Joshuwa 12
12
Mazimambo yadakundiwa na Mozisi
1 #
Kuw 21:21–35; Kuts 2:26—3:11 Aya ndiyo mazimambo yamadziko yadakundiwa nawana wa Izraeli, yaadatolela nthaka yamadziko yawo, yakung'ambu kwa Jorodhani ku Arabha chakumabveladzuwa, kuyambila pachigowa cha Arinoni kafika kuphili la Herimoni, nawentse wamubzigowa bza Jorodhani chakumabveladzuwa. 2Sihoni mambo waa Amori uyo akhakhala mu Heshibhoni akhatonga kuyambila pa Aroyeri, ili mumphepete mwachigowa cha Arinoni, pomwe kuyambila pakati pachigowa kufikilatu pakamadzi ka Jabhoki, pamalile yawanthu Amoni kati-nakati yadziko la Giliyadhi, 3yakhayambila kuchigowa cha Jorodhani yachikafika kunyanja ya Galileya chakumabveladzuwa, yadalungama kunjila yaku Bheti-jeshimoti yachikafika kunyanja ya Arabha, nyanja ya munyu, yachikafika chakunyantsi kumatelo ya Pisiga.
4Adakunda pomwe dziko lamambo Ogi waku Bhashani, ule adasala pawanthu wamphamvu wa Refayimu akhakhala pa Ashitaroti napa Edhireyi, 5uyo akhatonga wanthu akhakhala m'phili la Herimoni na Saleka nadziko lentse la Bhashani, kufika kumalile yaa Geshuri naa Maaka, nakati-nakati yaa Giliyadhi, mpaka kafika kumalile ya Sihoni mambo waku Heshibhoni. 6#Kuw 32:33; Kuts 3:12Mozisi mulanda wa Chawuta nawana wa Izraeli adakunda mazimambo yamweyo. Mozisi mulanda wa Chawuta adapeleka dziko limwelo kunshowo wa Rubheni nawa Gadhi nakati-nakati yawanthu wadzinza la Manase kukhala lawo.
Mazimambo yadakundiwa na Joshuwa
7Aya ndiyo mazimambo yadakundiwa na Joshuwa pabodzi nawana wa Izraeli, dziko lachakumadokelo kung'ambu kwa Jorodhani, kuyambila ku Bhaali-gadhi mugowa la Lebhanoni mpaka kuphili la Halaki ilo linkwiza lichiyenda ku Seyiri. Joshuwa adapeleka dziko limwelo kumishowo ya Izraeli kuti likhale lawo kugawiliwa kwaadachitiliwa. 8Adagawa dziko lentse kuphatanizila dziko lamapili, namunyantsi mwalene, muchigowa cha Jorodhani nam'matelo yam'mapili namuchipululu chamu Judhiya, namu Negebhu, mudziko laa Hiti, laa Amori, laa Kenani, laa Perezi, laa Hivi nadziko laa Jebhusi. 9Wanthu wa Izraeli adakunda mambo waku Jeriko namambo waku Ayi, pambali pa Bheteli, 10mambo waku Jerusalema nawaku Hebhuroni 11mambo waku Jarimuti nawaku Lakishi 12mambo waku Egiloni nawaku Gezeri 13namambo waku Dhebhiri nawaku Gedheri 14namambo waku Horima nawaku Aradhi 15namambo waku Libhina nawaku Adhulamu 16namambo waku Makedha nawaku Bheteli 17mambo waku Tapuwa nawaku Heferi 18mambo waku Afeki nawaku Lasharoni 19mambo waku Madhoni, nawaku Hazori 20mambo waku Shimuroni-meroni, mambo waku Akishafi 21mambo waku Tanaki nawaku Megidho 22mambo waku Kedheshi nawaku Jokineyamu mu Karimeli 23mambo waku Dhori nawaku Nafati-dhori nawaku Goyimu mu Giligali 24nawaku Tiriza. Mazimambo yentse pabodzi yakhafika makumi matatu nam'bodzi.
Currently Selected:
Joshuwa 12: KUNDA
Highlight
Copy
Compare
Share
Want to have your highlights saved across all your devices? Sign up or sign in
Bhaibheri reChikunda © Bible Society of Zimbabwe
