Èhàwo 92
92
Jìjɔɛ sɔ jì èhà na Tɔhonɔ̀
1Èhà. Jɛ̃gbɔ̃ zãgbè be Èhà.
2Ènu nyuɛ̃ ɖe be nyi be woa lòlò Tɔhonɔ̀,
woa jì èhà sɔ kafu àpo nyikɔ, Oò Mawu gã!
3Woa ɖè àpo àdɔ̀mè nyuɛ̃ wɔ̀wɔ fiɔ ŋùdekɛ̃nyɛ,
gbà nɔ ɖè àpo ànùkua wɔ̀wɔ sia lè èzãwo mè.
4Lè kàsãŋùgu ku kàsãŋùgu ŋùku èwo,
èhɛ be ègbè ɖìɖi zĩse ɖe mè.
5Tɔhonɔ̀, àpo èdɔwo do jìjɔɛ na mù,
eye mù le do jìjɔɛ be àpa lè àpo àlɔ̀nudɔwo be ŋùkɔ̀.
6Àpo wɔ̀wɔwo lòlò ŋutɔ,
Tɔhonɔ̀; àpo tamè be susuwo tito ŋutɔ.
7Yɛ̀yìnɔ̀a mu nya ekèa ò,
àmè kè àyè ku na a, mu la sè e gɔ̃mè ò.
8Ne àmè bàɖàwo le vlũ vlàvlà
sìgbè àlekè ègbe vuɛ̃wo tona vlɔ̀vlɔ̀ nènea,
ne ènumàɣewɔ̀tɔwo le pò èse a,
ekèa gɔ̃mè ye nyi be wo gbãnà cɔ̃crɔ̃ gbe ɖobaa.
9Vɔ̀a, èwò Tɔhonɔ̀, wò sù kaka yì.
10Kpɔɖa Tɔhonɔ̀, àpo kɛ̃tɔwo la ku godoo.
Wò kãkã ènu bàɖàwɔ̀tɔwo keŋu.
11Vɔ̀, wò la kɔ àzò nyèwo yì ji sìgbè ètò nène,
eye wò la do àmì èta na mù.
12Ŋùku nyè jro la kpɔ àpe kɛ̃tɔwo be ànyi jèpe.
Eye àpe èto la sè ènyà ɖe so àmè bàɖà
kèwo sitè ɖo ŋuti nyèa ŋuti.
13Àmè kè lè ègbèji na Mawu a, la sĩ sìgbè dèti nène,
e la mìɔ̃ sìgbè sedàti nène lè Libàn.
14E nyi àti kè wo do ɖo Tɔhonɔ̀ be àxuea mè,
eye e la pò èse lè miabe Mawu be àgbàsa mè.
15E la kpɔ̀tɔ̀ nɔ sɛ̃ku lè yebe sĩsĩ mè cã.
E la sĩ do àmà tɛ̀gbɛ̀.
16Ekèa la ɖèfiɔ be Tɔhonɔ̀ lè jɔ̀jɔɛ.
E ye le nyi àpe àkpã sɛ̃sɛ̃.
Dàda ɖekpe mu lè e mè ò.
Currently Selected:
Èhàwo 92: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
