Yosùa 17

1Manasè kè nyi Yosɛ̀f be vi ŋusù cucugbãa be jìjimè viwo cã xɔ̀ woabe crɔ̃-nyigbã. Wo sɔ Gilead ku Basàn sɔ na Màkirò, kè nyi Manasè be vi ŋusù àmègãxotɔa eye be gbà jì Gilead, ɖo e nyi ŋusù àhùawɔ̀tɔ. 2Wo na ànyigbã Manasè be vi ŋusù kpɔ̀tɛawo sɔ zɔ̃ ɖo woabe hɛ̃nu kèawo ji: Abiezɛr be viwo, Helɛ̀k be viwo, Asrìɛl be viwo, Sikɛ̀m be viwo, Hefɛ̀r ku Semidà be viwo kpoeɖea, Manasè be vi ŋusùwo ke gbà nyi Yosɛ̀f be vi ŋusùwo sɔ zɔ̃ ɖo woabe hɛ̃nuwo ji. 3Selofehàd kè nyi Hefɛ̀r be vi ŋusù, Gilead be vi ŋusù, Màkirò be vi ŋusù Manasè be vi ŋusùa, mu jì èvi ŋusù ɖekpe ò, vɔ̀ jo jì nyɔ̃nùviwo sɔ̃ŋu. Woawo ye nyi: Mahlà, Nɔxà, Hoglà, Milkà ku Tirsà. 4Wo bɔ̀ yì Hũbonɔ Eleazàr, ku Nun be vi ŋusù Yosùa ku àgbònùglawo gbɔ eye wo gblɔ̃ be: “Tɔhonɔ̀ do ègbè àsi na Mosè be, ne sɔ crɔ̃-nyigbã na mi lè mia nɔ̀vi #17.4 Nyɔ̃nùawo be ènu kè wo biɔ àgbònùglawoa le ɖè àsìxɔ̀xɔ kè lè crɔ̃-nyigbã be mamã mèa fiɔ (Hɛ̃h 27.1-11; 36.1-12) E gbà ɖè Tɔhonɔ̀ be fìãfiã fiɔ ku bùbu kè lè hɛ̃nuawo mè kù ɖo crɔ̃-nyigbã ŋutia ŋusùwo dòmè!” Wo sɔ ɛ̀ na wo, sìgbè àlekè Tɔhonɔ̀ ɖo è ɖɛa nène. Wo xɔ̀ crɔ̃-nyigbã lè woa tɔ be vi ŋusùwo dòmè. 5Nène a ye Manasè be kɔ̀ta xɔ̀ ànyigbã àkpa èwo buwo to vò lè Gilead ku Basàn nyigbã kèwo lè Yɔrdàn be àgo ɖe a jiawo ŋuti. 6Nyàwo, Manasè be vi nyɔ̃nùwo xɔ̀ crɔ̃-nyigbã lè woa tɔ be viwo dòmè, vɔ̀ Gilead nyigbã nyi Manasè be vi ŋusù kpɔ̀tɛawo tɔ̀. 7Manasè be ànyigbã be lipò so Àsɛr lè Mikèmetà kè jè ŋùkɔ̀ Sikɛ̀m, e yì Yamìn ku Yàsivè lɔ̀ge lè In-Tàpuatɔwo gbɔ. 8Tapùa be àgowo kpata nyi Manasè tɔ̀, vɔ̀ Tapùa be èdùa ŋutɔ nyi Efràyim be viwo tɔ̀. 9Lipòa yì Kanàn be ètɔ̀ sàsraa to lè àpùgo. Èdù ŋuawo nyi Efràyim tɔ̀ lè Manasè be èdùwo dòmè. Manasè be lipòa so ètɔ̀a be èvègo #17.9 Lipòa nɔ̀ ètɔ̀a be àpùgo sã, eye e va trɔ yì èvègo wàlɛbɛ kè ye Efràyim be èdùa va ɖo xɔ̀xɔa. yì kɔ̀ ɖo àpùata. 10Lè àpùgoa, Efràyim be ànyigbã eye lè èvègoa, Manasè be ànyigbã; àpùgã do lipò na wo. Eye wo do lipò ku Àsɛr lè èvègo, gbàkudo Isakàr lè èwèzɛ̃pe. 11Lè Isakàr ku Àsɛr be ànyigbãwo jia, Manasè xɔ̀ Bɛt-Seàn, Yìblèam ku woabe kɔpewo, Dɔr, In-Dɔr, Tanàk, Mègidò be dùkɔ̃wo ku woabe kɔpe, èdù #17.11 Ekèa lè tɛgbè ɖo tèpe kè Dɔr be èdùa lèa ji. Kpɔ Yos 12.23. Co xoma ɖewo gblɔ̃ be àgo ètɔ̃awo àlo ètokɔ̃ɛ ètɔ̃awo. ètɔ̃gɔ̃a lè Dɔr be ànyigbã gbàjàa ji. 12Vɔ̀a, Manasè be viwo mu teŋu va xɔ̀ èdù ŋuawo ò, eye Kanàntɔ ɖewo kpɔ̀tɔ̀ ci ànyigbã a ji. 13Wàlɛbɛ kè ye Izràɛlviwo va ɖo ŋusɛ̃a, wo sɔ Kanàntɔ ŋuawo ɖo kluvi be mɔnu vɔ̀ wo mu teŋu xɔ̀ ànyigbã ya lè woa si ò. 14Yosɛ̀f be viwo va gblɔ̃ na Yosùa be: “Tɔhonɔ̀ tu sì na mi eye mi sùgbɔ ŋutɔ vɔ̀ nukɛ ŋuti ye wò sɔ crɔ̃ nyigbã be àkpa ɖèka kpò na mi ò?” 15Yosùa ɖo e ŋuti na wo be: “Ne Efràyim be ètoa ma teŋu sù mì ò, ɖo miabe gbɔsùsu ŋutia, mì ɖota àvea mè ne mìa yì ji tèpe lè Perizì ku Refàyitè tɔwo be ànyigbã ji.” 16Yosɛ̀f be viwo ɖo e ŋuti na ɛ̀ be: “Nyàwo be nyi be èto-nyigbã mu la sù mi ò, vɔ̀ Kanàntɔ kèwo keŋu lè Bɛt-Sèan ku yebe èdùwo mè, yì kɔ̀ ɖo Yìzrɛl-nyigbã jia, wo ɖo gàkpo be àhùa-kèkeviwo#17.16 Xoxotɔwo be àhùa-kèkevi kè èsɔwo dɔ̃nàa, wo sɔna ègà gbàjàwo tuna woabe àxàji-àxàjiwo.” 17Eye Yosùa gblɔ̃ na Yosɛ̀f be àxuedo, Efràyim #17.17 Ne wo yɔ vifɛ̃tɔa gbɔ̀xue yɔ àmègãxoa, ekèa le ɖè sìtu kè vifɛ̃a xɔ̀a be dɔwɔ̀wɔ fiɔ be viwo ku Manasè be viwo be: “Wò sùgbɔ ŋutɔ eye wò ɖo ŋusɛ̃; wò mu ɖo la xɔ̀ ànyigbã be àkpa ɖèka kpò ò. 18Vɔ̀ wò la xɔ̀ èto-nyigbã. Togbɔ be e nyi àve ŋutɔ cãa, wò la pò è eye wò la ji tèpe kaka yì kɔ̀ ɖo yebe lipòwo nu. Nène a ye wò la nyà Kanàntɔwo, la xɔ̀ ànyigbã a, togbɔ be wo ɖo ègà-hùa-kèkewo gbà ɖo ŋusɛ̃ ŋutɔ cãa.”

Currently Selected:

Yosùa 17: GEN

Highlight

Copy

Compare