Yosùa 15

Ànyigbã kè wo na Yudà be kɔ̀taa

1Ànyigbã kè wo na Yudà be kɔ̀ta-viwo sɔ zɔ̃ ɖo woabe hɛ̃nu jia, kèkè so Edɔ̀m be lipò ji, yì Sin #15.1 Sin: Sin àlo Tsin be gɔ̃mè ɖèɖe ye nyi dèti-àkɛtɛ, dèti kè mu yìnà ji òa be zògbè kè lè Nègev be ànyigbã ji, lè kaka àpùgo. 2Àpùgo be lipòa so èjè be àpùa #15.2 Èjè be àpù: Wo gbà yɔna ɛ̀ be àpù kuku ɖo, ènu àgbèagbè ɖe mu lè e mè ò. to lè kaka àfi kè ànyigbã ɖo àpùa mè lè sìgbè àɖe nène, kpãŋùkɔ̀ Nègev, 3eye be zɔ̃ nène yì àpùgo lɔ̀ge tùtà akràbim #15.3 Akràbim: E be gɔ̃mè ɖèɖe ye nyi àkekle. E nyi èkpo ɖe lè àpùgo lè Yudà be èdùa be èwèzɛ̃pe be èkpoa ji, to Sin be zògbèa, gbà trɔ yì àpùgo lè Kàdɛs-Bàrneà, to Hɛsrɔ̀n yì kaka Àdar trɔ va tùtà Karkà, 4to Asmɔ̀n zɔ̃ yì Ejiptè be ètɔ̀ sàsra, va yì vɔ̀ ɖo àpù mè. “Ekèa ye la nyi mìabe lipò lè àpùgo.” 5Èwèzɛ̃pe be lipòa so èjè be àpùa to yì kaka Yɔrdàn be ètɔ̀a be vɔ̀vɔ nu. Lè èvègo lɔ̀gea, lipòa so ètɔ̀ via gbɔ yì Yɔrdàn be ètɔ̀a be vɔ̀vɔ nu. 6Lipòa yì Bɛt-Hoglà, yì to èvègo ne Bɛt-Àrabà kaka jè Rubɛ̀n be vi ŋusù Bohàn be èkpea gbɔ; 7Lipòa zɔ̃ Akɔ̀r be bàlìa mè yì Devìr, e pò e mè lè èvègo tùtà Gilgàl kè kpãŋùkɔ̀ Adumim be èkpoa, lè ètɔ̀ sàsra be àpùgo. E to Ein-Cemès be èsìawo gbɔ lɔ̀ge yì tɔtè ɖo Ein-Rogɛ̀l#15.7 Ein-Rogɛ̀l: E nyi Yèruzàlɛm be èsìdoawo be dòmè tɔ ɖèka, àfi kè ye Kedrɔ̀n ku Gehɛ̀n be ètɔ̀awo dogò lèa. 8Eye lipòa Bɛn-Hinɔ̀m be bàlìa mè lè Yebusìtɔwo be èkpoa be àpùgo lɔ̀ge, e gɔ̃mè ye nyi Yèruzàlɛm; e yomè a lipòa yì kaka èto kè lè Hinɔ̀m be bàlìa be ŋùkɔ̀a, be ètamè lè èwèɖoxɔ̀pe, lè Rèfaimtɔwo be gbàjà ji yì vɔ̀vɔnu lè èvègo lɔ̀ge. 9So ètoa be ta mèa, lipòa yì Nèftoà be èsìawo be jɔ̀sope, to èdù kèwo lè Efrɔ̀n be ètoa jia mè, eye e yì ɖo Balà lɔ̀ge, ekè wo gbà yɔna be Kirìat-Yearìm. 10So Balà, lipòa xa lè èwèɖoxɔ̀pe yì Seir be ètoa gbɔ lɔ̀ge to àvewo be ètoa be àxà ji lè èvègo, e gɔ̃mè ye nyi Kèsalɔ̀n, trɔ ɖiɖi va Bɛt-Sɛmès eye e gbà yì to Timnà. 11E yomè a, lipòa zɔ̃ to Ekrɔ̀n be èdùa xa lè èvègo, yì xa lè Sikarɔ̀n to Balà be ètoa kpe do yì Yavnèl eye e vɔ̀ ɖo àpù #15.11 Àpù: E nyi àpù gã àlo mèditeràn be àpù mè. 12Èwèɖoxɔ̀pe be lipòa nyi àpù gã ku yebe àgowo ji. Ekèawo ye nyi Yudàviwo be lipòwo gòdò va kpe sɔ zɔ̃ ɖo woabe hɛ̃nu ji. 13Na Yefunè be vi ŋusù Kàlɛb, wo na ɛ̀ Yudàviwo be ànyigbã be àkpa ɖe sɔ zɔ̃ ɖo ègbè kè Tɔhonɔ̀ do àsi na Yosùaa ji. E xɔ̀ Kirìat-Arbà àlo Arbà be èdù, kè gbà nyi Hebrɔ̀n. Arbà nyi Ànakìviwo be tɔgbe-tɔ̀gbè. 14Kàlɛb xɔ̀ ànyigbã lè Anàk be jìjimè vi ŋusù ètɔ̃ kèawo si: Sesaì be hɛ̃nu, Ahimàn be hɛ̃nu ku Talmaì be hɛ̃nu. 15So funua e yì wɔ̀ àhùa ku Devìr-tɔwo, èdù kè wo yɔna sã be Kirìat-Sefɛ̀r. 16Kàlɛb gblɔ̃ be: “Àmè kè la teŋu wɔ̀ àhùa ku Kirìat-Sefɛ̀r tɔwo la ɖù woa jia, mù la sɔ èvi nyè nyɔ̃nùvi Aksà #15.16 Aksà àlo Axà na ɛ̀, bèa ɖè.” 17Kenàz #15.17 Kenàz: Ye nyi kòjoɖotɔ cucugbã tɔ̀a lè Izràɛl. Kpɔ Koj 3.9 be vi ŋusù Ɔtnìɛl kè nyi Kàlɛb be àtàviyɔvia, wɔ̀ àhùa, ɖù èdùa ji eye Kàlɛb sɔ èvia nyɔ̃nù Aksà na ɛ̀ be ɖè. 18Vɔ̀, kè Aksà gbe yì àsuxue kpòa, e zĩ èsrɔ̃a Ɔtnìɛl ji ne bèa biɔ àgblè nyigbã ètɔa Kàlɛb. E va ɖì lè èsɔ àkɛtɛa ji eye Kàlɛb gblɔ̃ na ɛ̀ be: “Nukɛ wò le ji ò?” 19Eye e ɖo e ŋuti be: “Lɔ̃ ne wòa tu sì ɖo ènu kè mù la biɔ wòa ji. Kè e nyi be wò na mù Nègev be ànyigbã xoxo vɔ̀a, na mù èsìdoawo cã.” Nène a ye e sɔ èsìdo kèwo lè èto ji ku kèwo lè bàlìa mèa, na ɛ̀. 20Ekèa ye nyi Yudà be kɔ̀ta be viwo be ècrɔ̃ zɔ̃ ɖo woabe hɛ̃nuwo ji. 21Èdù kèwo ye lè Yudà be viwo be kɔ̀ta be ànyigbã be vɔ̀vɔnu lè Edɔ̀m be lipòa gbɔ, lè Nègev-to nyigbã jia, wo nyi: Kabsɛ̀l, Edɛ̀r, Yàgur, 22Kinà, Dìmɔnà, Àdeadà, 23Kedɛ̀s, Hasɔ̀r, Yitenàm 24Zif, Telɛ̀m, Bealɔ̀t 25Hasɔ̀r-Hadatà, Kerìɔt-Hesrɔ̀n kè gbà nyi Hasɔ̀r, 26Amàn, Cemà, Mɔladà, 27Hasàr-Gadà, Hɛsmɔ̀n, Bɛt-Pelɛ̀t 28Hasàr-Suàl, Bɛr-Cedà, Bìyoteyà#15.28 Bìyoteyà àlo Bɛr-Cebà be vi nyɔ̃nùwo (Nehemì 11.27), 29Balà, Iyìm, Esɛ̀m, 30ɛltolàd, Kèzil, Hɔrmà, 31Siklag, Màgmanà, Sànsanà, 32Lèvàɔt, Sìlehìm, Ayìn, Rimɔ̀n: woa kpata lè èdù wìvɔ àsiɖèkɛ, ku kɔpe kèwo bɔ̀ ɖo woa ŋutia. 33Èdù kèwo lè ètokɔ̃ɛa jia nyi: Estàɔl, Soreà, Asnà, 34Zànɔa, Eìn-Gànim, Tapùa, Einàm, 35Yàrmut, Adulàm, Sokò, àzekà, 36Sàraìm, Adìtaìm, Gederà, Gèderòtaìm: woa kpata le nyi èdù woènè ku woabe kɔpewo. 37Èdù buwo cã nyi Senàm, Hadasa, Migdà-Gad 38Dìleàn, Mispɛ̀, Yɔktɛ̀l, 39Làkis, Bɔskàt, Eglɔ̀n, 40Kabɔ̀n, Lahmàs, kìtilìs, 41Gèderɔ̀t, Bɛt-Dagɔ̀n, Namà, Màkedà: woa kpata lè èdù woeàdɛ̃ ku woabe kɔpewo. 42Èɖewo cã nyi: Libnà#15.42 Libnà àlo Libnà, Etɛ̀r, Asàn, 43Yiftà, Asnà, Nesìv, 44Keilà, Àkzib, Màresà: woa kpata lè èdù àsiɖèkɛ ku woabe kɔpewo. 45Ekrɔ̀n ku èdù kèwo lè gɔ̃mè na ɛ̀a ku woabe kɔpewo; 46so Ekrɔ̀n va yì èwèɖoxɔ̀pea, èdù kèwo gogo Asdɔ̀d ku woabe kɔpewo; 47Asdɔ̀d ku èdù kèwo lè gɔ̃mè na ɛ̀a kudo woabe kɔpewo, Gazà ku èdù kèwo lè gɔ̃mè na ɛ̀a kudo woabe kɔpewo kaka yì Ejiptè be ètɔ̀ sàsra to, yì àpù gã kudo yebe àgowo ji. 48Èdù kèwo lè ètoa jia nyi: Samìr, Yatìr, Sokò, 49Dànà, Kirìat-Sanà, kè gbà nyi Devìr, 50Anàv, Ɛstemò, Anìm, 51Gosɛ̀n, Holɔ̀n, Gilò, wo lè èdù woeɖèka ku woabe kɔpewo. 52Aràv, Dumà, Ɛseàn, 53Yanùm, Bɛt-tapùa, Àfɛk, 54Hùmetà, Kirìat-Arbà, kè gbà nyi Hebrɔ̀n, Siɔ̀r; wo lè èdù àsiɖèkɛ ku woabe kɔpewo. 55Maɔ̀n, Karmèl, Zif, Yutà, 56Yìzrɛl, Yɔ̀kdeàm, Zànɔa, 57Kaɛ̃, Giveà, Timnà; wo lè èdù èwo ku woabe kɔpewo. 58Halhùl, Bɛt-Sùr, Gedɔ̀r, 59Maràt, Bɛt-Anɔ̀t, Ɛltekɔ̀n; wo lè èdù àdɛ̃ ku woabe kɔpewo. 60Kirìat-Baal, kè gɔ̃mè ye nyi Kirìat-Yearìm, Rabà; wo lè èdù èvè ku woabe kɔpewo. 61Èdù kèwo lè zògbè jiawo nyi: Bɛt-Àrabà, Midìn, Sèkakà, 62Nivsàn, Ir-Mɛlà, Eìn-Gɛ̀di; wo lè èdù àdɛ̃ ku woabe kɔpewo. 63Yudà be jìjimèviwo mu teŋu nyà Yebusìtɔ #15.63 Yebusìtɔ: àmè kè so Yebusì àlo Yebusì kè wo gbà yɔna be Yèruzàlɛm. Yebusìtɔwo ye nɔ̀ ànyigbã ji sã gbɔ̀xue ye Izràɛlviwo va xɔ̀ ɛ̀ kèwo lè Yèruzàlɛm-a ò. Ekèa ye wɔ̀ be Yudà be jìjimèviwo ku Yebusìtɔwo lè èdu lè Yèruzàlɛm kaka va na egbè.

Currently Selected:

Yosùa 15: GEN

Highlight

Copy

Compare