Yosùa Kpɔ̀kplɔ̀sɔyìemè
Kpɔ̀kplɔ̀sɔyìemè
Yosùa be xoma le pò nupo so àlekè Izràɛlviwo yì xɔ̀ Kanàn-nyigbã eye wo mã ɛ̀, sɔ wɔ̀ woabe nɔ̀pe wàlɛbɛ kè Yosùa le kplɔ̀ woa. Yosùa kèa ye Mawu sɔ ɖɔ̀lì yebe sumɔ̃vi Mosè tèpe, kè e ku vɔ̀a. Mi la teŋu mã xoma kèa ɖo àkpa ètɔ̃ fàa:
Kanàn be èdùa be xɔ̀xɔ (Èta 1–12);
Ànyigbãa be mamã (Èta 13–21);
Yosùa be àgbèa be vɔ̀vɔnu (Èta 22–24).
Kanàn-nyigbã sɔ sɔ na Izràɛlviwo le nyi Mawu be àjɔ̀gbè kè e fìã na woa tɔgbewo cã be ji wɔ̀wɔ ɖo. Kanàn be xɔ̀xɔ lè kpò sìgbè àlekè wo to lè Ejiptè a ke nène. Mawu ŋutɔ ye nɔ̀ ŋùkɔ̀ na wo sɔ wɔ̀ àvũawo, na wo èjiɖùɖu vòvòwo.
Ànyigbã kè wo xɔ̀a be mamã kudo tèpe kèwo kpɔ̀tɔ̀awo be mamã, le ɖè àlekè ye Mawu na ànyigbã Izràɛlviwo ne woa ɖo nɔ̀pe lè ŋuti fàfa mèa fiɔ.
Lè ànyigbã be xɔ̀xɔ ku yebe mamã mèa, xoma a le ɖè Mawu be ànùkua wɔ̀wɔ lè yebe fìãfiãwo mèa fiɔ. E mè sonua ye la nyi ètonusèse na Mawu. Co Izràɛlviwo mu teŋu crɔ̃ àmèwo kpata lè ànyigbã kè Mawu sɔ na woa ji ò. Ekèa trɔ zũ àfɔ̀klɛ̃nu na wo xoxo gbɔ̀xue wo yì sò woabe kɔpewo. Ye ŋuti ye Yosùa na wo kã àtãŋu lè Sikɛ̀m lè Mawu be ŋùkumè, gbɔ̀xue e ku. Àtãŋu kãkã kèa lè sìgbè zòɖùɖu kè Mawu wɔ̀ ku woa be gbìgbɔ̀ wɔ̀ yeye nène. Dùkɔ̃a xɔ̀gbè na Mawu sùmɔ̀ sumɔ. Eŋuã ànyigbã be ènyà mu na vòvo gbèɖe ò. Ekèa ŋuti ye wo ɖo la nɔ ɖoŋùku àjɔ̀gbè fìãfiã kè wo wɔ̀a ji na wo gà sia gàmè.
Currently Selected:
Yosùa Kpɔ̀kplɔ̀sɔyìemè: GEN
Highlight
Copy
Compare
Share
Want to have your highlights saved across all your devices? Sign up or sign in
Mina Bible © Bible Society of Togo, 2014.