Èhàwo 1
1
XOMA CUCUGBƆ̃ A
(Èhàwo so èta 1 yì 41)
Mawu tunasì na ètonusètɔ
1Sìtume ye nyi àmè
kè mu sènà àmè bàɖàwo be ètopòɖowo òa,
kè mu kpɔna ènu bàɖàwɔ̀tɔ be kpɔwɔɛ ò
eye mu nɔ̀nà àmèkòtɔwo dòmè ò.
2Vɔ̀a, e kpɔna jìjɔɛ ɖo Tɔhonɔ̀ be èsea ŋuti
eye e dènà ŋùgblè so e ŋuti èzã ku kedè.
3E lè kpò sìgbè àti ɖe kè wo do ɖo ètɔ̀ toa nène.
E nana yebe èkusɛ̃sɛ̃wo ɖo yebe gàmè,
eye yebe àmàkpawo nɔ̀nà vlɔ̀vlɔ̀ gà sia gàmè.
Ènu sia ènu zɔ̃nà sù na nène be àmèa.
4Mu nɔ̀nà nènea na àmè bàɖàwo ò.
Wo lè sìgbè fòflo kè àya kplɔ̀ le yìa nène.
5Ɖo ekèa ŋutia, àmè bàɖàwo
mu la teŋu nɔ̀tè lè kòjoɖoɖo-zã gbè ò.
Lè fikè àmènyuɛ̃wo bɔ̀ lèa,
tèpe mu la nɔ̀ ànyi na àmè bàɖàwo ò.
6Ɛ̃ɛ Tɔhonɔ̀ jrànà àmènyuɛ̃wo be èmɔ̃wo ɖo.
Vɔ̀ àmè bàɖàwo be wɔ̀na, kplɔ̀ wo yìnà cɔ̃crɔ̃ mè.
Currently Selected:
Èhàwo 1: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.
