōo̍ la̍ ŋɔ᷄mpu᷅m. Ndu̍yɛ̍ dīōla̍ŋ nda᷅ŋ, tē a̍ wa᷄ la̍ŋ pōōnyi̍a̍a̍ o̍ pōūta̍ŋ nda᷅ŋ chōo̍ pɛ̍, ā nɔ̄ mā pōōnyi̍a̍a̍ la̍ŋ mɛ̄ɛ̍ pūa̍a̍ tɔ̍ a̍ ā ŋīɔ̍ɔ̍ŋnda̍ ha̍ā ā vēlu᷄ŋ yɛ̍, kāndɔ᷄ŋndo̍ a̍ ka̍a̍so̍ŋnɔ̍ɔ̍ mā mɛ̄ɛ̄lu̍ a̍ chūāāmbɔ̄ɔ̍. 11Dīōla̍ŋ nda᷅ŋ, lā nɔ̄ mī lā wa᷄ lā tūūlīāā o̍ pōūtā tīɔ̍ɔ̍ŋndā la̍ŋ chōo̍, mɛ̄ɛ̍ wānāa̍ cha̍ā nyɔ̍ɔ̍ŋ tōōsīa̍a̍ a̍ lābā wa̍ ā tūūlīāā nu̍a̍ā nyɔ̄ɔ̍ o̍ ta̍mbūe̍i̍yo̍ yɛ̍. O̍ ko̍ŋ kɔ̍ɔ̍lī, ā nɔ̄ mā to̍o̍si̍a̍a̍ nyɛ̄la̍ŋ a̍ ko̍o̍līi̍ye̍ mā wōu̍ pōūta̍ŋ nda᷅ŋ lēni᷄ŋ mī lā bīī nyɛ̄ kɛ̄ndɛ̄ kpi̍ŋ. 12O̍ ko̍ŋ, mā chūa̍ pōūta̍ŋ nda᷅ŋ, mā ho᷄l la̍ŋ o̍ dōmāa̍ ho̍ō yūēī ndūɛ̍i̍ lāchōŋgu̍e̍i̍ vēllāa̍ vēllē, kpēŋgēi̍ he̍ī ō pīlɛ̍, kpēŋgēi̍ he̍ī ō pīlɛ̍, le̍ mī lā wa̍ lo̍ŋ māā nyɛ̄ lōōna᷄ŋ. Pōūta̍ŋ nda᷅ŋ la̍ŋ la̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. Mɛ̄ɛ̍ o̍ he̍ī ni᷄ŋ, te̍le̍ŋ o̍ te̍le̍ŋ tē E̍lɔ̄ŋ o̍ wo̍u̍nu̍ŋ do᷅māa̍ ho̍ō le̍ wa̍llo̍ tōsāa̍ ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l pɛ̍, I̍ lo̍o̍nu̍ŋ a̍ wānāā nīa̍a̍ I̍sɔ̄lūɛ̄ī. 13Ā nɔ̄ mā tōōsi̍a̍a̍ nyɛ̄la̍ŋ lā tīɔ̍ɔ̍ŋ a̍ ko̍o̍līi̍ye̍ le̍ pōūta̍ŋ nda᷅ŋ lūēīyo̍ lēni᷄ŋ. 14Ndu̍yɛ̍, mī lā tōōsi̍a̍a̍ yɔ̄lɔ᷄ŋ sālā tīɔ̍ɔ̍ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍ māā yūēī kpēēndāā, mī lā bāa̍ yɔ̄lɔ̄ŋ mu̍ŋ o̍ nyɛ̄lā tīɔ̍ɔ̍ŋndā lāŋ.”
A̍ nyɛ̄ wānāa̍ sōlīāā lāsa̍lāa̍ yīīnūŋ o̍ tākpāa̍ wo̍ o̍kɔ̄ɔ̄
(Ɛ̍sɔ̍dɔ̍ɔ̄ 39:8-21)
15Mi̍ Mɛ̄lɛ̄ka̍ hīāū lāchī a̍ sūɛ̍i̍, mbo̍ dīmī āā, “Lā nɔ̄ mī lā tōōsi̍a̍a̍ nyɛ̄ wānā so̍līāā lāsa̍lāa̍ ō yīīnūŋ o̍ tākpāa̍ le̍ ya̍ Mɛ̄lɛ̄ka̍ dīōmndo̍ nyūnāa̍ wo̍. Kōla̍ nya̍ tōōsi̍a̍a̍ dōmā bi̍ŋgī wānā so̍līāā lāsa̍lāa̍, ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ ko̍o̍līi̍ye̍, a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ yo̍, a̍ kōlā pi᷅lɛ̍ kōŋ nya̍ nɔ̄ ni̍ mī lā tōōsi̍a̍a̍ nyɔ̄ɔ̍ ho̍ō. 16Ndu̍yɛ̍ nyɔ̄ɔ̍ ho̍ō, bānde̍i̍ ni̍, bu̍o̍o̍ ni̍ nyɛ̄ pīlɛ̍ kpe̍ o̍ nɔ̍ ni̍ mbō wa̍. Bāndēi̍ i̍ŋchi̍sīi̍la̍ŋ lā ŋɔ̄ma̍hīɔ̍ɔ̍lu̍, bu̍o̍o̍ bɛ̍ɛ̍ le̍nde̍ ko̍ni̍. Ndu̍yɛ̍, nyɔ̄ɔ̍ ho̍ō, ō nɔ̄ mbō wa̍ ō tūwāā tɛ̍ɛ̄ŋ. 17Ndu̍yɛ̍, lā nɔ̄ mī lā hōli̍ pōūtā ba̍ā kālāla̍ŋ o̍ nyɔ̄ɔ̍ ho̍ō pūla᷄ŋ mā hīɔ̍ɔ̍lu̍. Pōūta̍ nɔ̍ mī lā wa̍ o̍ pūlāle̍ tāse̍le̍ŋ nda̍ŋ la̍ cho̍ la᷅ŋ ni̍. Lɔ̍bī, a̍ to̍pa̍sī, a̍ ka̍nɛ̍ɛ̍tī. 18La̍ nɔ̍ mī lā wa̍ o̍ pūlāle̍ di̍i̍ŋ ndɔ̄le̍ŋ nda̍ŋ la̍ cho̍ la᷅ŋ ni̍. Ɛ̄mɔ̄lu̍a̍dī, a̍ sāfa̍lūɛ̄, a̍ da̍a̍mɔ̄ŋnde̍. 19La̍ nɔ̍ mī lā wa᷄ o̍ pūlāle̍ ya̍a̍ ndɔ̄le̍ŋ nda̍ŋ la̍ cho̍ la᷅ŋ ni̍. Tɔ̍ku̍ɛ̍sī, a̍ a̍ke̍tī, a̍ a̍mɛ̍ti̍sī. 20La̍ nɔ̍ mī lā wa̍ o̍ pūlāle̍ hi̍ɔ̍ɔ̍lu̍le̍ŋ nda̍ŋ, la̍ cho̍ la᷅ŋ ni̍. Bɛ̍lu̍i̍ī, a̍ kāni̍līāŋ, a̍ cha̍si̍pā. Nyɛ̄ nya̍ chō ko̍ŋ to̍o̍sīāā a̍ tɛ̄ɛ̄ŋgūla̍ŋ mī lā wōu̍ pōūtā tɔ̍ a̍ lā tīɔ̍ɔ̍ŋndā lāŋ lēni᷄ŋ ndo̍, ō nɔ̄ mbō wa᷄ ō bɛ̄ɛ̄ndīa̍a̍ a̍ ko̍o̍līi̍ye̍. 21Pōūtā tɔ̍ a̍ lā ti̍ɔ̍ɔ̍ŋnda̍ŋ nda᷅ŋ, la̍ŋ la̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. Yu̍ŋgu̍ o̍ yu̍ŋgu̍ dīōlā ndɔ̄la̍ŋ lā nɔ̄ mī lā wa̍ lā pōōnyīāā o̍ pōūwo̍ ō pīlɛ̍ chōo̍. Mɛ̄ɛ̍ wānāa̍ cha̍ā nyɔ̍ɔ̍ŋ tōōsīāā ā lābā wa̍ ā tūūlīāā nu̍a̍ā nyɔ̄ɔ̍ o̍ ta̍mbūe̍i̍yo̍ chōo̍ yɛ̍, le̍nde̍ dīōla̍ŋ nda᷅ŋ lā nɔ̄ ni̍ mī lā wa̍ lā tūūlīāā o̍ pōūta̍ŋ nda᷅ŋ chōo̍. 22Ndu̍yɛ̍, lā nɔ̄ mī lā tōōsi̍a̍a̍ yɔ̄lɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍ māā yōōlē kpēēndāā, le̍ bāa̍ o̍ nyɛ̄ wānā so̍līāā lāsa̍lāa̍ ō yīīnūŋ o̍ tākpāa̍ wo̍. 23Ndu̍yɛ̍, mī lā tōōsi̍a̍a̍ kēla̍ŋ ŋ̄ko̍o̍līi̍yo̍ŋ ŋ̄ mūu̍ŋ, mī lā yīi̍ mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ o̍ tākpāa̍ wo̍ kpēŋgo᷄ŋ vēllāa̍ vēllē mālūāŋ, le̍ yūēī lāchōŋgu̍e̍i̍ bāa̍. 24O̍ ko̍ŋ kɔ̍ɔ̍lī, mī lā bāa̍ yɔ̄lɔ᷄ŋ ŋ̄ko̍o̍līi̍ŋ nya̍ tōōsi̍a̍a̍ wo̍ŋ o̍ kēla̍ŋ mu̍ŋ le̍ wāa̍ māā yūēī lāchōŋgu̍. 25O̍ ko̍ŋ kɔ̍ɔ̍lī, mī lā chūa̍ yɔ̄lɔ̄ŋ mu̍ŋ mī lā bāa̍ mu̍ŋ o̍ kēla᷄ŋ cho̍ o̍ dōmā bi̍ŋgī wānā so̍līāā lāsa̍lāa̍ chōŋgūla̍ŋ ndo̍ŋ vēllāa̍ vēllē. 26Ndu̍yɛ̍, mī lā tōōsi̍a̍a̍ vɛ̄lɛ̄ kēla̍ŋ ŋ̄ mūu̍ŋ a̍ ko̍o̍līi̍ye̍, mī lā wōu̍ mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ le̍ ya̍ Mɛ̍lɛ̄ka̍ dīōmndo̍ nyūnāa̍ wo̍, o̍ kpēŋgo᷄ŋ lēbɛ̄ŋgu̍ vēlāa̍ vēllē. Dōmā bi̍ŋgī wānā so̍līāā lāsa̍lāa̍ o̍ nɔ̄ mbō wōūnu̍ŋ ndo̍, o̍ dōmā ko̍ŋ chōo̍ kēla̍ŋ mu᷅ŋ nɔ̄ ni̍ mī ŋ̄ hīni̍. 27O̍ ko̍ŋ kɔ̍ɔ̍lī, mī lā tōōsi̍a̍a̍ kēla̍ŋ ŋ̄ mūu̍ŋ a̍ ko̍o̍līi̍ye̍, mī lā bāa̍ mu̍ŋ o̍ dōmā bi̍ŋgī wānā so̍līāā lāsa̍lāa̍ kpēŋgo᷄ŋ vēllāa̍ vēllē lēbɛ̄ŋgu̍, o̍ kōlā i̍pɛ̍ŋgɛ̍ cho̍ ō tōōsīāā a̍ fūŋi̍i̍ yɛ̍ yɛ̍i̍ le̍ kānda᷄ŋndo̍ o̍ dōmāa̍ chōo̍ wo̍ chōo̍. 28O̍ ko̍ŋ kɔ̍ɔ̍lī, lā nɔ̄ mī lā tōōsi̍a̍a̍ yōōlē būli̍īle̍ŋ, mī lā mɔ̄sɔ̍ŋa̍ dōmā bi̍ŋgī kōŋ yīī a̍ nyɛ̍ cho̍ ho̍ō o̍ dōmāa̍ ho̍ō tākpāa̍ wo̍ lātūlu̍, le̍ mbō bīī nyɛ̄ kɛ̄ndɛ̍ī. Lā bāa̍ pɛ̍ yūe̍i̍ o̍ kēla̍ŋ cho̍ o̍ dōmāa̍ ho̍ō kpēŋgo᷄ŋ vēllāa̍ vēllē wo̍ŋ, lā yīi̍ yūēī kēŋ o̍ kēla̍ŋ cho̍ o̍ nyɛ̍ cho̍ o̍ tākpāa̍ wo̍ŋ vēlāa̍ vēllē, o̍ ko̍ŋ, mī nyɛ̄ kōŋ ō cha᷄l o̍ kōlā i̍pɛ̍ŋgɛ̍ o̍ ka̍nda̍ŋ o̍ dōmāa̍ chōo̍ wo̍ chōo̍.
29“Pōūta̍ cho̍ la̍ dūāūwāā o̍ nyɛ̍ cho̍ ko̍ŋ o̍ tākpāa̍ mi̍ dīōlā yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̍i̍ la̍ wa᷅ lēchōo̍, mbo̍ wā ō yīyāā a̍ dōma̍ wānāā sōlīāā lāsa̍lāa̍ lātūlu̍ wo̍, le̍ te̍le̍ŋ o̍ te̍le̍ŋ, tē E̍lɔ̄ŋ o̍ wa̍ lūɛ̄īyɔ̄ɔ̍ o̍ fo̍ndāŋ nī kāsīo̍o̍ pɛ̍, ō nɔ̄ mbō wōōnu̍ŋ do᷅mā ko̍ŋ ā dīōlā lāŋ lā tūūlīāā lēchōo̍. Mɛ̄ɛ̍ o̍ nɛ̄īyo̍ ho̍ō ni᷄ŋ, tē I̍ che᷅ dōmā ko̍ŋ ndu̍ lēkɔ̄ɔ̍ pɛ̍ a̍ dīōlā lāŋ, ya̍ Mɛ̄lɛ̄ka̍ Ya̍a̍wɛ̄ɛ̄, I̍ lo̍o̍nu̍ŋ a̍ wāŋndā I̍sɔ̄lūɛ̄ī. 30Ndu̍yɛ̍, lā nɔ̄ vɛ̄lɛ̄ mī lā hāndu̍ Yu̍lūīm a̍ Tu̍mīm#28:30 Yu̍lūīm a̍ Tu̍mīm: Nyɛ̄m sālā tīɔ̍ɔ̍ŋ ndo̍ŋ mu᷅ŋ, mu̍ŋ wānāā sōlīāā lāsa̍lāa̍ nda̍ a̍a̍ so̍līŋ kpe̍ku̍ ni̍ le̍ Mɛ̄lɛ̄ka̍ dīōmndo̍ nyūnāa̍. Kɛ̍ nyɔ̄ɔ̍ŋ mu᷅ŋ wānā si̍nā mɛ̄ɛ̍ nda̍ a̍a̍ to̍sā a̍ mu̍ŋ le̍ Mɛ̄lɛ̄ka̍ dīōmndo̍ nyūnāa̍ yɛ̍ le̍. o̍ nyɛ̄ wānā so̍līāā lāsa̍lāa̍ ō nɔ̄ mbō yīīnu̍ŋ o̍ tākpāa̍ le̍ ya̍ dīōmndo̍ nyūnāa̍ wo̍. Mɛ̄ɛ̍ o̍ nɛ̄īyo̍ ho̍ō ni᷄ŋ, le̍ te̍le̍ŋ o̍ te̍le̍ŋ tē E̍lɔ̄ŋ o̍ lu̍ɛ̍ī o̍ fo̍ndā ni̍ kāsīo̍o̍ pɛ̍, nyɛ̄la̍ŋ nda᷅ŋ lā nɔ̄ mī lā wa᷄ ndu̍ o̍ tākpā, o̍ kɔ̄llo̍. Ko̍ŋ to̍sā ni̍, le̍ te̍le̍ŋ o̍ te̍le̍ŋ tē ō yēēma̍ ya̍ dīōmndo̍ nyūnāa̍ le̍ sīnāa̍ nyɛ̄ ya̍ I̍ ye̍e̍ma̍ mī wāŋnda̍ I̍sɔ̄lūɛ̄ī a̍ to̍sa̍ wo̍ pɛ̍, ō nyūna̍ ya̍ dīōm.”
A̍ mɛ̄ɛ̍ nda̍ nɔ̄ mā tōōsi̍a̍a̍ dōmāla̍ wānāā sōlīāā lāsa̍lāa̍ lā pīlɛ̍ la̍ŋ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 39:22-31)
31Mi̍ Mɛ̄lɛ̄ka̍ hīāū lāchī a̍ sūɛ̍i̍, mbo̍ dīmūl Mūu̍sē āā, “Lā nɔ̄ mī lā tōōsi̍a̍a̍ dōmā vi̍lɛ̍i̍yo̍ o̍ nɔ̍ mbō wa᷄ o̍ dōmā bi̍ŋgī wānā so̍līāā lāsa̍lāa̍ bɛ̄ŋgu̍ wo̍. Dōmāa̍ ho̍ō, a̍ kōla̍ cho̍ ō lūāā a̍ fūŋnde̍ būli̍īle̍ŋ kpo̍u̍ wo̍ o̍ nɔ̍ ni̍ mbō wa̍ ō tōōsīāā. 32Dōmāa̍ ho̍ō, ā nɔ̄ mā hɔ̄ū ndu̍ ō bo̍lōla̍ŋ chɛ̍ chɛ̍ yɔ̄ŋi̍ o̍ sɛ̍ɛ̍sa̍. 33O̍ ko̍ŋ kɔ̍ɔ̍lī, lā nɔ̄ mī lā tōōsi̍a̍a̍ kōmɔ̄ɔ̄ pɔ̄mɛ̄ki̍la̍ne̍tīi̍yo̍ a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, mī lā bāāyi̍a̍a̍ ndi̍ o̍ dōmāa̍ ho̍ō lēbɛ̄ŋgu̍ chɛ̍ chɛ̍. O̍ ko̍ŋ kɔ̍ɔ̍lī, mī lā tōōsi̍a̍a̍ ba̍mbāŋ pɔ̄mbɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍, mī lā bāāyi̍a̍a̍ mu̍ŋ o̍ dōmāa̍ ho̍ō bālɔ̄ɔ̍ lēbɛ̄ŋgu̍ chɛ̍ chɛ̍. 34Tē lā bāa̍ pɛ̍ ko̍mɔ̄ɔ̄ pɔ̄mɛ̄ki̍la̍ne̍tīi̍yo̍ ō pīlɛ̍, lā bāa̍ ba̍mbɛ̄i̍ īko̍o̍līi̍ye̍ ī pīlɛ̍. Le̍nde̍ nya̍ nɔ̄ ni̍ mī lā kūɛ̄ a̍ la̍ŋ bāāyīa̍a̍. 35Dōmāa̍ ho̍ō E̍lɔ̄ŋ nɔ̍ ni̍ mbō wōōnu̍ŋ le̍ wa̍llo̍ tōsāa̍ ya̍ Mɛ̍lɛ̄ka̍ Ya̍a̍wɛ̄ɛ̄ o̍ hɔ̄l māā wānā so̍līāā lāsa̍lā. Le̍ te̍le̍ŋ o̍ te̍le̍ŋ, tē o̍ wa̍ pɛ̍ lūɛ̄īyɔ̄ɔ̍ o̍ fo̍ndāŋ ni̍ kāsīo̍o̍, kɛ̄lɛ̄ŋgāā mbō wa᷄ fūlāa̍, ba̍mba᷄ŋ mu᷅ŋ ŋ̄ nɔ̄ mī ŋ̄ wa᷄ sūɛ̍i̍, ko̍ŋ to̍sā ni̍ ō sɔ̍lā pi̍ɔ̍m te̍.
36“O̍ ko̍ŋ kɔ̍ɔ̍lī, lā nɔ̄ mī lā tōōsi̍a̍a̍ nyɔ̄ɔ̍ fɛ̍ɛ̍dɛ̄ɛ̄ a̍ ko̍o̍līi̍ kɛ̍ndɛ̄ kɛ̍ndɛ̄i̍. Ma̍ kīŋī kīŋī pōōnyi̍a̍a̍ lēchōo̍ mɛ̄ɛ̍ nda̍ kīŋī kīŋī nu̍a̍ā pōōnyi̍a̍a̍ o̍ ta̍mbūe̍i̍yo̍ chōo̍ yɛ̍ āā, ‘Wāna̍ cho̍ ō yɔ̄ŋga᷄ŋ le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍.’ 37Ndu̍yɛ̍, lā nɔ̄ mī lā tōōsi̍a̍a̍ yōōlē būli̍īle̍ŋ, mī lā bāa̍ o̍ nyɛ̄ kōŋ mī lā yīi̍ o̍ mɔ̍si̍l vi̍lɛ̄ī ō nɔ̍ mbō wōūnu̍ŋndo̍ lāchī. 38Mɛ̄ɛ̍ le̍ te̍le̍ŋ o̍ te̍le̍ŋ, tē E̍lɔ̄ŋ wo̍u̍nu̍ŋ mɔ̍si̍l vi̍lɛ̄īyo̍ ho̍ō pɛ̍, nyɛ̄ fɛ̄ɛ̄dɛ̄ɛ̄ kōŋ, ō nɔ̄ mbō wa᷄ ndu̍ o̍ ītēndu̍. Mɛ̄ɛ̍ o̍ nɛ̄īyo̍ ho̍ō ni᷄ŋ, ā yɔ᷄ŋ bɛ̍ɛ̍ mī wāŋnda̍ I̍sɔ̄lūɛ̄ī a̍ to̍sa̍ yɔ̄ŋ wɔ̄ɔ̍ŋndo̍ o̍ sa̍lāla̍ŋ sōlīo̍o̍ ni᷄ŋ, yɔ̄ŋ wɔ̄ɔ̍ŋ kōŋ o̍ wa᷅ ko̍ŋ si̍i̍lɔ᷄ŋndo̍ ni̍. Ko̍ŋ to̍sā ni̍ mī ya̍ Mɛ̄lɛ̄ka̍ Ya̍a̍wɛ̄ɛ̄, I̍ chɛ̍l sa̍lālā nyāla̍ŋ.
39“Dōmā vi̍lɛ̄ī nya̍ nɔ̄ mī lā tōōsi̍a̍a̍ le̍ E̍lɔ̄ŋ ndo̍ ni̍, mɔ̍si̍l vi̍lɛ̄ī o̍ nɔ̍ le̍ wōōnɔ᷄ŋndo̍ wo̍ ni̍, a̍ kōlāla̍ kɛ̍ndɛ̄ kɛ̍ndɛ̄ la̍ŋ la̍ nɔ̍ ni̍ mī lā wa̍ lā tōōsīāā. Ndu̍yɛ̍, kōlā i̍pɛ̍ŋgɛ̍ nya̍ nɔ̄ mī lā tōōsi̍a̍a̍ le̍ mbō kānda̍ŋ o̍ chāŋ ndo̍ bɛ̍ɛ̍, ō nɔ̄ mbō wa᷄ ō hūāūwāā lēchōo̍ nyɛ̍ kɛ̄ndɛ̄ kɛ̍ndɛ̄.
40“Ndu̍yɛ̍ le̍ pūa̍a̍ E̍lɔ̄ŋ nda̍, lā nɔ̄ vɛ̄lɛ̄ mī lā tōōsi̍a̍a̍ dōmāla̍ vīlɛ̄īla̍ŋ, a̍ kōlāla̍ i̍pɛ̍ŋgɛ̍la̍ŋ le̍ kānda᷄ŋndo̍ o̍ chāŋ, a̍ mɔ̍si̍lta̍ŋ le̍ mā wōūnu̍ŋ mā sɔ̄la̍ bɛ̄ɛ̄le̍ŋ a̍ hɔ̍ɔ̍ya̍le̍ŋ. 41Ndu̍yɛ̍ mī lā wōu̍ E̍lɔ̄ŋ bɛ̍nūm nda̍ pūa̍a̍ ndūa̍a̍ nyɛ̄lā nya̍ cho̍ la᷅ŋ tōōsīāā la̍ŋ. Mī lā tāla̍ nda̍ chūɛ̄īmā ɔ̄li̍fīi̍ya̍ŋ o̍ lēbōl, mī lā tōsa̍ mā wa᷄ wānāā kāsī, ndu̍yɛ̍ mā wa᷄ ā hɛ̄līāā le̍ wa̍llo̍ tōsāa̍ māā wānāā sōlīāā lāsa̍lā. 42Ndu̍yɛ̍, mī lā tōōsi̍a̍a̍ lɛ̄mbɛ̄lā bīŋgīla̍ŋ, mɛ̄ɛ̄lōo̍ o̍ wūla̍ŋ ki̍nɛ̍i̍, le̍ E̍lɔ̄ŋ nda̍ pūa̍a̍ ndūa̍a̍ mā wōūnu̍ŋ mā kūmbū lābɛ̄ŋgu̍ni̍ŋnda̍ ndāla̍ŋ. 43Le̍ te̍le̍ŋ o̍ te̍le̍ŋ tē E̍lɔ̄ŋ nda̍ pūa̍a̍ ndūa̍a̍ ā wa᷄ lūɛ̄īyɔ̄ɔ̍ o̍ tɛ̍ndīi̍ nu̍u̍ ni᷄ŋ pɛ̍, kɛ̄lɛ̄ŋgāā mā wa᷄ kɔ̄la̍ŋ sa̍lāla̍ŋ sōlīo̍o̍ o̍ ma̍āŋndo̍ o̍ fo̍ndāŋ kāsīo̍o̍, ā nɔ̄ mā wōōnu̍ŋ lɛ̍mbɛ̄la̍ŋ nda᷅ŋ. Tē ā tōsa̍ le̍nde̍ le̍, mɛ̄ɛ̍ ā tɛ̄ɛ̄mbu̍u̍ sāwāa̍, o̍ ko̍ŋ mā sɔ̄la̍ pīɔ̍mndo̍. E̍lɔ̄ŋ ni̍, a̍ wānā o̍ wānā fu̍lā ni̍ŋ o̍ yūŋgu̍ ndɔ̄ɔ̍ chōo̍, sāwa̍ cho̍ le̍ nda̍ le̍ fɛ̍ɛ̍ŋ a̍ fɛ̍ɛ̍ŋ ndo̍ cho̍ ko̍ŋ ni̍.”
Currently Selected:
Ɛ̍sɔ̍dɔ̍ɔ̄ 28: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 28
28
A̍ mɛ̄ɛ̍ nda̍ nɔ̄ mā tōōsi̍a̍a̍ dōmāla̍ wānā so̍līāā lāsa̍lāa̍ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 39:1-7)
1Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍, mbo̍ dīmūl ndu̍ āā, “Di̍mu̍l E̍lɔ̄ŋ bɛ̍ nūm mbō hīŋ lātūlu̍ nda̍ pūa̍a̍ ndūa̍a̍ nda̍ yɔ̍nūŋ ni̍ māā Na̍da̍bī, a̍ Ābi̍hū, a̍ Ɛ̄li̍a̍a̍sā, a̍ I̍ta̍māā. Wāŋnda̍ I̍sɔ̄lūɛ̄ī tɛ̍ɛ̄ŋ kpo̍u̍, nda̍ nɔ̍ ni̍ mā wa᷄ ā hɛ̄līāā le̍ mā sāāŋgi̍a̍l la̍ māā wānāā nīāā so̍līāā lāsa̍lā. 2Ndu̍yɛ̍ mā to̍o̍si̍a̍a̍ dōmāla̍ kāsīla̍ŋ, dōmāla̍ wānāā sōlīāā lāsa̍lāa̍ ā wōōnūŋ nda̍ŋ, le̍ E̍lɔ̄ŋ bɛ̍ nūm, le̍ mbō sɔ̄la̍ bɛ̄ɛ̄le̍ŋ ta̍u̍ ta̍u̍, a̍ hɔ̍ɔ̍ya̍le̍ŋ. 3Di̍mu̍l wa̍nāa̍ cha̍ā nyɔ̍ɔ̍ tōōsīāā bɛ̄ndōo̍ a̍ lā bā wa̍, ā ya̍ ke̍ tāāsi̍o̍o̍ le̍ wa̍lta̍ wa̍ā le̍nde̍ la̍ŋ tōsāa̍ wa̍ mā tōōsi̍a̍l E̍lɔ̄ŋ dōmāla̍ŋ nda᷅ŋ. Dōmāla̍ŋ nda᷅ŋ, la̍ŋ E̍lɔ̄ŋ nɔ̍ ni̍ mbō wa̍ wōūnɔ᷄ŋndo̍, mbo̍ wa̍ ō hɛ̄līāā māā wāna̍ ni̍ so̍līāā lāsa̍lā. 4Dōmāla̍ŋ nda᷅ŋ, mɛ̄ɛ̍ la̍ nɔ̍ mī lā wa̍ lā tōōsīāā yɛ̍ cho̍ ho̍ō ni̍. Ā nɔ̄ mā tōōsi̍a̍a̍ nyɛ̍ nɔ̍ mbō wa̍ o̍ dōma̍ wāna̍ so̍lī sa̍lāa̍ tākpāa̍ le̍ Mɛ̄lɛ̄ka̍ dīōmndo̍ nyūnāa̍ wo̍, a̍ dōmā bi̍ŋgī wānā so̍līāā lāsa̍lāa̍, a̍ dōmā vi̍lɛ̄īyo̍, a̍ dōmā kɛ̍ndɛ̄ kɛ̍ndɛ̄ nɔ̍ nyɛ̄m kɛ̄ndɛ̄ kɛ̍ndɔ᷄ŋ ŋ̄ hūāūwāā lēchōo̍ a̍ fūŋi̍i̍ yɛ̍ yɛ̍i̍ yo̍, a̍ mɔ̍si̍l vi̍lɛ̄īyo̍, a̍ kōlā i̍pɛ̍ŋgɔ̍ɔ̍ le̍ kānda᷄ŋndo̍ o̍ chāŋ. E̍lɔ̄ŋ bɛ̍ nūm ni̍, pūa̍a̍ ndūa̍a̍ ni̍, la̍ŋ nda̍ chō wā wōūnɔ᷄ŋndo̍ ni̍, le̍ wa̍li̍ nu̍u̍ tōsāa̍ māā wānāā nīāā so̍līāā lāsa̍lā. 5Ndu̍yɛ̍ nyɛ̄la̍ŋ nda᷅ŋ, wānāa̍ cha̍ā nyɛ̍ a̍ lābā ma̍ nɔ̄ tāāsi̍o̍o̍ wa̍, ā nɔ̄ mā tōōsi̍a̍a̍ la̍ŋ a̍ kōlāla̍ kɛ̍ndɛ̄ kɛ̍ndɛ̄la̍ cho̍ lā tōōsīāā a̍ fūŋi̍i̍ kpe̍e̍ndɛ̄i̍ la̍ŋ, mā kēēku̍ fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ ko̍o̍līi̍ye̍, a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍.
6“Mɛ̄ɛ̍ nda̍ nɔ̄ mā tōōsi̍a̍a̍ dōmā bi̍ŋgī wānā sōlīāā lāsa̍lāa̍ yɛ̍ cho̍ ho̍ō ni̍. Dōmāa̍ ho̍ō, ō nɔ̄ mbō wa̍ ō tōōsīāā a̍ kōlā kɛ̍ndɛ̄ kɛ̍ndɛ̍ cho̍ ō tōōsīāā a̍ fūŋi̍i̍ kpe̍e̍ndɛ̄i̍ yo̍, ndu̍yɛ̍ mā kēēku̍ fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, a̍ fūŋi̍i̍ ko̍o̍līi̍ye̍. Ndu̍yɛ̍ dōmāa̍ ho̍ō nyɛ̄m kɛ̄ndɛ̄ kɛ̄ndɔ᷄ŋ ŋ̄ nɔ̄ mī ŋ̄ wa᷄ ŋ̄ hūāūwāā lēchōo̍. 7O̍ ko̍ŋ kɔ̍ɔ̍lī, dōmāa̍ ho̍ō, ō nɔ̄ mbō nɔ̄ yūe̍i̍ i̍ ŋīi̍ŋ ŋi̍i̍ŋ o̍ chōŋgu̍la̍ŋ vēllāa̍ vēllē, le̍ ndu̍ yīīyo̍ o̍ chōŋgu̍la̍ŋ. 8Ndu̍yɛ̍, ā nɔ̄ mā tōōsi̍a̍a̍ kōlā i̍pɛ̍ŋgɔ̍ɔ̍ a̍ kōla̍ nda̍ chō ko̍ŋ to̍o̍sīāā a̍ fūŋi̍i̍ yɛ̍ yɛ̍i̍ mā tōōsi̍a̍a̍ dōmāa̍ ho̍ō a̍ ndu̍ wo̍, mā bāa̍ o̍ dōmāa̍ ho̍ō kpēŋgo᷄ŋ vēllāa̍ vēllē le̍ kānda᷄ŋndo̍ o̍ dōmāa̍ ho̍ō chōo̍. 9O̍ ko̍ŋ kɔ̄ɔ̄lī, ā nɔ̄ mā bɛ̄ɛ̄ndi̍a̍a̍ pōūtā ɔ̍nɛ̍sī la̍ŋ lā tīɔ̍ɔ̍ŋ. Pōūta̍ŋ nda᷅ŋ ā nɔ̄ mā tūūli̍a̍a̍ dīōlā pūa̍a̍ tɔ̍ a̍ ā ŋīɔ̍ɔ̍ŋnda̍ I̍sɔ̄lūɛ̄ī le̍cho̍o̍. 10Pōūta̍ŋ nda᷅ŋ, pōū o̍ pōū dīōla̍ŋ lā nɔ̄ mī lā wa᷄ lā tūūlīāā lēchōo̍ la̍ ŋɔ᷄mpu᷅m. Ndu̍yɛ̍ dīōla̍ŋ nda᷅ŋ, tē a̍ wa᷄ la̍ŋ pōōnyi̍a̍a̍ o̍ pōūta̍ŋ nda᷅ŋ chōo̍ pɛ̍, ā nɔ̄ mā pōōnyi̍a̍a̍ la̍ŋ mɛ̄ɛ̍ pūa̍a̍ tɔ̍ a̍ ā ŋīɔ̍ɔ̍ŋnda̍ ha̍ā ā vēlu᷄ŋ yɛ̍, kāndɔ᷄ŋndo̍ a̍ ka̍a̍so̍ŋnɔ̍ɔ̍ mā mɛ̄ɛ̄lu̍ a̍ chūāāmbɔ̄ɔ̍. 11Dīōla̍ŋ nda᷅ŋ, lā nɔ̄ mī lā wa᷄ lā tūūlīāā o̍ pōūtā tīɔ̍ɔ̍ŋndā la̍ŋ chōo̍, mɛ̄ɛ̍ wānāa̍ cha̍ā nyɔ̍ɔ̍ŋ tōōsīa̍a̍ a̍ lābā wa̍ ā tūūlīāā nu̍a̍ā nyɔ̄ɔ̍ o̍ ta̍mbūe̍i̍yo̍ yɛ̍. O̍ ko̍ŋ kɔ̍ɔ̍lī, ā nɔ̄ mā to̍o̍si̍a̍a̍ nyɛ̄la̍ŋ a̍ ko̍o̍līi̍ye̍ mā wōu̍ pōūta̍ŋ nda᷅ŋ lēni᷄ŋ mī lā bīī nyɛ̄ kɛ̄ndɛ̄ kpi̍ŋ. 12O̍ ko̍ŋ, mā chūa̍ pōūta̍ŋ nda᷅ŋ, mā ho᷄l la̍ŋ o̍ dōmāa̍ ho̍ō yūēī ndūɛ̍i̍ lāchōŋgu̍e̍i̍ vēllāa̍ vēllē, kpēŋgēi̍ he̍ī ō pīlɛ̍, kpēŋgēi̍ he̍ī ō pīlɛ̍, le̍ mī lā wa̍ lo̍ŋ māā nyɛ̄ lōōna᷄ŋ. Pōūta̍ŋ nda᷅ŋ la̍ŋ la̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. Mɛ̄ɛ̍ o̍ he̍ī ni᷄ŋ, te̍le̍ŋ o̍ te̍le̍ŋ tē E̍lɔ̄ŋ o̍ wo̍u̍nu̍ŋ do᷅māa̍ ho̍ō le̍ wa̍llo̍ tōsāa̍ ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l pɛ̍, I̍ lo̍o̍nu̍ŋ a̍ wānāā nīa̍a̍ I̍sɔ̄lūɛ̄ī. 13Ā nɔ̄ mā tōōsi̍a̍a̍ nyɛ̄la̍ŋ lā tīɔ̍ɔ̍ŋ a̍ ko̍o̍līi̍ye̍ le̍ pōūta̍ŋ nda᷅ŋ lūēīyo̍ lēni᷄ŋ. 14Ndu̍yɛ̍, mī lā tōōsi̍a̍a̍ yɔ̄lɔ᷄ŋ sālā tīɔ̍ɔ̍ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍ māā yūēī kpēēndāā, mī lā bāa̍ yɔ̄lɔ̄ŋ mu̍ŋ o̍ nyɛ̄lā tīɔ̍ɔ̍ŋndā lāŋ.”
A̍ nyɛ̄ wānāa̍ sōlīāā lāsa̍lāa̍ yīīnūŋ o̍ tākpāa̍ wo̍ o̍kɔ̄ɔ̄
(Ɛ̍sɔ̍dɔ̍ɔ̄ 39:8-21)
15Mi̍ Mɛ̄lɛ̄ka̍ hīāū lāchī a̍ sūɛ̍i̍, mbo̍ dīmī āā, “Lā nɔ̄ mī lā tōōsi̍a̍a̍ nyɛ̄ wānā so̍līāā lāsa̍lāa̍ ō yīīnūŋ o̍ tākpāa̍ le̍ ya̍ Mɛ̄lɛ̄ka̍ dīōmndo̍ nyūnāa̍ wo̍. Kōla̍ nya̍ tōōsi̍a̍a̍ dōmā bi̍ŋgī wānā so̍līāā lāsa̍lāa̍, ō tōōsīāā a̍ fūŋi̍i̍ kpe̍e̍ndɛ̄i̍, ma̍ kēēkū fūŋi̍i̍ yɛ̍ yɛ̍i̍ lēni᷄ŋ, fūŋi̍i̍ ko̍o̍līi̍ye̍, a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍ yo̍, a̍ kōlā pi᷅lɛ̍ kōŋ nya̍ nɔ̄ ni̍ mī lā tōōsi̍a̍a̍ nyɔ̄ɔ̍ ho̍ō. 16Ndu̍yɛ̍ nyɔ̄ɔ̍ ho̍ō, bānde̍i̍ ni̍, bu̍o̍o̍ ni̍ nyɛ̄ pīlɛ̍ kpe̍ o̍ nɔ̍ ni̍ mbō wa̍. Bāndēi̍ i̍ŋchi̍sīi̍la̍ŋ lā ŋɔ̄ma̍hīɔ̍ɔ̍lu̍, bu̍o̍o̍ bɛ̍ɛ̍ le̍nde̍ ko̍ni̍. Ndu̍yɛ̍, nyɔ̄ɔ̍ ho̍ō, ō nɔ̄ mbō wa̍ ō tūwāā tɛ̍ɛ̄ŋ. 17Ndu̍yɛ̍, lā nɔ̄ mī lā hōli̍ pōūtā ba̍ā kālāla̍ŋ o̍ nyɔ̄ɔ̍ ho̍ō pūla᷄ŋ mā hīɔ̍ɔ̍lu̍. Pōūta̍ nɔ̍ mī lā wa̍ o̍ pūlāle̍ tāse̍le̍ŋ nda̍ŋ la̍ cho̍ la᷅ŋ ni̍. Lɔ̍bī, a̍ to̍pa̍sī, a̍ ka̍nɛ̍ɛ̍tī. 18La̍ nɔ̍ mī lā wa̍ o̍ pūlāle̍ di̍i̍ŋ ndɔ̄le̍ŋ nda̍ŋ la̍ cho̍ la᷅ŋ ni̍. Ɛ̄mɔ̄lu̍a̍dī, a̍ sāfa̍lūɛ̄, a̍ da̍a̍mɔ̄ŋnde̍. 19La̍ nɔ̍ mī lā wa᷄ o̍ pūlāle̍ ya̍a̍ ndɔ̄le̍ŋ nda̍ŋ la̍ cho̍ la᷅ŋ ni̍. Tɔ̍ku̍ɛ̍sī, a̍ a̍ke̍tī, a̍ a̍mɛ̍ti̍sī. 20La̍ nɔ̍ mī lā wa̍ o̍ pūlāle̍ hi̍ɔ̍ɔ̍lu̍le̍ŋ nda̍ŋ, la̍ cho̍ la᷅ŋ ni̍. Bɛ̍lu̍i̍ī, a̍ kāni̍līāŋ, a̍ cha̍si̍pā. Nyɛ̄ nya̍ chō ko̍ŋ to̍o̍sīāā a̍ tɛ̄ɛ̄ŋgūla̍ŋ mī lā wōu̍ pōūtā tɔ̍ a̍ lā tīɔ̍ɔ̍ŋndā lāŋ lēni᷄ŋ ndo̍, ō nɔ̄ mbō wa᷄ ō bɛ̄ɛ̄ndīa̍a̍ a̍ ko̍o̍līi̍ye̍. 21Pōūtā tɔ̍ a̍ lā ti̍ɔ̍ɔ̍ŋnda̍ŋ nda᷅ŋ, la̍ŋ la̍ si̍m le̍ yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̄ī ni̍. Yu̍ŋgu̍ o̍ yu̍ŋgu̍ dīōlā ndɔ̄la̍ŋ lā nɔ̄ mī lā wa̍ lā pōōnyīāā o̍ pōūwo̍ ō pīlɛ̍ chōo̍. Mɛ̄ɛ̍ wānāa̍ cha̍ā nyɔ̍ɔ̍ŋ tōōsīāā ā lābā wa̍ ā tūūlīāā nu̍a̍ā nyɔ̄ɔ̍ o̍ ta̍mbūe̍i̍yo̍ chōo̍ yɛ̍, le̍nde̍ dīōla̍ŋ nda᷅ŋ lā nɔ̄ ni̍ mī lā wa̍ lā tūūlīāā o̍ pōūta̍ŋ nda᷅ŋ chōo̍. 22Ndu̍yɛ̍, lā nɔ̄ mī lā tōōsi̍a̍a̍ yɔ̄lɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍ māā yōōlē kpēēndāā, le̍ bāa̍ o̍ nyɛ̄ wānā so̍līāā lāsa̍lāa̍ ō yīīnūŋ o̍ tākpāa̍ wo̍. 23Ndu̍yɛ̍, mī lā tōōsi̍a̍a̍ kēla̍ŋ ŋ̄ko̍o̍līi̍yo̍ŋ ŋ̄ mūu̍ŋ, mī lā yīi̍ mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ o̍ tākpāa̍ wo̍ kpēŋgo᷄ŋ vēllāa̍ vēllē mālūāŋ, le̍ yūēī lāchōŋgu̍e̍i̍ bāa̍. 24O̍ ko̍ŋ kɔ̍ɔ̍lī, mī lā bāa̍ yɔ̄lɔ᷄ŋ ŋ̄ko̍o̍līi̍ŋ nya̍ tōōsi̍a̍a̍ wo̍ŋ o̍ kēla̍ŋ mu̍ŋ le̍ wāa̍ māā yūēī lāchōŋgu̍. 25O̍ ko̍ŋ kɔ̍ɔ̍lī, mī lā chūa̍ yɔ̄lɔ̄ŋ mu̍ŋ mī lā bāa̍ mu̍ŋ o̍ kēla᷄ŋ cho̍ o̍ dōmā bi̍ŋgī wānā so̍līāā lāsa̍lāa̍ chōŋgūla̍ŋ ndo̍ŋ vēllāa̍ vēllē. 26Ndu̍yɛ̍, mī lā tōōsi̍a̍a̍ vɛ̄lɛ̄ kēla̍ŋ ŋ̄ mūu̍ŋ a̍ ko̍o̍līi̍ye̍, mī lā wōu̍ mu̍ŋ o̍ nyɛ̄ wānā so̍līāā lāsa̍lāa̍ ō yīīnūŋ ko̍ŋ le̍ ya̍ Mɛ̍lɛ̄ka̍ dīōmndo̍ nyūnāa̍ wo̍, o̍ kpēŋgo᷄ŋ lēbɛ̄ŋgu̍ vēlāa̍ vēllē. Dōmā bi̍ŋgī wānā so̍līāā lāsa̍lāa̍ o̍ nɔ̄ mbō wōūnu̍ŋ ndo̍, o̍ dōmā ko̍ŋ chōo̍ kēla̍ŋ mu᷅ŋ nɔ̄ ni̍ mī ŋ̄ hīni̍. 27O̍ ko̍ŋ kɔ̍ɔ̍lī, mī lā tōōsi̍a̍a̍ kēla̍ŋ ŋ̄ mūu̍ŋ a̍ ko̍o̍līi̍ye̍, mī lā bāa̍ mu̍ŋ o̍ dōmā bi̍ŋgī wānā so̍līāā lāsa̍lāa̍ kpēŋgo᷄ŋ vēllāa̍ vēllē lēbɛ̄ŋgu̍, o̍ kōlā i̍pɛ̍ŋgɛ̍ cho̍ ō tōōsīāā a̍ fūŋi̍i̍ yɛ̍ yɛ̍i̍ le̍ kānda᷄ŋndo̍ o̍ dōmāa̍ chōo̍ wo̍ chōo̍. 28O̍ ko̍ŋ kɔ̍ɔ̍lī, lā nɔ̄ mī lā tōōsi̍a̍a̍ yōōlē būli̍īle̍ŋ, mī lā mɔ̄sɔ̍ŋa̍ dōmā bi̍ŋgī kōŋ yīī a̍ nyɛ̍ cho̍ ho̍ō o̍ dōmāa̍ ho̍ō tākpāa̍ wo̍ lātūlu̍, le̍ mbō bīī nyɛ̄ kɛ̄ndɛ̍ī. Lā bāa̍ pɛ̍ yūe̍i̍ o̍ kēla̍ŋ cho̍ o̍ dōmāa̍ ho̍ō kpēŋgo᷄ŋ vēllāa̍ vēllē wo̍ŋ, lā yīi̍ yūēī kēŋ o̍ kēla̍ŋ cho̍ o̍ nyɛ̍ cho̍ o̍ tākpāa̍ wo̍ŋ vēlāa̍ vēllē, o̍ ko̍ŋ, mī nyɛ̄ kōŋ ō cha᷄l o̍ kōlā i̍pɛ̍ŋgɛ̍ o̍ ka̍nda̍ŋ o̍ dōmāa̍ chōo̍ wo̍ chōo̍.
29“Pōūta̍ cho̍ la̍ dūāūwāā o̍ nyɛ̍ cho̍ ko̍ŋ o̍ tākpāa̍ mi̍ dīōlā yu̍ŋgu̍la̍ tɔ̍ a̍ lā tīɔ̍ɔ̍ŋnda̍ŋ I̍sɔ̄lūɛ̍i̍ la̍ wa᷅ lēchōo̍, mbo̍ wā ō yīyāā a̍ dōma̍ wānāā sōlīāā lāsa̍lāa̍ lātūlu̍ wo̍, le̍ te̍le̍ŋ o̍ te̍le̍ŋ, tē E̍lɔ̄ŋ o̍ wa̍ lūɛ̄īyɔ̄ɔ̍ o̍ fo̍ndāŋ nī kāsīo̍o̍ pɛ̍, ō nɔ̄ mbō wōōnu̍ŋ do᷅mā ko̍ŋ ā dīōlā lāŋ lā tūūlīāā lēchōo̍. Mɛ̄ɛ̍ o̍ nɛ̄īyo̍ ho̍ō ni᷄ŋ, tē I̍ che᷅ dōmā ko̍ŋ ndu̍ lēkɔ̄ɔ̍ pɛ̍ a̍ dīōlā lāŋ, ya̍ Mɛ̄lɛ̄ka̍ Ya̍a̍wɛ̄ɛ̄, I̍ lo̍o̍nu̍ŋ a̍ wāŋndā I̍sɔ̄lūɛ̄ī. 30Ndu̍yɛ̍, lā nɔ̄ vɛ̄lɛ̄ mī lā hāndu̍ Yu̍lūīm a̍ Tu̍mīm#28:30 Yu̍lūīm a̍ Tu̍mīm: Nyɛ̄m sālā tīɔ̍ɔ̍ŋ ndo̍ŋ mu᷅ŋ, mu̍ŋ wānāā sōlīāā lāsa̍lāa̍ nda̍ a̍a̍ so̍līŋ kpe̍ku̍ ni̍ le̍ Mɛ̄lɛ̄ka̍ dīōmndo̍ nyūnāa̍. Kɛ̍ nyɔ̄ɔ̍ŋ mu᷅ŋ wānā si̍nā mɛ̄ɛ̍ nda̍ a̍a̍ to̍sā a̍ mu̍ŋ le̍ Mɛ̄lɛ̄ka̍ dīōmndo̍ nyūnāa̍ yɛ̍ le̍. o̍ nyɛ̄ wānā so̍līāā lāsa̍lāa̍ ō nɔ̄ mbō yīīnu̍ŋ o̍ tākpāa̍ le̍ ya̍ dīōmndo̍ nyūnāa̍ wo̍. Mɛ̄ɛ̍ o̍ nɛ̄īyo̍ ho̍ō ni᷄ŋ, le̍ te̍le̍ŋ o̍ te̍le̍ŋ tē E̍lɔ̄ŋ o̍ lu̍ɛ̍ī o̍ fo̍ndā ni̍ kāsīo̍o̍ pɛ̍, nyɛ̄la̍ŋ nda᷅ŋ lā nɔ̄ mī lā wa᷄ ndu̍ o̍ tākpā, o̍ kɔ̄llo̍. Ko̍ŋ to̍sā ni̍, le̍ te̍le̍ŋ o̍ te̍le̍ŋ tē ō yēēma̍ ya̍ dīōmndo̍ nyūnāa̍ le̍ sīnāa̍ nyɛ̄ ya̍ I̍ ye̍e̍ma̍ mī wāŋnda̍ I̍sɔ̄lūɛ̄ī a̍ to̍sa̍ wo̍ pɛ̍, ō nyūna̍ ya̍ dīōm.”
A̍ mɛ̄ɛ̍ nda̍ nɔ̄ mā tōōsi̍a̍a̍ dōmāla̍ wānāā sōlīāā lāsa̍lāa̍ lā pīlɛ̍ la̍ŋ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 39:22-31)
31Mi̍ Mɛ̄lɛ̄ka̍ hīāū lāchī a̍ sūɛ̍i̍, mbo̍ dīmūl Mūu̍sē āā, “Lā nɔ̄ mī lā tōōsi̍a̍a̍ dōmā vi̍lɛ̍i̍yo̍ o̍ nɔ̍ mbō wa᷄ o̍ dōmā bi̍ŋgī wānā so̍līāā lāsa̍lāa̍ bɛ̄ŋgu̍ wo̍. Dōmāa̍ ho̍ō, a̍ kōla̍ cho̍ ō lūāā a̍ fūŋnde̍ būli̍īle̍ŋ kpo̍u̍ wo̍ o̍ nɔ̍ ni̍ mbō wa̍ ō tōōsīāā. 32Dōmāa̍ ho̍ō, ā nɔ̄ mā hɔ̄ū ndu̍ ō bo̍lōla̍ŋ chɛ̍ chɛ̍ yɔ̄ŋi̍ o̍ sɛ̍ɛ̍sa̍. 33O̍ ko̍ŋ kɔ̍ɔ̍lī, lā nɔ̄ mī lā tōōsi̍a̍a̍ kōmɔ̄ɔ̄ pɔ̄mɛ̄ki̍la̍ne̍tīi̍yo̍ a̍ fūŋi̍i̍ bu᷅li̍īye̍, a̍ fūŋi̍i̍ bɔ̍ɔ̄lɛ̍i̍, a̍ fūŋi̍i̍ si̍a̍ŋɛ̄i̍, mī lā bāāyi̍a̍a̍ ndi̍ o̍ dōmāa̍ ho̍ō lēbɛ̄ŋgu̍ chɛ̍ chɛ̍. O̍ ko̍ŋ kɔ̍ɔ̍lī, mī lā tōōsi̍a̍a̍ ba̍mbāŋ pɔ̄mbɔ᷄ŋ a̍ ko̍o̍līi̍ kɛ̍ndɛ̄ kɛ̍ndɛ̄i̍, mī lā bāāyi̍a̍a̍ mu̍ŋ o̍ dōmāa̍ ho̍ō bālɔ̄ɔ̍ lēbɛ̄ŋgu̍ chɛ̍ chɛ̍. 34Tē lā bāa̍ pɛ̍ ko̍mɔ̄ɔ̄ pɔ̄mɛ̄ki̍la̍ne̍tīi̍yo̍ ō pīlɛ̍, lā bāa̍ ba̍mbɛ̄i̍ īko̍o̍līi̍ye̍ ī pīlɛ̍. Le̍nde̍ nya̍ nɔ̄ ni̍ mī lā kūɛ̄ a̍ la̍ŋ bāāyīa̍a̍. 35Dōmāa̍ ho̍ō E̍lɔ̄ŋ nɔ̍ ni̍ mbō wōōnu̍ŋ le̍ wa̍llo̍ tōsāa̍ ya̍ Mɛ̍lɛ̄ka̍ Ya̍a̍wɛ̄ɛ̄ o̍ hɔ̄l māā wānā so̍līāā lāsa̍lā. Le̍ te̍le̍ŋ o̍ te̍le̍ŋ, tē o̍ wa̍ pɛ̍ lūɛ̄īyɔ̄ɔ̍ o̍ fo̍ndāŋ ni̍ kāsīo̍o̍, kɛ̄lɛ̄ŋgāā mbō wa᷄ fūlāa̍, ba̍mba᷄ŋ mu᷅ŋ ŋ̄ nɔ̄ mī ŋ̄ wa᷄ sūɛ̍i̍, ko̍ŋ to̍sā ni̍ ō sɔ̍lā pi̍ɔ̍m te̍.
36“O̍ ko̍ŋ kɔ̍ɔ̍lī, lā nɔ̄ mī lā tōōsi̍a̍a̍ nyɔ̄ɔ̍ fɛ̍ɛ̍dɛ̄ɛ̄ a̍ ko̍o̍līi̍ kɛ̍ndɛ̄ kɛ̍ndɛ̄i̍. Ma̍ kīŋī kīŋī pōōnyi̍a̍a̍ lēchōo̍ mɛ̄ɛ̍ nda̍ kīŋī kīŋī nu̍a̍ā pōōnyi̍a̍a̍ o̍ ta̍mbūe̍i̍yo̍ chōo̍ yɛ̍ āā, ‘Wāna̍ cho̍ ō yɔ̄ŋga᷄ŋ le̍ kpe̍ku̍ Mɛ̄lɛ̄ka̍ Ya̍a̍wɛ̄ɛ̄ wo̍ wo̍.’ 37Ndu̍yɛ̍, lā nɔ̄ mī lā tōōsi̍a̍a̍ yōōlē būli̍īle̍ŋ, mī lā bāa̍ o̍ nyɛ̄ kōŋ mī lā yīi̍ o̍ mɔ̍si̍l vi̍lɛ̄ī ō nɔ̍ mbō wōūnu̍ŋndo̍ lāchī. 38Mɛ̄ɛ̍ le̍ te̍le̍ŋ o̍ te̍le̍ŋ, tē E̍lɔ̄ŋ wo̍u̍nu̍ŋ mɔ̍si̍l vi̍lɛ̄īyo̍ ho̍ō pɛ̍, nyɛ̄ fɛ̄ɛ̄dɛ̄ɛ̄ kōŋ, ō nɔ̄ mbō wa᷄ ndu̍ o̍ ītēndu̍. Mɛ̄ɛ̍ o̍ nɛ̄īyo̍ ho̍ō ni᷄ŋ, ā yɔ᷄ŋ bɛ̍ɛ̍ mī wāŋnda̍ I̍sɔ̄lūɛ̄ī a̍ to̍sa̍ yɔ̄ŋ wɔ̄ɔ̍ŋndo̍ o̍ sa̍lāla̍ŋ sōlīo̍o̍ ni᷄ŋ, yɔ̄ŋ wɔ̄ɔ̍ŋ kōŋ o̍ wa᷅ ko̍ŋ si̍i̍lɔ᷄ŋndo̍ ni̍. Ko̍ŋ to̍sā ni̍ mī ya̍ Mɛ̄lɛ̄ka̍ Ya̍a̍wɛ̄ɛ̄, I̍ chɛ̍l sa̍lālā nyāla̍ŋ.
39“Dōmā vi̍lɛ̄ī nya̍ nɔ̄ mī lā tōōsi̍a̍a̍ le̍ E̍lɔ̄ŋ ndo̍ ni̍, mɔ̍si̍l vi̍lɛ̄ī o̍ nɔ̍ le̍ wōōnɔ᷄ŋndo̍ wo̍ ni̍, a̍ kōlāla̍ kɛ̍ndɛ̄ kɛ̍ndɛ̄ la̍ŋ la̍ nɔ̍ ni̍ mī lā wa̍ lā tōōsīāā. Ndu̍yɛ̍, kōlā i̍pɛ̍ŋgɛ̍ nya̍ nɔ̄ mī lā tōōsi̍a̍a̍ le̍ mbō kānda̍ŋ o̍ chāŋ ndo̍ bɛ̍ɛ̍, ō nɔ̄ mbō wa᷄ ō hūāūwāā lēchōo̍ nyɛ̍ kɛ̄ndɛ̄ kɛ̍ndɛ̄.
40“Ndu̍yɛ̍ le̍ pūa̍a̍ E̍lɔ̄ŋ nda̍, lā nɔ̄ vɛ̄lɛ̄ mī lā tōōsi̍a̍a̍ dōmāla̍ vīlɛ̄īla̍ŋ, a̍ kōlāla̍ i̍pɛ̍ŋgɛ̍la̍ŋ le̍ kānda᷄ŋndo̍ o̍ chāŋ, a̍ mɔ̍si̍lta̍ŋ le̍ mā wōūnu̍ŋ mā sɔ̄la̍ bɛ̄ɛ̄le̍ŋ a̍ hɔ̍ɔ̍ya̍le̍ŋ. 41Ndu̍yɛ̍ mī lā wōu̍ E̍lɔ̄ŋ bɛ̍nūm nda̍ pūa̍a̍ ndūa̍a̍ nyɛ̄lā nya̍ cho̍ la᷅ŋ tōōsīāā la̍ŋ. Mī lā tāla̍ nda̍ chūɛ̄īmā ɔ̄li̍fīi̍ya̍ŋ o̍ lēbōl, mī lā tōsa̍ mā wa᷄ wānāā kāsī, ndu̍yɛ̍ mā wa᷄ ā hɛ̄līāā le̍ wa̍llo̍ tōsāa̍ māā wānāā sōlīāā lāsa̍lā. 42Ndu̍yɛ̍, mī lā tōōsi̍a̍a̍ lɛ̄mbɛ̄lā bīŋgīla̍ŋ, mɛ̄ɛ̄lōo̍ o̍ wūla̍ŋ ki̍nɛ̍i̍, le̍ E̍lɔ̄ŋ nda̍ pūa̍a̍ ndūa̍a̍ mā wōūnu̍ŋ mā kūmbū lābɛ̄ŋgu̍ni̍ŋnda̍ ndāla̍ŋ. 43Le̍ te̍le̍ŋ o̍ te̍le̍ŋ tē E̍lɔ̄ŋ nda̍ pūa̍a̍ ndūa̍a̍ ā wa᷄ lūɛ̄īyɔ̄ɔ̍ o̍ tɛ̍ndīi̍ nu̍u̍ ni᷄ŋ pɛ̍, kɛ̄lɛ̄ŋgāā mā wa᷄ kɔ̄la̍ŋ sa̍lāla̍ŋ sōlīo̍o̍ o̍ ma̍āŋndo̍ o̍ fo̍ndāŋ kāsīo̍o̍, ā nɔ̄ mā wōōnu̍ŋ lɛ̍mbɛ̄la̍ŋ nda᷅ŋ. Tē ā tōsa̍ le̍nde̍ le̍, mɛ̄ɛ̍ ā tɛ̄ɛ̄mbu̍u̍ sāwāa̍, o̍ ko̍ŋ mā sɔ̄la̍ pīɔ̍mndo̍. E̍lɔ̄ŋ ni̍, a̍ wānā o̍ wānā fu̍lā ni̍ŋ o̍ yūŋgu̍ ndɔ̄ɔ̍ chōo̍, sāwa̍ cho̍ le̍ nda̍ le̍ fɛ̍ɛ̍ŋ a̍ fɛ̍ɛ̍ŋ ndo̍ cho̍ ko̍ŋ ni̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.