Ɛ̍sɔ̍dɔ̍ɔ̄ 30
30
A̍ mɛ̄ɛ̍ nda̍ nɔ̄ mā tōōsi̍a̍a̍ ma̍āŋ lūāmāā nyɛ̄m chūŋ kɛ̄ndɔ᷄ŋ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 37:25-28)
1Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ mbo̍ dīmī āā, “Lā nɔ̄ mī lā tāŋgu̍l ma̍āŋndo̍ a̍ yɔ̄m āke̍e̍sīāā wo̍ le̍ nyɛ̄m chūŋ kɛ̄ndɔ᷄ŋ lōmɔ̄ɔ̍ lēchōo̍. 2Ma̍āŋndo̍ ho̍ō, bāndēi̍ ni̍, bu̍o̍o̍ ni̍, nyɛ̄ pīlɛ̍ kpe̍ o̍ nɔ̍ ni̍ mbō wa̍. Bānde̍i̍, nɛ̄īyo̍ lē pīlɛ̍, a̍ i̍ŋchi̍sīi̍la̍ŋ lā ŋɔ̍mpu᷅m, bu̍o̍o̍ nɛ̄īyo̍ lē pīlɛ̍, a̍ i̍ŋchi̍sīi̍la̍ŋ lā ŋɔ᷄mpu᷅m, hēlɔ̄ɔ̍, nɛ̄īyo̍ le̍ yāa̍. Ma̍āŋndo̍ ho̍ō, sɔ̍ŋgi̍la̍ ndɔ̄la̍ hi̍ɔ̍ɔ̍lu̍la̍ŋ lēchōo̍, o̍ sɔ̍ŋgi̍ o̍ sɔ̍ŋgi̍ lā nɔ̄ mī lā sōli̍ nyɔ̄ɔ̍ lo̍ŋ māā lēē. 3Ma̍āŋndo̍ ho̍ō lēchōo̍ ni̍, nyɛ̄la̍ cho̍ la̍ŋ la̍ tu̍u̍līāā māā lālēē o̍ sɔ̍ŋgi̍la̍ŋ nda̍ŋ ni̍, a̍ kpēŋgu᷄ŋ ndɔ̄ɔ̍ŋ hi̍ɔ̍ɔ̍lo̍ŋ vēlāa̍ vēllē, lā nɔ̄ mī lā kūmbū ndu̍ kpo̍u̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. O̍ ko̍ŋ kɔ̍ɔ̍lī, mī lā ho᷄l vɛ̄lɛ̄ kāndū īko̍o̍līi̍yo̍ o̍ sōndōla̍ŋ bālɔ̄ɔ̍ chɛ̍ chɛ̍. 4Ndu̍yɛ̍, mī lā tōōsi̍a̍a̍ kēla᷄ŋ ŋ̄ko̍o̍līi̍yo̍ŋ ŋ̄ mūu̍ŋ, mī lā ho᷄l mu̍ŋ o̍ ma̍āŋndo̍ kpēŋgo᷄ŋ mūu̍ŋ ndo̍ŋ vēllāa̍ vēllē, o̍ kāndū nya̍ chō ko̍ŋ hōlɔ̄ɔ̄ wo̍ bɛ̄ŋgu̍, le̍ yɔ̄mīī vīlɛ̄īye̍ wōūwo̍ lēni᷄ŋ le̍ kɔ̄la̍ŋ a̍ ma̍āŋndo̍ ho̍ō. 5Ndu̍yɛ̍ yɔ̄mīī vīlɛ̄i̍ cho̍ wā le̍ kɔ̄la̍ŋ a̍ ma̍āŋndo̍ ho̍ō ve̍, a̍ yɔ̄m āke̍e̍sīāā wo̍ nya̍ nɔ̄ ni̍ mī lā tōōsi̍a̍a̍ ndi̍. Ndu̍yɛ̍, mī lā kūmbū ndi̍ kpo̍u̍ a̍ ko̍o̍līi̍ye̍. 6Tē lā chīi̍ ma̍āŋndo̍ ho̍ō tōōsīāā pɛ̍, lā kɔ̍ kɛ̍sī ndu̍ o̍ kōlā bɛ̍ndu̍ cho̍ ō lāndāā o̍ tɛ̍ndīi̍yo̍ ho̍ō ni᷄ŋ, mi̍ kɔ̍fū kpe̍ma̍a̍ ō wa̍ lēkɔ̍ɔ̍lī wo̍ lāchī. Kɔ̍fū kpe̍ma̍a̍ ho̍ō, kūmbu̍ cho̍ lēcho̍ō wo̍ ndu̍ cho̍ kpe̍ŋgbe̍i̍ īnyīɛ̍ɛ̍yo̍ ni̍. Lo̍ŋ ya̍ I̍ bɔ̍ŋa᷅ŋ ni̍ŋ a̍ nya̍ ni̍. 7Īdīi̍ o̍ īdīi̍ tē E̍lɔ̄ŋ hi᷅ŋ le̍ la̍mbūi̍ cho̍ o̍ tɛ̍ndīi̍yo̍ ho̍ō ni᷄ŋ ndo̍ bɛ̄ɛ̄ndīa̍a̍ pɛ̍, ō nɔ̄ mbō lōm nyɛ̄m chūŋ kɛ̄ndɔ᷄ŋ o̍ ma̍āŋndo̍ ho̍ō chōo̍. 8Ndu̍yɛ̍ te̍le̍ŋ o̍ te̍le̍ŋ tē ō hīŋ le̍ la̍mbūi̍yo̍ ho̍ō mɛ̄ndūllo̍ a̍ fīti̍līo̍o̍ pɛ̍, ō nɔ̄ mbō lōm nyɛ̄m chūŋ kɛ̄ndɔ᷄ŋ o̍ ma̍āŋndo̍ ho̍ō chōo̍. Chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, īdīi̍ ni̍, a̍ fīti̍līo̍o̍ ni̍, nu̍a̍ā nya̍ nɔ̄ ni̍ mī lā wa᷄ tōsāa̍. 9Ndu̍yɛ̍ ma̍āŋndo̍ ho̍ō, mɛ̄ɛ̍ nyɛ̄m chūŋ kɛ̄ndɛ᷄ŋ cho̍ ō bɛ̄ndāā ya̍ Mɛ̍lɛ̄ka̍ o̍ hɔ̄l lo̍ŋ, mī lā lōm lēchōo̍. O̍ ko̍ŋ kɔ̍ɔ̍lī, lā nɔ̍ mī lā sōli̍ sa̍lā o̍ sa̍lā chēle̍ŋ o̍ ma̍āŋndo̍ ho̍ō chōo̍ le̍, sa̍lā lūāmāā ni̍, sa̍lā nyɛ̄ dīāā ku̍lu̍ ni̍, sa̍lā māmūɛ̄ī mākīle̍pīi̍ ni̍. 10Chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, īwɔ̄sī o̍ īwɔ̄sī, E̍lɔ̄ŋ nɔ̍ mbō dīndi̍ ma̍āŋndo̍ ho̍ō lē pīlɛ̍. Chɔ̄lūāā wāŋnda̍ dīū le̍ sa̍lāla̍ŋ sōlīo̍o̍ le̍ yɔ̄ŋndā wɔ̄ɔ̍ŋnda̍ŋ fāŋāa̍ wa̍, kōo̍ma̍ ndāa̍ŋ o̍ nɔ̍ ni̍ mbō sūu̍ o̍ nyɛ̄la̍ nda̍ sōli̍ o̍ ma̍āŋndo̍ ho̍ō sɔ̍ŋgi̍la̍ŋ māā lālēē la̍ŋ. Ma̍āŋndo̍ ho̍ō, ma̍āŋ kāsī bɛ̄ndōo̍ o̍ cho̍ ya̍ Mɛ̍lɛ̄ka̍ Ya̍a̍wɛ̄ɛ̄ o̍ hɔ̄l ni̍.”
Pāāwā wāŋnda̍ nɔ̄ le̍ mālɔ̄ɔ̍ le̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ wāŋnda̍ lātūlu̍ wo̍ wo̍
11O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 12“Tē lā wa̍ wāŋnda̍ I̍sɔ̄lūɛ̄ī chɔ̄mndo̍ le̍ sīnāa̍ mɛ̄ɛ̍ nda̍ chō bōllē pīlɛ̍ yɛ̍ pɛ̍, wānā o̍ wānā nda̍ chɔ᷄m pɛ̍, wānā ko̍ŋ ō nɔ̄ mbō yɔ̄ŋgu̍ nyɛ̄ sɔ̄lāa̍ nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ chu̍a̍. Ko̍ŋ to̍sā ni̍ bōōndi̍i̍ nya̍ chō wā wāŋnda̍ chɔ̄mndo̍ ve̍, kpūndɛ̍ o̍ kpūndɛ̍ ko̍māl wāŋnda̍ mā sɔ̄la̍ dɛ̍nɛ̍ pa̍lāā le̍. 13Wānā o̍ wānā nya̍ chɔ᷄m pɛ̍, wānā ko̍ŋ ō nɔ̄ mbō yɔ̄ŋgu̍ nyɛ̄ sɔ̄lāa̍ mɛ̄ɛ̍ i̍ cho̍ ī chɛ̄la᷅ŋ wa᷅ŋ bɛ̄ndūa̍a̍ tɛ̄ɛ̄ŋ yɛ̍. Ndu̍yɛ̍ sēke̍lēi̍ wānāā bɛ̄ndūa̍a̍ ā chɛ̄la᷅ŋ chōo̍ le̍ nyɔ̄ɔ̍ŋ tūūwo̍ wo̍, o̍ sēke̍lēi̍ ko̍ŋ chōo̍ nda̍ tūū nyɛ̍ sɔ̄lāa̍ ho̍ō ni̍. Nyɛ̄ sɔ̄lāa̍ ho̍ō wānā o̍ wānā nɔ̍ ni̍ mbō yɔ̄ŋgu̍ nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ chu̍a̍ māā kē. 14Wānā o̍ wānā nda̍ chɔ᷄m pɛ̍, mbo̍ wā wɔ̄sīla̍ŋ bi̍dīi̍ŋ, kɛ̄lɛ̄ŋgāā hīōūwɔ̄ɔ̍ ko̍ŋ cho̍o̍, ō nɔ̄ mbō yɔ̄ŋgu̍ ya̍ Mɛ̍lɛ̄ka̍ Ya̍a̍wɛ̄ɛ̄ wo̍ ho̍ō. 15Ndu̍yɛ̍ nyɛ̄ sɔ̄lāā wānā o̍ wānā cho̍ ho̍ō yɔ̄ŋgū o̍ ya̍ Mɛ̄lɛ̄ka̍ Ya̍a̍wɛ̄ɛ̄ lo̍ le̍ yōōmū ndɔ̄ɔ̍, le̍ mbō sɔ̄la̍ mālɔ̄ɔ̍ le̍ yɔ̄ŋ ndɔ̄ wɔ̍ɔ̍ŋndo̍ wo̍, mɛ̄ɛ̍ wānā o̍ wānā nɔ̍ le̍ yɔ̄ŋgōo̍ yɛ̍, le̍nde̍ ŋ̄ ni̍ mā yɔ̍ŋgu̍, wānā su̍lāa̍ ō nɔ̍ mbō yɔ̄ŋgu̍ mbō hīōū mɛ̄ɛ̍ o̍ cho̍ ō kīālāā ba̍a̍ yɛ̍ le̍, wānā ta̍mbɛ̍i̍yo̍ bɛ̍ɛ̍, ō nɔ̍ mbō kɛ̄ɛ̍ fūūlūū mɛ̄ɛ̍ o̍ cho̍ ō kīālāā ba̍a̍ yɛ̍ le̍. 16Nyɛ̄ sɔ̄lāa̍ ho̍ō, lā nɔ̄ mī lā bīī ndu̍ wāŋnda̍ I̍sɔ̄lūɛ̄ī kpo̍u̍ o̍ bā. Ndu̍ chō wā le̍ yōōmūlā ndāla̍ŋ bāŋāa̍ ni̍. Ndu̍yɛ̍, nyɛ̄ o̍ nyɛ᷄ cho̍ le̍ kpe̍ko̍o̍ o̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ wāŋnda̍ lātūlu̍ wo̍, ā nyɛ̄ sɔ̄lāa̍ ho̍ō nya̍ nɔ̄ ni̍ mī lā pēndū ndu̍. Ko̍ŋ to̍sā ni̍ mī ya̍ Mɛ̄lɛ̄ka̍ Ya̍a̍wɛ̄ɛ̄ mī I̍ wa̍ lōōnɔ᷄ŋndo̍ a̍ nya̍ wāŋnda̍ I̍sɔ̄lūɛ̄ī, mī I̍ bāŋa̍ yōōmūlā nyāla̍ŋ, ndu̍yɛ̍ mī I̍ ma̍nda̍ nya̍.”
A̍ hɛ̄ŋgɛ̍i̍ nda̍ nɔ̄ mā tōōsi̍a̍a̍ a̍ būlɔ̍ŋsīi̍ye̍ wo̍ o̍kɔ̄ɔ̄
17O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 18“Lā nɔ̄ mī lā tōōsi̍a̍a̍ hɛ̄ŋgɛ̍i̍ bɛ̍ndū īchīli̍ŋndo̍ a̍ būlɔ̍ŋsīi̍ye̍, le̍ bāla̍ŋ pūlɔ̄ɔ̍ a̍ pēlo᷄ŋ. Ndu̍yɛ̍, nyɛ̄ nya̍ nɔ̄ mī lā kɛ̄si̍ hɛ̄ŋgɛ̍i̍yo̍ ho̍ō lēcho̍ō wo̍ bɛ̍ɛ̍, a̍ būlɔ̍ŋsīi̍ye̍ nya̍ nɔ̄ ni̍ mī lā tōōsi̍a̍a̍ ndu̍. Tē lā tōōsi̍a̍a̍ hɛ̄ŋgɛ̍i̍yo̍ ho̍ō pɛ̍, lā kɛ̄si̍ ndu̍ tɛ̍ndīi̍yo̍ tɛ̄ɛ̄ŋ a̍ ma̍āŋndo̍. Ndu̍yɛ̍ mī lā dɔ̄ū mɛ̄ŋnda̍ŋ lēni᷄ŋ. 19Mɛ̄ŋma̍ cho̍ wā o̍ hɛ̄ŋgɔ̍ɔ̍ ho̍ō ni᷄ŋ nda̍ŋ, E̍lɔ̄ŋ ni̍, pūa̍a̍ ndūa̍a̍ ni̍, a̍ ma̍ŋ nda̍ nɔ̄ ni̍ mā pūlū bāla̍ŋ a̍ pēlo᷄ŋ. 20Lɔ̍ɔ̍pa̍ mā lūɛ̄ī o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ ni᷄ŋ, ɔ̄ɔ̄ mā kūɛ̄ o̍ ma̍āŋndo̍ le̍ sa̍lāla̍ŋ lōmɔ̄ɔ̍ o̍ ya̍ Mɛ̄lɛ̄ka̍ Ya̍a̍wɛ̄ɛ̄ lo̍, ā nɔ̄ fɛ̍lɛ̍ŋ mā pūlū bāla̍ŋ a̍ pēlo᷄ŋ. Ko̍ŋ to̍sā ni̍ ā sɔ̍lā pi̍ɔ̍m te̍. 21Ā nɔ̄ mā pūlū bāla̍ŋ a̍ pēlo᷄ŋ, tē ō cho̍ ko̍ŋ te̍ ā sɔ̄la̍ pīɔ̍mndo̍. Ndu̍yɛ̍, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, E̍lɔ̄ŋ ni̍, pūa̍a̍ ndūa̍a̍ ni̍, yu̍ŋgu̍la̍ fu̍lā ni̍ŋ o̍ pūlāle̍ ndāle̍ŋ chōo̍ la̍ŋ ni̍, he̍ī chō wā māā sāwā le̍ nda̍ le̍ fɛ̍ɛ̍ŋ a̍ fɛ̍ɛ̍ŋ.”
A̍ chūɛ̄īmā nda̍ tālā wa᷅ŋnda̍ o̍ lēbōl le̍ nda̍ hɛ̄līo̍o̍ le̍ kpe̍ku̍ Mɛ̄lɛ̄ka̍a̍ wa̍ŋ o̍kɔ̄ɔ̄
22Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 23-25“Lā nɔ̄ mī lā chu̍a̍ nyɛ̄m chūŋ kɛ̄ndɛ̄ŋ yɛ̍ yi̍ɔ̍ɔ̍ŋ, mī lā tōōsi̍a̍a̍ chūɛ̄īya̍ŋ le̍ hɛ̄līo̍o̍. Nyɛ̄m chūŋ kɛ̄ndɛ̄ŋ nya̍ nɔ̄ mī lā tōōsi̍a̍a̍ chūɛ̄īya̍ŋ ma᷅ŋ ndo̍ŋ, mu̍ŋ cho̍ mu᷅ŋ ni̍. A̍mɔ̍ɔ̄, ō māmɛ̄ŋndo̍, pa᷅ŋnda̍ŋ tɔ̍ a̍ lā tīɔ̍ɔ̍ŋ, a̍ si̍na̍mɔ̄ŋ, pa᷅ŋnda̍ŋ lā ŋɔ᷄mpu᷅m, a̍ ke᷅ŋ, pa᷅ŋnda̍ŋ lā ŋɔ᷄mpu᷅m, a̍ ke̍e̍sīāā, pa᷅ŋnda̍ŋ tɔ̍ a̍ lā tīɔ̍ɔ̍ŋ. Nyɛ̄m chūŋ kɛ̄ndɔ᷄ŋ mu᷅ŋ ki̍nɛ̍i̍, lā nɔ̄ mī lā mūūli̍āŋ mu̍ŋ a̍ chūɛ̄īmā ɔ̄li̍fīi̍ya̍ŋ ka̍lɔ̄ŋndo̍ cha̍. Ndu̍yɛ̍ tē lā wa̍ mu̍ŋ tūūwo̍ pɛ̍, lā nɔ̄ mī lā tūu̍ mu̍ŋ o̍ sēke̍lēi̍ wānāā bɛ̄ndūa̍a̍ ā chɛ̄la᷅ŋ cho̍o̍ le̍ nyɔ̄ɔ̍ŋ tūūwo̍ wo̍. Chūɛ̄īmā nya̍ chō ma᷅ŋ tōōsīāā wa̍ŋ, lā nɔ̄ mī lā chūa̍ ma̍ŋ māā chūɛ̄īmā kāsī ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. 26Ndu̍yɛ̍ chūɛ̄īya̍ŋ ma᷅ŋ nya̍ nɔ̄ ni̍ mī lā dɔ̄ū o̍ nyɔ̄ɔ̍ŋ mu᷅ŋ le̍ tōsāa̍ mī ŋ̄ wa᷄ ŋ̄ hɛ̄līāā le̍ ya̍ Mɛ̍lɛ̄ka̍. Mu̍ŋ yɔ̍nūŋ ni̍ māā, tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍, ndu̍yɛ̍ a̍ ma̍ŋ ko̍ni̍ nya̍ nɔ̄ ni̍, mī lā dīndi̍ kɔ̍fū kpe̍ma̍a̍, 27a̍ ti̍bīi̍ cho̍ o̍ tɛ̍ndīi̍yo̍ ho̍ō ni᷄ŋ ndo̍, lātūlu̍ a̍ wōlɔ̄ɔ̄lā ndɔ̄la̍ŋ kpo̍u̍, o̍ ko̍ŋ kɔ̍ɔ̍lī, a̍ nyɛ̄ kɛ̄sīāā lāla̍mbūi̍yo̍ ndu̍yɛ̍, a̍ wōlɔ̄ɔ̄lā ndɔ̄la̍ŋ, a̍ ma̍āŋ cho̍ le̍ nyɛ̄m chūŋ kɛ̄ndɔ᷄ŋ lōmɔ̄ɔ̍ lēchōo̍ wo̍, 28a̍ ma̍āŋ cho̍ le̍ sa̍lāla̍ŋ lōmɔ̄ɔ̍ lēchōo̍ wo̍, lātūlu̍ a̍ wōlɔ̄ɔ̄lā ndɔ̄la̍ŋ kpo̍u̍, a̍ hɛ̄ŋgɛ̍i̍ īchīli̍ŋ cho̍ le̍ bāla̍ŋ pūlɔ̄ɔ̍ a̍ pēlo᷄ŋ ndo̍, ndu̍yɛ̍, a̍ nyɛ̄ hɛ̄ŋgɛ̍i̍ ko̍ŋ ō chāl le̍chōo̍ wo̍. 29Mɛ̄ɛ̍ o̍ nɛ̄īyo̍ ho̍ō ni᷄ŋ, lā chō māchūāā nyɔ̄ɔ̍ŋ mu᷅ŋ yɔ̄ŋgōo̍ o̍ ya̍ Mɛ̄lɛ̄ka̍ lo̍ le̍ mī ŋ̄ sīmnu᷄ŋ nyɛ᷅m kāsī. Nyɔ̄ɔ̍ŋ mu᷅ŋ ki̍nɛ̍i̍, wānā o̍ wānā pi̍la̍ŋ mu̍ŋ pɛ̍, ō wa̍ wa᷅na̍ chi̍e̍e̍, ō wa̍ nyɛ̄ o̍ nyɛ̄ chēle̍ŋ, ō nɔ̄ mbō sīmnu᷄ŋ nyɛ᷅ kāsī. 30Ndu̍yɛ̍ E̍lɔ̄ŋ ni̍, pūa̍a̍ ndūa̍a̍ ni̍, lā nɔ̄ mī lā tāla̍ nda̍ chūɛ̄īya̍ŋ ma᷅ŋ o̍ lēbōl le̍ mā wa᷄ ā yɔ̄ŋga᷄ŋ o̍ ya̍ Mɛ̍lɛ̄ka̍ lo̍, mā wa᷄ wānāā kāsī, le̍ mā sāāŋgi̍a̍l la̍ māā wānāā sōlīāā lāsa̍lā. 31Ndu̍yɛ̍ mā di̍mu̍l wāŋnda̍ I̍sɔ̄lūɛ̄ī māā Mɛ̄lɛ̄ka̍ dīmi̍ āā, ‘Chūɛ̄īya̍ŋ ma᷅ŋ, chūɛ̄īmā kāsīa̍ŋ ma̍ cho̍ ya̍ Mɛ̄lɛ̄ka̍ o̍ hɔ̄l ni̍. Ndu̍yɛ̍, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, ma̍ŋ nya̍ nɔ̄ le̍ wānāa̍ cho̍ ā hɛ̄līāā le̍ kpe̍ku̍ nu̍u̍ sōlīo̍o̍ wa̍ tālāa̍ o̍ lēbōl ni̍. 32Lā nɔ̍ mī lā tāla̍ ma̍ŋ wānā o̍ wānā che᷅le̍ŋ o̍ lēbōl te̍, mɛ̄ɛ̍ wānāa̍ cho̍ a̍ hɛ̄līāā le̍ kpe̍ku̍ nu̍u̍ sōlīo̍o̍ wa̍. Ndu̍yɛ̍ nyɛ̄m nya̍ tōōsīāā chūɛ̄īya̍ŋ ma᷅ŋ a̍ mu̍ŋ ndo̍ŋ ki̍nɛ̍i̍, lā nɔ̍ mī tōōsi̍a̍a̍ māchūɛ̄ī o̍ māchūɛ̄ī a̍ nyɛ̄m wāā le̍nde̍ le̍, fo̍ndōle̍, chūɛ̄īmā kāsīa̍ŋ ma̍ cho̍ ni̍. Ndu̍yɛ̍ lā nɔ̄ mī lā bīī ma̍ŋ māā chūɛ̄īmā kāsī. 33Wānā o̍ wānā to̍o̍si̍a̍a̍ chūɛ̄īmā su̍u̍ wa̍ā nu̍a̍ā pɛ̍, kɛ̄lɛ̄ŋgāā mbō tāla̍ chūɛ̄īya̍ŋ ma̍ŋ wānā o̍ wānā che᷅le̍ŋ o̍ lēbōl, o̍ cho̍ wa̍nāā so̍līāā lāsa̍lā le̍ wo̍ pɛ̍, wānā ko̍ŋ ō nɔ̄ mbō wa᷄ ō sōlīāā wānāā nīa̍a̍ tɛ̄ɛ̄ŋ po̍.’ ”
A̍ nyɛ̄m chūŋ kɛ̄ndɔ᷄ŋ o̍kɔ̄ɔ̄
34-35O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Lā nɔ̄ mī lā chūa̍ nyɛ̄m chūŋ kɛ̄ndɛ̄ŋ yɛ̍ yi̍ɔ̍ɔ̍ŋ mu᷅ŋ, ndu̍yɛ̍ mī ŋ̄ wa᷄ kpɛ̍ŋnji̍, si̍ta̍tī, a̍ ɔ̍ni̍chā, a̍ ka̍ba̍nɔ̄ŋ, a̍ fi̍la̍ki̍ŋsɛ̄ŋ kɛ̄ndɛ̄ kɛ̍ndɔ᷄ŋ, mī lā mūūli̍āŋ mu̍ŋ tōōsi̍a̍a̍ a̍ hɛ᷄lle̍, le̍ mī ŋ̄ wa᷄ nyɛ̄m dīāndāā, ndu̍yɛ̍ mī ŋ̄ wa᷄ nyɛ̄m kāsī. 36Ndu̍yɛ̍, nyɛ̄ chūŋ kɛ̄ndɛ̄ kōŋ, tē a̍ wa̍ ndu̍ tōōsīa̍a̍ pɛ̍, ā chu̍i̍ ō ti᷄ŋ ō yɔ̄nu̍ŋ fu̍ŋgu̍nyɛ̍. Ō chūīyāā kōŋ, ndu̍ ŋ̄ nɔ̄ ni̍ mā wā dɔ̄wɔ̄ɔ̍ o̍ kɔ̍fū kpe̍ma̍ cho̍ o̍ fo̍ndāŋ kāsīo̍o̍ wo̍ lāchī, o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ nya̍ lātūlu̍ wo̍ ni᷄ŋ, nāa̍ na̍a̍ ŋ̄ wā ni̍ŋ bɔ̍ɔ̄ŋi̍āŋndo̍ wa̍. Ndu̍yɛ̍, ā nɔ̄ mā bīī nyɛ̄ chūīyāā kōŋ māā nyɛ̄ kāsī bɛ̄ndū. 37Wānā o̍ wānā nɔ̍ mbō tōōsi̍a̍a̍ nyɛ̄ chūŋ kɛ̄ndɛ̄ wāā nu̍a̍ā le̍ ndu̍ pi̍la̍, a̍ nyɛ̄m nda̍ tōōsi̍a̍a̍ nyɛ̄ chūŋ kɛ̄ndɔ̄ɔ̍ ho̍ō wo̍ le̍, kāni̍ fo̍ndōle̍, lā nɔ̄ mī lā chūa̍ ndu̍ māā nyɛ̄ kāsi̍ ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. 38Wānā o̍ wānā to̍o̍si̍a̍a̍ nyɛ̄ chūŋ kɛ̄ndɛ̄ wāā nu̍a̍ā le̍ ndu̍ pi̍la̍ pɛ̍, wānā ko̍ŋ ō nɔ̄ mbō wa᷄ ō sōlīāā wānāā nīa̍a̍ tɛ̄ɛ̄ŋ po̍.”
Currently Selected:
Ɛ̍sɔ̍dɔ̍ɔ̄ 30: YM
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.
Ɛ̍sɔ̍dɔ̍ɔ̄ 30
30
A̍ mɛ̄ɛ̍ nda̍ nɔ̄ mā tōōsi̍a̍a̍ ma̍āŋ lūāmāā nyɛ̄m chūŋ kɛ̄ndɔ᷄ŋ yɛ̍ o̍kɔ̄ɔ̄
(Ɛ̍sɔ̍dɔ̍ɔ̄ 37:25-28)
1Mi̍ Mɛ̄lɛ̄ka̍ hīāū lāchī a̍ sūɛ̍i̍ nāa̍ Mūu̍sē chu̍a̍ mbo̍ dīmī āā, “Lā nɔ̄ mī lā tāŋgu̍l ma̍āŋndo̍ a̍ yɔ̄m āke̍e̍sīāā wo̍ le̍ nyɛ̄m chūŋ kɛ̄ndɔ᷄ŋ lōmɔ̄ɔ̍ lēchōo̍. 2Ma̍āŋndo̍ ho̍ō, bāndēi̍ ni̍, bu̍o̍o̍ ni̍, nyɛ̄ pīlɛ̍ kpe̍ o̍ nɔ̍ ni̍ mbō wa̍. Bānde̍i̍, nɛ̄īyo̍ lē pīlɛ̍, a̍ i̍ŋchi̍sīi̍la̍ŋ lā ŋɔ̍mpu᷅m, bu̍o̍o̍ nɛ̄īyo̍ lē pīlɛ̍, a̍ i̍ŋchi̍sīi̍la̍ŋ lā ŋɔ᷄mpu᷅m, hēlɔ̄ɔ̍, nɛ̄īyo̍ le̍ yāa̍. Ma̍āŋndo̍ ho̍ō, sɔ̍ŋgi̍la̍ ndɔ̄la̍ hi̍ɔ̍ɔ̍lu̍la̍ŋ lēchōo̍, o̍ sɔ̍ŋgi̍ o̍ sɔ̍ŋgi̍ lā nɔ̄ mī lā sōli̍ nyɔ̄ɔ̍ lo̍ŋ māā lēē. 3Ma̍āŋndo̍ ho̍ō lēchōo̍ ni̍, nyɛ̄la̍ cho̍ la̍ŋ la̍ tu̍u̍līāā māā lālēē o̍ sɔ̍ŋgi̍la̍ŋ nda̍ŋ ni̍, a̍ kpēŋgu᷄ŋ ndɔ̄ɔ̍ŋ hi̍ɔ̍ɔ̍lo̍ŋ vēlāa̍ vēllē, lā nɔ̄ mī lā kūmbū ndu̍ kpo̍u̍ a̍ ko̍o̍līi̍ kɛ̍ndɛ̄ kɛ̍ndɛ̄i̍. O̍ ko̍ŋ kɔ̍ɔ̍lī, mī lā ho᷄l vɛ̄lɛ̄ kāndū īko̍o̍līi̍yo̍ o̍ sōndōla̍ŋ bālɔ̄ɔ̍ chɛ̍ chɛ̍. 4Ndu̍yɛ̍, mī lā tōōsi̍a̍a̍ kēla᷄ŋ ŋ̄ko̍o̍līi̍yo̍ŋ ŋ̄ mūu̍ŋ, mī lā ho᷄l mu̍ŋ o̍ ma̍āŋndo̍ kpēŋgo᷄ŋ mūu̍ŋ ndo̍ŋ vēllāa̍ vēllē, o̍ kāndū nya̍ chō ko̍ŋ hōlɔ̄ɔ̄ wo̍ bɛ̄ŋgu̍, le̍ yɔ̄mīī vīlɛ̄īye̍ wōūwo̍ lēni᷄ŋ le̍ kɔ̄la̍ŋ a̍ ma̍āŋndo̍ ho̍ō. 5Ndu̍yɛ̍ yɔ̄mīī vīlɛ̄i̍ cho̍ wā le̍ kɔ̄la̍ŋ a̍ ma̍āŋndo̍ ho̍ō ve̍, a̍ yɔ̄m āke̍e̍sīāā wo̍ nya̍ nɔ̄ ni̍ mī lā tōōsi̍a̍a̍ ndi̍. Ndu̍yɛ̍, mī lā kūmbū ndi̍ kpo̍u̍ a̍ ko̍o̍līi̍ye̍. 6Tē lā chīi̍ ma̍āŋndo̍ ho̍ō tōōsīāā pɛ̍, lā kɔ̍ kɛ̍sī ndu̍ o̍ kōlā bɛ̍ndu̍ cho̍ ō lāndāā o̍ tɛ̍ndīi̍yo̍ ho̍ō ni᷄ŋ, mi̍ kɔ̍fū kpe̍ma̍a̍ ō wa̍ lēkɔ̍ɔ̍lī wo̍ lāchī. Kɔ̍fū kpe̍ma̍a̍ ho̍ō, kūmbu̍ cho̍ lēcho̍ō wo̍ ndu̍ cho̍ kpe̍ŋgbe̍i̍ īnyīɛ̍ɛ̍yo̍ ni̍. Lo̍ŋ ya̍ I̍ bɔ̍ŋa᷅ŋ ni̍ŋ a̍ nya̍ ni̍. 7Īdīi̍ o̍ īdīi̍ tē E̍lɔ̄ŋ hi᷅ŋ le̍ la̍mbūi̍ cho̍ o̍ tɛ̍ndīi̍yo̍ ho̍ō ni᷄ŋ ndo̍ bɛ̄ɛ̄ndīa̍a̍ pɛ̍, ō nɔ̄ mbō lōm nyɛ̄m chūŋ kɛ̄ndɔ᷄ŋ o̍ ma̍āŋndo̍ ho̍ō chōo̍. 8Ndu̍yɛ̍ te̍le̍ŋ o̍ te̍le̍ŋ tē ō hīŋ le̍ la̍mbūi̍yo̍ ho̍ō mɛ̄ndūllo̍ a̍ fīti̍līo̍o̍ pɛ̍, ō nɔ̄ mbō lōm nyɛ̄m chūŋ kɛ̄ndɔ᷄ŋ o̍ ma̍āŋndo̍ ho̍ō chōo̍. Chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, īdīi̍ ni̍, a̍ fīti̍līo̍o̍ ni̍, nu̍a̍ā nya̍ nɔ̄ ni̍ mī lā wa᷄ tōsāa̍. 9Ndu̍yɛ̍ ma̍āŋndo̍ ho̍ō, mɛ̄ɛ̍ nyɛ̄m chūŋ kɛ̄ndɛ᷄ŋ cho̍ ō bɛ̄ndāā ya̍ Mɛ̍lɛ̄ka̍ o̍ hɔ̄l lo̍ŋ, mī lā lōm lēchōo̍. O̍ ko̍ŋ kɔ̍ɔ̍lī, lā nɔ̍ mī lā sōli̍ sa̍lā o̍ sa̍lā chēle̍ŋ o̍ ma̍āŋndo̍ ho̍ō chōo̍ le̍, sa̍lā lūāmāā ni̍, sa̍lā nyɛ̄ dīāā ku̍lu̍ ni̍, sa̍lā māmūɛ̄ī mākīle̍pīi̍ ni̍. 10Chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, īwɔ̄sī o̍ īwɔ̄sī, E̍lɔ̄ŋ nɔ̍ mbō dīndi̍ ma̍āŋndo̍ ho̍ō lē pīlɛ̍. Chɔ̄lūāā wāŋnda̍ dīū le̍ sa̍lāla̍ŋ sōlīo̍o̍ le̍ yɔ̄ŋndā wɔ̄ɔ̍ŋnda̍ŋ fāŋāa̍ wa̍, kōo̍ma̍ ndāa̍ŋ o̍ nɔ̍ ni̍ mbō sūu̍ o̍ nyɛ̄la̍ nda̍ sōli̍ o̍ ma̍āŋndo̍ ho̍ō sɔ̍ŋgi̍la̍ŋ māā lālēē la̍ŋ. Ma̍āŋndo̍ ho̍ō, ma̍āŋ kāsī bɛ̄ndōo̍ o̍ cho̍ ya̍ Mɛ̍lɛ̄ka̍ Ya̍a̍wɛ̄ɛ̄ o̍ hɔ̄l ni̍.”
Pāāwā wāŋnda̍ nɔ̄ le̍ mālɔ̄ɔ̍ le̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ wāŋnda̍ lātūlu̍ wo̍ wo̍
11O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 12“Tē lā wa̍ wāŋnda̍ I̍sɔ̄lūɛ̄ī chɔ̄mndo̍ le̍ sīnāa̍ mɛ̄ɛ̍ nda̍ chō bōllē pīlɛ̍ yɛ̍ pɛ̍, wānā o̍ wānā nda̍ chɔ᷄m pɛ̍, wānā ko̍ŋ ō nɔ̄ mbō yɔ̄ŋgu̍ nyɛ̄ sɔ̄lāa̍ nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ chu̍a̍. Ko̍ŋ to̍sā ni̍ bōōndi̍i̍ nya̍ chō wā wāŋnda̍ chɔ̄mndo̍ ve̍, kpūndɛ̍ o̍ kpūndɛ̍ ko̍māl wāŋnda̍ mā sɔ̄la̍ dɛ̍nɛ̍ pa̍lāā le̍. 13Wānā o̍ wānā nya̍ chɔ᷄m pɛ̍, wānā ko̍ŋ ō nɔ̄ mbō yɔ̄ŋgu̍ nyɛ̄ sɔ̄lāa̍ mɛ̄ɛ̍ i̍ cho̍ ī chɛ̄la᷅ŋ wa᷅ŋ bɛ̄ndūa̍a̍ tɛ̄ɛ̄ŋ yɛ̍. Ndu̍yɛ̍ sēke̍lēi̍ wānāā bɛ̄ndūa̍a̍ ā chɛ̄la᷅ŋ chōo̍ le̍ nyɔ̄ɔ̍ŋ tūūwo̍ wo̍, o̍ sēke̍lēi̍ ko̍ŋ chōo̍ nda̍ tūū nyɛ̍ sɔ̄lāa̍ ho̍ō ni̍. Nyɛ̄ sɔ̄lāa̍ ho̍ō wānā o̍ wānā nɔ̍ ni̍ mbō yɔ̄ŋgu̍ nāa̍ ya̍ Mɛ̄lɛ̄ka̍ Ya̍a̍wɛ̄ɛ̄ chu̍a̍ māā kē. 14Wānā o̍ wānā nda̍ chɔ᷄m pɛ̍, mbo̍ wā wɔ̄sīla̍ŋ bi̍dīi̍ŋ, kɛ̄lɛ̄ŋgāā hīōūwɔ̄ɔ̍ ko̍ŋ cho̍o̍, ō nɔ̄ mbō yɔ̄ŋgu̍ ya̍ Mɛ̍lɛ̄ka̍ Ya̍a̍wɛ̄ɛ̄ wo̍ ho̍ō. 15Ndu̍yɛ̍ nyɛ̄ sɔ̄lāā wānā o̍ wānā cho̍ ho̍ō yɔ̄ŋgū o̍ ya̍ Mɛ̄lɛ̄ka̍ Ya̍a̍wɛ̄ɛ̄ lo̍ le̍ yōōmū ndɔ̄ɔ̍, le̍ mbō sɔ̄la̍ mālɔ̄ɔ̍ le̍ yɔ̄ŋ ndɔ̄ wɔ̍ɔ̍ŋndo̍ wo̍, mɛ̄ɛ̍ wānā o̍ wānā nɔ̍ le̍ yɔ̄ŋgōo̍ yɛ̍, le̍nde̍ ŋ̄ ni̍ mā yɔ̍ŋgu̍, wānā su̍lāa̍ ō nɔ̍ mbō yɔ̄ŋgu̍ mbō hīōū mɛ̄ɛ̍ o̍ cho̍ ō kīālāā ba̍a̍ yɛ̍ le̍, wānā ta̍mbɛ̍i̍yo̍ bɛ̍ɛ̍, ō nɔ̍ mbō kɛ̄ɛ̍ fūūlūū mɛ̄ɛ̍ o̍ cho̍ ō kīālāā ba̍a̍ yɛ̍ le̍. 16Nyɛ̄ sɔ̄lāa̍ ho̍ō, lā nɔ̄ mī lā bīī ndu̍ wāŋnda̍ I̍sɔ̄lūɛ̄ī kpo̍u̍ o̍ bā. Ndu̍ chō wā le̍ yōōmūlā ndāla̍ŋ bāŋāa̍ ni̍. Ndu̍yɛ̍, nyɛ̄ o̍ nyɛ᷄ cho̍ le̍ kpe̍ko̍o̍ o̍ tɛ̍ndīi̍ chɔ᷅m māā Mɛ̄lɛ̄ka̍ Ya̍a̍wɛ̄ɛ̄ cho̍ a̍ wāŋnda̍ lātūlu̍ wo̍, ā nyɛ̄ sɔ̄lāa̍ ho̍ō nya̍ nɔ̄ ni̍ mī lā pēndū ndu̍. Ko̍ŋ to̍sā ni̍ mī ya̍ Mɛ̄lɛ̄ka̍ Ya̍a̍wɛ̄ɛ̄ mī I̍ wa̍ lōōnɔ᷄ŋndo̍ a̍ nya̍ wāŋnda̍ I̍sɔ̄lūɛ̄ī, mī I̍ bāŋa̍ yōōmūlā nyāla̍ŋ, ndu̍yɛ̍ mī I̍ ma̍nda̍ nya̍.”
A̍ hɛ̄ŋgɛ̍i̍ nda̍ nɔ̄ mā tōōsi̍a̍a̍ a̍ būlɔ̍ŋsīi̍ye̍ wo̍ o̍kɔ̄ɔ̄
17O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 18“Lā nɔ̄ mī lā tōōsi̍a̍a̍ hɛ̄ŋgɛ̍i̍ bɛ̍ndū īchīli̍ŋndo̍ a̍ būlɔ̍ŋsīi̍ye̍, le̍ bāla̍ŋ pūlɔ̄ɔ̍ a̍ pēlo᷄ŋ. Ndu̍yɛ̍, nyɛ̄ nya̍ nɔ̄ mī lā kɛ̄si̍ hɛ̄ŋgɛ̍i̍yo̍ ho̍ō lēcho̍ō wo̍ bɛ̍ɛ̍, a̍ būlɔ̍ŋsīi̍ye̍ nya̍ nɔ̄ ni̍ mī lā tōōsi̍a̍a̍ ndu̍. Tē lā tōōsi̍a̍a̍ hɛ̄ŋgɛ̍i̍yo̍ ho̍ō pɛ̍, lā kɛ̄si̍ ndu̍ tɛ̍ndīi̍yo̍ tɛ̄ɛ̄ŋ a̍ ma̍āŋndo̍. Ndu̍yɛ̍ mī lā dɔ̄ū mɛ̄ŋnda̍ŋ lēni᷄ŋ. 19Mɛ̄ŋma̍ cho̍ wā o̍ hɛ̄ŋgɔ̍ɔ̍ ho̍ō ni᷄ŋ nda̍ŋ, E̍lɔ̄ŋ ni̍, pūa̍a̍ ndūa̍a̍ ni̍, a̍ ma̍ŋ nda̍ nɔ̄ ni̍ mā pūlū bāla̍ŋ a̍ pēlo᷄ŋ. 20Lɔ̍ɔ̍pa̍ mā lūɛ̄ī o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍ ni᷄ŋ, ɔ̄ɔ̄ mā kūɛ̄ o̍ ma̍āŋndo̍ le̍ sa̍lāla̍ŋ lōmɔ̄ɔ̍ o̍ ya̍ Mɛ̄lɛ̄ka̍ Ya̍a̍wɛ̄ɛ̄ lo̍, ā nɔ̄ fɛ̍lɛ̍ŋ mā pūlū bāla̍ŋ a̍ pēlo᷄ŋ. Ko̍ŋ to̍sā ni̍ ā sɔ̍lā pi̍ɔ̍m te̍. 21Ā nɔ̄ mā pūlū bāla̍ŋ a̍ pēlo᷄ŋ, tē ō cho̍ ko̍ŋ te̍ ā sɔ̄la̍ pīɔ̍mndo̍. Ndu̍yɛ̍, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, E̍lɔ̄ŋ ni̍, pūa̍a̍ ndūa̍a̍ ni̍, yu̍ŋgu̍la̍ fu̍lā ni̍ŋ o̍ pūlāle̍ ndāle̍ŋ chōo̍ la̍ŋ ni̍, he̍ī chō wā māā sāwā le̍ nda̍ le̍ fɛ̍ɛ̍ŋ a̍ fɛ̍ɛ̍ŋ.”
A̍ chūɛ̄īmā nda̍ tālā wa᷅ŋnda̍ o̍ lēbōl le̍ nda̍ hɛ̄līo̍o̍ le̍ kpe̍ku̍ Mɛ̄lɛ̄ka̍a̍ wa̍ŋ o̍kɔ̄ɔ̄
22Mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, 23-25“Lā nɔ̄ mī lā chu̍a̍ nyɛ̄m chūŋ kɛ̄ndɛ̄ŋ yɛ̍ yi̍ɔ̍ɔ̍ŋ, mī lā tōōsi̍a̍a̍ chūɛ̄īya̍ŋ le̍ hɛ̄līo̍o̍. Nyɛ̄m chūŋ kɛ̄ndɛ̄ŋ nya̍ nɔ̄ mī lā tōōsi̍a̍a̍ chūɛ̄īya̍ŋ ma᷅ŋ ndo̍ŋ, mu̍ŋ cho̍ mu᷅ŋ ni̍. A̍mɔ̍ɔ̄, ō māmɛ̄ŋndo̍, pa᷅ŋnda̍ŋ tɔ̍ a̍ lā tīɔ̍ɔ̍ŋ, a̍ si̍na̍mɔ̄ŋ, pa᷅ŋnda̍ŋ lā ŋɔ᷄mpu᷅m, a̍ ke᷅ŋ, pa᷅ŋnda̍ŋ lā ŋɔ᷄mpu᷅m, a̍ ke̍e̍sīāā, pa᷅ŋnda̍ŋ tɔ̍ a̍ lā tīɔ̍ɔ̍ŋ. Nyɛ̄m chūŋ kɛ̄ndɔ᷄ŋ mu᷅ŋ ki̍nɛ̍i̍, lā nɔ̄ mī lā mūūli̍āŋ mu̍ŋ a̍ chūɛ̄īmā ɔ̄li̍fīi̍ya̍ŋ ka̍lɔ̄ŋndo̍ cha̍. Ndu̍yɛ̍ tē lā wa̍ mu̍ŋ tūūwo̍ pɛ̍, lā nɔ̄ mī lā tūu̍ mu̍ŋ o̍ sēke̍lēi̍ wānāā bɛ̄ndūa̍a̍ ā chɛ̄la᷅ŋ cho̍o̍ le̍ nyɔ̄ɔ̍ŋ tūūwo̍ wo̍. Chūɛ̄īmā nya̍ chō ma᷅ŋ tōōsīāā wa̍ŋ, lā nɔ̄ mī lā chūa̍ ma̍ŋ māā chūɛ̄īmā kāsī ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. 26Ndu̍yɛ̍ chūɛ̄īya̍ŋ ma᷅ŋ nya̍ nɔ̄ ni̍ mī lā dɔ̄ū o̍ nyɔ̄ɔ̍ŋ mu᷅ŋ le̍ tōsāa̍ mī ŋ̄ wa᷄ ŋ̄ hɛ̄līāā le̍ ya̍ Mɛ̍lɛ̄ka̍. Mu̍ŋ yɔ̍nūŋ ni̍ māā, tɛ̍ndīi̍ chɔ᷅m māā Mɛ̄lɛ̄ka̍ chō a̍ wāŋnda̍ lātūlu̍ wo̍, ndu̍yɛ̍ a̍ ma̍ŋ ko̍ni̍ nya̍ nɔ̄ ni̍, mī lā dīndi̍ kɔ̍fū kpe̍ma̍a̍, 27a̍ ti̍bīi̍ cho̍ o̍ tɛ̍ndīi̍yo̍ ho̍ō ni᷄ŋ ndo̍, lātūlu̍ a̍ wōlɔ̄ɔ̄lā ndɔ̄la̍ŋ kpo̍u̍, o̍ ko̍ŋ kɔ̍ɔ̍lī, a̍ nyɛ̄ kɛ̄sīāā lāla̍mbūi̍yo̍ ndu̍yɛ̍, a̍ wōlɔ̄ɔ̄lā ndɔ̄la̍ŋ, a̍ ma̍āŋ cho̍ le̍ nyɛ̄m chūŋ kɛ̄ndɔ᷄ŋ lōmɔ̄ɔ̍ lēchōo̍ wo̍, 28a̍ ma̍āŋ cho̍ le̍ sa̍lāla̍ŋ lōmɔ̄ɔ̍ lēchōo̍ wo̍, lātūlu̍ a̍ wōlɔ̄ɔ̄lā ndɔ̄la̍ŋ kpo̍u̍, a̍ hɛ̄ŋgɛ̍i̍ īchīli̍ŋ cho̍ le̍ bāla̍ŋ pūlɔ̄ɔ̍ a̍ pēlo᷄ŋ ndo̍, ndu̍yɛ̍, a̍ nyɛ̄ hɛ̄ŋgɛ̍i̍ ko̍ŋ ō chāl le̍chōo̍ wo̍. 29Mɛ̄ɛ̍ o̍ nɛ̄īyo̍ ho̍ō ni᷄ŋ, lā chō māchūāā nyɔ̄ɔ̍ŋ mu᷅ŋ yɔ̄ŋgōo̍ o̍ ya̍ Mɛ̄lɛ̄ka̍ lo̍ le̍ mī ŋ̄ sīmnu᷄ŋ nyɛ᷅m kāsī. Nyɔ̄ɔ̍ŋ mu᷅ŋ ki̍nɛ̍i̍, wānā o̍ wānā pi̍la̍ŋ mu̍ŋ pɛ̍, ō wa̍ wa᷅na̍ chi̍e̍e̍, ō wa̍ nyɛ̄ o̍ nyɛ̄ chēle̍ŋ, ō nɔ̄ mbō sīmnu᷄ŋ nyɛ᷅ kāsī. 30Ndu̍yɛ̍ E̍lɔ̄ŋ ni̍, pūa̍a̍ ndūa̍a̍ ni̍, lā nɔ̄ mī lā tāla̍ nda̍ chūɛ̄īya̍ŋ ma᷅ŋ o̍ lēbōl le̍ mā wa᷄ ā yɔ̄ŋga᷄ŋ o̍ ya̍ Mɛ̍lɛ̄ka̍ lo̍, mā wa᷄ wānāā kāsī, le̍ mā sāāŋgi̍a̍l la̍ māā wānāā sōlīāā lāsa̍lā. 31Ndu̍yɛ̍ mā di̍mu̍l wāŋnda̍ I̍sɔ̄lūɛ̄ī māā Mɛ̄lɛ̄ka̍ dīmi̍ āā, ‘Chūɛ̄īya̍ŋ ma᷅ŋ, chūɛ̄īmā kāsīa̍ŋ ma̍ cho̍ ya̍ Mɛ̄lɛ̄ka̍ o̍ hɔ̄l ni̍. Ndu̍yɛ̍, chɔ̍ŋ a̍ te̍le̍ŋndo̍ ho̍ō mbō kūɛ̄ a̍ lāchī kɛ᷅, ma̍ŋ nya̍ nɔ̄ le̍ wānāa̍ cho̍ ā hɛ̄līāā le̍ kpe̍ku̍ nu̍u̍ sōlīo̍o̍ wa̍ tālāa̍ o̍ lēbōl ni̍. 32Lā nɔ̍ mī lā tāla̍ ma̍ŋ wānā o̍ wānā che᷅le̍ŋ o̍ lēbōl te̍, mɛ̄ɛ̍ wānāa̍ cho̍ a̍ hɛ̄līāā le̍ kpe̍ku̍ nu̍u̍ sōlīo̍o̍ wa̍. Ndu̍yɛ̍ nyɛ̄m nya̍ tōōsīāā chūɛ̄īya̍ŋ ma᷅ŋ a̍ mu̍ŋ ndo̍ŋ ki̍nɛ̍i̍, lā nɔ̍ mī tōōsi̍a̍a̍ māchūɛ̄ī o̍ māchūɛ̄ī a̍ nyɛ̄m wāā le̍nde̍ le̍, fo̍ndōle̍, chūɛ̄īmā kāsīa̍ŋ ma̍ cho̍ ni̍. Ndu̍yɛ̍ lā nɔ̄ mī lā bīī ma̍ŋ māā chūɛ̄īmā kāsī. 33Wānā o̍ wānā to̍o̍si̍a̍a̍ chūɛ̄īmā su̍u̍ wa̍ā nu̍a̍ā pɛ̍, kɛ̄lɛ̄ŋgāā mbō tāla̍ chūɛ̄īya̍ŋ ma̍ŋ wānā o̍ wānā che᷅le̍ŋ o̍ lēbōl, o̍ cho̍ wa̍nāā so̍līāā lāsa̍lā le̍ wo̍ pɛ̍, wānā ko̍ŋ ō nɔ̄ mbō wa᷄ ō sōlīāā wānāā nīa̍a̍ tɛ̄ɛ̄ŋ po̍.’ ”
A̍ nyɛ̄m chūŋ kɛ̄ndɔ᷄ŋ o̍kɔ̄ɔ̄
34-35O̍ ko̍ŋ kɔ̍ɔ̍lī, mi̍ Mɛ̄lɛ̄ka̍ Ya̍a̍wɛ̄ɛ̄ di̍mūl Mūu̍sē āā, “Lā nɔ̄ mī lā chūa̍ nyɛ̄m chūŋ kɛ̄ndɛ̄ŋ yɛ̍ yi̍ɔ̍ɔ̍ŋ mu᷅ŋ, ndu̍yɛ̍ mī ŋ̄ wa᷄ kpɛ̍ŋnji̍, si̍ta̍tī, a̍ ɔ̍ni̍chā, a̍ ka̍ba̍nɔ̄ŋ, a̍ fi̍la̍ki̍ŋsɛ̄ŋ kɛ̄ndɛ̄ kɛ̍ndɔ᷄ŋ, mī lā mūūli̍āŋ mu̍ŋ tōōsi̍a̍a̍ a̍ hɛ᷄lle̍, le̍ mī ŋ̄ wa᷄ nyɛ̄m dīāndāā, ndu̍yɛ̍ mī ŋ̄ wa᷄ nyɛ̄m kāsī. 36Ndu̍yɛ̍, nyɛ̄ chūŋ kɛ̄ndɛ̄ kōŋ, tē a̍ wa̍ ndu̍ tōōsīa̍a̍ pɛ̍, ā chu̍i̍ ō ti᷄ŋ ō yɔ̄nu̍ŋ fu̍ŋgu̍nyɛ̍. Ō chūīyāā kōŋ, ndu̍ ŋ̄ nɔ̄ ni̍ mā wā dɔ̄wɔ̄ɔ̍ o̍ kɔ̍fū kpe̍ma̍ cho̍ o̍ fo̍ndāŋ kāsīo̍o̍ wo̍ lāchī, o̍ tɛ̍ndīi̍ chɔ᷅m māā Mɛ̄lɛ̄ka̍ chō a̍ nya̍ lātūlu̍ wo̍ ni᷄ŋ, nāa̍ na̍a̍ ŋ̄ wā ni̍ŋ bɔ̍ɔ̄ŋi̍āŋndo̍ wa̍. Ndu̍yɛ̍, ā nɔ̄ mā bīī nyɛ̄ chūīyāā kōŋ māā nyɛ̄ kāsī bɛ̄ndū. 37Wānā o̍ wānā nɔ̍ mbō tōōsi̍a̍a̍ nyɛ̄ chūŋ kɛ̄ndɛ̄ wāā nu̍a̍ā le̍ ndu̍ pi̍la̍, a̍ nyɛ̄m nda̍ tōōsi̍a̍a̍ nyɛ̄ chūŋ kɛ̄ndɔ̄ɔ̍ ho̍ō wo̍ le̍, kāni̍ fo̍ndōle̍, lā nɔ̄ mī lā chūa̍ ndu̍ māā nyɛ̄ kāsi̍ ya̍ Mɛ̄lɛ̄ka̍ Ya̍a̍wɛ̄ɛ̄ o̍ hɔ̄l. 38Wānā o̍ wānā to̍o̍si̍a̍a̍ nyɛ̄ chūŋ kɛ̄ndɛ̄ wāā nu̍a̍ā le̍ ndu̍ pi̍la̍ pɛ̍, wānā ko̍ŋ ō nɔ̄ mbō wa᷄ ō sōlīāā wānāā nīa̍a̍ tɛ̄ɛ̄ŋ po̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kisi Bible © Bible Society in Liberia, 2015.