Levìwo 18
18
Bùbu dodo èsrɔ̃ɖèɖe ŋuti
1Tɔhonɔ̀ pò nupo na Mosè, eye be gblɔ̃ na ɛ̀ be: 2“Gblɔ̃ na Izràɛlviwo be: Ènyè ye nyi Tɔhonɔ̀, mìabe Mawu. 3Mì mu la gbà wɔ̀ ènu kè wo wɔ̀nà lè Ejiptè-nyigbã ji, àfi kè mì nɔ̀ sãa ò; mì mu la wɔ̀ ènu kèwo wo wɔ̀nà lè Kanàn-nyigbã kè ji mù kplɔ̀ mì le yìa ò; mì mu gbà zɔ̃ ɖo woabe èsewo ji ò#18.3 Lè Ejiptè-nyigbã jia, nɔ̀viwo, àlo xòmètɔwo teŋu ɖè woa nɔ̀nɔwo fàa. Nène a ke ye, lè Kanàn-nyigbã jia, ŋusù ku nyɔ̃nù be dɔ̃dɔ̃ nyɔŋuwo lè. Gɔ̃m 19.4-9. 4Èkɔ̀nu kèwo mù do àsi na mìawo ji ye mì la nɔ zɔ̃ ɖo, ne mìa nɔ wɔ̀ ɖo àpe èsewo ji, ɖoa, ènyè ye nyi Tɔhonɔ̀, mìabe Mawu.
5Mì le èse nyèwo ku ɖoɖo nyèwo #18.5 Kpɔ Neh 9.29; Eze 18.9; 20.11-13; Luk 10.28; Rom 10.5; Gal 3.12 ɖo àsi: àmè kè le zɔ̃ ɖo woa jia ye la ɖo àgbè. Ènyè ye nyi Tɔhonɔ̀, mìabe Mawu.
6Mìa dòmètɔ ɖekpe mu la gogo yebe xòmètɔ, ne bèa kpɔ àma mè#18.6 Ènyà kèa be gɔ̃mè ye nyi be 'woa dɔ̃ ku àmè'. Wo gbà gblɔ̃nà be wo nya àma mè na àmèa. na ɛ̀ ò. Ènyè ye nyi Tɔhonɔ̀.
7Wò mu la kpɔ àma mè na ètɔ wò ò, eye wò mu la kpɔ àma mè na ènɔ̀ wò ò; kè e nyi be e ye jì wòa, wò mu la kpɔ àma mè na ɛ̀ ò.
8Wò mu la kpɔ àma mè na ètɔ wò be èsrɔ̃ ɖe ò#18.8 Gɔ̃m 35.22; Gbì 23.1; 27.20; 1Kòr 5.1, ɖoa ètɔ wò ŋutɔ tɔ̀ be nyi.
9Wò mu la kpɔ àma mè na nɔ̀vi wò nyɔ̃nù, ne e nyi ètɔ wò be èvi, àlo ènɔ̀ wò be èvi#18.9 Gbì 27.22; 2Sam 13.11-14; Eze 22.11 kè wo hɛ̃ lè àxomè, àlo kè wo mu hɛ̃ lè àxomèa ò.
10Wò mu la kpɔ àma mè na èvi wò ŋusù, àlo èvi wò nyɔ̃nù be nyɔ̃nùvi ò; wò ŋutɔ àpo àma ye be nyi.
11Wò mu la kpɔ àma mè na ètɔ wò be èsrɔ̃ ɖe be nyɔ̃nùvi ò; kè e do xòmè ku ètɔ wòa, nɔ̀vi wò ye be nyi.
12Wò mu la kpɔ àma mè na ètɔ wò be nɔ̀vi nyɔ̃nù ò; ɖoa ètɔ wò be ŋutilã ye be nyi.
13Wò mu la kpɔ àma mè na ènɔ̀ wò be nɔ̀vi nyɔ̃nù ò; ɖoa ènɔ̀ wò be ŋutilã ye be nyi. 14Wò mu la kpɔ àma mè na àtàvi wò, àlo àtàgã wò be èsrɔ̃ ò, ɖo nàvi wò, àlo nàgã wò ye be nyi#18.14 Lè Hebrùgbe mèa, wo gblɔ̃ be: “Wò mu la kpɔ àma mè na ètɔ wò nɔ̀vi, àlo fòfoa, ne wòa gogo èsrɔ̃a ò; nàvi wò, àlo, nàgã wò ye be nyi.
15Wò mu la kpɔ àma mè na ètoyɔvi wò nyɔ̃nù ò, ɖoa èvi wò ŋusù be èsrɔ̃ ye be nyi, ekèa ŋutia, wò mu la dɔ̃ e gbɔ ò#18.15 Kpɔ Gɔ̃m 38.16, 26; Eze 22.11.
16Wò mu la kpɔ àma mè na nɔ̀vi wò ŋusù be èsrɔ̃ ò#18.16 Kpɔ Màt 14.3-12; Gbì 25.5-10; Màt 22.23-33; nɔ̀vi wò ŋutɔ be àma ye be nyi.
17Wò mu la kpɔ àma mè na nyɔ̃nù ɖe, la gbà kpɔ àma mè na èvia nyɔ̃nùvi ò; wò mu la kpɔ àma mè na èvia ŋusù be nyɔ̃nùvi, àlo, èvia nyɔ̃nù be nyɔ̃nùvi ò; ye ŋutɔ be ŋutilã ye wo nyi; ne wò wɔ̀ ɛ̀a#18.17 Kpɔ Gbì 27.23, ènu nyɔŋu ye be nyi.
18Wò mu la sɔ èsrɔ̃ wò be yomètɔ̀ nyɔ̃nù sɔ ɖè, ne wòa kpɔ àma mè na ɛ̀, ne wòa do ŋuhuã be èzò, wàlɛbɛ kè èsrɔ̃ wòa gbà lè àgbèa ò.
19Wò mu la gogo nyɔ̃nù kè le ɖo àsi ànyi, ne wòa kpɔ àma mè na ɛ̀, wàlɛbɛ kè yebe àsi ɖo ànyia na be yebe ŋuti mu kɔ̀ ò#18.19 Kpɔ Eze 22.10.
20Wò mu la dɔ̃ ku àpo èdùmèvi be èsrɔ̃ ò, ne wò wɔ̀ nènea#18.20 Tot 20.14; Gbì 5.18; 2Sam 11.2-4; Eze 22.11., wò la sɔ pòɖi ɖokoe wò.
21Wò mu la sɔ èvi wò do àsi, ne woa sɔ wɔ̀ ènumème vɔsa na vòdu Mɔ̀lɛk#18.21 Wo yɔna vòdua lè Hebrùgbe mè be “Mɔ̀lɔk”, àlo, “Mɔ̀lɛk” kè gɔ̃mè nyi “Èfìɔ”, àlo, “Ŋùkpɛ̃”. Gbì 12.31; 2Èfìɔ 17.17; Yer 7.31; Èhàw 106.37-38, la sɔ dovlo àpo Mawu be nyikɔ ò. Ènyè ye nyi Tɔhonɔ̀, àpo Mawu.
22Wò mu la dɔ̃ ŋusù gbɔ, sìgbè leke wo dɔ̃na nyɔ̃nù gbɔa nène ò#18.22 Tot 22:18; Gbì 27:21, ɖoa ènu nyɔŋu ye be nyi.
23Wò mu la dɔ̃ ku èlã ɖekpe, la sɔ gble èkɔ̀do na ɖokoe wò ò; nènea ke ye nyɔ̃nù ɖekpe mu kpɔ èmɔ la na èlã ne dɔ̃ e gbɔ ò, èvlodonu nyɔŋu ye be nyi.
24Mì mu gbà sɔ wɔ̀na nyɔŋu kèawo dòmètɔ ɖekpe pòɖi mìa ɖokoewo ò; leke be wɔ̀nawo ŋuti ye mù le nyà dùkɔ̃ kèwo ye wɔ̀nà woa jo lè ŋùkɔ̀ na mì ɖo. 25Ànyigbã va trɔ ènu nyɔŋu, eye mù dɔ̃ èto na ɛ̀ ɖo yebe èvuɛ̃ ta; ekèa na be ànyigbãa tru è ji nɔ̀tɔ kɔ̃ŋùgbe.
26Mìawo ya, mì le èse nyèwo ku èkɔ̀nu nyèwo ɖo àsi; mì mu gbà wɔ̀ ènu nyɔŋu kèawo dòmètɔ ɖekpe ò; àxuevi ɖekpe, àlo, àmèjro kè va lè mìa dòmèa cã mu la wɔ̀ ɛ̀ ò. 27Àmè kèwo ye nɔ̀ ànyigbã kèa ji, jè ŋùkɔ̀ na mìawo wɔ̀nà ènu nyɔŋu kèawo kpata, àleke be èvlododo va ɖùfìɔ ɖo ànyigbãa ji. 28Ne mì lè èse nyèwo ku èkɔ̀do nyèwo ɖo àsia, ànyigbãa mu la tru mì kɔ̃ŋùgbe, sìgbè lekè be tru àmè kèwo nɔ̀ e ji, jè ŋùkɔ̀ na mìawo, be mì do yè vlo ò. 29Vɔ̀a, àmè ɖekpekpe àmè kè la wɔ̀ èvlodonu kèawo dòmètɔ ɖe a, wo la ɖè è to lè yebe dùkɔ̃ dòmè.
30Mì le ɖoɖo nyèwo ɖo àsi, ne mì mu gbà zɔ̃ ɖo ènu nyɔŋu kèwo wo wɔ̀nà, gbɔ̀xue mìawo ya mìa vaa ji ò. Mì mu gbà ɖè àfɔ̀ kèawo, la sɔ dovlo mìa ɖokoewo ò. Ènyè ye nyi Tɔhonɔ̀, mìabe Mawu.
Mina Bible © Bible Society of Togo, 2014.