Èhàwo 98
98
Èhà yeye na Tɔhonɔ̀
1Èhà.
Mì jì èhà yeye ɖe na Tɔhonɔ̀,
ɖo e wɔ̀ ènujɔ̀asuwo.
Yebe ɖùsilɔ kudo àlɔ̀ kɔ̀kɔ̀ɛa ɖùji na ɛ̀.
2Tɔhonɔ̀ ɖè yebe àmèhlùɛ̃gãa fiɔ.
E ɖè yebe jɔ̀jɔɛsòso fiɔ àgbãŋùgbà lè àmèwo dòmè.
3E ɖoŋù yebe lɔ̃lɔ̃ kudo ègbèjinɔ̀nɔ kè be ɖo na Izràɛl be dùkɔ̃a.
Ànyigbã jitɔwo kpata kpɔ àlekè Mawu hlùɛ̃ mi gãa.
4Mì do jìjɔɛ be àpa na Tɔhonɔ̀.
Mìa ànyigbã jitɔwo kpata, mì kpà àbòbo ne mìa jì kafu-ha.
5Mì pò èhɛ sɔ jì èhàgbè vivi ɖe na Tɔhonɔ̀.
6Èkpɛ̃ kudo èzèwo be ègbè ne nɔ ɖì,
sɔ nɔ do jìjɔɛ be àpa lè Tɔhonɔ̀,
miabe èfìɔa be ŋùku mè.
7Na àpù kudo e mènuwo ne ɖègbè, sìgbè
xixea kudo àmè kèwo lè e mèa ke nène.
8Na ètɔ̀ àgbòagbòwo ne pò àsikpe,
na ètowo kpata ne do jìjɔɛ be àpa lelele,
9lè Tɔhonɔ̀ be ŋùkɔ̀; ɖo e gbãnà.
Ɛ̃ɛ, e gbãnà la ɖokòjo ku ànyigbã a.
E la ɖokòjo ku xixea lè jɔ̀jɔɛsòso mè
eye e la sò ènyà na dùkɔ̃wo pɛpɛpɛ.
Currently Selected:
Èhàwo 98: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
