Yosùa 12

Izràɛlviwo xɔ̀ ànyigbã lè Yɔrdàn be àgoawo ji

1Ekèawo lè nyi èfìɔ kèwo ye Izràɛlviwo wù eye wo xɔ̀ woabe ànyigbã lè Yɔrdàn godo lè èwèzɛ̃pe, so kaka Arnɔ̀n be ètoawo ji, Àrabà be gbàjà pupui kè lè èwèzɛ̃pe lɔ̀gea: 2Àmorìtɔwo be èfìɔ Sihɔ̀n kè nɔ̀nà Hɛsbɔ̀n eye be ɖù èfìɔ ɖo Aròea kè lè Arnɔ̀n be ètoawo dòmè, ku Gilead be àkpa ɖèka va ɖo Yàbɔk kè nyi lipò na Amɔ̀n bè viwoa; 3gbàkudo Àrabà bè gbàjà ji pupui yì kaka Kinerɔ̀t be àpù kè lè èwèzɛ̃pea, gbà yì Àrabà be àpù kè wo gbà yɔna be èjè be àpù lè èwèzɛ̃pe lè yì Bɛt-Yɛ̀simɔ̀t, gbà yì àpùgoa lè Pisgà be bàlìawo mè ku yebe àxàwo ji. 4Basàn be èfìɔ, Ɔg kè nyi àmè jɔ̀ àsu kpɔ̀tɛawo dòmètɔ ɖèka, kè nɔ̀nà Astàrɔt ku Edreìa. 5E ɖù èfìɔ ɖo Hɛrmɔ̀n be ètoa, Salkà ku Basàn be ànyigbã kpata ji kaka yì Gèsurìtɔwo ku Makatìtɔwo be lipò ji, gbà yì Gilead be àkpa ɖèka kè nyi Hɛsbɔ̀n be èfìɔ Sihɔ̀n be ànyigbã a ji. 6Tɔhonɔ̀ be sumɔ̃vi Mosè ku Izràɛlviwo pò wo wù; eye Mosè, Tɔhonɔ̀ be sumɔ̃via, sɔ funua kpata na Rubɛ̀n be kɔ̀ta, Gad be kɔ̀ta ku Manasè be kɔ̀ta be àkpa ɖèka. 7Ekèawo nyi èfìɔ kèwo ji ye Yosùa ku Izràɛlviwo ɖù lè Yɔrdàn godo lè èwèɖoxɔ̀pe, so kaka Baal-Gad lè Libàn be bàlìa mè, yì Halàk be èto kè lè Sèir lɔ̀gea gbɔ. Yosùa xɔ̀ ànyigbã kèaa kpata na Izràɛl be kɔ̀tawo, sɔ zɔ̃ ɖo mamã ji. 8Lè ètoa ji, lè ànyigbã gbàjàa ji, lè Àrabà be gbàjà pupuia ku yebe bàlìawo mè, lè zògbè kudo Nègev kèwo nyi: Hitìtɔwo, Àmorìtɔwo, Kanàntɔwo, Perizìtɔwo, Hivìtɔwo ku Yebusìtɔwo. Èfìɔawo nyi: 9Yerikò be èfìɔa, Ayì kè lè Betɛ̀l gbɔ lɔ̀gea be èfìɔ 10Yèruzàlɛm be èfìɔa, Hebrɔ̀n be èfìɔa 11Yàrmut be èfìɔa, Làkis be èfìɔa 12Eglɔ̀n be èfìɔa, Gezɛ̀r be èfìɔa 13Devìr be èfìɔa, Gedɛ̀r be èfìɔa 14Hɔrmà be èfìɔa, Arad be èfìɔa 15Libnà be èfìɔa, Adulàm be èfìɔa 16Màkedà be èfìɔa, Betɛ̀l be èfìɔa 17Tapùah be èfìɔa, Hefɛ̀r be èfìɔa 18Àfɛk be èfìɔa, Lasarɔ̀n be èfìɔa 19Madɔ̀n be èfìɔa, Hasɔ̀n be èfìɔa 20Simrɔ̀n-Mɛrɔ̀n be èfìɔa, Aksàf be èfìɔa 21Tanàk be èfìɔa, Mègidò be èfìɔa 22Kedɛ̀s be èfìɔa, Yɔknèam be èfìɔa lè Karmèl be ètoa ji 23Dɔr be èfìɔa lè Dɔr be gbàjàa ji, Gòim be èfìɔa lè Galilea be èdùa mè 24Tirsà be èfìɔa. Èfìɔ kèwo wo crɔ̃a kpata lè ègbã-vɔ-ɖèka

Currently Selected:

Yosùa 12: GEN

Highlight

Copy

Compare