Joshuwa 15
15
Dziko lidapasiwa Judha
1Dziko lidagawiliwa nshowo wawanthu wa Judha kuteyeza mabanja yawo, likhayambila chakunyantsi lichikafika kumalile ya Edhomu, mpaka chakunyantsi kwachipululu cha Zini. 2Malile yawo yachakunyantsi yakhayambila pam'malila nyanja yamunyu, kuchoka pampamba uninyangana chakunyantsi. 3Malile yamweyo yakhayenda chakunyantsi kwampata wa Akirabhimu kuyenda naku Zini, yachikhwizika nachakunyantsi kwa Kadheshi-bhareneya, yachipita naku Hezironi, kafika ku Adhari, yachigonyoka pomwe kafika ku Karika, 4yachipita naku Azimoni, yachiyenda kukamadzi kaku Ijipiti yachikamalila panyanja. Aya ndiyo malile yako yachakunyantsi. 5Nyanja yamunyu, ndiyo yakhali malile yakumabveladzuwa yachikafika padzalo la Jorodhani.
Malile yambali yachakudzulu yakhayambila mumpamba mwanyanja kafika padzalo la Jorodhani, 6malileyo yachilungama ku Bheti-hogila, yachikapita nachakudzulu kwa Bheti-arabha, kufika kumwala wa Bhohani. (Bhohani akhali mwana wachimuna wa Rubheni). 7Malile yamweyo yakhayambila pachigowa cha Akori, yachikwiza yadalungama ku Dhebhiri, yachigonyoka chakudzulu, yadalungama ku Giligali, pakhadanyanganana napampata wa Adhumimu m'mbali yachakunyantsi kwachigowa, yachipita nakuntsantsa ya Enishemeshi mpaka ku Enirogeli; 8malileyo yaniyenda nakuchigowa cha Hinomu chakumadokelo, kumatelo yachakunyantsi kwaphili laa Jebhusi, kukhana guta la Jerusalema; yankwiza padzulu paphili lidanyanganana nachigowa cha Hinomu chakumadokelo chakudzulu kumapeto kwagowa la Refayimu. 9Malile yamweyo yakhachokela padzulu paphili yachifika pantsantsa ya Nefutowa, yachilungama kumaguta yakufupi naphili la Efuroni, yachifika ku Bhaala iyo ikhachemelewa pomwe kuti Kiriyati-jeyarimu, 10malile yamweyo yakhazwengelela nachakumadokelo kwa Bhaala, yachikafika kuphili la Seyiri, yachipita nachakumatelo yakudzulu kwaphili la Jeyarimu, iyo ikhachemelewa pomwe kuti Kesaloni, yachibuluka ku Bheti-shemeshi, yachipita naku Timuna. 11Malileyo yakhapita pomwe nakumatelo yachakudzulu kwaphili laku Ekironi yachizwengelela kafika ku Shikeroni, yachipita nakuphili la Bhaala yachikafika ku Jabhineyeli yachimalila panyanja. 12Malile yakumadokelo ikhali nyanja ikulu nam'mphepete mwayene.
M'malile yamweyo ndimo mukhakhala wanthu wa Judha kuteyeza mabanja yawo.
Kelebho antola guta la Dhebhiri na Hebhuroni
13 #
Ato 1:20
Joshuwa adagawila Kelebho mwana wa Jefune, mbali inango yadziko pakati pawanthu wa Judha, kuteyeza bzidachoka pamulomo wa Chawuta. Kelebho adapasiwa guta la Kiriyati-aribha, ilo ntsiku zino lin'chemelewa kuti Hebhuroni. Aribha akhali apayi wa Anaki. 14Kelebho adathamangisa wana atatu wa Anaki, Sheshayi na Ahimani na Talimayi, wam'badwe wa Anaki. 15Paadachoka pamwepo iye adazayenda kamenyana nawanthu akakhala mu Dhebhiri, iyo kale-kale ikhambachemelewa nadzina lakuti Kiriyati-seferi. 16Kelebho adati, “Munthu an'zamenya guta la Kiriyati-seferi achilitola, nin'zampasa mwana wangu wachitsikana Akisa kuti akhale nkazi wake.” 17Otiniyeli mwana wa Kenazi, nkulu wa Kelebho ndiye adalitola, nakutenepo Otineli adapasiwa Akisa kukhala nkazi wake. 18Pantsiku yafeshita yan'chato Otiniyeli adapembzelela Akasa nkazi wake kuti akumbile munda kwaapayi wake. Iye paadafika kwaapayi wake achibuluka padhonki lake, Kelebho adati kwayiye, “Ukufunanyi.” 19Iye adati kwaapayi wake, “Ndipaseni daliso, pakuti dziko lamudandipasa nimbuto yakuwuma kwene-kwene, ndipaseni pomwe n'chela wamadzi.” Nakutenepo Kelebho adapasa Akasa mwana wake michela yachakudzulu nayachakunyantsi.
Maguta ya Judha
20Iyi ndiyo nthaka yadziko idapasiwa wanthu wa Judha kuteyeza mabanja yawo. 21Maguta yawanthu wanshowo wa Judha yachakunyantsi chambali yakumalile ya Edhomu yakhali, Kabhuzeyeli na Edheri na Jaguri 22na Kina na Dhimona na Adhadha 23na Kedheshi na Hazori na Itinani na 24Zifu na Telemu na Bheyaloti 25na Hazori-hadhata na Keriyoti-hezironi likhachemelewa pomwe kuti Hazori 26na Amamu na Shema na Moladha 27na Hazari-gadha na Heshimoni na Bheti-peleti 28na Hazari-shuwali na Bheeri-shebha na Bhiziyotiya 29na Bhaala na Limu na Ezemu, 30kuchizabwela Elitoradhi na Kesilu na Horima, 31na Zikilagi na Madhimana na Sanisana, 32na Lebhayoti na Shilihimu na Ayini na Rimoni. Maguta yentse pabodzi namiyi yayene yakhafika makumi mawili napfemba.
33Aya ndiyo maguta yakhali mubzigowa, Eshitaoli na Zora na Ashina, 34na Zanowa na Eniganimu na Tapuwa na Enamu 35na Jarimuti na Adhulamu na Soko na Azeka 36na Shaarayimu na Adhitayimu na Gedhera na Gedherotayimu. Maguta yentse pabodzi namiyi yayene yakhafika khumi namanayi.
37Kuzabwela Zenani na Hadhashi na Migidhali-gadhi 38na Dhilani na Mizipa na Jokitiyeli 39na Lakishi na Bhozikati na Egiloni 40na Kabhoni na Lahimasi na Kitilishi 41na Gedheroti na Bheti-dhagoni na Naama na Makedha. Maguta yentse pabodzi namiyi yayene yakhafika khumi natanthatu. 42Pakhana yanango pomwe maguta yakhali, Libhina na Eteri na Ashani 43na Ifuta na Ashina na Nezibhi 44na Keyila na Akizibhi na Maresha, maguta yentse pabodzi namiyi yayene yakhafika pfemba. 45Ekironi namaguta namiyi yayene, 46kuchoka ku Ekironi kufika kunyanja, nabzentse bzikhali kumbali ya Ashidhodhi, namiyi yentse ikhadazungunuka. 47Kuzabwela Ashidhodhi namaguta yayene namiyi yayene na Gaza namaguta yayene namiyi yayene, kufika kukamadzi kaku Ijipiti nam'malile mwakene. 48Mudziko lamapili mukhana, Shamiri na Jatiri na Soko 49na Dhana na Kiriyati-sana iyo ikhachemelewa pomwe kuti Dhebhiri, 50kuzabwela Anabhi na Eshitemowa na Animu 51na Gosheni na Holoni na Gilo. Maguta namiyi yayene yakhafika khumi nalibodzi. 52Kuchizabwela Arabhu na Dhuma na Eshani 53na Janimu na Bheti-tapuwa na Afeka 54na Humuta na Kiriyati-aribha iyo ikhachemelewa kuti Hebhuroni na Ziori. Maguta pfemba namiyi yayene.
55Kuzabwela Mawoni na Karimeli na Zifu na Juta 56na Jezireyeli na Jokidheyamu na Zanowa 57na Kayini na Gibheya na Timuna. Maguta yakhafika khumi namiyi yayene.
58Kuzabwela Halihuli na Bheti-zuri na Gedhori, 59na Maarati na Bheti-anoti na Elitekoni, maguta yakhafika matanthatu namiyi yayene.
60Kuzabwela Kiriyati-bhaali iyo ikhachemelewa pomwe kuti Kiriyati-jeyarimu na Rabha, maguta mawili namiyi yayene.
61Muchipululu mukhana maguta aya, Bheti-arabha na Midhini na Sekaka 62na Nibhushani guta lamunyu na Enigedhi, yentse pabodzi yakhali matanthatu namiyi yayene. 63#Ato 1:21; 2 Sam 5:6; 1 Mako 11:4Wanthu wa Judha alibe kukwanisa kuthamangisa a Jebhusi akhakhala mu Jerusalema, nakutenepo a Jebhusi akukhala nawanthu wa Judha mu Jerusalema nalelo.
Currently Selected:
Joshuwa 15: KUNDA
Highlight
Copy
Compare
Share
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
