Èhàwo 99
99
Mawu nyi Èfìɔ kɔ̀kɔ̀ɛa
1Tɔhonɔ̀ ɖùfìɔ, dùkɔ̃wo mì pò tìtìtì.
E ɖo yebe àzìkpea ɖo Kèrubimwo ji, ànyigbã hũhũ.
2Lè Ziɔ̀n, Tɔhonɔ̀ lòlò.
E gbà wugã dùkɔ̃wo kpata.
3Na ne woa kafu àpo ŋɔji nyikɔ gã, ɖo Tɔhonɔ̀ kɔ̀.
4Nɔ kafu èfìɔ kè lɔ̃nà jɔ̀jɔɛsòsoa be ŋusɛ̃.
Wò li kunùmàwu ɖɛ.
Wò lè ànùkua kudo jɔ̀jɔɛsòso ji lè Yakɔb mè.
5Mì lòlò Tɔhonɔ̀ miabe Mawu a,
ne mìa jèɖɛ̀ lè yebe àfɔ̀ɖojinua gbɔ.
Tɔhonɔ̀ lè kɔ̀kɔ̀ɛ.
6Mosè ku Arɔ̀n wo lè yebe hũbonɔwo dòmè,
Samuɛl cã fã yɔ ɛ̀.
Wo yɔ Tɔhonɔ̀ eye e tɔ̀ na wo.
7Mawu pò nupo na wo so lilikpowo dòmè.
Wo kpɔ yebe èse kudo ɖoɖo kèwo e sɔ na woa ji.
8Tɔhonɔ̀ miabe Mawu, wò tɔ̀ na wo.
Wò hɛ̃ àdòdò ku wo, vɔ̀a wò biɔ wo
woabe àgɔ̀jèjewo be èhlɔ̃.
9Mì lòlò Tɔhonɔ̀, mìabe Mawu a,
mì jèɖɛ̀ na ɛ̀ lè yebe èto kɔ̀kɔ̀ɛa be ŋùkɔ̀.
Ɖo Tɔhonɔ̀ miabe Mawu a lè kɔ̀kɔ̀ɛ.
Currently Selected:
Èhàwo 99: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
