Èhàwo 101
101
Èfìɔ be àjɔ̀gbèfìãfiã na Mawu
1David be Èhà.
Mù la jì lɔ̃lɔ̃ ku jɔ̀jɔɛsòso be èhà;
èwò Tɔhonɔ̀ ye mù la jì èhà na.
2Mù la kpɔ ɖokoe nyè ji nyuɛ̃ ɖe lè èmɔ̃ kɔ̀kɔ̀ɛ nu.
Wàlɛbɛ kɛ ye wò la va gbɔ nyè?
Mù la nɔ̀ àgbè mà-ɖoɖi lè àxue nyèa mè.
3Nyè mu la na ŋùku nyè la kpɔ ènu màɣe ɖekpe ò.
Mù crì àmè kèwo gbe wòa.
Woabe wɔ̀na mu jènà tɔ̀ nyè ji ò.
4Nyè mu la do èha kudo àmè mà-wɔ̀ ànùkua ɖekpe ò.
Eye nyè mu ji la nya àmè bàɖà ɖe cã ò.
5Mù la na àmè-havi-gbletɔ be ènu la bɔ̀ kpoo.
Eye àmè kè kona ànya be ènu la jiŋɔ na mù ŋutɔ.
6Ŋùkuvi nyè lè ànùkuamè, ànyigbã jitɔ̀wo ji; be woa nɔ̀ gbɔ nyè.
Àmè kèwo zɔ̃nà àzɔ̃lì tututua, wo ye la sumɔ mù.
7Àlàkpànuwɔ̀tɔ ɖe ma nɔ̀ àpe àxuea mè ò,
àjèɖàtɔ ɖe cã ma nɔ̀tè lè ŋùkɔ̀ na mù ò.
8Ŋùkèkè sia ŋùkèkèa, mù la nɔ miɔ̃ ènu
na àmènyrãkuwo lè ànyigbã ji,
ne ma crɔ̃ ènu màɣewɔ̀tɔwo
kpata lè Tɔhonɔ̀ be èdùa mè.
Currently Selected:
Èhàwo 101: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
