Yosùa 18

Yosùa mã ànyigbã kpɔ̀tɛa na kɔ̀ta kpɔ̀tɛawo

1Wàlɛbɛ kè ye Izràɛlviwo xɔ̀ ànyigbã kpata vɔ̀a, wo yì bɔ̀ lè Silò eye wo sɔ gòdodo be gòxɔa ɖo ànyi lè funu. 2E kpɔ̀tɔ̀ Izràɛl be kɔ̀ta adrɛ̃ kèwo mu kpɔ xɔ̀ crɔ̃-nyigbã òa. 3Yosùa gblɔ̃ na Izràɛlviwo be: “Kaka va na gàkɛ mè ye mì la nɔ̀tè sù gbɔ̀xue mì la yì xɔ̀ ànyigbã kè mìa tɔwo be Mawu, Tɔhonɔ̀ sɔ na mì ò? 4Kɔ̀ta sia kɔ̀ta ne ɖè àmè ètɔ̃ na mù ne ma dɔ̃ wo. Wo la sitè, la yì ɖìsà lè ànyigbã keŋu ji eye wo la le ŋùku ɖo woabe crɔ̃-nyigbãwo be lipòwo ŋuti; e yomè a, wo la va gblɔ̃ ɛ̀ na mù. 5Nène a ye wo la mã ànyigbã ɖo àkpa adrɛ̃: Yudà be ànyigbã la nɔ̀ àpùgo eye Yosɛ̀f be àxuedo a la nɔ̀ yebe tèpe lè èvègo. 6Mìawo ya, mì yì le ŋùku ɖo àkpa adrɛ̃awo be lipòawo ŋuti eye mìa sɔ wo va na mù lè fikè. Mù la do àkà sɔ mã wo na mì lè fikèa, lè Tɔhonɔ̀ miabe Mawu a be ŋùkɔ̀. 7Vɔ̀ Levìwo mu la ɖo ànyigbã lè mìa dòmè ò, ɖo woabe crɔ̃-nyigbã ye le nyi Tɔhonɔ̀ be sɛ̃sɛ̃dɔa#18.7 Sɛ̃sɛ̃dɔa: E le nyi vɔsa, lèlèɖìwo zɔ̃ ɖo Tɔhonɔ̀ be ɖoɖowo ji. Na Gad, Rubɛ̀n kudo Manasè be kɔ̀ta be mamã mèa, wo xɔ̀ ànyigbã lè Yɔrdàn godo lè èwèzɛ̃pe, ànyigbã kè Tɔhonɔ̀ be sumɔ̃vi Mosè na woa.”

8Yosùa do ègbè kèa àsi na àmè kèwo wo cã a be: “Mì yì ɖìsà lè ànyigbã kpata ji ne mìa ŋlɔ̀ lipò kèwo ŋuti mì le ŋùku ɖoa, ɖo ènu ji. E yomè a, mì sɔ wo va na mù lè Silò fikèa nènea mù la biɔ Tɔhonɔ̀ àlekè ma mã ànyigbã ɖo mìabe kɔ̀tawo nu ɖoa.” 9Àmèawo yì le ŋùku ɖo ànyigbã keŋu be lipòawo ŋuti lè àkpa adrɛ̃. Eye wo ŋlɔ̀ lipòawo ku woabe èdùwo keŋu lè àkpa adrɛ̃awo. Eye wo trɔ yì Yosùa gbɔ lè Silò. 10Yosùa biɔ, àlekè be la mã àkpa adrɛ̃awo ɖoa, Tɔhonɔ̀. Eye e sɔ àkpa kè ɖo la nyi Izràɛl be kɔ̀ta ɖe sia ɖe tɔ̀ lè ànyigbã jia na ɛ̀.

Ànyigbã be àkpa kè wo na Bɛnyamìn be kɔ̀taa

11Kɔ̀ta cucugbã kè xɔ̀ tèpe lè ànyigbã be mamã mèa ye nyi Bɛnyamìn be kɔ̀taa. Ànyigbã kè be xɔ̀a, lè Yudà be kɔ̀ta ku Yosɛ̀f be viwo be ànyigbãwo be dòdòmè. 12Lè èvègoa, yebe lipòa so lè Yɔrdàn be ètɔ̀ sàsra to yì Yerikò be èvègo, to èto-nyigbã ji lè èwèɖoxɔ̀pe, yì kɔ̀ ɖo ègbegbàji lè Bɛt-Avɛ̀n. 13E so funu, yì to àkpa ɖèka na Luz, kè wo gbà yɔna be Betɛ̀l, eye ɖiɖi to èto kè lè àpùgo na Bɛt-Horɔ̀n gɔ̃mètɔ̀a, yì kɔ̀ ɖo Atrɔ̀t-Àdar. 14Lè èto kèa be èwèɖoxɔ̀pea lipòa trɔ tùtà àpùgo eye be yì kɔ̀ ɖo Kirìat-Yearìm kè nyi Yudà be kɔ̀ta be èdùa. Fikèa ye lipòa to lè èwèɖoxɔ̀pe be àkpa ji.

15Àpùgo be lipòa so lè Kirìat-Yearìm to Gasìn #18.15 Gasìn: Tìtɔ̀-titɔ ɖe lè ŋɔ̀ŋlɔ̃ kèa ŋuti. Grik be xoma ŋlɔ̀ Gasìn vɔ̀ Hebrù be xoma ya ŋlɔ̀ èwèɖoxɔ̀pe. Co ne mi kpɔ èta 15.9, mi la kpɔ be mu sɔ̀gbè ò. lɔ̀ge yì kɔ̀ ɖo Nèftoà be èsìawo to. 16Lipòa ɖiɖi yì ètoa be gɔ̃mè lè Refayìm be bàlìa be èvègo fikè Bɛn-Hinɔ̀n be bàlìa je e gɔ̃mè soa. So funua, e ɖiɖi to Bɛn-Hinɔ̀n be bàlìa mè, lè àpùgo na Yebusìtɔwo be ètovia yì kɔ̀ ɖo kaka Ɛn-Rogɛ̀l. 17Nène a ye lipòa trɔ tùtà èvègo lɔ̀ge, yì kɔ̀ ɖo Ɛn-Cemèk ku Gèlilɔ̀t #18.17 Gèlilɔ̀t: Ye wo yɔ lè èta 15.7 mè be Gilgàl lè Adumim be àbù ɖìɖi mè. So funua e ɖiɖi yì èkpe kè wo yɔna be Bohàn tɔ̀a gbɔ. Bohàn nyi Rubɛ̀n be vi ŋusùwo dòmètɔ ɖèka, 18lipòa lia èto kè jè ŋùkɔ̀ Yɔrdàn be bàlìa lè èvègo yì kɔ̀ ɖo Yɔrdàn be bàlìa mè. 19E zɔ̃ nènea lè Bɛt-Hoglà be èvègo yì kɔ̀ ɖo èjè be àpùa be hũpe lè àfi kè Yɔrdàn kɔ̀ ɖo àpùa mè lèa lɔ̀ge. Fikèawo ye lipò àpùgotɔ̀a to. 20Yɔrdàn be ètɔ̀a nyi lipò lè èwèzɛ̃pe. Ekèawo ye nyi ànyigbã kè wo sɔ na Bɛnyamìn be kɔ̀ta be lipòwo.

21Èdù kèwo wo sɔ na Bɛnyamìn be kɔ̀taa, wo ye nyi: Yerikò, Bɛt-Hoglà, Emèk-Ketì, 22Bɛt-Àrabà, Zèmaraìm, Betɛ̀l, 23Avìm, Parà, Ofrà, 24Kefàr-Amɔnà, Ɔfnì ku Gebà: wo nyi èdù woèvè kudo woabe kɔpewo, 25Gbà kpea, Gabaɔ̀n, Ramà, Berɔ̀t, 26Mispà, Kèfirà, Mɔsà, 27Rekɛ̀m, Iropɛ̀l, Tàralà, 28Selà, Elɛ̀f, Jebuzì be èdù àlo Yèruzàlɛm, Gibea ku Kirìat: wo nyi èdù woènè ku woabe kɔpewo. Ekèa kpata ye Yosùa sɔ na Bɛnyamìn be kɔ̀taa.

Currently Selected:

Yosùa 18: GEN

Highlight

Copy

Compare