Levìwo 19
19
Leke Mawu jro be woa sumɔ yè ɖoa
1Tɔhonɔ̀ gblɔ̃ na Mosè be: 2“Gblɔ̃ na Izràɛlviwo be àmèha a kpata be: Mì nɔ̀ kɔ̀kɔ̀ɛ, ɖoa ènyè Tɔhonɔ̀, mìabe Mawu a, mù lè kɔ̀kɔ̀ɛ#19.2 Kpɔ èta 11.44-45; 1Pet 1.16.
3Mìa dòmètɔ ɖe sia ɖe ɖo la nɔ bù ènɔa ku ètɔa, eye mì ɖo la nɔ zɔ̃ ɖo àpe jɛ̃gbɔ̃zãwo ji#19.3 Tot 20.12; 21.17; Gbì 5.16; Eze 22.7; Màt 15.4; Efe 6.2. Jɛ̃gbɔ̃zã Kpɔ èta 19.30; 23.3; 26.2; Tot 20.8-11; Gbì 5.12-15; Eze 22.8; Màt 12.1-2;. Ènyè ye nyi Tɔhonɔ̀, mìabe Mawu.
4Mì mu gbà trɔ jè ŋùkɔ̀ vòduwo ò, eye mì mu gbà wɔ̀ àtikpàkpa be vòduwo na mìa ɖokoewo ò#19.4 Vòduwo Kpɔ Tot 20.3; 34.14; Èhàw 81.10; Màt 4.10; Tot 20.4-5; 32.1-6; 34.17; Gbì 27.15; 1Èfìɔ 12.28-30; Eza 44.16-17. Ènyè ye nyi Tɔhonɔ̀, mìabe Mawu.
5Ne mì le wɔ̀ ènumème vɔsa kè nyi ŋuti fàfa be vɔsa na Tɔhonɔ̀a, mì wɔ̀ ɛ̀, àleke be Tɔhonɔ̀ ne xɔ̀ vɔsaa na mì. 6Mì la ɖù ì, gbè kè gbè mì wɔ̀ vɔsaa ku yebe èŋù kè gbè. Ènu kè la kpɔ̀tɔ̀ ŋùkèkè ètɔ̃gɔ̃a gbèa, mì la tɔ ɛ̀ èzò. 7Ne mì gbà ɖù ì kpò ye, ŋùkèkè ètɔ̃gɔ̃a gbèa, èlã gbegble kè nyè mu la lɔ̃ ò a, ye be la nyi. 8Àmè kè la ɖù ìa, la nɔ̀ yebe àgɔ̀jèjea nu, ɖoa, e gble èkɔ̀do na ènu kè ŋuti wo kɔ̀ na Tɔhonɔ̀a. Wo la ɖè àmè ŋua, jo lè yebe xòmètɔwo dòmè.
9Ne wò le yà nukuwo lè àpo àgblè mèa, wò mu la ŋɛ̃ nukuawo yì ɖo kaka àgblèa be tomè ò, eye wò mu la cã nuku wò kèwo hlɛ̃ ɖo ànyigbãa ò. 10Wò mu la kɛ̃ vɛ̃-kpò kèwo la kpɔ̀tɔ̀ ɖo vɛ̃-kàwo ŋutia ò, eye wò mu la cã vɛ̃-ku kèwo hlɛ̃ ɖo ànyigbãa cã ò. Wò la gble wo ɖɛ na wɔ̀amènɔ̀wo ku àmèjrowo. Ènyè ye nyi Tɔhonɔ̀, mìabe Mawu#19.10 Kpɔ èta 23.22; Gbì 24.1-22..
11Mì mu gbà nɔ fìfĩ ò; mì mu gbà nɔ ɖà àjè ò, mì mu gbà nɔ bà àmè ò, àlo, mìa nɔ̀ ɖà àjè ɖo mìa nɔ̀vi si ò#19.11 Èfĩ Kpɔ Tot 20.15; Gbì 5.19 Àjè Kpɔ èta 5.21-22.. 12Mì mu gbà nɔ sɔ nyikɔ nyè nɔ tà ènu ɖo àjèɖàɖa ji ò#19.12 Tot 20.7, 16; Yer 5.2; Màt 5.33; Dɔw 6.13. Ne mì wɔ̀ ekèa, mì le dovlo mìabe Mawu be nyikɔ. Ènyè ye nyi Tɔhonɔ̀, mìabe Mawu.
13Mù gbà tafu èhavi wò ò, eye mù gbà fĩ ì ò. Àpo èdɔwɔ̀tɔ be èfɛ̃tu mu gbà ci gbɔ wò, èŋù ne kè ɖo ji ò#19.13 Kpɔ èta 5.21-23; Tot 22.20; Gbì 24.14-15; Eze 22.12.. 14Mù gbà zũ ètokunɔ̀ ò, eye mù gbà sɔ àfɔ̀klɛ̃nu ɖo ŋùkɔ̀ na ŋùkuvigbãgbãnɔ̀ ò#19.14 Gbì 27.18; Yɔb 29.15.. Nène ye wò la ɖè è fiɔ be wò vɔ̃na àpo Mawu a yeŋu. Ènyè ye nyi Tɔhonɔ̀, àpo Mawu.
15Mì mu gbà nɔ ɖo kòjo gɔ̃glɔ̃ ò: mì mu gbà nɔ ŋɛ̃ ŋùkuvi pu àmè gbɔjɔ be àgɔ̀jèje ji, àlo, mìa nɔ dɔ̃ àmè kè ɖo ŋusɛ̃a ji ò; vɔ̀a, mì nɔ sò kòjo jɔ̀jɔɛ na mìabe èdùmèvi#19.15 Tot 23.3, 6-8; Gbì 1.17; 16.19.. 16Mù gbà nɔ do lɛ̀gɛ̀dɛ̀ lè àpo xòmè mè ò, eye mù gbà nɔ sɔ ènyà ɖo àmè ji, ne ekèa bèa na be èhavi wò be èhũ ne kɔ̀ ɖɛ ò. Ènyè ye nyi Tɔhonɔ̀. 17Mù gbà le nɔ̀vi wò ɖo àdɔ̀mè, ne wòa nɔ ɖè àmè cìcri be susu so e ŋuti, ne wòa va wɔ̀ èvuɛ̃ ò#19.17 Màt 18.15, vɔ̀a, ne e jè àgɔ̀ do wòa, kã ŋùkumè na ɛ̀ bòhũ, ne wò mu gbà dro èvuɛ̃ be àgbã ɖo e ŋuti ò. 18Mù gbà biɔ èhlɔ̃ ò, eye mù gbà le èkɛ̃ àpo èdùmèvi ò; nènea ye wò la wɔ̀, la sɔ ɖè è fiɔ be wò lɔ̃ èhavi wò, sìgbè wò ŋutɔ ke nène#19.18 Màt 5.43; 19.19; 22.39; Mrk 12.31; Luk 10.27; Rom 13.9; Gal 5.14; Yak 2.8.. Ènyè ye nyi Tɔhonɔ̀.
19Mì zɔ̃ ɖo àpe èsewo ji; mì mu gbà sɔ àxomèlã kèwo to vòvòawo do àsu lè woa nɔ̀nɔwo dòmè ò. Mù gbà do nuku vòvò èvè ɖo àpo àgblè mè ò. Mù gbà do àwù kè be àvɔ, wo sɔ èkà vòvò èvè, sɔ lɔ̃ ò#19.19 Kpɔ Gbì 22.9-11.
20Ne ŋusù ɖe dɔ̃ nyɔ̃nù ɖe kè nyi sumɔ̃vi nyɔ̃nù kè wo sɔ àgɔ̀ na àmè bua gbɔ, eye nyɔ̃nùa nyi àmè kè wo mu xɔ̀ plè ò a, wo mu la wù wo ò, ɖoa, wo mu xɔ̀ nyɔ̃nùa plè ò. Vɔ̀a, ŋusùa la na àjɔ̀. 21Ŋusùa la hɛ̃ àgbò ɖèka va Ègòdodo be gòxɔa mɔnu, la sɔ wɔ̀ ènujràɖo vɔsa na Tɔhonɔ̀. 22Ne hũbonɔa sɔ ènujràɖo be àgbòa wɔ̀ èvuɛ̃ sɔsɔkè be èkɔ̀nua ɖo e ta, lè Tɔhonɔ̀ be ŋùkɔ̀, ɖo èvuɛ̃ kè be wɔ̀a taa, wo la sɔ èvuɛ̃ ŋua kè è.
23Ne mì ɖo ànyigbãa ji, eye mì do àti ɖekpekpea, kaka na èpè ètɔ̃ sɔ̃ŋua, yebe èku sɛ̃sɛ̃wo ne nɔ̀ na mì, sìgbè èkusɛ̃sɛ̃ kèwo wo mu sò èvo na ò a nène. Kaka na èpè ètɔ̃a, wo la nyi bòlobòlo be èkusɛ̃sɛ̃wo na mì. Ekèa ŋutia, mì mu la ɖù yebe èkusɛ̃sɛ̃ ò. 24Èpè ènègɔ̃a mèa, mì la sɔ yebe èkusɛ̃sɛ̃wo keŋu va savɔ na Tɔhonɔ̀, eye be la nyi kàfù-kafu be àzãɖùɖu gã ɖe. 25Èpè àtɔ̃gɔ̃a mèa, mì la ɖù woabe sɛ̃sɛ̃wo. Ne mì wɔ̀ ekèa, mìabe nukuyàya la nɔ jì ɖo e ji. Ènyè ye nyi Tɔhonɔ̀, mìabe Mawu.
26Mì mu gbà ɖù èlã ɖekpe, lè àfi kè mì kɔ̀ yebe èhũ ɖɛ lèa ò. Mì mu gbà wɔ̀ èbo ò; mì mu gbà kã àfã ò#19.26 1Sam 14.32-33; Gɔ̃m 9.4; Lev 17.10-11; Gbì 18.10-11; 2Èfìɔ 17.17; 21.6; 2Kro 33.6.. 27Mì mu gbà kpà èɖà klòbòtò ɖo èta ò, eye mì mu gbà plɔ àkpa ɖèka na mìabe ègɛ̃ ò. 28Ne àmè ku na mìa, mì mu gbà sì mìa ɖokoewo be ŋuti, be yèwo sɔ le wɔ̀ ècɔ, àlo mìa ta ènu ɖo mìabe àgbàze ŋuti ò#19.28 Gbì 14.1; Yer 41.5.. Ènyè ye nyi Tɔhonɔ̀.
29Mì mu gbà na mìabe nyɔ̃nùvi ne wɔ̀ àhasì, la sɔ ɖìgbɔ ɛ̀ ò#19.29 Gbì 23.18; Yer 2.20.. Ne mu nyi nène ò a, èdùa la va ɖɔ ku àhasìtɔ ku ènu nyɔŋu wɔ̀tɔwo ɖèɖe. 30Mì nɔ zɔ̃ ɖo jɛ̃gbɔ̃zã nyèwo ji, eye mìa do bùbu kɔ̀kɔ̀ɛpe nyèa ŋuti. Ènyè ye nyi Tɔhonɔ̀.
31Mì mu gbà nɔ yɔ èxɔ̀ ò, eye mì mu gbà nɔ kã àfã ò#19.31 Gbì 18.10-11; 1Sam 28.3; 2Èfìɔ 23.24; Eza 8.19;; ènu ŋuawo la na mì la nɔ̀ màkɔ̀ màkɔ. Ènyè ye nyi Tɔhonɔ̀, mìabe Mawu.
32Sitè, ne wòa nɔ̀ ètènu, lè àmègã èta ɣe be ŋùkɔ̀, eye nɔ ɖo bùbu àmè sĩsĩ ŋuti. Nène ye wò la wɔ̀, la sɔ ɖè fiɔ be wo sina Mawu. Ènyè ye nyi Tɔhonɔ̀.
33Ne àmèjro ɖe va lè mìabe èdù mèa, mì mu gbà tafu ì ò. 34Leke mì nɔ̀nà ku èdùa mèviwoa kè ye mì la nɔ̀ kudo àmèjro kè va lè mìa dòmèa cã. Wò la lɔ̃ ɛ̀, sìgbè wò ŋutɔ ke nène, ɖoa mìawo ŋutɔ cã, mì nyi àmèjro kpɔ, nɔ̀ Ejiptè-nyigbã ji#19.34 Tot 22.20; Gbì 24.17-18; 27.19.. Ènyè ye nyi Tɔhonɔ̀, mìabe Mawu.
35Mì mu gbà wɔ̀ ènu màjɔ̀ màjɔ ku jijenu kèwo mì sɔ jijena ànyigbã, àlo, àvɔ; kèwo mì sɔ jijena ènu be kpɛ̃kpɛ̃ mèa, ku kèwo mì sɔ jijena àmì, àlo, àhàa ò. 36Mìabe àgbãdànuwo ne nyi ènu kèwo sɔ̀gbèa, kpɛ̃kpɛ̃dànuwo ne sɔ̀gbè, àmì, àlo, àhà jijenuwo cã ne sɔ̀gbè#19.36 Gbì 25.13-16; Èlo 11.1; 20.10; Eze 45.10-12; Amɔ 8.5; Mik 6.11.. Ènyè ye nyi Tɔhonɔ̀, mìabe Mawu, kè kplɔ̀ mi to so Ejiptè-nyigbã jia.
37Mì le èse ku èkɔ̀do nyèwo ɖo àsi, ne mìa wɔ̀ ɖo woa ji, ɖoa, ènyè ye nyi Tɔhonɔ̀.”
Mina Bible © Bible Society of Togo, 2014.